ন্যু অমসুং রিন্যুএবল মন্ত্রালয়
কেন্দ্রগী মন্ত্রী শ্রী প্রলহাদ জোশিনা ভারতকা তুংকোইনা চৎপা য়াবা চাউখৎপা অমসুং রিন্যুএবল এনর্জীগী হীরমদা মপাং অসিবু হেন্না চেৎশিলহন্নবা জর্মনিদা নুমিৎ হুম্নিগী খোঙচৎ চৎকনি
কেন্দ্রগী মন্ত্রীনা ওক্তোবর ৭ দগী ৮, ২০২৪ ফাওবা হেম্বর্গ সস্তেনেবিলিতী কনফরেন্স শরুক য়াগনি অমসুং মন্ত্রী অমসুং ইন্দস্ত্রীগী লুচিংবশিংগা উনগনি
কেন্দ্রগী মন্ত্রী জোশিনা ভারতকী গ্রীন শিপ্পিংদা লৈরিবা ফিভম অমসুং মোবিলিতী সেক্তর দিকার্বোনাইজিং তৌবদা গ্রীন হায়দ্রোজেনগী থৌদাংগী মতাংদা ৱাফম থমগনি
Posted On:
05 OCT 2024 1:59PM by PIB Imphal
রিন্যুএবল এনর্জী অমসুং তুংকোইনা চৎপা চাউখৎপগী হীরমদা ভারতকী ইন্তর্নেসনেল কোলাবোরেসন হেনগৎনবা কেন্দ্রগী ন্যু অমসুং রিন্যুএবল এনর্জী মন্ত্রী শ্রী প্রলহাদ জোশিনা ওক্তোবর তরুক্তগী হৌদুনা ভারতকা তুংকোইনা চৎপা য়াবা চাউখৎপা অমসুং রিন্যুএবল এনর্জীগী হীরমদা মপাং অসিবু হেন্না চেৎশিলহন্নবা জর্মনিদা নুমিৎ হুম্নিগী খোঙচৎ চৎকনি।
কেন্দ্রগী মন্ত্রী জোশিনা ওক্তোবর ৭ দগী ৮, ২০২৪ ফাওবা হেম্বর্গ সস্তেনেবিলিতী কনফরেন্স শরুক য়াগনি অমসুং জর্মনি, য়ুনাইতেদ কিংদমগী মন্ত্রীশিং অমসুং অতৈ মকোক থোংবা ওফিসিএলশিংগা লোইননা তুংকোইনা চৎপা য়াবা চাউখৎপা, গ্রীন হায়দ্রোজেন, লো-কোস্ত ফাইনান্স অমসুং রিন্যুএবল এনর্জী ভেল্যু চেন কম্পোনেন্ত অপুনবগী চাং হেনগৎনবা লৈবাকশিংগী ওইবা ৱারী শানগনি।
মন্ত্রীনা কনফরেন্স অসিদা ভারতকী গ্রীন শিপ্পিংদা লৈরিবা ফিভম অমসুং মোবিলিতী সেক্তর দিকার্বোনাইজিং তৌবদা গ্রীন হায়দ্রোজেনগী থৌদাংগী মতাংদা ৱাফম থমগনি। খোঙচৎ অসিনা ভারত-জর্মনিগী মরী অসিবু লল্লোন ইতীক্কী খুদোংচাবা শেম্বা অমসুং ভারত অমসুং মালেমগী মফমশিংদা রিন্যুএবল এনর্জী পাকথোক চাউথোকহনবা হেনগৎহল্লগনি। মসিনা ভারতকী তুং কোইনা চৎপা চাউখৎপা পুরকপদা অমসুং রিন্যুএবল এনর্জীদা লেপ্লিবা ফিরেপ, মালেমগী খুদোংচাদবশিং কোকহন্নবা অন্তর্জাতিগী মপাং শেম্নবগী ফিরেপ অসিবু হেন্না মশক থোকহল্লগনি।
প্রধান মন্ত্রী শ্রী নরেন্দ্র মোদীনা ভারত-জর্মনিগী লৈবাক অনিগী মরী অসিদা অখন্নবা মীৎয়েং থম্লি। ভারত অমসুং জর্মনিগী লুচিংবশিংগী মরক্তা পাঙথোক্কদবা ইন্তর-গবর্নমেন্তেল কন্সলতেসনশিং অসি ভারত্তা ওক্তোবর ২০২৪দা লেপ্লি। সেপ্তেম্বর ২০২৪দা পাঙথোকখিবা রি-ইনভেস্ত ২০২৪গী মনুংদা লৈবাক অনিমক্না ইন্দিয়া-জর্মনি প্লেৎফোর্ম ফোর ইনভেস্তমেন্ত ইন রিন্যুএবল এনর্জিস হৌদোকখি। প্লেৎফোর্ম অসিনা হেন্না ফবা লল্লোন ইতীক্কী খুদোংচাবা শেম্বা অমসুং কেপিতেল, তেক্নোলোজী লান্থোক লানশিনগী মতেং অমসুং রিন্যুএবল এনর্জী ৱার্ল্দ ৱাইদ ওইনা শেমগৎনবা হোৎনবদা মতেং ওইরগনি।
ভারতনা এনর্জী হোংনবা হোৎনবদা অন্তর্জাতিগী থাক্তা লৈবা থৌরাংশিংগী মকোক চিংলি
ভারতনা অপীবা মতমদগী চহি মাপন ঙনখৎনা ২০২১দা ২০৩০ ফাওবদা নোন ফোসিল ফ্যুল বেজ এনর্জী সোর্সশিংদগী অপুনবা ইলেক্ত্রিক পাৱর ইন্সতোল্দ কেপাসিতী চাদা ৪০গী NDC গী তার্গেত ফংবা ঙমখ্রে অমসুং ২০৩০ ফাওবদা নোন ফোসিল ফ্যুল বেজ এনর্জী সোর্সশিংদগী অপুনবা ইলেক্ত্রিক পাৱর ইন্সতোল্দ কেপাসিতী চাদা ৪০গী NDC গী তার্গেত ফংনবগী মায়কৈচা চঙশিল্লি। ভারতনা লৌরিবা এনর্জী ত্রাঞ্জিসনগী থৌরাং অসিনা রিন্যুএবল এনর্জিদা ইনভেস্তমেন্ত অমসুং থবক্কী খুদোংচাবা পীবদা লুচিংগনি। ভারতনা ইন্তর্নেসনেল সোলার এলাইএন্সকী খুত্থাংদগী রিন্যুএবল এনর্জী শেমগৎনবা অমসুং থাদনবা অন্তর্জাতিগী থৌরাংশিং লুচিংলি অমসুং সস্তেনেবিলিতী কনফরেন্স অসিনা ভারতনা মালেমগী এনর্জী হোংনবা হোৎনরিবা পান্দমসিদা হেন্না শক্তি পীরগনি।
***************
(Release ID: 2062436)
Visitor Counter : 5