ঙসি য়ুনিয়ন হোম মিনিস্তর অমসুং কোওপরেসন মিনিস্তর শ্রী অমিত সাহনা ময়াই তাংবল লৌদুনা নিউ দিল্লিদা লেফ ৱিং এক্সত্রিমিজম(এল দব্লিউ ই) হন্না য়েংশিনবগী মীফম অমা পাংথোকখ্রে। মীফম অদুদা ছতিসগর, মধ্য প্রদেস, মহারাস্ত্রা, ওরিসা অমসুং তেলঙ্গানাগী চীফ মিনিস্তরশিং, বিহারগী দিপুতি চীফ মিনিস্তর অমসুং অন্ধ্র প্রদেসকী হোম মিনিস্তর শরুক য়াখি। লেফ ৱিং এক্সত্রিমিজম্না শোকহল্লবা মফমশিংদা চাউখৎ-থৌরাংগী থবকশিং য়াংশিন্নবা রাজ্যশিংগী মতেং পাংলিবা তোঙান-তোঙানবা মিনিস্ত্রিশিংগী য়ুনিয়ন মিনিস্তরশিংশু মীফম অদুদা শরুক য়াখি। য়ুনিয়ন হোম সেক্রেতরি, দিরেক্তর ইন্তিলিজেন্স ব্যুউরো, দিপুতি নেসনেল সেকুরিতি এদভাইজর, সেন্ত্রেল আর্মদ পুলিস ফোর্সেস অমসুং কেন্দ্র সরকারগী সেনিয়ার ওফিসারশিং, চীফ সেক্রেতরিশিং, পুলিসকী দিরেক্তর জেনেরেলশিং, লেফ ৱিং এক্সত্রিমিজম্না শোকহল্লবা রাজ্যশিংগী সেনিয়র ওফিসিএলশিংশু মীফম অদুদা শরুক য়াখি।

মীফম অদুদা য়ুনিয়ন হোম মিনিস্তরনা হায়খি প্রধান মন্ত্রী শ্রী নরেন্দ্র মোদীগী লমজিং মখাদা, লেফ ৱিং এক্সত্রিমিজম্না শোকহল্লবা রাজ্যশিং য়াম্না নকশিন্ননা থবক তৌমিন্নরি অমসুং ২০২৬ ফাওবগী মনুংদা ঐখোয়না নেক্সালিজম মপুংফানা মুৎথৎনবা ৱারেপ লৌরে। ২০৪৭ ফাওবদা ভারত চাউখৎলবা লৈবাক অমা ওইহন্নবা প্রধান মন্ত্রী শ্রী নরেন্দ্র মোদীনা পান্দম অমা থম্লি অমসুং মসিদা ঐখোয়ঘী ত্রাইবেল ইচিন-ইনাও অমসুং ইচল করোর ৮ গী মরুওইবা থৌদাং লৈরি। বিকসিত ভারতকী অশেংবা ৱাহন্থোক্তি ত্রাইবেল করোর ৮ য়াওনা লৈবাক অসিগী মীওই করোর ১৪০ চাউখৎপগী কান্নবশিং ফংহনবনি। মনুং হুঞ্জিনবা অমসুং ত্রাইবেল ফুরুপশিং চাউখৎহনবদা খ্বাইদগী অপনবা পীরিবা অসি নেক্সালিজমনি। নেক্সালিজম্না লাইরিক-লাইশু তম্বা, অনা-লায়েং, লম্বী-থোং, বেঙ্কিং অমসুং পোস্তেলগী থবকশিং খুঙ্গংশিংদা য়ৌহনবা অপনবা পীরে। খুন্নাইগী খ্বাইদগী শোৎথরবা মীওই ফাওবদা চাউখৎপগী মঙাল য়ৌহন্নবা নেক্সালিজম মপুংফনা মুৎথৎকদবনি।

য়ুনিয়ন হোম মিনিস্তরনা হায়খি ২০১৯ দগী ২০২৪ ফাওবদা নেক্সালিজম থেংনবদা চাউনা মাইপাক্লে। কেন্দ্র অমসুং রাজ্য সরকারশিংনা পুন্না থবক পায়খৎতুনা, লেফ ৱিং এক্সত্রিমিজম্না অমুবা মমি অমা তাহল্লিবা অসি সংবিধানগী হকশিং অমসুং চাউখৎপগী অনৌবা যুগ অমনা মহুৎশিন্নবা ঐখোয়না পান্দম থম্লি। লেফ ৱিং এক্সত্রিমিজম তুমিন্না য়েংদুনা লৈথোক্তনবা থৌরাং অমা লৈরে অমসুং সরকারগী স্কিমশিং চাদা ১০০ মপুংফানা পায়খৎতুনা লেফ ৱিং এক্সত্রিমিজম্না শোকহল্লবা মফমশিং মপুংফানা চাউখৎলবা মফমশিং ওইহল্লগনি।

শ্রী অমিত সাহনা হায়খি লেফ ৱিং এক্সত্রিমিজম্না থেংন্নবা সরকারনা আইনগী নিয়ম অনি শেম্লে। অহানবদা, লেফ ৱিং এক্সত্রিমিজম্না শোকহল্লবা রাজ্যশিংদা আইনগী চৎন-কাংলোন লৈহনবা অমসুং আইন্না য়াদবা হিংশাগী থবকশিং মপুংফানা লেপহনবা।  অনিশুবদা, মতম শাংনা নেক্সালাইত ইহৌ লৈরকপদগী চাউখৎ-থৌরাং থিন্থরবা মফমশিংগী মাঙজবশিং অথুবা মতমদা মেনখৎপা।

য়ুনিয়ন হোম মিনিস্তরনা হায়খি মদুদি চহি ৩০ অসিদা অহানবা ওইনা, অচৌবা মাইপাকপা অমা ওইনা, লেফ ৱিং এক্সত্রিমিজম্না মরম ওইদুনা শিবা মশিং ২০২২ দা ১০০ গী মখাদা লৈরে। ২০১৪ দগী ২০২৪ ফাওবদা নেক্সালগা মরী লৈনবা থৌদোকশিং শিংথাবা য়ানা হন্থরে। মকোক থোংবা নেক্সাল লুচিংবা ১৪ হাৎখ্রে অমসুং খ্বাইগী মনিংদা লেপ্লিবা মীওই অমদা য়ৌনবা সরকারগী য়াইফ-থৌরাংগী স্কিমশিং হেন্না ফজনা পায়খৎলে। লেফ ৱিং এক্সত্রিমিজমগী মায়োক্তা শোক্নরিবা লাল অসি অরোইবা তাঙ্কক য়ৌরক্লে অমসুং মার্চ ২০২৬ ফাওবদা, মীওই খুদিংমক্না মতেং পাংদুনা, চহি কয়া শুরবা লায়না অসি লৈবাক অসিদগী মপুংফানা মুৎথৎলগনি। বুদ্ধা পাহাদ অমসুং চাকারবন্ধাগুম্বা মফমশিং নেক্সালিজমদগী মপুংফানা মনিংতম্লে। ছতিসগরদা লেফ ৱিং এক্সত্রিমিজম কেদরগী চাদা ৮৫ হাৎখ্রে অমসুং হৌজিক নেক্সালিজমদা অরোইবা শাফু অমা পীবা দরকার ওইরে।

শ্রী অমিত সাহনা হায়খি ২০১৯ দগী মোদী সরকারনা লাল্লোং কয়া পায়খৎলে, মসিগী মখাদা অহোবা মফমশিংদা সি.এ.পি.এফশিং থম্লে। মসিগী ফল ওইনা, শুপ্নগী চহি অমদা কেম্প ১৯৪ লিংখৎখি। পুলিস স্তেন ৪৫ লিংখৎতুনা, রাজ্যগী ইন্তিলিজেন্স ব্রাঞ্চশিং ফগৎহন্দুনা অমসুং রাজ্যগী স্পিসিএল ফোর্সশংনা মতেং পাংবদগী সেকুরিতিগী অহোবশিং মেনখৎলে। হেলিকোপ্তরশিং শীজিন্নবদগী ঐখোয়গী লান্মীশিংগী মরক্তা অশি-অনা য়াওবা মশিং হন্থরে। মমাঙদা ফোর্সশিংগীদমক হেলিকোপ্তর অনি খক শীজিন্নরমখি, অদুবু ঙসিদি বি.এস.এফকী ৬ অমসুং এয়র ফোর্সকী ৬ য়াওনা পুন্না হেলিকোপ্তর ১২ শীজিন্নরে।

নেক্সালিজম মাইপাক্না থেংনবদা মাইপাকপগীদমক ছতিসগর সরকার থাগৎপা ফোঙদোক্লদুনা য়ুনিয়ন হোম মিনিস্তরনা হায়খি জনুৱারি ২০২৪ দগী ছতিসগরদা, নেক্সালাইত ২৩৭ হাৎখ্রে, ৮১২ ফারে অমসুং ৭২৩ চঙজরকখ্রে। নেক্সালিজম শরুক য়ারিবা নহারোলশিং হিংশাগী লম্বী থাদোক্কদবনি অমসুং লৈবাক অসি চাউখৎনবা খুন্নাইগী ইচেলদা তিনগদবনি। অৱাং-নোংপোক, জম্মু অমসুং কাস্মির অমসুং লেফ ৱিং এক্সত্রিমিজম্না শোকহল্লবা মফমশিংগী মীওই ১৩,০০ হেন্না হিংশা থাদোক্লে অমসুং খুন্নাইগী ইচেলদা তিল্লে। রাজ্য খুদিংমক নেক্সালিজম শরুক য়ারুবা নহারোলশিং খুন্দা-লৈতানবা চাউখৎ-থৌরাংগী স্কিমশিং পায়খৎলে। কনাগুম্বা অমতা নেক্সালিজমদগী কান্নবা ফংদে হায়বা মসিনা তাক্লে।

শ্রী অমিত সাহনা হায়খি মদুদি ২০০৪ দগী ২০১৪ ফাওবদা সেকুরিতিগা মরী লৈনবা থবকশিংগীদমক লুপা করোর ১১৮০ চাদিং তৌখি, মোদী সরকারনা মসি শরুক অহুম হেনগৎহন্দুনা, ২০১৪ দগী ২০২৪ ফাওবগী মনুংদা লুপা করোর ৩০০৬ চাদিং তৌখি। লেফ ৱিং এক্সত্রিমিজম থেংন্নবা সেন্ত্রেল এজেন্সিশিংদা কেন্দ্রগী শেন্থং মখাদা লুপা করোর ১০৫৫ পীখ্রে। অনৌবা স্কিম স্পিসিএল সেন্ত্রেল এসিস্তেন্সগী মখাদা মোদী সরকারনা হৌখিবা চহি ১০দা লুপা করোর ৩৫৯০ চাদিং তৌখ্রে। হৌজিক ফাওবদা লুপা করোর ১৪,৩৬৭ অয়াবা পীখ্রে অমসুং মসিগী মনুংদা লুপা করোর ১২,০০০ চাদিং তৌখ্রে।

য়ুনিয়ন হোম মিনিস্তরনা হায়খি ২০০৪ দগী ২০১৪ ফাওবদা, লালবন্দগুম্লবা পুলিস স্তেসন ৬৬ খক শাখি, অদুবু হৌখিবা চহি ১০ দা মোদী সরকারনা অসিগুম্বা স্তেসন ৫৪৪ শাখি। ২০১৪গী মমাং চহি ১০দা, কিমি ২৯০০গী লম্বী শেমগৎখি, মসি হৌখিবা চহি ১০দা কিমি ১৪,৪০০ দা হেনগৎলে। ২০০৪ দগী ২০১৪ ফাওবা মোবাইল ফংহন্নবা থবক অমতা পায়খৎখিদে, অদুবু ২০১৪ দগী ২০২৪ ফাওবগী মনুংদা, তৱার ৬,০০০ য়ুংলে অমসুং তৱার ৩৫৫১ ৪-জিদা ওনখৎলে। ২০১৪গী মমাঙদা এক্লব্যা মোদেল রেসিদেন্সিয়েল স্কুল ৩৮ খক অয়াবা পীখি, হৌখিবা চহি ১০ অসিদা, স্কুল ২১৬ অয়াবা পীরে, মসিগী মনুংদা এক্লব্যা মোদেল রেসিদেন্সিয়েল স্কুল ১৫৬ লিংখৎলে। চাউখৎ-থৌরাংগী থবকশিং য়াংখৎনবা ঐখোয়ন কন্না থবক তৌরে হায়বা হায়রিবা থবকশিং অসিনা উৎলে।

শ্রী অমিত সাহনা হায়খি হৌখিবা চহি ১০ দা ২০০৪ দগী ২০১৪ ফাওবগী মরক্তা লেফ ৱিং এক্সত্রিমিজম্না শোকহল্লবা মফমশিংদা হিংশাগী থৌদোকশিং চাদা ৫৩ হন্থরক্তুনা কেস ১৬,৪৬৩ দগী কেস ৭,৭০০ দা হন্থরকখি। মীচম অমসুং সেকুরিতি ফোর্সশিং শিবা চাদা ৭০ হন্থরে, হিংশাগী পাউ তারম্বা জিলা ৯৬ হৌজিক চাদা ৫৭ হন্থরক্তুআন জিলা ১৬ দা হন্থরে। হিংশাগী পাউ তারম্বা পুলিস স্তেসন মশিং ৪৬৫ দগী ১৭১ দা হন্থরক্লে, মসিগী মনুংদা পুলিস স্তেন ৫০ দি অনৌবা স্তেসন্নি। রাজ্যশিং অমসুং কেন্দ্র সরকারনা পুন্না হোৎনবদগী মসি মাইপাকপনি।

য়ুনিয়ন হোম মিনিস্তরনা হায়খি নেক্সালিজমগী মায়োক্তা ছতিসগরদা মাইপাকপা অসিনা ঐখোয় পুম্নমক পুক্নিং থৌগৎলে। লেফ ৱিং এক্সত্রিমিজম্না শোকহল্লা জিলাশিং চাউখৎহন্নবা অনৌবা কেম্পেন অমা ছতিসগর সরকারনা হৌদোক্লে। কেন্দ্র অমসুং রাজ্য সরকারগী স্কিম ৩০০ চাদা ১০০ পায়খৎনবা পান্দম অমা থম্লে। হায়রিবা স্কিমশিং অসিদগী চীঞ্জাকশিং অমসুং হিদাক-লাংথকশিং মমল হোংনা ফংলে, খুঙ্গংশিংদা স্কুলশিং অমসুং সরকারগী হেল্থ সেক্তরশিং লৈরে।

য়ুনিয়ন হোম মিনিস্তরনা হায়খি ২০১৯ দগী, সেকুরিতিগী অহোবশিং মেনশিন্নবা, অনৌবা কেম্প ২৮০ লিংখৎলে, অনৌবা জোইন্ত তাক্স ফোর্স ১৫ শেম্লে অমসুং তোঙান-তোঙানবা রাজ্যগী পুলিস ফোর্সশিংগী মতেং পাংনবা সি.আর.পি.এফ বত্তালিয়ন ৬ লিংখৎলে। মসিগা লোয়ননা, নেক্সালাইতশিংগী শেন-থুমগী লম্বীশিং থিংনবা এন.আই.এনা অখন্নবা থবক পায়খৎলে। মতম শাংনা লৌবা ওপরেসন কয়া পাংথোক্তুনা নেক্সালাইতশিং কোইশিন্দুনা থম্লে অমসুং মখোয় নান্থোক্তুনা চেন্নবা খুদোংচাবা অমতা লৈত্রে।

য়ুনিয়ন হোম মিনিস্তরনা হায়খি মোদী সরকারনা লম্বী-থোং, তেলিকম্মুনিকেসন ফগৎনবা, শেন-থুমগী কান্নবশিং ফংনবা, স্কিল হেনগৎহন্নবা, লাইরিক-লাইশু, হকশেল অমসুং মচি ওইবা চীঞ্জাক য়াওনা মরুওইবা হিরমশিংদা থবক কয়া পায়খৎলে। ওক্তোবর ২ দা ঝারখন্দা প্রধান মন্ত্রী শ্রী নরেন্দ্র মোদীনা ‘ধর্তি আবা জনজাতিয়া গ্রাম উতকার্স অভিয়ান’ হৌদোকখ্রে। অভিয়ান অসিনা খুঙ্গং ১৫০০০ হেনবদা মীওই অমগী তঙাইফদবশিং মপুংফানা ফংহনগনি অমসুং মসিনা লেফ ৱিং এক্সত্রিমিজম্না শোকহল্লবা মীওই করোর ১.৫ রোম কান্নবা পীগনি। মোদী সরকারনা ৩-সি হায়বদি রোদ কন্নেক্তিবিতি, মোবাইল কন্নেক্তিবিতি অমসুং ফাইনান্সিএল কন্নেক্তিবিতি মপাঙ্গল কনখৎহল্লে।

য়ুনিয়ন হোম মিনিস্তরনা হায়খি নেক্সালিজম অসি ত্রাইবেলশিংগী লমদমশিং চাউখৎহনবদা খ্বাইদগী অপনবা পীক খক নত্তনা মীওইবা খুন্নাইগী য়েক্নবনি অমসুং মীওইবগী হকশিং খোঙ্গাউনবনি। মীওই করোর ৮ হেন্না তঙাইফবা খুদোংচাবশিং ফংহন্দবা হায়বসি মীওইবগী হক মাঙহনবনি। নেক্সালাইতশিংনা ফুম্বা লেন্দমাইনশিংনা মরাল লৈজদ্রবা ত্রাইবেল ইনাও অমসুং ইচল লিশিং কয়া হাৎখ্রে অমসুং মসিনা মরম ওইদুনা হায়রিবা মফমশিং অসিদা চাউখৎ-থৌরাংগী থবকশিং লেপখ্রে।

য়ুনিয়ন হোম মিনিস্তরনা হায়খি মদুদি নেক্সালিজম মপুংফানা মুৎথৎনবা, মসিগী অৱাবা অসি মতম চুপ্পগী ওইনা কোকহন্নবা অরোইবা শাফু অমা পীগদবনি। লেফ ৱিং এক্সত্রিমিজম্না শোকহল্লবা রাজ্যশিংগী চীফ মিনিস্তরশিংনা থা অমগী মনুংদা অমুক্তং অমসুং পুলিসকী দিরেক্তর জেনেরেলশিংনা নুমিৎ ১৫ গী মনুংদা অমুক্তং চাউখৎ-থৌরাং অমসুং এন্তি-নেক্সাল ওপরেসনশিং হন্না য়েংশিনগদবনি হায়না য়ুনিয়ন হোম মিনিস্তরনা পাউতাক পীখ্রে।

শ্রী অমিত সাহনা হায়খি মদুদি নেক্সালিজম মপুংফানা মুৎথৎনবা ঐখোয় থবক তৌগদবনি। মীয়াম, রাজ্য সরকারশিং অমসুং কেন্দ্র সরকারনা পুন্না থবক তৌমিন্নদুনা, এপ্রিল ২০২৬ ফাওবগী মনুংদা ঐখোয়না নেক্সালিজম মপুংফানা মুৎথৎলগনি। মসি হেক মাইপাকপগা, চাউখৎ-থৌরাংদা অপনবা অমতা লৈররোই, মীওইবগী হক খোঙ্গাউনবা লৈররোই, অমসুং আইদিওলোজিগী মিংদা হিংশা অমতা পাংথোক্লরোই।

***