প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা মরাথি, পালি, প্রাকৃত, অসামিজ অমসুং বেঙ্গালি লোলশিং ক্লাসিকেল লোলশিংগী থাক্তা পুখৎপদা অয়াবা পীরে। ক্লাসিকেল লোলশিং অসিনা ভারতকী মতিক মগুন লৈরবা অমসুং অরিবা নাতকী পুক্কৈগী মপু অমা ওইরি, কাংলুপ অমগী পুৱারি অমসুং নাতকী ফজবা মশক তাক্লি।

অকুপ্পা মরোলশিং অমসুং নুঙগীৱারোল: 

ভারত সরকারনা “ক্লাসিকিল লোলশিং” ওইনা লোলশিংগী অনৌবা কাংলুপ অমা শেম্নবা ৱারেপ লৌদুনা ওক্তোবর ১২,২০২৪ দা তামিল অসি ক্লাসিকেল লোল ওইনা লাউথোকখি অমসুং ক্লাসিকেল লোলগী থাক্তা পুখৎনবা মখাদা পীরিবা য়ুম্ফম অসি শেম্লে:

A. লোল অদুগী অরিবা লাইরিকশিং/চহি লিশিং অমা হেনবগী অইবা পুৱারি লৈগদবনি।

B. লোল অদু ঙাংনরিবা মীরোল কয়ানা মমল লৈরবা হেরিতেচ অমনি হায়না খন্নবা অরিবা সাহিত্য/লাইরিকশিংগী বোদি অমা লৈগদবনি।

C. সাহিত্যগী চৎনবী অদু মশাগী অশেংবা ওইগদবনি অমসুং অতোপ্পা কাংলুপতগী পুরোইদবনি।

নবেম্বর ২০০৪ দা সাহিত্য একাদেমিগী মখাদা কলর মিনিস্ত্রিনা শেমখিবা লিঙ্গুইজতিক এক্সপার্তস কম্মিতি(এল ই সি)না ক্লাসিকেল লোলগী থাক্তা পুখৎকদৌরিবা লোলশিং অদু য়েংশিনগনি।

ক্লাসিকেল লোল অমনি হায়নবা য়ুম্ফম অদু মখাগী অসিগুম্না নবেম্বর ২০০৫ তা অমুক হন্না শেমদোক্লে অমসুং সংস্কৃত অসি ক্লাসিকেল লোল অমনি হায়না লাউথোক্লে :

I. লোল অদুগী অরিবা লাইরিকশিং/চহি ১৫০০-২০০০ হেনবগী অইবা পুৱারি লৈগদবনি।

II. লোল অদু ঙাংনরিবা মীরোল কয়ানা মমল লৈরবা হেরিতেচ অমনি হায়না খন্নবা অরিবা সাহিত্য/লাইরিকশিংগী বোদি অমা লৈগদবনি।

III. সাহিত্যগী চৎনবী অদু মশাগী অশেংবা ওইগদবনি অমসুং অতোপ্পা কাংলুপতগী পুরোইদবনি।

IV. ক্লাসিকেল লোল অমসুং সাহিত্য অসি নৌবা মতমগী লোলদগী তোঙানগনি, ক্লাসিকেল লোল অমসুং মসিগী মখা তারকপা নত্ত্রগা মসিগী মশাশিংগী মরক্তা মখা শমথরকপা অমা লৈরোইদবনি।

হৌজিক ফাওবদা মখাগী লোলশিং অসি ভারত সরকারনা ক্লাসিকেল লোলগী থাক্তা পুখৎলে:

মরাথি অসি ক্লাসিকেল লোলগী থাক্তা পুখৎনবা মহারাস্ত্রা সরকারনা পুখৎলকপা ৱাফম অমা মিনিস্ত্রিনা ২০১৩ দা ফংখি অমসুং মদু এল.ই.সিদা থাখি। এল.ই.সিনা মরাথি অসি ক্লাসিকেল লোল অমনি হায়না রিকমেন্দ তৌরকখি। মরাথি লোল ক্লাসিকেল লোলগী থাক্তা পুখৎনবা ২০১৭ দা কেবিনেতকী দ্রাফ নোত ইন্তর-মিনিস্তরিয়েল মীফমদা খন্নবা মনুংদা, হোম এফেয়ার্স মিনিস্ত্রিনা ক্রাইতেরিয়া অদু অমুক হন্না শেমদোক্নবা অমসুং মসি খর হেন্না লুহন্নবা পাউতাক পীরকখি। অতোপ্পা লোল কয়া ক্লাসিকেল লোলগী থাক্তা পুখৎপা য়াবগে হায়বা থিদোক্নবা মিনিস্ত্রিনা থবক পায়খৎনবা পি.এম.ওনা পাউতাক পীরকখি।

চৈরক অসিদা, পালি, প্রাকৃত, অসামিজ অমসুং বেঙ্গালিদা ক্লাসিকেল লোলগী থাক্তা পুখৎনবা বিহার, অসাম, নোংচুপ বেঙ্গলদগী প্রোপ্রোজেল ফংখি।

মখা তারকপদা, সাহিত্য একাদেমিগী মখাদা লৈবা এল.ই.সিগী মীফম অমা জুলাই ২৫,২০২৪ দা পাংথোকখি অমসুং মখাদা পীরিবা ক্রাইতেরিয়া অসি অমতা ওইনা য়ানদুনা শেমদোক্লে। সাহিত্য একাদেমি অসি এল.ই.সিগী নোদেল এজেন্সি ওইনা হাপ্লে।

1. লোল অদুগী অরিবা লাইরিকশিং/চহি ১৫০০-২০০০ হেনবগী অইবা পুৱারি লৈগদবনি।

ii. লোল অদু ঙাংনরিবা মীরোল কয়ানা মমল লৈরবা হেরিতেচ অমনি হায়না খন্নবা অরিবা সাহিত্য/লাইরিকশিংগী বোদি অমা লৈগদবনি।

iii. শৈরেং, ইপিগ্রাফিকেল অমসুং ইন্সক্রিপসনগী খুদমগী মথক্তা ৱারেংগী লাইরিকশিং য়াওনা লৌশিংগী লাইরিকশিং লৈগদবনি।

iv. ক্লাসিকেল লোলশিং অমসুং সাহিত্য অসি নৌবা মতমগী লোলদগী তোঙানগনি, ক্লাসিকেল লোল অমসুং মসিগী মখা তারকপা নত্ত্রগা মসিগী মশাশিংগী মরক্তা মখা শমথরকপা অমা লৈরোইদবনি।

মখাগী লোলশিং অসি ক্লাসিকেল লোল অমনি হায়না লৌনবা শেমদোক্লবা ক্রাইতেরিয়া মপুংফানবা কম্মিতিনা রিকমেন্দ তৌরে।

1. মরাথি
2. পালি
3. প্রাকৃত
4. অসামিজ
5. বেঙ্গালি

থবক ওইনা পায়খৎনবা লাল্লোং অমসুং পান্দমশিং :

ক্লাসিকেল লোলশিং য়োকখৎনবা ইজুকেসন মিনিস্ত্রিনা তোঙান-তোঙানবা থবকশিং পায়খৎলে। সংস্কৃত লোল য়োকখৎনবা সংসদকী এক্ত অমগী মখাদা ২০২০দাদ সেন্ত্রেল য়ুনিভর্সিতি অহুম লিংখৎলে। অরিবা তামিল লাইরিকশিং হন্দোক্নবা, থিজিনবগী থবক য়োকখৎনবা অমসুং য়ুনিভর্সিতি মহৈরোয়শিং অমসুং তামিল লোলগী অখঙ-অহৈশিংগী কোর্সশিং হাংদোক্নবা সেন্ত্রেল ইন্সতিতুৎ ওফ ক্লাসিকেল তামিল লিংখৎলে। ক্লাসিকেল লোলশিং থিজিনবা অমসুং ঙাক-শেন্দুনা থম্নবা থবক ফগৎহন্নবা, মাইসুরুদা লৈবা সেন্ত্রেল ইন্সতিতুৎ ওফ ইন্দিয়ান লেঙ্গোইজগী মখাদা কন্নরা, তেলুগু, মালায়ম অমসুং ওরিয়া ক্লাসিকেল লোলশিংগী সেন্তরস ফোর এক্সলেন্স ফোর স্তদিজ লিংখৎলে।

পায়খৎলিবা থবকশিং অসিগী মথক্তা, ক্লাসিকেল লোলশিংগী লমদা মাইপাকপশিং ইকায়খুম্নবা উৎনবা অমসুং পুক্নিং থৌগৎনবা তোঙান-তোঙানবা জাতিগী অমসুং ইন্তরনেসনেলগী মনা কয়া পীরে। ক্লাসিকেল লোলশিংগী নেসনেল এৱার্দশিং পীদুনা, য়ুনিভর্সিতিশিংদা চিয়ারশিং লিংখৎতুনা অমসুং ক্লাসিকেল লোলশিং য়োকখৎনবা সেন্তরশিং লিংখৎতুনা ইজুকেসন মিনিস্ত্রিনা ক্লাসিকেল লোলশিংদা কান্নবা কয়া পীরে।

থবক ফংহনবা য়াওনা মরুওইবা কান্নবশিং :

লোলশিং ক্লাসিকেল লোলশিং ওইহনবা অসিনা মরুওইনা লাইরিক-লাইশু অমসুং থিজিনবগী লমশিংদা থবক ফংনবগী খুদোংচাবশিং হেন্না পীগনি। মসিগী মথক্তা, হায়রিবা লোলশিং অসিগী অরিবা লাইরিকশিং ঙাক-শেনবা, দোকুমেন্তেসন তৌবা অমসুং দিজিতেল ওন্থোকপা অসিনা আর্কাইবগী থবক, হন্দোকপা, ফোঙবা অমসুং দিজিতেল মেদিয়াগী লমদা থবক কয়া পীগনি।

কোনশিল্লিবা রাজ্যশিং/জিলাশিং:

মসিনা মহারাস্ত্রা(মরাথি), বিহার, উত্তর প্রদেস অমসুং মধ্য প্রদেস(পালি অমসুং প্রাকৃত), নোংচুপ বেঙ্গল(বেঙ্গালি) অমসুং অসাম(অসামিজ) কোনশিল্লে। নাত অমসুং লাইরিক-লাইশুগী কান্নবা অসি জাতি অমসুং মালেমগী থাক্তা য়ৌগনি।

****