প্রধান মন্ত্রী, শ্রী নরেন্দ্র মোদীনা মহারাস্ত্রগী ৱাশিমদা লুপা করোর 23,300 রোমগী লৌউ-শিংউ অমসুং এনিমেল হজবেন্দ্রী সেক্তরগা মরী লৈনবা তোঙান তোঙানবা ইনিসি‌এতিবশিং ঙসি হৌদোকখ্রে। থৌশিলশিং অদুদা পি.এম.-কিসান সন্মান নিধিগী 18শুবা ইন্সতোলমেন্ত পীবা, নমো শেতকরি মহাসন্মান নিধি য়োজনাগী 5শুবা ইন্সতোলমেন্ত হৌদোকপা, এগ্রিকলচর ইনফ্রাস্ত্রকচর ফন্দ (AIF) গী মখাদা প্রোজেক্ত 7500 হেন্না কত্থোকপা, ফার্মর প্রদ্যুসর ওর্গানাইজেসন 9200, মহারাস্ত্রগী মফম কয়াদা পুন্না মেগাৱাৎ 19গী কেপাসিতি ওইবা সোলর পার্ক মঙা, অমসুং শা-শনগীদমক য়ুনিফাইদ জেনোমিক চিপ অমসুং ইন্দিজিনস সেক্স-সোর্তেদ সিমেন তেক্নোলোজী হৌদোকপা য়াওরি।

মীয়াম তিনখিবা অদুদা ৱা ঙাংলদুনা, প্রধান মন্ত্রীনা ৱাশিমগী অফবা লমদমদগী পোহরদেবী মাতাগী মফমদা ইকায় খুম্নবা উৎখি অমসুং ঙসি অঙনবদা মাতা জগদম্বাগী লাইশঙদা দর্শন অমসুং পূজা পাংথোকপগী মতাংদা পনখি। মহাক্না সন্ত সেভালাল মহারাজ অমসুং সন্ত রামরাও মহারাজকী সমাধিদা মখোয়গী য়াইফ-থৌজেল নীবগী মতাংদা পনখি অমসুং অথোইবা সন্তশিংদা ইকায় খুম্নবা উৎখি। প্রধান মন্ত্রীনা গোন্দৱানাগী অথৌবা লান্মী মহারানি, দুর্গাবতীজীগী মপোক কুমওনসু পনখি। মহাক্না লৈবাক অসিনা মমাং চহিদা মহাক্কী 500শুবা মপোক কুমওন পাংথোকখিবা অদুসু নীংশিংখি।

প্রধান মন্ত্রীনা ঙসি হরিয়ানাদা পাংথোক্লিবা মীখল অদু পনখি অমসুং রাজ্য অসিগী মীয়ামদা মশিং য়াম্না ভোৎ থাদনবা আপিল তৌখি। মখোয়গী ভোৎনা হরিয়ানাবু অনৌবা অৱাংবা থাক্তা পুখৎকনি হায়না মহাক্না হায়খি।

ঙসি চাউরাক্না লৌমী করোর 9.5দা লুপা করোর 20,000গী পি.এম.-কিসান সম্মান নিধিগী 18শুবা ইন্সতোলমেন্ত পীখিবা অদু পল্লদুনা প্রধান মন্ত্রীনা হায়খি মদুদি রাজ্য সরকারনা লৌমীশিংদা দবল বেনিফিৎ ফংহন্নবা হোৎনরি। শ্রী মোদীনা মহারাস্ত্রগী লৌমী লাখ 90দা চাউরাক্না লুপা করোর 1,900গী শেল-থুমগী তেংবাং পীরিবা নমো শেতকরি মহাসন্মান নিধি য়োজনাগী মতাংদসু পনখি। মহাক্না ফার্মর প্রদ্যুসর ওর্গনাইজেসনশিংগা মরী লৈনবা লুপা করোর চাম্মরোমগী প্রোজেক্ত কয়া মরী লৈননা মীয়ামদা কত্থোকখিবা অদু পনখি। ঙসি লরকী বহন য়োজনাগী বেনিফিসরীশিংদা তেংবাং পীবদা প্রধান মন্ত্রীনা হায়খি মদুদি স্কিম অসিনা নরী শক্তিগী তৌবা ঙম্বশিংবু মপাঙ্গল কনখৎহল্লি। ঙসিগী প্রোজেক্তশিং অসিগীদমক শ্রী মোদীনা মহারাস্ত্র অমসুং ভারতকী প্রজা পুম্নমকপু থাগৎপা ফোংদোকখি।

ঙসি পোহরাদেবীদা বঞ্জারা বিরাসত ম্যুজিয়ম শঙ্গাখিবগী মতাংদা পল্লদুনা প্রধান মন্ত্রীনা হায়খি মদুদি নৌনা শঙ্গাখিবা ম্যুজিয়ম অসিনা তুংগী মীরোলশিংদা বঞ্জারা ফুরুপকী অরিবা চৎনবী অমসুং চাউরবা হেরিতেজ অদু খঙহল্লগনি। পোহরাদেবীদা লৈবা বঞ্জারা ফুরুপকা ৱারী শানখিবা অদু নীংশিংলদুনা, প্রধান মন্ত্রীনা মখোয়গী হেরিতেজ অসি ম্যুজিয়ম অসিগী খুত্থাংদা শকখঙবা ফংলকপদা মখোয়গী মায়থোংদা নুংঙাইবা অমসুং চাউথোকচবগী মমি তাখিবা অদু পনখি। শ্রী মোদীনা বঞ্জারা হেরিতেজ ম্যুজিয়মগীদমকক ফুরুপ অসিদা নুংঙাইবা ফোংদোকখি।

“ ঐখোয়গী বঞ্জারা ফুরুপনা ভারতকী খুন্নাইলোল অমসুং চাউখৎপগী খোঙচৎতা অচৌবা থৌদাং অমা লৌরি।" মহাক্না ভারতকী চাউখৎ-থৌরাংগী লম কয়াদা, কলা, কলচর, স্পিরিচুএলিতী অমসুং ললোন-ইতিক য়াওনা, কম্ম্যুনিতীগী রেসিলিয়েন্স অমসুং মসিগী শিংথানিংঙাই ওইবা থৌদাং অদু থাগৎপা ফোংদোকখি। মখোয়না লোইলম লৈঙাক্কী মখাদা অৱাবা কয়া মায়োক্নদুনা, খুন্নাইগী সেবাদা মখোয়গী পুন্সি কৎথোকখিবা বঞ্জারা ফুরুপকী রাজা লখি শাহ বঞ্জারাগুম্বা মশক নাইবা মীওই কয়াদা ইকায় খুম্নবা উৎখি। মহাক্না সন্ত সেৱালাল মহারাজ, স্বামী হাথিরম জী, সন্ত ইশ্বরসিংহ বাপুজী অমসুং সন্ত লক্ষ্মণ চৈত্যান বাপুজীগুম্বা অতৈ স্পিরিচুএল লিদরশিংবুসু নীংশিংখি, মখোয়না ইন্দিয়াগী স্পিরিচুএল কনসিয়সনেস্তা মশক লাকঙমদ্রবা শক্তি পীখি। মহাক্না হায়খি, "ঐখোয়গী বঞ্জারা ফুরুপনা অসিগুম্বা ভারতকী স্পিরিচুএল কন্সনেসন্দা অচৌবা শক্তি পীরিবা ঋশি কয়া পীরম্মি।" চহি চা কয়াদগী লৈবাক অসিগী কলচরেল লেগেসি ঙাক-শেন্দুনা থম্বদা মখোয়গী চোকথবা লৈতনা হোৎনখিবশিং অদু প্রধান মন্ত্রী মোদীনা পনখি। ভারতকী নীংতম লানগী মতমদা বৃতিশ লৈঙাক্না বঞ্জারা ফুরুপ পুম্নমকপু ক্রিমিনেলশিংনি হায়না মিংথোল পীখিবগী পুৱারীগী ওইবা অরানবা ৱায়েল অদুগীদমক মহাক্না নুংঙাইতবা ফোংদোকখি।

প্রধান মন্ত্রীনা মীয়ামদা হন্দক্কী সরকারনা হোৎনরিবশিং অসিগী মরক্তা মমাংগী সরকারশিংনা লৌখিবা ফিরেপ অদু নীংশিংহল্লি। মহাক্না মখা তাখি মদুদি পোহরদেবী লাইশং চাউখৎ থৌরাংগী থবকশিং অসি শ্রী দেবেন্দ্র ফদনবিসকী মতমদগী হৌরকখি অদুবু শ্রী একনাথ শিন্দেনা লুচিংবা সরকারনা অমুক হন্না হৌনবা হোৎনবদা মহা অগাধি সরকারনা থিংখি। পোহরাদেবী মন্দির দিবেলপমেন্ত প্রোজেক্তকীদমক লুপা করোর 700 থাদরে হায়না মহাক্না মখা তাখি। শ্রী মোদীনা হায়খি মদুদি প্রোজেক্ত অসিনা লাইফমলেন অসি হেন্না ফগৎহনবদা মতেং পাংগনি, লাইফমলেন অসিদা লাকপা মীওইশিংদা ইজ ওফ ত্রেবেল ফংহনবদা মতেং পাংগনি অমসুং মনাক নকপদা লৈরিবা মফমশিং অসি য়াম্না থুনা চাউখৎহনগনি।

ভারতকী চাউখৎ-থৌরাং অমসুং খুমাং চাউশিল্লকপগী মায়োক্তা থবক তৌরিবা মীওইশিংদা লৈরিবা খুদোংথীবশিংগী মতাংদা মীয়ামদা নিংশিংহন্দুনা শ্রী মোদীনা হায়খি, "ঐখোয়গী মরক্তা অমত্তা ওইবনা অসিগুম্বা খুদোংচাদবশিং অসিদগী লৈবাক অসি কনবা ঙমগনি।" প্রধান মন্ত্রীনা মীয়ামদা দ্রগ এদিক্সন অমসুং মসিগী খুদোংথীবশিংগী মায়োক্তা চেকশিন থৌরাং লৌখৎনবা হায়খি অমসুং মসিগী লান অসিদা পুন্না মায়পাক্নবা মখোয়দগী মতেং পীবীনবা হায়খি।

প্রধান মন্ত্রীনা হায়খি, “ঐখোয়গী সরকারগী ৱারেপ খুদিংমক, পোলিসী খুদিংমক ভিসকিৎ ভারতকীদমক লেপ্লি, অমসুং ঐখোয়গী লৌমীশিং অসি মসিগী মীৎয়েং অসিগী মরুওইবা য়ুম্ফমনি”। ভারতকী লৌমীশিংবু মপাঙ্গল কনখৎহন্নবা লৌখৎলিবা মরুওইবা খোঙথাংশিং অদু পল্লদুনা, প্রধান মন্ত্রীনা লৌমীশিংগী শেন্থোক হেনগৎহন্নবা লৌউ-শিংউগী পোত্থোকশিংগী স্তোরেজ, প্রোসেসিং অমসুং মেনেজমেন্ত তৌবা ঙম্বদা মতেং পাংনবা ফার্মর প্রদ্যুসর ওর্গনাইজেসন (FPO) 9200 অমসুং মরুওইবা লৌউ-শিংউগী ইনফ্রাস্ত্রকচর প্রোজেক্ত কয়াগী অচেৎপা থৌরাংশিং অদু পনখি। “মহারাস্ত্রদা, হৌজিক লৈরিবা সরকার অসিগী মখাদা লৌমীশিংনা শরুক অনিগী কান্নবা ফংলি," শ্রী মোদীনা  মখা তারদুনা মুখ্য মন্ত্রী শ্রী একনাথ শিন্দেগী সরকারনা লৌমীশিংগীদমক জিরো ইলেক্ত্রিসিতী বিল পোলিসীবু থাগৎখি।

দিকেদ কয়াগী মমাংদগী অৱাবা কয়া মায়োক্নদুনা লাক্লবা মহারাস্ত্র অমসুং বিদর্ভাগী লৌমীশিংগী অৱাবদা থম্মোয় শোক্না নুংঙাইবা ফোংদোক্লদুনা, মমাংগী সরকারশিংনা লৌমীশিংবু অৱাবা অমসুং লায়রবা ওইহনখি হায়না প্রধান মন্ত্রীনা ফোংদোকখি। মহাক্না হায়খি মদুদি মহারাস্ত্রদা লৈঙাক পায়রিঙৈদা গ্রান্দ কোলিজন গভর্নমেন্তনা এজেন্দা অনি খক্তদা থবক তৌখি। মখোয়দি লৌমীশিংগা মরী লৈনবা প্রোজেক্তশিং থিংবা অমসুং প্রোজেক্তশিং অসিগী শেনফমদা শেঞ্জা-থুমজা তৌবা অসিনি। কেন্দ্রদগী পীরকপা শেনফমশিং অসি বেনিফিসরীশিংদগী লৌথোকখি হায়না শ্রী মোদীনা ফোংদোকখি। মহারাস্ত্রগী হৌজিক লৈরিবা মহায়ুতি সরকারনা লৌমীশিংদা কিসান সম্মান নিধিগা লোয়ননা তোঙানবা শেনফম পীবগুম্না কর্নাতকাদা BJP সরকারনা চপ মান্নবা শেনফম পীরম্মি হায়না মীয়ামদা নিংশিংলদুনা প্রধান মন্ত্রীনা হায়খি মদুদি হৌজিক অনৌবা সরকারনা লৈঙাক পায়রকপগা লোয়ননা মসি লেপখ্রে। শ্রী মোদীনা হায়খি তেলঙ্গনাগী লৌমীশিংনা ঙসি রাজ্য সরকারদা লোন কোকপীবগী মীখলগী ৱাশক শকপগী মতাংদা ৱাহং হংনরক্লি।

প্রধান মন্ত্রীনা মমাংগী সরকারনা ইরিগেসন প্রোজেক্তশিংদা থিন্থহনখিবা অদুসু প্রজাশিংদা নীংশিংখি। হৌজিক সরকার অসি লাক্লবা মতুংদা খোঙজেল য়াংনা থবক পায়খৎপা হৌরকখি হায়না মহাক্না ফোংদোকখি। মহাক্না চাউরাক্না লুপা করোর 90,000 চংনা ৱাইঙ্গঙ্গা-নালগঙ্গা তুরেলশিং শম্নহন্নবা প্রোজেক্ত অয়াবা পীখিবগী মতাংদা পনখি। মসিনা অমরাৱতী, য়াৱাতমল, অকোলা, বুলধানা, ৱাশিম, নাগপুর অমসুং ৱার্ধাদা ঈশিংগী অৱাৎপশিং কোকহল্লগনি। মহাক্না রাজ্য সরকারনা লশিং আমসুং নুং হৱাই থারিবা লৌমীশিংদা লুপা 10,000গী শেলগী তেংবাং পীরকপগী মতাংদসু পনখি। মহাক্না মখা তারদুনা হায়খি অমরাৱতীদা তেক্সতাইল পার্ক অমগী উরেপ উয়ুংসু হন্দক্তা থমখ্রে। মসিনা লশিং থারিবা লৌমীশিংদা অচৌবা মতেং পাংগনি।

লৈবাক অসিগী শেন্মিৎলোনগী খুমাং চাউশিল্লকপদা মহারাস্ত্রনা অচৌবা পোতেন্সিএল লৈ হায়না প্রধান মন্ত্রীনা খঙখি অমসুং হায়খি মদুদি লায়রবশিং, লৌমীশিং, শিন্মীশিং, দলিতশিং অমসুং শোত্থরবা মীওইশিংবু মপাঙ্গল কনখৎহন্নবা কেম্পেন অসি মপাঙ্গল কন্না চত্থরবা মতমদা খক্তদা মসি ময়েক শেংনা ওইথোকপা ঙমগনি। ৱারোইশিন পীরদুনা, প্রধান মন্ত্রীনা ভিকসিৎ মহারাস্ত্র অমসুং ভিকসিৎ ভারতকী মঙলান অদু মংফাওনহনবদা থাজবা ফোংদোকখি।

মহারাস্ত্রগী রাজ্যপাল, শ্রী সি.পি. রাধাকৃষ্ণন, মহারাস্ত্রগী মুখ্য মন্ত্রী, শ্রী একনাথ শিন্দে, মহারাস্ত্রগী উপ মুখ্য মন্ত্রীশিং, শ্রী দেবেন্দ্র ফদনবিস অমসুং শ্রী অজিৎ পৱার, কেন্দ্রগী লৌউ-শিংউ অমসুং লৌমীশিংগী য়াইফ-থৌরাংগী মন্ত্রী, শ্রী শিবরাজ সিংহ চৌহান, অমসুং কেন্দ্রগী ফিশরিজ, এনিমেল হসবেন্দ্রী পা অমসুং দাইরীগী মন্ত্রী, শ্রী রাজীব রঞ্জনসু থৌরম অদুদা শরুক য়াখি।

বেকগ্রাউন্দ

লৌমীশিংদা শক্তি পীনবা মহাক্কী ফিরেপকী পরিং মখাদা প্রধান মন্ত্রীনা লৌমী করোর 9.4 রোমদা লুপা করোর 20,000 রোমগী পি.এম-কিসান সম্মান নিধিগী 18শুবা ইন্সতোলমেন্ত য়েন্থোকখ্রে। 18শুবা ইন্সতোলমেন্ত থাদোকপা অসিগা লোয়ননা, পি.এম-কিসানগী মখাদা লৌমীশিংদা পীখিবা অপুনবা শেনফম লুপা করোর লাখ 3.45 রোম শুরে। মখা তানা, প্রধান মন্ত্রীনা লুপা করোর 2,000 রোমগী নমো সেতকরি মহাসন্মান নিধি য়োজনাগী 5শুবা ইন্সতোলমেন্তসু য়েন্থোকখ্রে।

প্রধান মন্ত্রীনা লুপা করোর 1,920 হেনবগী এগ্রিকলর ইনফ্রাস্ত্রকচর ফন্দগী মখাদা প্রোজেক 7500 হেন্না লৈবাক মীয়ামদা কৎথোকখ্রে। মসিদা য়াওরিবা প্রোজেক্তশিংগী মনুংদা কস্তম হাইয়ারিং সেন্তরশিং, প্রাইমারি প্রোসেসিং য়ুনিতশিং, ৱায়ারহাওসশিং, সোর্তিং অমসুং গ্রেদিং প্লান্তশিং, কোল্দ স্তোরেজ প্রোজেকশিং, পোস্ত-হারভেস্ত মেনেজমেন্ত প্রোজেকশিং য়াওরি।

প্রধান মন্ত্রীনা লুপা করোর 1300 রোমগী অপুনবা তর্নওভর লৈরবা ফার্মর প্রদুসর ওর্গনাইজেসন 9200 মীয়ামদা কত্থোকখ্রে।

3মখা তানা, প্রধান মন্ত্রীনা শা-শনগী য়ুনিফাইদ জিনোমিক চিপ অমসুং সেক্স-সোর্তেদ সিমেন তেক্নোলোজী হৌদোকখ্রে। মসিনা লৌমীশিংদা অহোংবা মমলদা সেক্স-সোর্তেদ সিমেন ফংহনগনি অমসুং দোজ অমগী মমল লুপা 200দা হন্থহনগনি। জিনোতাইপিং সর্বিসশিংগা লোয়ননা য়ুনিফাইদ জিনোমিক চিপ, GAUCHIP অমসুং ইরোইগী MAHISHCHIP হৌদোক্লে। জিনোমিক সেলেক্সন পায়খৎপা অসিনা, অঙনবা মতমদগী মগুন লৈবা ষন লাবশিং মশক খঙদোকপা ঙমগনি।

মখা তানা, প্রধান মন্ত্রীনা মুখ্যামন্ত্রী সৌর ক্রুসি ভাহিনি য়োজনা-2.0গী মখাদা মহারাস্ত্র শীনবা থুংনা মেগাৱাত 19গী সোলার পার্ক মঙা মীয়ামদা কৎথোকখ্রে। মহাক্না মুখ্যামন্ত্রী মঝি লরকি বহেন য়োজনাগী বেনিফিসরিশিংসু ইকায়খুম্নবা উৎখ্রে।

महाराष्ट्र के वाशिम की पावन धरती पर कृषि और बंजारा समाज से जुड़े कार्यक्रम का हिस्सा बनकर बेहद उत्साहित हूं। https://t.co/UdHJwrFhkf

— Narendra Modi (@narendramodi) October 5, 2024

हमारे बंजारा समाज ने भारत के सामाजिक जीवन में, भारत की निर्माण यात्रा में बहुत बड़ी भूमिका निभाई है: PM @narendramodi pic.twitter.com/HSzxLxjunh

— PMO India (@PMOIndia) October 5, 2024

हमारे बंजारा समाज ने ऐसे कितने ही संत दिये, जिन्होंने भारत की आध्यात्मिक चेतना को असीम ऊर्जा दी: PM @narendramodi pic.twitter.com/GqM37S4ZCf

— PMO India (@PMOIndia) October 5, 2024

***