কেন্দ্রগী হকশেল মন্ত্রালয়না ঙসি ৱর্ল্দ মেন্তেল হেল্থ দেগী নুমিৎতা রাজ্য (তেলি মানস) শিনবা থুংনা নেস্নেল তেলি মেন্তেল হেল্থ প্রোগ্রাম, তেলি মেন্তেল হেল্থ এসিস্তেন্স  এন্দ নেৎৱার্কিংনা চহি অনি মপুং ফাবগী থৌরম পাংথোকখ্রে। চহি অসিগী ৱর্ল্দ মেন্তেল হেল্থ দেগী থিম অসি: “থবক মফমদা মেন্তেল হেল্থ মরু ওইনা লৌবা মতম ওইরে’।

MoHFWগী এদিস্নেল সেক্রেতরী অমসুং নেস্নেল হেল্থ মিসন (NHM) গী মেনেজিং দিরেক্তর শ্রীমতি অরাধনা পৎনায়কনা তেলি মানস এপ অমসুং তেলে মানস ভিদিও কোল ফেসিলিতী অসি ৱর্ল্দ হেল্থ ওর্গনাইজেসন (WHO)গী ভারতকী মীহুৎ, দা. রোদেরিকো ঐচ ওফ্রিন, MOHFWগী জোইন্ত সেক্রেতরী, সৌরভ জৈন, নেস্নেল ইন্সতিত্যুৎ ওফ মেন্তেল হেল্থ এন্দ ন্যুরো সাইন্স (NIMHANS)গী দিরেক্তর, দা. পার্তিমা মুর্তী অমসুং মন্ত্রালয় অসিগী অতোপ্পা সেনিয়র ওফিসরশিংনা শরুক য়াদুনা হৌদোকখি।

তেলি মানস এপ অসি মেন্তেল হেল্থকী ইসুশিংদা সপোর্ত পীনবগীদমক শেমগৎখিবা মপুং ফাবা মোবাইল প্লেতফোর্ম অমনি। এপ অসিদা সেল্ফ-কেয়রগী মতাংদা তিপস, দিস্ত্রেস সিগনেলশিং মশক খঙদোকপা, স্ত্রেসকী অঙনবা খুদমশিং, অকিবা অমসুং পুক্নিংগী অৱাবশিং মেনেজ তৌবা য়াওনা ইনফোর্মেসনগী লাইব্রেরী অমা য়াওরি। মসিনা য়ুজর-ফ্রেন্দলী ওইবা এক্সপরিয়েন্স অমা পীরবা মাইন্দ চেলেঞ্জশিং, গেমশিং অমসুং মাইন্দফুলনেস প্রেক্তিসশিংগী খুত্থাংদা য়ুজরগী থৌদাং লৌবদা মতেং পাংই। এপ অসিনা য়ুজরশিংবু তশেংনা কন্নেক্ত তৌবদা মতেং পাংগনি অমসুং ভারত শিনবা থুংনা ত্রেন তৌরবা মেন্তেল হেল্থ প্রোফেস্নেলশিংগী খুত্থাংদা 24x7 তা তঙাইফদনা কাউন্সেলিংগীদমক কনফিদেন্সিএল মেন্তেল হেল্থ সপোর্ত ফংহনগনি।

তেলে মানসতা ভিদিও কন্সল্তেসন অসি হান্ননা লৈরম্বা ওদিও কোলিং ফেসিলিতীদা অতোপ্পা অপগ্রেদ অমনি। মসি হিস্তরি লৌবা অমসুং ক্লিরিফিকেসনগী শরুক অমা ওইনা কোল তৌরিবা মীওই অদুগী মতাংদা অহেনবা ইনফোর্মেসন ফংনবগীদমক্তা ওদিও কোলগী এস্কেলেসন মেন্তেল হেল্থ প্রোফেস্নেলশিংনা পাংথোক্কনি। মসিনা অতেনবা ফিজিকেল ইগজামিনেসন নত্ত্রগা মেন্তেল স্তেৎ এগজামিনেসন (MSE) তৌদুনা কোল্লর অদুনা ফংলকপা খুদোংচাবশিংদু কনফর্ম তৌবা ঙমহল্লি। মসিগী ফেসিলিতী অসি অহানবদা কর্নাতকা, জম্মু অমসুং কাশ্মীর অমসুং তামিল নাদুদা হৌদোক্লগনি অমসুং মতুং তারকপদা লৈবাক শীনবা থুংনা পাকথোক চাউথোকহল্লগনি।

মহাক্কী হৌদোক ৱারোলদা শ্রীমতী অরাধনা পৎনায়কনা হায়খি মদুদি "মেন্তেল হেল্থ অসি হকশেলগী মরুওইবা অমনি অমসুং মীওইশিং, ইমুং-মনুংশিং অমসুং কম্ম্যুনিতীশিংবু মখোয়গী খ্বাইদগী ৱাংবা থাক্তা মথৌ পাংথোকপা, মপুং ফানা থবক তৌবা অমসুং খুন্নাইদা মতেং পাংবদা মরুওইবা থৌদাং অমা লৌরি। ফত্তবা ৱার্ক এনভাইর্নমেন্ত অমসুং অতৈ নুংঙাইতবা থবক শুবগী ফিভমশিংনা মীওই অমগী মপুং ওইবা হকশেল, য়াইফ-থৌরাং, মেন্তেল হেলথ, অমসুং থবক শুবদা শরুক য়াবা নত্ত্রগা প্রদক্তিবিতীদা অকাইবা পী। থবক মফমদা হেন্না পোত্থোক পুথোকপা ঙমহন্নবগীদমক্তা অফবা থবক শুবগী ফিভম অমা শেম্বা অমসুং থবক অমসুং পুন্সিগী মরক্তা বেলেন্স ওইনা লৈবা মথৌ তাই।“

মহাক্না হায়খি মদুদি তেলি মানসনা হৌদোকখিবা মতমদগী হৌনা কোল লাখ 14.5 হেন্না পায়খৎতুনা মশক থোকপা মাইলস্তোন অমা য়ৌরে।

এদোলেসেন্ত মেন্তেল হেল্থকী মরুওইবা অমসুং এদোলেসেন্ত পোপুলেসন্না মায়োক্নরিবা ইসুশিং অদু পল্লদুনা শ্রীমতী পৎনায়কনা হায়খি, “তেলি মানস এপকী মতাংদা এৱেরনেস পীনবগীদমক ইনফোর্মেসন, এজুকেসন অমসুং কম্ম্যুনিকেসন (IEC) গী তঙাই ফদবা লৈ”।

থবক মফমদা মেন্তেল হেলথকী মতাংদা ভারত্তা লৈরিবা WHOগী মীহুৎ দা রোদেরিকো ঐচ. ওফ্রিন্না হায়খি মদুদি জেন্দর ইনইক্বিতী, ইকায়খুম্নদবা অমসুং মতেং পাংদবা মরুপ-মপাংশিং, ৱার্ক-লাইফ বেলেন্স লৈতবা অমসুং থবক্তা অপেনবা পোকপা ঙমদবা অসিগুম্বা ইসুশিংনা থবক মফমদা লৈরিবা এমপ্লোয়ীশিংদা মেন্তেল হেল্থকী শীংনবশিং থোকহল্লি। মহাক্না এমপ্লোয়রশিং অমসুং মেনেজরশিংনা সপোর্তিব ৱার্ক এনভাইর্নমেন্ত অমা শেমগৎপগী থৌদাং অদু মরুওই  হায়খি।

তেলি-মানসকী চহি অনি মায়পাক্না পায়খৎলকপগীদমক মন্ত্রালয়বু থাগৎপা ফোংদোক্লদুনা মহাক্না হায়খি মদুদি “তেলি-মানসকী WHO গী রিভিয়ু অসিনা মেন্তেল হেল্থকী মায় পাকপা মোদেল অমা উৎলি। মসিনা অফবা থবক তৌবগী ওইথোকপা লৈ। প্রাইমরী হেল্থকেয়র মরুওইনা আয়ুশ্মান আরোগ্য মন্দিরশিংনা মীয়ামগী মেন্তেল হেল্থ অমসুং য়াইফ-থৌরাং ফগৎহনবদা মায় পাক্লি। মহাক্না থবক মফমশিংদা মেন্তেল হেল্থ হেনগৎহন্নবা স্তেকহোল্দর পুম্নমক্কী অপুনবা হোৎনবগী মরুওইবা অদুসু পনখি।

তেলি মানসনা লৈবাক অসিগী মেন্তেল ৱেল-বিং ফগৎহন্নবা সরকারনা হোৎনরিবা অদু উৎলি। তেলি মানসকী তোল ফ্রি হেল্পলাইন নম্বর 14416 নত্ত্রগা 1-800-891-4416না লোল 20দা মল্তি-লেংগ্বেজ সপোর্ত পীরি অমসুং কোল্লর অমসুং মেন্তেল হেলথ প্রোফেস্নেলশিংগী মরক্তা পাউ ফাওনবদা য়াম্না মরুওই ওইবা থৌদাং লৌরি।

ৱর্ল্দ হেল্থ ওর্গনাইজেসন (WHO) না তেলি মানসকী রিপোর্ত রেপিদ এসেসমেন্ত অমসুং এমপ্লোয়ীশিংগীদমক সেল্ফকেয়র মোদ্যুল তেকিং চার্জ ওফ য়োর মেন্তেল হেল্থ – বিকোস ইৎ মেত্তর্স ' হায়না মিংথোনবা অদুসু থৌরম অদুদা ফোংখি।

তেলি মানসকী থবক পাংথোকপা অমসুং খুমাং চাউশিল্লকপগী চাং য়েংশিন্নবা, MoHFWনা WHO ইন্দিয়া, ৱর্ল্দ হেল্থ ওর্গনাইজেসন (WHO) রিজনেল ওফিস ফোর সাউথ-ইস্ত এসিয়া (WHO SEARO), WHO হেদ-ক্বার্তর অমসুং NIMHANS গা খুৎশম্নদুনা অথুবা মতমদা এসেসমেন্ত অমা পাংথোকখি। এসেসমেন্ত অসি নেস্নেল দেতা অমসুং রাজ্য মরি/য়ুনিয়ন তেরিতোরী- জম্মু অমসুং কাশ্মীর, কর্নাতকা, মধ্য প্রদেশ অমসুং ওদিশাদগী খোমজিনখিবা প্রাইমরী দেতাগী দেস্ক রিভিয়ুদা য়ুম্ফম ওইখি। রিপোর্ত অসিনা ভারত সরকারগী অনৌবা খোঙথাং অদু থাগৎলি অমসুং তেলি মানসনা মেন্তেল হেল্থ সপোর্ত অমসুং মসিগী মপাঙ্গল লৈবা তেক্নোলোজিকেল আর্কিতেকচর ফংহনবদা ফংলিবা মরুওইবা মাইলস্তোনশিং অদু উৎলি।

“তেকিং চার্জ ওফ য়োর মেন্তেল হেল্থ – বিকোস ইৎ মেত্তর্স” হায়বা ব্রাউচর অসিনা মীওই অমনা মহাক্কী ৱাখলগী হকশেল অমসুং নুংঙাই-য়াইফবগী ফীভম ফনা লৈহন্নবা হোৎনবদা মীৎয়েং থম্লি। ব্রাউচর অসিনা মেন্তেল হেলথগা মরি লৈনবা অরানবা ৱাখল্লোন খরা মুত্থৎনবা হোৎনরি অমসুং মীওই খুদিংমক্না মখোয় মশা-মশানা থিজিনবা য়াবা থৌরাং খরা পীরি। মসিনা থবক মফমদা অৱাবা ফিভমশিং থোকপদগী লৈরকপা স্ত্রেসতা অকক্ননা মীৎয়েং থম্লি।

থৌরম অদুদা হকশেল মন্ত্রালয়, আয়ুশ মন্ত্রালয়, লেবর অমসুং এমপ্লোইমেন্ত মন্ত্রালয়, নেস্নেল ইন্সতিত্যুৎ ওফ মেন্তেল হেল্থ অমসুং ন্যুরো সাইন্সস (NIMHANS), ওল ইন্দিয়া ইন্সতিত্যুৎ ওফ মেদিকেল সাইন্সেস (AIIMS) ন্যু দিল্লী, ইন্সতিত্যুৎ ওফ হ্যুমেন বিহেবিয়র এন্দ এলাইদ সাইন্সেস (IHBAS), WHO, ফেদরেসন ওফ ইন্দিয়ন চেম্বর্স ওফ কম্মর্স এন্দ ইন্দস্ত্রী (FICCI) / কনফেদরেসন ওফ ইন্দিয়ন ইন্দস্ত্রী (CII) অমসুং NAT হেল্থ (হেল্থকেয়র ফেদরেসন ওফ ইন্দিয়া), দিবেলপমেন্ত পার্তনরশিং হায়বদি প্রোগ্রাম ফোর এপ্রোপ্রিএৎ তেক্নোলোজী ইন হেল্থ (PATH) গুম্বা ইন্দস্ত্রী এসোসিএৎশিং, আর্ত ওফ লিভিং ফাউন্দেসন অমসুং আরোগ্য ৱর্ল্দগুম্বা ওর্গনাইজেসনশিং অমসুং জন সহাসগুম্বা সিভিল সোসাইতী ওর্গনাইজেসনশিং য়াওনা তোঙান-তোঙানবা গ্রুপশিংদগী লাকপা মীওইশিংগী পেনেলিস্ত কয়াগা লোয়ননা রাউন্দতেবলগী খন্ন-নৈনবা পাংথোকখি।

সেসনশিং অসিদা খন্ন-নৈনখিবা হিরমশিংগী মনুংদা থবক মফমশিংদা মেন্তেল হেল্থ রেসিলিয়েন্সপু মপাঙ্গল কনখৎহন্নবা পোলিসীশিং অমসুং ফ্রেমৱার্কশিং; ইনফোর্মেল ৱার্কপ্লেসশিংদা মেন্তেল ৱেলবিং/শীংনবশিং, খুদোংচাবশিং অমসুং ইনক্লুসিব সোলুসনশিং; অমসুং প্রিভেন্তিব মেন্তেল হেল্থ- হোলিস্তিক প্রেক্তিসশিংনা মশা-মউ ফনা লৈবদা লৌরিবা থৌদাং য়াওরি। পেনেলিস্তশিংনা মেন্তেল হেল্থ সপোর্ত প্রমোৎ তৌবদা আয়ুশ্মান আরোগ্য মন্দিরশিং (AAM) অমসুং তেলি-মানসকী থৌদাংসু নৈনখি। মসিগী মথক্তা, কেন্দ্রগী হকশেল মন্ত্রালয়না সরকারগী অতোপ্পা মন্ত্রালয়শিংদগী থবক মফমশিংদা মেন্তেল হেল্থতা মতেং পাংনবা থৌরাং তৌদুনা এমপ্লোয়ী এঙ্গেজমেন্ত এক্তিবিতীশিং পায়খৎনবা হোৎনরি।

****