মঙাশুবা গ্লোবেল স্তেন্দর্দ্স সীম্পোজিয়ম (GSS-24) ঙসি এসিয়া-পেসিফিক রিজন্দা অহান্বা ওইনা, নই দিল্লীদা লোইশিনখ্রে‍। ইন্তরনেস্নেল তেলিকম্ম্যুনিকেসন য়ুনিয়ন (ITU)না পাঙথোকপা অমসুং ভারত লৈঙাক্কী দিপার্তমেন্ত ওফ তেলিকম্ম্যুনিকেসন্সনা থৌবু ওইবা শিংথানিংঙাই ওইরবা সীম্পোজিয়ম অসিনা দিজিতেল ত্রান্সফোর্মেসনগী তুংলমচৎ অমসুং নৌনা থোরক্লিবা তেক্নোলোজীশিংগী মথঙগী ইথক অসি লৈহনবদা মালেমগী স্তেন্দর্দ্সকী মরুওইবা থৌদাং খন্ননবা মালেম পুম্বদগী মকোক থোংবা পোলিসীমেকর, ইনোভেতর অমসুং এক্সপর্ত ১৫০০ রোম রেকোর্দ ওইনা পুনশিল্লি‍।

লোইশিনবগী থৌরমদা ৱা ঙাংলদুনা, দোক্তর চন্দ্র সেখর পেম্মাসনি, কম্ম্যুনিকেসন্স অমসুং রুরেল দিভেলপমেন্তকী রাজ্য মন্ত্রীনা ইকায়খুম্নরবা প্রধান মন্ত্রী শ্রী নরেন্দ্র মোদীগী লমজিং মখাদা ভারতনা হান্না খন্নরুদবা চাংদা অওনবা পুরকপা ঙমদুনা হৌজিক্তি মালেম্না শকখঙনরি হায়খি‍। মালেমগী স্তেন্দর্দ্স শেমগৎপা হায়বসি, মফম পুম্নমক্কী মথৌ তাবশিং মমি তাহন্দুনা অমসুং চাওখৎলক্লিবা লৈবাকশিংনা শরুক য়াহন্নবা পুক্নিং থৌগত্তুনা পুম্নমক কোনশিন্বা অমসুং দিমোক্রেতিক ওইবা মওংদা ওইহনগদবনি হায়না মহাক্না হায়খি‍। “ঐখোয়না শিংথানিংঙাই ওইরবা সীম্পোজিয়ম অসি লোইশিল্লকপদা, ঐখোয়না শেমগৎলিবা স্তেন্দর্দ অসি শুপ্নতগী তেক্নিকেল স্তেন্দর্দ্সখক ওইবতা নত্তনা মখোয় অসিনা মোরেল কম্পাস ওইদুনা ঐখোয়বু অপুন্বা মালেমগী খোঙজেল অমগী মায়কৈদা লমজিংগনি হায়না ঐনা থাজবা থম্লি‍। ভারতনা খোঙচৎ অসি মশা মথন্তা চৎপগী মহুত্তা ময়াম পুম্নমক্কা খোঙবু ওইদুনা চৎমিন্ননবা থৌরাং তৌদুনা লৈরে,” হায়না মন্ত্রীনা হায়খি‍।

“চার্তিং দি নেক্স দিজিতেল ৱেব: ইমর্জিং তেক্নোলোজিজ, ইনোভেসন, এন্দ ইন্তরনেস্নেল স্তেন্দর্দ্স” হায়বা হীরমদা য়ুম্ফম ওইদুনা পাঙথোকখিবা সীম্পোজিয়ম অসিনা নৌনা থোরক্লিবা তেক্নোলোজীশিংগী গভর্নেন্স অমসুং স্তেন্দর্দাইজেসনগী লমদা মপুং ফাবা অমসুং মাঙদা মীৎয়েঙ থম্বা লম্বী অমগী মথৌ তাবা ফংহল্লি‍। GSS না তেক্নোলোজী অমসুং স্তেন্দর্দাইজেসনগী খ্বায়দগী মরুওইবা ৱাফমশিংগী মরমদা খন্ননবা অমসুং তেংবাংননবা ফম্পাক অমা পীরিবা অৱাংবা থাক্কী ফোরম অমা ওইরি‍।

কম্ম্যুনিকেসন্স অমসুং দিভেলপমেন্ত ওফ দি নোর্থ ইস্তর্ন রিজনগী কেন্দ্র মন্ত্রী, জ্যোতিরদিত্য এম. সিন্দিয়ানা থৌরম অদু অয়ুক্তা হৌদোকখিবনি‍। হৌদোকপগী থৌরমদা পীখিবা ৱারোলদা, মহাক্না মালেমগী নুংঙাই য়াইফবা পুরকপদা ভারতনা সাইন্স, ইনোভেসন অমসুং চৎন-কাঙলোনশিংগী লমদম অমা ওইবগী রেকোর্দ পল্লদুনা তেলিকম্ম্যুনিকেসন্স অমসুং দিজিতেল ইনোভেসন মালেমগী মফম অমা ওইনা ভারতনা লৌরিবা থৌদাংবু শিংথাখি‍।

সীম্পোজিয়ম অদুদা ইনোভেসন অমসুং দিজিতেল পব্লিক ইনফ্রাস্ত্রকচরগী তুংলমচত্তা মীৎয়েঙ থমদুনা ইন্দস্ত্রী লুচিংবশিং অমসুং মন্ত্রীশিংগী মরক্তা তেংবাংনবগী মরী শেমগৎপা অৱাংবা থাক্কী থৌরম অমা য়াওখি‍। থৌরম অদুদা AI গভর্নেন্সকী অচৌবা মালেমগী স্তেন্দর্দ্স অমা লৈহন্নবা ৱাফম থম্নখ‍ি‍। সীম্পোজিয়ম অদুনা চাওখৎলবা অমসুং চাওখৎলক্লিবা লৈবাকশিংগী মরক্তা লৈরিবা স্তেন্দর্দকী অহোবা মেনশিন্দুনা পুম্নমক্তা তেক্নোলোজী থোং মান্ননা ফংহন্নবা মথৌ তাবা ৱাফমশিং ফোঙদোক্নখি‍।

মরুওইবা সেসনশিংনা পব্লিক সর্ভিস অমসুং ইন্দস্ত্রীদা ওপন-সোর্স তেক্নোলোজীশিং, ব্লোকচেন-বেজ ওথেন্তিকেসনগী থৌদাং অমসুং AI অমসুং মেতাভর্সনা পীরিবা ইথিল খন্নদুনা, হেন্না ইনক্লুজিব ওইবা তেক ইকোসিস্তেম অমা শেমগৎনবা দিভেলপরশিংগা খুৎশম্ননা চৎমিন্ননবা ৱাফম ফোঙদোক্নখি‍। থৌরম অদুদা কন্সেন্সস-বেজ স্তেন্দর্দ্সনা কমদৌনা তোঙান তোঙানবা সেক্তরশিংদা ইনোভেসন পুরকপা ঙমগনি অমসুং তেক্নোলোজীগী লমদা খুমাঙ চাওশিলহন্বা ঙমগনি হায়বগী মরমদা খন্নখিবা AI স্তেন্দর্দ্স সম্মিত অমসু পাঙথোকখি‍।

দোক্তর রাজকুমার উপধ্যায়, চীফ একজেক্যুতিব ওফিসর, সেন্তর ফোর দিভেলপমেন্ত ওফ তেলিমেতিক্স (C-DoT) না GSS2024গী থৌরম মপু ওইনা শরুক য়াখি‍। ভারতনা সীম্পোজিয়ম অসি লুচিংদুনা পাঙথোকপা হন্দক্না অহান্বনি‍। সীম্পোজিয়ম অদু মালেমগী ওইনা দিজিতেল ত্রান্সফোর্মেসন পুরকপদা মালেমগী স্তেন্দর্দ্সনা লৌরিবা মরুওইবা থৌদাংগী মরমদা নীংথিনা পন্বা মতিক লৈবা আউতকম দোকুমেন্ত অমা পুথোক্তুনা লোইশিনখি‍। দোক্তর উপধ্যায়না লান্থোকখিবা মরুওইবা মহৈশিং অদুদা য়াওরিবশিংদি:

১. দ্রাইভিং দিজিতেল ত্রান্সফোর্মেসন: আউতকম দোকুমেন্ত অদুনা মালেমগী স্তেন্দর্দপু মালেমগী ওইনা দিজিতেল ত্রান্সফোর্মেসন পুরক্নবগী পাদম অমা ওইনা শক্তাক্লি‍।

২. য়ুনাইতিং গ্লোবল লীদর্স: GSS-24না ইন্দস্ত্রী জাইন্ত অমসুং পোলিসীমেকরশিংবু কত্তিং-এদ্জ তেক্নোলোজীশিংদা স্তেন্দর্দ্সনা পীরিবা ইথিল খন্ননবা পুনশিলহনখি‍।

৩. ইনোভেসন থ্রু স্তেন্দর্দ্স: AI স্তেন্দর্দ্স সম্মিতনা কন্সেন্সস-বেজ স্তেন্দর্দ্সনা কমদৌনা তোঙান তোঙানবা সেক্তরশিংদা ইনোভেসন পুরকপা ঙমগনি অমসুং তেক্নোলোজীগী লমদা খুমাঙ চাওশিলহন্বা ঙমগনি হায়বা উৎখি‍।

৪. ব্রিদজিং দি গেপ: সীম্পোজিয়ম অসিনা চাওখৎলবা অমসুং চাওখৎলক্লিবা লৈবাকশিংগী মরক্তা লৈরিবা স্তেন্দর্দকী অহোবা মেনশিন্দুনা পুম্নমক্তা তেক্নোলোজী থোং মান্ননা ফংহনবগগী মথৌ তাবা ৱাফমশিং ফোঙদোক্নখি‍।

৫. হার্নেসিং AI এন্দ দি মেতাভর্স: GSS-24না পব্লিক সর্ভিস অমসুং অর্বান প্লান্নিংদা AI অমসুং মেতাভর্সতা লৈরিবা অওনবা পুরকপগী মতিংবু নৈনদুনা ITU গী মফমদা গ্লোবেল ইনিসিএতিব্স ওন ভর্চুএল ৱর্ল্দ্সকুম্বা থৌশিলশিং মপাঙ্গল কনখৎহন্নবা ৱাফম থমখি‍।

৬. এসেলেরেতিং SDGs: থৌরম অদুদা UN সস্তেনেবল দিভেলপমেন্ত গোলশিং ফংদুনা তুং কোইগদবা দিজিতেল ত্রান্সফোর্মেসনগী লম্বী য়াৎপদা মালেমগী স্তেন্দর্দ্সনা লৌরিবা মরুওইবা থৌদাংশিং নৈনখি‍।

৭. হায়-লেবেল দাইলোগ্স: হান্না থৌরাং তৌরুদবা অৱাংবা থাক্কী থৌরম অমনা ইনোভেসন অমসুং দিজিতেল পব্লিক ইনফ্রাস্ত্রকচরগী তুংলমচত্তা মীৎয়েঙ থমদুনা ইন্দস্ত্রী লুচিংবশিং অমসুং মন্ত্রীশিংগী মরক্তা খুৎশম্ননা চৎমিন্ননবা লম্বী য়াৎখি‍।

৮. এস্তাব্লিসিং AI গভর্নেন্স: GSS-24 না AI ফোর গুদ অমসুং AI ফোর স্কিল্স কোএলিসন অসিগুম্বা থৌশিলশিং পুক্নিং থৌগত্তুনা AI গভর্নেন্সকী অচৌবা মালেমগী স্তেন্দর্দ্স অমা থম্নবা ৱাফম ফোঙদোক্নখি‍।

৯. এম্পৱারিং ওপন সোর্স: সীম্পোজিয়ম অসিনা ইনোভেসন পুরকপদা ওপন-সোর্স সোফ্তৱেয়রগী মরুওইবা থৌদাং শকখঙলদুনা হেন্না মপুং ফাবা তেক ইকোসিস্তেম অমা শেমগৎনবা দিভেলপরশিংগা খুৎশম্ননা চৎমিন্ননবা ৱাফম থম্নখি‍।

১০. সেলেব্রেতিং স্মার্ত সিতিজ: GSS-24না ITU, UNECE, অমসুং UN-Habitatনা লমজিংবা য়ুনাইতেদ ফোর স্মার্ত সস্তেনেবল সিতিজ (U4SSC) থৌশিলগীদমক লেপ্লিবা খোঙফমশিং চেৎশিনহল্লিবা, স্মার্ত অমসুং সস্তেনেবল ইনিসিএতিবশিংদা মাঙজিল থারিবা সিতীশিংবু শকখঙখি‍।

গ্লোবেল স্তেন্দর্দ্স সীম্পোজিয়ম ২০২৪ অসিনা মালেমগী ওইনা খুৎশম্নবা অমসুং স্তেন্দর্দাইজ তৌবনা মতৌ করম্না ইনক্লুজিব গ্রোথ লৈহন্বগা লোয়ননা ইনোভেসন পুরকই হায়বা উত্তুনা নৌনা থোরক্লিবা তেক্নোলোজীশিংগী তুংলমচৎকী য়ুম্ফম মায় পাক্না থোল্লে‍। সীম্পোজিয়ম অসিগী আউতকম দোকুমেন্ত অসিনা, নই দিল্লীদা ওক্তোবর ১৫-২৪, ২০২৪দা পাঙঙথোক্কদৌরিবা ৱর্ল্দ তেলিকম্ম্যুনিকেসন স্তেন্দর্দাইজেসন এসেমব্লী (WTSA-24)দা খন্ননবা য়ুম্ফমসু থোল্লম্লে‍।

****