কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত শাহনা অহেমদবাদ দিস্ত্রিক্ত কোওপরেতিব (ADC) বেঙ্ককী চহি চাম্ম মপুং ফাবগী পালন (স্বর্নিম শতাবদি মহোৎসব) থৌরমদা অথোইবা মীথুংলেন ওইনা ৱা ঙাংখ্রে। থৌরম অসিদা গুজরাতকী মুখ্য মন্ত্রী শ্রী ভুপেন্দ্র পতেল, কেন্দ্রগী কোওপরেসন সেক্রেতরী দা. অশিশ কুমার ভুতানি, অমসুং অতৈ অতোপ্পা ইকাইখুম্নবদা মতীক চারবা মীওই কয়াসু শরুক য়াখি।

মহাক্কী ৱারোলদা, শ্রী অমিত শাহনা হায়খি মদুদি অৱাবা খুদোংচাদবা কয়া লৈজরবসু ইন্সতিত্যুসন অমনা থম্মোই শেংবগা লোইননা চহি ১০০ মপুং ফানা থবক তৌরকপা হায়বসি ইন্সতিত্যুসন অসিগীদা নত্তনা খুনাই পুম্বসিগী ওইনসু চাউথোকচনিংঙাইনি। মহাক্না ফোংদোকখি মদুদি ৱাফম অসি শেন্দোই খক্তগী ওইনা থবক পায়খৎপা নত্তবা, খুন্নাই অসিগী অপীক অপীকপা কাংলুপশিংবু পুনশিদুনা পুন্না চাউখৎমিন্ননবা হোৎনবনা পান্দম ওইবা কোওপরেতিব ওইবা ইন্সতিত্যুসন ওইরবা মতমদনা হেন্না চুন্নৈ।

কেন্দ্রগী কোওপরেসন মন্ত্রীনা পনখি মদুদি ১৯২৫ তা লিংখৎখিবা অহেমদবাদ দিস্ত্রিক্ত কোওপরেতিব বেঙ্ককী চহি ১০০গী খোঙচৎ অসিনা অহেমদবাদ জিল্লাগী লৌমীশিংগী নুংঙাই য়াইফবগী খুদম ওইরে। মহাক্না মদুদি দাস্ক্রোইদা অপীকপা ইন্সতিত্যুসন অমা ওইনা হৌদোকখিবা বেঙ্ক অসিনা ঙসিদি লুপা করোর ১০০গী শেন্দোং লৈবা লৈবাক অসিগী খ্বাইদগী মপাঙ্গল লৈবা দিস্ত্রিক্ত কোওপরেতিব বেঙ্ক অমা ওইরে। শ্রী শাহনা ফোংদোকখি মদুদি নোন-পারফোর্মিং এসেত (NPA) জিরোগী ময়া লৈবা, লুপা করোর ১০০গী শেন্দোং লৈবা অমসুং লুপা করোর ৬৫০০কী দিপোজিত তৌবগা লোইননা হায়রিবা অপীকপা মরু অসিনা অসুক চাউবা পুম্নমক্না কান্নবা ফংবা উপাল অমা ওইরক্কনি হায়বসি অহানবা হৌদোক্লকপা মতমদা কনা অমত্তনা ৱাখলনা ফাওবা খল্লম্লোই।

শ্রী অমিত শাহনা হায়খি মদুদি ADC বেঙ্কনা খুনাই, লৌমী অমসুং শা শন লোইবা মীওই কয়াগী পুন্সি হৌখিবা চহি চাম্মরোম অসিদা লংনা ঙালহনখ্রে। মহাক্না হায়খি মদুদি ঙসিদি লৌউশিংউদা মতেং তৌনবা মওং কয়া অমা লৈরে, অদুবু ADC বেঙ্কনা হৌগৎলকপা মতমদদি লৌমীশিংগী অসিগুম্বা সপ্পোর্ত সিস্তেম অমত্তা লৈরমদে। মতম অদুদা, লৌমীশিংনা মখোয়গী লমশিং অদু লোনগীদমক শেন শানবা মীওইশিংদা বন্ধোপ থম্বা নত্তনা অতোপ্পা পাম্বৈ অমত্তা লৈনরমদে। করিগুম্বা ইকং থোক্লবদি লৌমীশিংনা মখোয়গী শেন্দোন অদু শিংবা ঙম্নরমদে, মখোয়না মখোয়গী লম অদু মাঙবা তারম্মি অমসুং ফার্ম লেবরর ওইনরম্মি। শ্রী শাহনা শন্দোক্না থমখি মদুদি গুজরাত্তা কোওপরেতিবকী ঈহৌ অমা শাগৎপা তঙাইফদনা চঙই হায়না সর্দার ভল্লবভাই পতেলদা ফোংদোকখিবসি মহাত্মা গান্ধীনি অমসুং মসিগী মতুংদা ত্রিভুবান্দস পতেল অমসুং সরদার পতেলনা কোওপরেতিব ঈহৌ হৌদোকখি। মহাক্না থাজবা ফোংদোকখি মদুদি ভারত্তা চহি চাম্মগী পুৱারী লৈরবা কোওপরেতিব সেক্তর অসিনা লাক্কদবা চহি চাম্মরোমদসু চাউনা কান্নবা পীদুনা লৈহৌরগনি।

কেন্দ্রগী গৃহ মন্ত্রী অমসুং কোওপরেসন মন্ত্রীনা হায়খি মদুদি মালেম অসিদা মীওই মিলিয়ন ২০-৩০ ফাওবা লৈবা অপীকপা লৈবাকশিংদা মায় পাক্লবা একনোমিক মোদেল কয়া অমা লৈজরবসু, হায়রিবা মোদেলশিং অদু মীওই বিলিয়ন ১.৩ লৈবা ভারতকুম্বা লৈবাক অসিদদি চান্নদে। মহাক্না ফোঙদোকখি মদুদি ভারতকুম্বা লৈবাক অসিদদি চাউখৎনবা হোৎনবদা শেন্মিৎলোন খক্তনা য়াদে। মীওই বিলিয়ন ১.৩গী নুংঙাই য়াইফনবা অমসুং ইকাইখুম্নবা য়েংদুনা মায় পাক্লবা শেন্মিৎলোনগী মোদেল অমা লৈবা মথৌ তাই, মসি কোওপরেতিব ঈহৌদা লৈ।

শ্রী অমিত শাহনা হায়খি মদুদি ভারত্তা চহি ১২০ গী মমাংদা কোওপরেতিব ঈহৌ লাকপা মতমদা, মসিদা শক্তি অদুক্কী মতীক লৈরম্মি, মসি হৌজিক্না হেন্না উবা ফংলে। মহাক্না লুপা ১০০দগী হেন্না কনা অমত্তনা শেল থাদখিদবা, নুপী মিলিয়ন ৩.৫ তা থবক পীখ্রবা গুজরাতকী অমুলগী খুদম পীদুনা পনখি, অমুলগী তর্নওভর অসি লুপা করোর ৬০,০০০ য়ৌরে। মহাক্না বানস্কন্থদগী মহাক্কী শঙ্গোমগা মরী লৈনবা থবক্কীদমক লুপা মিলিয়ন ৮গী চেক মনা ফংখিবা কোওপরেতিবশিংনা শক্তি পীবগী খুদম তাকপা নুপী অমগী ৱারী মচা অমা লীখি।

অহেমদবাদ দিস্ত্রিক্ত কোওপরেতিব বেঙ্ককী হান্নগী চীয়রমেন ওইনা শ্রী শাহনা হায়খি মদুদি মহাক্না খুঙ্গংশিংদা চৎপা মতমদা ADC বু "অপীকপা মীয়ামগী অচৌবা বেঙ্ক" হায়না কৌনরম্মি। মহাক্না ফোংদোকখি মদুদি ADC না অপীকপা শেনবুম লৈবা লনাই মীওই কয়া অমা অচৌবা রিসোর্সকী পুল অমা শেম্নবা পুনশিন্দুনা মখোয়গী নুংঙাই য়াইফনবা হোৎনরকপদু মায় পাকপা ঙম্লে। অপীকপা শেনবুম লৈবা লনাই মীওই কয়া অমা অচৌবা রিসোর্সকী পুল অমা শেম্নবা পুনশিন্দুনা মখোয়দা থবক্কী ফম্বাক অমা পীদুনা মখোয়গী নুংঙাই য়াইফনবা অমসুং ইকাইখুম্ননিংঙাই ওইবা পুন্সি অমা শেম্বদুনি কোওপরেসন হায়রিবসি হায়না শ্রী শাহনা ফোংদোকখি।

শ্রী অমিত শাহনা মসিমসু হায়খি মদুদি হৌখিবা চহি ৭০ রোম অসিদা, জাতিগী থাক্তা কোওপরেসন মন্ত্রালয় অমা লিংনবা তক্তুনা লাকখি। মসিগী মহুত্তা পাক চাউরবা কোওপুরেতিব মুবমেন্তকা মরী লৈনবা কোওপরেতিবকী থবক থৌরমশিং অসি লৌউশিংউ মন্ত্রালয়গী জোইন্ত সেক্রেতরীগী থাক্তা লৈবা ওফিসর অমনা য়েংশিল্লম্মি। অদুম ওইনমক, চহি অহুমগী মমাংদা প্রধান মন্ত্রী শ্রী নরেন্দ্র মোদীনা মনীং তম্না লৈজবা কোওপরেতিব মন্ত্রালয় অমা শেমখি, মসিনা কোওপরেতিবকী ঈহৌদা অনৌবা পুন্সি অমা পীখি। শ্রী শাহনা হায়খি মদুদি প্রধান মন্ত্রী মোদীনা হৌখিবা চহি খরসিদা লৌখিবা ৱারেপশিং অসি ঙসিদগী চহি ২৫-৩০ ফাওবসিদা মশক থোকপা ৱারেপশিংনি হায়না খঙনরক্লগনি, অমসুং কোওপরেসন মন্ত্রালয় অমা লিংখৎপা হায়বসিসু মখোয়গী মনুংদা অমনি।

শ্রী শাহনা মতম অমদা খুদোংচাদবা কয়া নংখিবা অদুবু হৌজিক্তি ভারত্তা লৈবা দিস্ত্রিক্ত কোওপরেতিব বেঙ্ক অমহেক্তদগী খ্বাইদগী শেন্দোং লৈবগী রেকোর্দ লৈরবা অহেমদবাদ দিস্ত্রিক্ত কোওপরেতিব বেঙ্কপু শিংথাখি। মহাক্না সর্ভিস কোওপরেতিব সোসাইতীশিংবু বেঙ্ক অসিনা মায় পাক্নবা হোৎনবদা অচৌবা থৌদাং লৌবীবগীদমক থাগৎখি। হায়রিবা সোসাইতীশিং অসিনা মথৌ তৌবদা এদমিনিস্ত্রেতিবকী ওইবা নুংঙাইতবা কয়া অমা লৈখি, অদুবু হৌখিবা চহি অহুম্লোম অসিদা প্রধান মন্ত্রী মোদীনা হায়রিবা খুদোংচাদবশিং অদু লৌথোকখ্রে হায়না মহাক্না ফোঙদোকখি। সোসাইতীশিং অসিগী ৱেয়রহাউস লৈরবা, কম্প্যুতরাইজ ওইরবা, ইন্তরেস্ত ফ্রী লোন ফংবা, অমসুং গ্যাস এজেন্সী ওপরেত তৌবা য়ারবা, পেত্রোল পম্প লৈবা, অমসুং ঈশিংগী কম্মিতী লৈবা সিস্তেম অমা শেমখ্রে। শ্রী শাহনা পনখি মদুদি মোদেল বাই লোশিংসু হায়রিবা সোসাইতীশিং অসিগী শেমখ্রে, অমসুং মখোয়শিং অসি রাজ্য সরকার খুদিংমক্না লৌখৎখ্রে। মহাক্না মখা তাখি মদুদি ঙসিদি লৈবাক অসিদা লৈরিবা কোওপরেতিব সোসাইতী খুদিংমক কাংলোন অমসুং একাউন্তিং সিস্তেম অমগী মখাদা চলাইরে। মহাক্না হায়খি মদুদি লাক্কদবা নুমিৎশিং অসিদা, সর্ভিস কোওপরেতিব সোসাইতীশিং অসিনা খুঙ্গংগী থাক্তা মচু থোকপা য়ুনিত অমা ওইরগনি। কম্ম্যুনিতী সর্ভিস সেন্তরশিং হায়রিবা সোসাইতীশিং অসিদা লিংখৎলে। সর্ভিস কোওপরেতিব সোসাইতীশিং অসিনা কেন্দ্র অমসুং রাজ্য সরকারদগী স্কিম ৩০০ লোম লৌবা য়াবা মফম ওইরে। অমসুং মসিনা কোওপরেতিবকী ঈহৌবু হেন্না মপাঙ্গল লৈহল্লে।

কেন্দ্রগী মন্ত্রী অমিত শাহনা হায়খি, হায়রিবা থৌরাং অসি গুজরাত য়াওনা লৈবাক অসিগী 'কোওপরেতিবশিংগী মরক্তা কোওপরেসন' গী ৱাখল্লোন মায় পাক্না চলাইরগনি। মহাক্না ফোঙদোকখি মদুদি কোওপরেতিব ইন্সতিত্যুসনশিং অসিনা কোওপরেতিব বেঙ্কশিংদা মখোয়গী বেঙ্ক একাউন্ত হাংগদবনি। মোদেল অসি বনাস্কন্থ অমসুং পঞ্চমহলদা মায় পাকখি, অমসুং হৌজিক্তি মসি গুজরাত শিন থুংনা চলাইরে। শ্রী শাহনা হায়খি মদুদি হৌখিবা থা তরুক্লোম অসিদা, কোওপরেতিব ঈহৌনা মরম ওইদুনা লুপা করোর ৬,০০০ দিপোজিত তৌরে, বেঙ্ক একাউন্ত মিলিয়ন ২.৪ হাংলে, অমসুং ক্রেদিত কার্দ মিলিয়ন ৮ পীখ্রে। মহাক্না মখা তাখি মদুদি ঙসিদি, গুজরাতকী কোওপরেতিব বেঙ্কশিং অসিদা সর্প্লস লৈরে। অঙনবদা লোন লৌনবা হোৎনবদা অৱাবা ওইরম্মি, অদুবু হৌজিক্তি দিপোজিত হেনগৎলকপদগী শান্দোক্নবা হোৎনবগী মাইকৈদা ওইনা চঙশিল্লে।

কেন্দ্রগী কোওপরেসন মন্ত্রীনা হায়খি মদুদি অহেমদবাদ দিস্ত্রিক্ত কোওপরেতিব বেঙ্কনা গান্ধীনগর অমসুং অহেমদবাদতা চাউখৎনবা হোৎনবদা শিংথানিংঙাই ওইবা থবক কয়া তৌখে। মহাক্না ঙসিগী থৌরম অসিদা, চহি চাম্মশুবগী থৌরম অসিবু শিংথাবা লাইরিক অমা মসুং কোফী তেবল বুক অমা ফোংখি, অমসুং নাম্ম শোইরবা মীওইশিংদসু মতেং য়েন্থোকখি। অদুমওইনমক, হায়রিবা কত্থোকপগী থবকশিং অসিদি লেপ্লোইদবনি। অহেমদবাদ দিস্ত্রিক্ত কোওপরেতিব বেঙ্কনা এগ্রিকলচরেল প্রদ্যুস মার্কেত কম্মিতীগা লোইননা, সর্ভিস কোওপরেতিব সোসাইতীশিংগা লোইননা অসিগুম্বা থবকশিং অসি চত্থগদবনি।

শ্রী অমিত শাহনা হায়খি মদুদি জিল্লা অসিদা লৈরিবা কোওপরেতিব ইন্সতিত্যুসনশিং অসি হকশেল, এজুকেসন, অমসুং ন্যুত্রিসনগা মরী লৈনবা নুংঙাইতবশিং কোকহন্নবা অমসুং হায়রিবা থবকশিং অসি খুঙ্গং খুদিংমক্তা চলাইনবা হোৎনগদবনি। মহাক্না পনখি মদুদি অহেমদবাদ দিস্ত্রিক্ত কোওপরেতিব বেঙ্কসু কম্প্যুতরাইজ ওইরে, অমসুং বেঙ্ক অসিনা পুথোকপা একাউন্তিং সোফৱেয়র কয়া অমা নাবার্দকী খুত্থাংদা ভারত সরকারনা অয়াবা পীরে। মহাক্না মখা তাখি মদুদি অহেমদবাদ দিস্ত্রিক্ত কোওপরেতিব বেঙ্কনা লেপ্পা লৈতনা মনুং মপান ফাওনা উহন্নবা হোৎনরি। রিজর্ব বেঙ্ক ওব ইন্দিয়ানা ৫% এন.পি.এ. অয়াবা পীরবসু বেঙ্ক অসিগী এন.পিএ.দি জিরো ওইরি। এন.পি.এ অমত্তা লৈত্রবগুম্বা হায়বসিনা বেঙ্ক অসিগী মনুং মপান ফাওনা উই হায়বগী সর্তিফিকেতনি।

অরোইবদা, শ্রী অমিত শাহনা নীংতম লান্মী শ্যামজি কৃষ্ণ ভর্মগী মপোক নুমিত্তা ইকাইখুম্নবা উৎখি, মহাকপু অথৌবা মরৈবাক নীংবা অমসুং সংস্কৃত স্কোলার অমা ওইনা ভারতকী নীংতম্বগী খোলাও মপান্দা পুখৎখিবা মীশক অমা ওইনা ইকাইখুম্নবা উৎখি।

***************