صدر جمہوریہ کا سکریٹریٹ
صدرجمہوریہ ہند نے 70 ویں قومی فلم ایوارڈز عطا کئے
جناب متھن چکربورتی کو دادا صاحب پھالکے لائف ٹائم اچیومنٹ ایوارڈ سے نوازا گیا
فلمیں اور سوشل میڈیا سماج میں تبدیلی لانے کے لئے سب سے طاقت ور ذرائع ہیں:صدر جمہوریہ دروپدی مرمو
Posted On:
08 OCT 2024 7:53PM by PIB Delhi
صدرجمہوریہ ہند،محترمہ دروپدی مرمو نے آج (08 اکتوبر 2024)نئی دہلی میں مختلف زمروں میں 70 ویں قومی فلم انعامات پیش کئے۔انہوں نے جناب متھن چکربورتی کو سال 2022 کے دادا صاحب پھالکے لائف ٹائم اچیومنٹ ایوارڈ سے بھی نوازا۔
اس موقع پر صدر جمہوریہ نے کہا کہ ہماری فلمیں ہمارے معاشرے کے فنکارانہ احساس کی عکاسی کرتی ہیں۔ زندگی بدل رہی ہے۔ فن کے معیارات بدل رہے ہیں۔ نئی امنگیں جنم لے رہی ہیں۔ نئے مسائل جنم لے رہے ہیں۔ نئی بیداری بڑھ رہی ہے۔ ان تمام تبدیلیوں کے درمیان محبت، ہمدردی اور خدمت کی غیر متبدل قدریں آج بھی ہماری انفرادی اور اجتماعی زندگیوں کو بامعنی بنا رہی ہیں۔ ہم ان تمام اقدار کو آج انعامات پانے والی فلموں میں دیکھ سکتے ہیں۔
صدر جمہوریہ نے کہا کہ ہندوستانی سنیما دنیا کی سب سے بڑی فلمی صنعت ہے، جس میں متعدد زبانوں اور ملک کے تمام خطوں میں فلمیں بنتی ہیں۔ یہ آرٹ کی سب سے متنوع شکل بھی ہے۔ انہوں نے تمام ایوارڈ جیتنے والوں کو مبارکباد دی اور فلم انڈسٹری سے وابستہ لوگوں کی تعریف کی۔
صدر جمہوریہ نے جناب متھن چکربورتی کو دادا صاحب پھالکے لائف ٹائم اچیومنٹ ایوارڈ حاصل کرنے پر مبارکباد دی۔ انہوں نے کہا کہ تقریباً پانچ دہائیوں کے اپنے فنی سفر میں متھن جی نے نہ صرف اسکرین پر سنجیدہ کرداروں کو پیش کیا ہے بلکہ اپنی منفرد توانائی سے کئی عام کہانیوں کو بھی کامیابی کے ساتھ پیش کیا ہے۔
صدر جمہوریہ نے کہا کہ اگرچہ ایوارڈ یافتہ فلموں کی زبانیں اور پس منظر مختلف ہو سکتے ہیں لیکن یہ سب ہندوستان کی عکاسی ہیں۔ یہ فلمیں ہندوستانی معاشرے کے تجربات کا خزانہ ہیں۔ ان فلموں میں ہندوستانی روایات اور ان کا تنوع زندہ ہوتا ہے۔
صدر جمہوریہ نے کہا کہ فلمیں اور سوشل میڈیا معاشرے میں تبدیلی لانے کا سب سے طاقتور ذریعہ ہیں۔ یہ میڈیم لوگوں میں بیداری پیدا کرنے میں کسی بھی دوسرے میڈیم کے مقابلے زیادہ اثر ڈالتے ہیں۔ انہوں نے بتایا کہ آج تقسیم کیے گئے 85 سے زیادہ ایوارڈز میں سے صرف 15 ایوارڈ خواتین انعام یافتگان کو ملے ہیں۔ انہوں نے کہا کہ فلم انڈسٹری خواتین کی قیادت میں ترقی کے لیے مزید کوششیں کر سکتی ہے۔
صدر نے نشاندہی کی کہ بامعنی فلموں کو اکثر سامعین نہیں مل پاتے۔ انہوں نے باشعور شہریوں، سماجی تنظیموں اور حکومتوں پر زور دیا کہ وہ سامعین تک بامعنی سنیما کی رسائی کو بڑھانے کے لیے مل کر کام کریں۔
Please click here to see the President's Speech -
************
ش ح۔ ام ۔
(U:1031)
(Release ID: 2063299)
Visitor Counter : 15