নেস্নেল কোওপরেতিব কঞ্জ্যুমর্স ফেদরেসন ওফ ইন্দিয়া লিমিতেদ (NCCF)না প্রাইস স্তেবিলাইজেসন ফন্দগী মখাদা লৌশিনবা তিল্হৌ MT ১,৬০০ (BCN ৱেগন ৪২ হায়বদি ত্রক ৫৩রোম) নাসিক্তগী দিল্লী NCR ফাওবা কন্দা ফাস্ত ত্রেন্না পুরক্লি হায়না ভারত লৈঙাক্কী দিপার্তমেন্ত ওফ কঞ্জ্যুমর এফ্যার্সনা লাউথোকখ্রে‍। প্রাইস স্তেবিলাইজেসন ইন্তরভেন্সনগী মখাদা তিল্হৌ বল্ক ওইনা রেল রেক্না পুথোক পুশিন তৌবা হন্দক্না অহান্বনি‍। তিল্হৌগী সিপমেন্ত অসি ওক্তোবর ২০, ২০২৪দা য়ৌরক্লগনি অমসুং দিল্লী-NCRদা স্তোক অসি থাদোক্তুনা কুমহৈ হরাওগী মতমসিদা কঞ্জ্যুমরশিংদা মরাং কায়না ফংবগী চাং হেনগৎহল্লগনি‍।

শ্রীমতী নিধী খারে, সেক্রেতরী, দিপার্তমেন্ত ওফ কঞ্জ্যুমর এফ্যার্স, ভারত লৈঙাক্না, পাউগী মীফম অমদা, দিসপোজেলগী খোঙজেল হেনগৎহন্নবা অহেন্বা লমথুংফমশিং হাপচিনবগা লোয়ননা তিল্হৌ পুথোক পুশিন তৌবগী থৌওংদা রেলৱেজ শীজিন্নবগী চাং হেনগৎহল্লগনি হায়না পাউদমখি‍। রেল রেক্তা লখ্নৌ অমসুং বরানসীদা সিপমেন্ত থাবগী মতম নুমিৎ খরনিসিদা লেপ্লগনি‍। দিপার্তমেন্ত অসিনা ইন্দিয়ন রেলৱেজকী মফমদা নাসিক্তগী (১) NJP: নিউ জলপাইগুরী (সিলিগুরি), (২) DBRG- দিব্রুগর, (৩) NTSK- নিউ তিন্সুকিয়া, অমসুং (৪) CGS: চংসারি য়াওনা অৱাং-নোংপোক্কী তোঙান তোঙানবা মফমশিংদা তিল্হৌ রেকশিং পুবা য়াহন্নবা হায়খ্রে‍। মসিনা ভারতকী তোঙান তোঙানবা মফমশিংদা তিল্হৌ মরাং কায়না ফংহন্দুনা কঞ্জ্যুমরশিংদা চুনবা মমলদা ফংহনগনি‍।

লৈঙাক্না চহি অসিগী মমল কায়হন্দনা থম্নবগী বফরগী ওইনা রবি তিল্হৌ তন লাখ ৪.৭ লৌশিল্লে, অমসুং রিতেল সেলদা কেজিদা লুপা ৩৫ অমসুং লৈবাকসিগী অচৌবা কৈথেলশিংদা বল্ক সেলদা সেপ্তেম্বর ৫, ২০২৪দগী থাদোকপা হৌরে‍। হৌজিক ফাওবদা, লম্বীদা ত্রক্না পুদুনা নাসিক অমসুং অতৈ সোর্স সেন্তরশিংদগী কঞ্জ্যুমিং সেন্তরশিংদা বফরদগী তিল্হৌ MT ৯২,০০০ থাদোকখ্রে‍। হৌজিক ফাওবদা, NCCF না স্তেত ২১দা লমথুংফম ৭৭ অমসুং NAFED না স্তেত ১৬তা লমথুংফম ৪৩ তিল্হৌ থাদোক্নবগীদমক কোনশিল্লে‍। এজেন্সীশিং অসিনা SAFAL, কেন্দ্রিয় ভন্দার অমসুং রিলাইএন্স রিতেলনচিংবা রিতেল চেনশিংগা কঞ্জ্যুমরশিংদা কেজিদা লুপা ৩৫গী চাংদা তিল্হৌ ফংহন্নবা খোঙবু ওইরি‍। মসিগী মথক্তা, তিল্হৌ MT ৮৬,৫০০ রিতেল দিস্ত্রিব্যুসনগীদমক স্তেত লৈঙাক/কোওপরেতিব সোসাইতী ৯দা ফংহনখ্রে‍।

তিল্হৌ থাদোকপা হৌখিবদগী হৌজিক ফাওবদা, তিল্হৌ মমল হায়গৎলকপা নীংথিনা লাকশিন্বা ঙম্লে‍। UP, হরিয়ানা, ওরিসা, পঞ্জাব, ঝার্খন্দ, অমসুং তেলঙ্গনাগুম্বা অচৌবা স্তেতশিংদা লৈরিবা রিতেল মমলগী চাংচৎ সেপ্তেম্বর ২০২৪গী অহান্বা চয়োলগা চাংদম্নবদা হন্থরক্লে‍। লসলগাওদা লৈরম্বা মন্দী মমলসু সেপ্তেম্বর ২৪দা কেজিদা লুপা ৪৭ লৈরম্বদগী ওক্তোবর ১৫, ২০২৪দা কেজিদা লুপা ৪০দা হন্থরক্লে‍।

রেল রেক্না তিল্হৌ বল্ক ওইনা পুথোক পুশিন তৌনবা NCCF না পায়খৎলক্লিবা থৌশিল অসি কৈথেলদা তিল্হৌ মরাং কায়না ফংহন্নবা পায়খৎপা মশক থোকপা থৌরাং অমনি‍। রেলৱে মোদনা মমল চঙদনা অমসুং খোঙজেল য়াঙনা কঞ্জ্যুমিং সেন্তরশিংদা তিল্হৌ পুবা য়াহল্লি‍। হায়রিবা মতিং লৈবা পুথোক পুশিনগী পাম্বৈ অসিনা তোঙান তোঙানবা মফমশিংদা তিল্হৌ মতম চানা অমসুং থাজবা য়াবা মওংদা ফংহনগনি‍।

খামেন অশিন্বীগী মতাঙদা, সেক্রেতরী, কঞ্জ্যুমর এফ্যার্সনা হন্দক্তা মমল হাইগৎলক্লিবা অসি অন্ধ্র প্রদেশ, কর্নাতকা, অমসুং মহারাস্ত্রনচিংবা খামেন অশিন্বী পুথোকপা মরুওইবা মফমশিংদা নোং কা হেন্না তাখিবা অমসুং নুংশিত্তা ঈশিং মনিলগী চাং ৱাংনা য়াওখিবননি হায়খি‍। নোঙ-চিংগী ফীভম ফত্তবা অমসুং অকক্নবা মফম খরদা তিল তাবগী চাং হেনখিবনা লোকপদা অমসুং খামেন অশিনবী পৈশিন্দুনা থম্বদা অচৌবা শাফু পীখি‍। সপ্লাইগী ফীভম অসি মহারাস্ত্র অমসুং মধ্য প্রদেশতগী লাকপগী চাং হেনগৎলকপগা লোয়ননা নুমিৎ খরনিসিদা ফগৎলক্লগনি অমসুং মসিনা খামেন অশিনবীগী মমলসু হন্থহল্লগনি‍।

***