কেন্দ্ৰীয় গৃহমন্ত্ৰী তথা সহযোগিতা মন্ত্ৰী শ্ৰীযুত অমিত শ্বাহে অহা ৭ অক্টোবৰ ২০২৪ তাৰিখ সোমবাৰে নতুন দিল্লীৰ বিজ্ঞান ভৱনত বাওঁপন্থী উগ্ৰবাদত ক্ষতিগ্ৰস্ত ৰাজ্যসমূহৰ মুখ্যমন্ত্ৰীসকলৰ সৈতে এক পৰ্যালোচনা বৈঠক আহ্বান কৰিব। অন্ধ্ৰ প্ৰদেশ, বিহাৰ, ছত্তীশগড়, ঝাৰখণ্ড, তেলেংগানা, ওড়িশা, মহাৰাষ্ট্ৰ, আৰু মধ্যপ্ৰদেশৰ মুখ্যমন্ত্ৰীসকলে অংশগ্ৰহণ কৰাৰ সম্ভাৱনা আছে। ইয়াৰ উপৰিও এই অঞ্চলসমূহক উন্নয়নমূলক সহায় আগবঢ়োৱাৰ সৈতে জড়িত মন্ত্ৰালয়সমূহৰ পৰা পাঁচজন কেন্দ্ৰীয় মন্ত্ৰীয়ে আলোচনাত যোগদান কৰিব। এই বৈঠকত উপ-ৰাষ্ট্ৰীয় নিৰাপত্তা উপদেষ্টা আৰু কেন্দ্ৰ, ৰাজ্য, আৰু কেন্দ্ৰীয় সশস্ত্ৰ আৰক্ষী বাহিনী (চিএপিএফ)ৰ জ্যেষ্ঠ বিষয়াসকলেও অংশগ্ৰহণ কৰিব।

প্ৰধানমন্ত্ৰী শ্ৰী নৰেন্দ্ৰ মোডীৰ নেতৃত্বত আৰু কেন্দ্ৰীয় গৃহমন্ত্ৰী শ্ৰী অমিত শ্বাহৰ নিৰ্দেশনাত কেন্দ্ৰীয় চৰকাৰে ২০২৬ চনৰ মাৰ্চ মাহৰ ভিতৰত বাওঁপন্থী উগ্ৰবাদ (LWE) সম্পূৰ্ণৰূপে নিৰ্মূল কৰাৰ বাবে উৎসৰ্গিত। এই লক্ষ্যক সমৰ্থন কৰিবলৈ চৰকাৰে এই সমস্যাৰ বিৰুদ্ধে যুঁজ দিয়াৰ প্ৰচেষ্টাত নক্সালবাদৰ দ্বাৰা প্ৰভাৱিত ৰাজ্য চৰকাৰসমূহক ব্যাপক সহায় আগবঢ়াইছে।

কেন্দ্ৰীয় গৃহমন্ত্ৰী তথা সহযোগিতা মন্ত্ৰী শ্ৰী অমিত শ্বাহে শেষবাৰৰ বাবে ২০২৩ চনৰ ৬ অক্টোবৰত এল ডব্লিউ ই প্ৰভাৱিত ৰাজ্যসমূহৰ মুখ্যমন্ত্ৰীসকলৰ সৈতে এক পৰ্যালোচনা বৈঠকৰ সভাপতিত্ব কৰিছিল। . মোডী চৰকাৰৰ কৌশলৰ বাবেই এল ডব্লিউ ইৰ হিংসা ৭২% হ্ৰাস পাইছে, আৰু ২০১০ চনৰ তুলনাত ২০২৩ চনত মৃত্যুৰ হাৰ ৮৬% হ্ৰাস পাইছে, ইয়াৰ পৰা বুজা যায় যে এল ডব্লিউ ইয়ে নিজৰ চূড়ান্ত যুদ্ধ চলাই আছে। ২০২৪ চনত নিৰাপত্তা বাহিনীয়ে অভূতপূৰ্ব সফলতা লাভ কৰি এতিয়ালৈকে ২০২ জন সশস্ত্ৰ এল ডব্লিউ ই কেডাৰক নিৰ্মূল কৰিছে। ইয়াৰ উপৰিও ৭২৩ জন কেডাৰে আত্মসমৰ্পণ কৰিছে, আৰু বছৰৰ প্ৰথম ৯ মাহত ৮১২ জন কেডাৰক গ্ৰেপ্তাৰ কৰা হৈছে। ২০২৪ চনত এল ডব্লিউ ই প্ৰভাৱিত জিলাৰ সংখ্যা মাত্ৰ ৩৮খনলৈ হ্ৰাস পোৱাৰ সম্ভাৱনা আছে।

উন্নয়নমূলক আঁচনিসমূহে ক্ষতিগ্ৰস্ত ৰাজ্যসমূহৰ অতি দুৰ্গম অঞ্চলসমূহত প্ৰৱেশ কৰাটো নিশ্চিত কৰিবলৈ কেন্দ্ৰীয় চৰকাৰে পথ আৰু মোবাইল সংযোগৰ ওপৰত গুৰুত্ব আৰোপ কৰাকে ধৰি বিভিন্ন ব্যৱস্থা ৰূপায়ণ কৰিছে। আজিলৈকে ১৪,৪০০ কিলোমিটাৰ পথ নিৰ্মাণ কৰা হৈছে, আৰু এল ডব্লিউ ই প্ৰভাৱিত অঞ্চলত প্ৰায় ৬,০০০ টা মোবাইল টাৱাৰ স্থাপন কৰা হৈছে।

*****

RK / ASH / RR / PS