নহারোল অমসুং শান্ন-খোৎনবগী মন্ত্রালয়
দোক্তর মনসুখ মন্দাবিয়ানা লুচিংদুনা খেলো ইন্দিয়া স্কিমগী ৪শুবা জেনেরেল কাউন্সিল মীফম পাংথোকখ্রে
মীয়াম খন্ন-নৈন্নবা দ্রাফ স্পোর্তস পোলিসি ফোঙলগনি
শান্নরোয়শিংগী য়াইফ-থৌরাং, হৈথোই-শিংথোইবা মশক খঙদোকপা অমসুং শান্ন-খোৎনবগী থবকশিং মপাঙ্গল কনখৎহন্নবা সব-কম্মিতিশিং অমুক হন্না শেম্নবা য়ুনিয়ন মিনিস্তরনা পাউতাক পীখ্রে
এজেন্সিশিং পুন্না থবক তৌমিন্নদুনা মতিক চাবা শান্নরোয়শিং মশক খঙদোকপগী থৌরাং পায়খৎনবা য়ুনিয়ন মিনিস্তরনা তকশিনখ্রে
রাজ্যশিং অমসুং কেন্দ্রগী মিনিস্ত্রিশিংগা পুন্না থবক তৌমিন্নদুনা শান্নরোয়শিং থবক হাপ্নগী অখন্নবা পোর্তেল মিনিস্ত্রিনা শেমগৎলগনি
লৈবাক অসিদা লৈরিবা শান্ন-খোৎনবগী মচাক-মথুমশিং মশক খঙদোক্নবা য়ুনিফাইদ নেসনেল দেতাবেজ শেম্লগনি
Posted On:
03 OCT 2024 6:34PM by PIB Imphal
ঙসি নিউ দিল্লিদা য়ুথ এফেয়ার্স অমসুং স্পোর্তস অমসুং লেবর অমসুং ইমপ্লোইমেন্তগী য়ুনিয়ন মিনিস্তর দোক্তর মনসুখ মন্দাবিয়ানা লুচিংদুনা খেলো ইন্দিয়া স্কিমগী ৪শুবা জেনেরেল কাউন্সিল মীফম পাংথোকখ্রে। মীফম অদুদা রাজ্যশিং, মমিং লৈরবা স্পোর্তস কন্ত্রোল বোর্দশিং, নেসনেল স্পোর্তস ফেদেরেসনশিং অমসুং কেন্দ্রগী মিনিস্ত্রিশিংগী সেনিয়ার ওফিসিএলশিং শরুক য়াখি।
শিংথানিঙাই ওইনা লাউথোকপা অমদা, মীয়াম খন্ন-নৈন্নবা মিনিস্ত্রিগী ৱেবসাইত্তা দ্রাফ স্পোর্তস পোলিসি অমা ফোঙলে হায়না য়ুনিয়ন মিনিস্তরনা লাউথোকখি। লৈবাক অসিদা শান্নবগী লমদা হোংলক্লিবা অসিগা ইরোইন্না হৌজিক লৈরিবা ফ্রেমৱার্ক অসি মতমগা চুনবা মওংদা শেমগৎনবা পোলিসি অসিনা পান্দম থম্লি। রাজ্যশিং অমসুং য়ু.তিশিংগী সরকারশিং অমসুং মীয়াম্না মখোয়গী অনিংবা ৱাফমশিং ফোঙদোক্নবা খঙহল্লি। দ্রাফ অসি অরোইবা ওইনা শেম্বগা, পোলিসি অসি রাজ্যশিংনা মখোয় মশাগী স্পোর্তস পোলিসিশিং ওইনা শীজিন্নগনি।
মীফম অদুদা য়ুনিয়ন মিনিস্তরনা খেল ইন্দিয়া স্কিমগী খুমাঙচাউশিনবা অমুক হন্না য়েংশিনখি অমসুং শান্নরোয়শিংগী ফিবম ফগৎনবা শান্ন-খোৎনবগী মচাকশিং ফগৎহন্নবা ৱাফমশিং য়াম্না কুপ্না খন্নখি। এজেন্সিশিং পুন্না থবক তৌমিন্নদুনা মতিক চাবা শান্নরোয়শিং মশক খঙদোকপগী থৌরাং পায়খৎনবা য়ুনিয়ন মিনিস্তরনা তকশিনখ্রে অমসুং কেন্দ্র অমসুং রাজ্য সরকারশিংগী তোঙান-তোঙানবা স্কিমশিং, পব্লিক সেক্তর অন্দরতেকিংশিং অমসুং নেসনেল স্পোর্তস ফেদেরেসনশিংগী মখাদা হৈথোই-শিংথোইবা শান্নরোয়শিং য়োকখৎনবা খন্নখি।
সব-কম্মিতিশিং অসি অমুক হন্না শেম্নবা য়ুনিয়ন মিনিস্তরনা পাউতাক পীখ্রে:
- শান্নরোয়শিংগী শীনফম অসি হেন্না চাউখৎনবা মিনিস্ত্রিশিং অমসুং দিপার্তমেন্তশিংআ থবক হাপ্পগী থৌশিলশিং ফগৎহন্নবা।
- শান্নরোয়শিংগী য়াইফনবা অমসুং মতেং পাংবগী থবকশিং ফগৎহনবা।
- মখোঙদগী হৌনা মতিক চাবা শান্নরোয়শিং মশক খঙদোক্নবা মতিক চাবা থৌরমশিং শেমগৎপা।
অতোপ্পা মরুওইবা ৱারেপ অমদা, কেন্দ্রগী মিনিস্ত্রিশিংদা শান্নরোয়শিং থবক হাপ্পগী ই-পাউশিং য়াওবা অখন্নবা পোর্তেল অমা শেম্নবা য়ুনিয়ন মিনিস্তরনা লাউথোকখ্রে। শান্নরোয়শিংগী অহাংবা ফমশিং এদভর্তাইজ তৌনবা অমসুং থবক হাপ্পদা অরোন-অথুপ লৈহন্দনবা পোর্তেল অসি শীজিন্ননবা রাজ্যশিংদা পুক্নিং থৌগৎকনি।
পি.এম গাতি শক্তিগী মখাদা অপুনবা শান্ন-খোৎনবগী মচাক-মথুমশিংগী দেতাবেজগী খুমাঙচাউশিনবা হন্না য়েংশিনখি। লৈবাক অসিদা শান্নবগী অপুনবা মচাকশিংগী ইনভেন্তোরি অমা শেম্নবা রাজ্যশিং, স্পোর্তস ফেদেরেসনশিং অমসুং অতোপ্পা লুপশিংদগী দেতা খোমগৎনবা য়ুনিয়ন মিনিস্তরনা পাউতাক পীখ্রে।
******
(Release ID: 2061658)
Visitor Counter : 25