কেন্দ্রগী য়ুম্লৈ-কৈরৈ অমসুং কোওপরেশন মন্ত্রী, শ্রী অমিত শাহনা ময়াই তাংবল লৌদুনা নই দিল্লীগী ৱিগ্যান ভাৱনদা ২০২৪গী ওক্তোবর ০৭তা লেফ-ৱিং এক্সত্রিমিজম্না শোকহল্লবা রাজ্যশিংগী মুখ্য মন্ত্রীশিংগা লোইননা রিভ্যু মীতিং অমা পাংথোক্লগনি। অন্ধ্র প্রদেশ, বিহার, ছত্তিসগর, ঝারখন্দ, তেলঙ্গনা, ওরিশা, মহারাস্ত্র অমসুং মধ্য প্রদেশকী মুখ্য মন্ত্রীশিংনামীফম অদুদা শরুক য়ারগনি। LWEনা শোকহল্লবা রাজ্যশিংদা চাউখৎ-থৌরাংগী মতেং পীবদা য়াম্না নক্না থবক তৌমিন্নরিবা কেন্দ্রগী মন্ত্রালয়গী মন্ত্রী মঙাশু মীফম অদুদা শরুক য়ারগনি।

প্রধান মন্ত্রী, শ্রী নরেন্দ্র মোদীগী লুচিং মখাদা অমসুং কেন্দ্রগী য়ুম্লৈ-কৈরৈ মন্ত্রী, শ্রী অমিত শাহগী লমজিং-লমতাক মখাদা, সরকার অসিনা ২০২৬কী মার্চ ফাওবদা LWEগী খুদোংথিবশিং অদুবু মরু ফংনা মুত্থৎনবা অচেৎপা ফিরেপ লৌখ্রে। কেন্দ্র সরকারনা নেক্সলিজমদগী মায়োক্নরিবা খুদোংথিবশিং অদুগা লান্থেংনবদা LWEনা শোকহল্লবা রাজ্য সরকারশিংদা অঙম্বা মতেং পাংলি।

কেন্দ্রগী য়ুম্লৈ-কৈরৈ অমসুং কো্পরেশন মন্ত্রী, শ্রী অমিত শাহনা ময়াই তাংবল লৌদুনা ২০২৩গী ওক্তোবর ০৬তা LWEনা শোকহল্লবা রাজ্যশিংগী মুখ্য মন্ত্রীশিংগা লোইনা LWE রিভ্যু মীতিং অমা পাংথোকখ্রে। মীফম অদুদা, কেন্দ্রগী য়ুম্লৈ-কৈরৈ মন্ত্রীনা LWE মুত্থৎনবগী মতাংদা মপুং ফাবা লমজিং-লমতাক পীখি। মোদী সরকারগী লাল্লোংনা মরম ওইরগা, চই ২০১০গা চাংদম্নবদা ২০২৩দা LWEগী হিংশা অদু ৭২% ফাওবা হন্থরকখ্রে অদুগা শিবগী মশিংনা ৮৬%দা হন্থরকখ্রে, ঙসিদি LWEনা মখোয়গী অরোইবা লানফম থেংনরি। চহি ২০২৪দা, হৌজিক ফাওবদা খুৎলাই পাইবা LWE কেদর মুত্থৎপদা সেক্যুরিতী ফোর্সশিংনা শিংথংনিংঙাই ওইবা মওংদা মাইপাকপা ঙমখি। হন্দক্কী চহি অসিদা, হৌজিক ফাওবদা LWE কেদর ২০২ মুত্থৎখ্রে, ২০২৪গী অহানবা থা ৯দা LWE কেদর ৭২৩ সরেন্দর তৌখ্রে অমসুং ৮১২না ফাখ্রে। ২০২৪দা LWEনা শোকহল্লবা জিলাশিংগী মশিং অদু ৩৮ খক্তদা হন্থরকখ্রে।

কেন্দ্রগী সরকারনা শোকহল্লবা রাজ্যশিংগি খ্বাইদগী হেন্না থাপ্লবা মফমশিংদা চাউখৎ-থৌরাংগী স্কীমশিং য়ৌহন্নবা লম্বি অমসুং মোবাইল কনেক্তিবিতী ফগৎহন্নবা খোংথাং কয়া অমা লৌখৎখ্রে। হৌজিক ফাওবদা LWE না শোকহল্লবা মফমশিংদা লম্বি কি.মি. ১৪৪০০ শেমখ্রে অমসুং মোবাইল তাৱর ৬০০০ রোম ইনস্তোল তৌখ্রে।

*****