ঙসি প্রধান মন্ত্রী শ্রী নরেন্দ্র মোদীনা ভিয়েন্তিয়ানদা লাওগী প্রধান মন্ত্রী সোনসয় সিফান্দোনগা লোয়ননা লৈবাক অনিগী ওইবা ৱাফমশিংদা ৱারি শান্নখ্রে। ২১শুবা অসিয়ান-ইন্দিয়া সম্মিৎ অমসুং ১৯শুবা ইস্ত এসিয়া সম্মিৎ মাইপাক্না পাংথোকপগীদমক মহাক্না লাওগী প্রধান মন্ত্রী থাগৎপা ফোঙদোকখ্রে।

ভারত-লাওস সভেত্যাগী মরীশিং অমসুং হৌজিক লৈনরিবা মরীশিং মখা তানা ফগৎহন্নবা প্রধান মন্ত্রী অনিনা কান্নবা ৱাফম কয়া খন্নখি। চাউখৎ-থৌরাং, কেপাসিতি বিল্দিং দিজাস্তর মেনেজমেন্ত, রিন্যুএল ইনর্জি, হেরিতেচ শেমজিনবা, শেন-থুমগী মরীশিং, ঙাক-শেনগী মতেং পাংনবা অমসুং মীগা মীগা লৈনবা মরীশিং য়াওনা লৈবাক অনি মতেং পাংন্নবা তোঙান-তোঙানবা হিরমশিং মখোয়না খন্নখি। তাইফুন য়োগী মতুংদা ভারতনা লাওগা ঈশিং ইচাওগী মতেং পাংলকপগীদমক প্রধান মন্ত্রী সিফান্দোন্না প্রধান মন্ত্রী মোদী থাগৎপা ফোঙদোকখি। লৈবাক অনিগী মরীশিংগী অখন্নবা শক্তম অমা ওইনা, আর্কিওলোজিকেল সর্ভে ওফ ইন্দিয়া (এ এস আই)গী মতেংগা লোয়ননা য়ুনেস্কো ৱার্ল্দ হেরিতেচ সাইত অমা ওইরবা ভাত ফৌ অমুক হন্না শেমজিন্নবা অমসুং ঙাক-শেন্নবা থবক পায়খৎলিবা অসি লুচিংবশিংনা খন্নখি।

লমদম অসিগী অমসুং মালেমগী ওইবা ফম্বাকশিংদা লৈবাক অনিগী মরক্তা য়াম্না নক্না মতেং পাংনবদা প্রধান মন্ত্রী অনিনা অপেনবা ফোঙদোকখি। মালেমগী থাক্তা ভারতনা লৌরিবা থৌদাং প্রধান মন্ত্রী সিফান্দোন্না অমুক হন্না পনখি। চহি ২০২৪ দা লাওনা অসিয়ানগী চিয়ারমেন ওইবদা ভারতনা মপুংফানা শৌগৎলি।

ৱারি শান্নবা লোইরবা মতুংদা, ঙাক-শেন, ব্রোদকাস্তিং, কস্তমস ওপরেসন অমসুং মেকোং-গঙ্গা কোওপরেসনগী মখাদা কুইক ইম্পেক্ত প্রোজেক্ত (ক্বিউ আই পি) অহুমগী লমদা এম.ও.য়ুশিং/য়ানচেশিং লুচিংবা অনিগী মমাঙদা খুৎশীন্নখ্রে। কুইক ইম্পেক্ত প্রোজেক্ত অসিদা লাও রমায়নগী হেরিতেচ ঙাক-শেনবা, ৱাত পাকিয়া বুদ্ধিস্ত লাইশঙদা লৈরিবা রমায়নগা মরী লৈনবা মুরেলশিং অমুক হন্না শেমজিনবা অমসুং চম্পাশক প্রোবিন্সতা রমায়নগী সোদো পপ্পেত্রি থিয়েতর মতেং পীবা য়াওরি। কুইক ইম্পেক্ত প্রোজেক্ত অমমমদা ভারত সরকারনা য়ু.এস.দোল্লর ৫০০০০  পীগনি। লাওদা মচি ওইবা চীঞ্জাক মরাংকাইনা ফংহন্নবা ভারতনা য়ু.এস দোল্লর মিল্লিয়ন ১ গী মতেং পীগনি। মতেং অসি ইন্দিয়া য়ু.এন দিবলপমেন্ত পার্তনরশিপ ফন্দগী মখাদা পীগদবনি অমসুং ফন্দ অসিনা খা-নোংপোক এসিয়াদা অসিগুম্বা প্রোজেক অমদা পীবা অসিনা হন্দক্কী অসিনা অহানবনি। এম.ও.য়ুশিং, য়ানচেশিং অমসুং লাউথোকখিবশিংগী অকুপ্পা মরোলশিং মফম অসিদা ফংগনি।

***