প্রধান মন্ত্রী শ্রী নরেন্দ্র মোদীনা ওক্তোবর 4,2024গী নুমিদাং পুং 6:30 তাবা মতমদা নই দিল্লীগী তাজ পেলেস হোতেলদা অহুমশুবা কৌতিল্য ইকনোমিক কনক্লেবতা শরুক য়াগনি। মহাক্না থৌরম অসিদা ৱা ঙাংগনি। (অহেনবা পাবীয়ু: https://pib.gov.in/PressReleasePage.aspx?PRID=2061357)

ইন্সতিত্যুৎ ওফ ইকনোমিক গ্রোথনা ভারত সরকারগী শেলথুম মন্ত্রালয়গা খুৎশম্নদুনা 2024গী ওক্তোবর 4-6 ফাওবা ন্যু দিল্লীদা কৌতল্য ইকনোমিক কনক্লেব (KEC) গী অহুমশুবা ইদিসন পাংথোক্কনি।

কনক্লেব অসিনা নেস্নেল অমসুং ইন্তর্নেস্নেল একাদেমিক অমসুং পোলিসী মেকর 150 রোম পুনশিনগনি। মখোয়না ভারতকী ইকনোমী অমসুং গ্লোবেল সাউথকী ইকনোমীশিংগা মরী লৈনবা মরুওইবা সমস্যা খরদা খন্ন-নৈনগনি।

ক্লেব অসিদা শরুক য়াগদবা ৱাঙাংলোয়শিংদা ভারতকী শেল-থুম অমসুং কোর্পোরেৎ এফিয়র্সকী কেন্দ্র মন্ত্রী, শ্রীমতি নির্মলা সিতারামন (হৌদোকপগী সেসন); ভারতকী মপাল থৌরমগী কেন্দ্র মন্ত্রী, দা. এস.জয়শঙ্কর (লোইশিনবগী ৱারোল); ভুতানগী শেল-থুম মন্ত্রী, শ্রী ল্যোনপো লেকে দোর্জী; ভারতকী প্রিন্সিপল সেক্রেতরী তু প্রাইম মিনিস্তর, শ্রী পি.কে. মিশ্রা; USAগী সেন্তর ফোর গ্লোবেল দিবেলপমেন্ত, প্রসিদেন্ত ইমেরিতস, শ্রী মসুদ অহমদ; লিক্বিদিতী এন্দ সস্তেনেবিলিতী ফেসিলিতীগী চিয়র: USAগী ফাইনান্স ফোর ক্লাইমেৎ এক্সনগী হায়-লেভেল পেনেলগী কো-চিয়র, মিস ভেরা সোংৱে; UKগী ODI গ্লোবেলগী বোর্দ ওফ ত্রস্তীসকীচিয়র, সর সুমা চক্রবর্তি;  বাংলাদেশকী পোলিসী রিসর্চ ইন্সতিত্যুতকী ফাউন্দর চিয়রমেন অমসুং চিফ একজিক্যুতিব, দা. জাইদি সত্তর; OECDগী ফ্রেঞ্চ পর্মিনেন্ত রিপ্রজেন্তেতিব অমসুং হান্নগী ফ্রান্সকী ফ্রেঞ্চ মন্ত্রী; চাইনাগী পেকিং য়ুনিভর্সিতীগী ইন্সতিত্যুত ওফ ন্যু স্ত্রকচরেল ইকনোমীজশিং দীন শ্রী জস্তিন য়িফু কিন; চাইনাগী এসিয়ন ইনফ্রাস্ত্রকচর ইনভেস্তমেন্ত বেঙ্ককী চিফ ইকনোমিস্ত, শ্রী ইরিক বরগ্লোফ; ইকনোমিক এন্দ ফিস্কল পোলিসীগী হান্নগী মন্ত্রী; জপানগী কিয়ো য়ুনিভর্সিতীগী প্রোফেসর ইমেরিতস, প্রোফেসর হৈজো তাকেনাকা; সিঙ্গাপুরগী পেসিফিক ইকনোমিক কোওপরেসন কাউন্সিলগী সেক্রেতরী-জেনরেল, শ্রী এদ্যুআর্দো পেদ্রোসা; ভারতকী নিতি আয়োগকী ভাইস চিয়রমেন, শ্রী সুমন বেরি; ভারতকী 16শুবা ফাইনান্স কম্মিসনগী চিয়রমেন, দা. অর্বিন্দ পনাগরিয়া; ইন্দোনেসিয়াগী ত্রেদকী হান্নগী মন্ত্রী, এনকোরা গ্রুপকী চিয়রমেন, শ্রী গিতা ৱিরজৱান; USAগী হরভর্দ কেন্নেদী স্কুলগী ইন্তর্নেস্নেল ত্রেদ এন্দ ইনভেস্তমেন্তগী প্রোফেসর রোবর্ত লোরেন্স; সাউথ এসিয়াগী রিজিনেল ভাইস প্রসিদেন্ত, শ্রী মার্তিন রেজর, USAগী দি ৱর্ল্দ বেঙ্ক; দিপার্তমেন্ত ওফ  ইকনোমিক্স, সাইন্সেস পো(পেরিস)কী এসোসিএতেদ প্রোফেসর অমসুং রিসর্চর, প্রোফেসর জিন পের লান্দৌ, ফ্রান্সকী হরভর্দ কেন্নেদী স্কুলগী রিসর্চ ফেল্লো; ভারত সরকারগী সেক্রেতরীশিং অমসুং অতৈ কয়া য়াওরি।

হৌখিবা চহি খরা অসিদা, মালেমগী শেন্মিৎলোন অসি মমাংদা অমুক্তা ওইখিদ্রিবা মওংদা শীংনরকখি। চহি চা অমদা অমুক্তং থোকপা লাইচৎ অমা থেংনরবা মতুংদা, লেপ্তনা চত্থরক্লিবা লানগী চৈথেংশিংনা সপ্লাই চেনশিং থিংজিল্লক্তুনা ইনর্জী অমসুং চিঞ্জাক্কী মমল হেনগৎহল্লি। স্ত্রেতেজিক ব্লোকশিং থোরকপা হৌরে অমসুং মখোয় মশামকপু নৌনা শেমগৎলি। হাইপর-গ্লোবেলাইজেসনদগী, মালেম অসিনা "স্লো-বেলাইজেসন"দা লাকখ্রে। পোলিতিকেল অমসুং ফিক্সেল রি-এলাইনমেন্তশিংনা ইন্তর্নেস্নেল ত্রেদ অমসুং কেপিতেল ফ্লোশিংদা ইম্পেক্ত তৌরি। মালেমগী ওইবা শীংনবশিং অসি লৈজরবসু, হৌগৎলক্লিবা মার্কেতশিংনা বফ্ফরশিং শেমগৎলি, পোলিসী ফ্রেমৱার্কশিং ফগৎহল্লি, অমসুং বফ্ফরশিংবু ৱাখল তানা শীজিন্নৈ। 2021দগী হৌনা ভারত অসি মালেমদা খ্বাইদগী থুনা চাউখৎলক্লিবা অচৌবা শেন্মিৎলোন অমা ওইদুনা স্তেবল ওইবা মেক্রোইকনোমিক এনভাইরনমেন্ত অমা লৈরি। ভারতনা থেংনরিবা চাদা 7গী এভরেজ গ্রোথ লৈরিবা অসি গ্লোবেল এভরেজতগী শরুক অনি হেন্না ওইরি।

চহি অসিগী কনক্লেবনা থিম কয়ামরুমদা মীৎয়েং থমগনি, খরা ওইনা পল্লবদা:

• ইন্তর্নেস্নেল ফাইনান্সিএল আর্কিতেকচর শেমদোকপা
• গ্রীন ত্রাঞ্জিসন শেল থাদবা
• জিও-ইকনোমিক ফ্রেগমেন্তেসন অমসুং গ্রোথকী ইম্প্লিকেসনশিং
• ভারত অমসুং মিদ্দল ইনকম ত্রেপ
• থবক অমসুং স্কিলিং
• আর্তিফিসিএল ইন্তেলিজেন্স অমসুং পব্লিক পোলিসী দিজাইন, অমসুং
• রেসিলিয়েন্স ঙাক্তুনা থম্নবা পোলিসী এক্সনগী প্রিন্সিপলশিং

সেসনশিং অসিদা খন্ন-নৈনবা খরদি ভারতকী ইকনোমীনা মতৌ করম্না হেন্না চাং নাইবা থবকশিং পুথোকপা ঙমগদগে; জিও-ইকনোমিক ফ্রেগমেন্তেসন থিংনবা রুল-বেজ মল্তিলেতরেল সিস্তেমনা মতৌ করম্না এদাপ্ত তৌগদগে, অমসুং মল্তিলেতরেল কন্সেন্সসকী খুত্থাংদা মতৌ করম্না খুমাং চাউশিল্লকপা ঙমগদগে; থবক ফংহন্নবগীদমক AI, ML অমসুং ফিনতেকদা ভারতকী চাংদম্নবগী খুদোংচাবা শীজিন্নবা; ভারতকী হৌজিক লৈরিবা গ্রোথ ত্রেজেক্তরী অসি য়েংশিনবা অমসুং ইন্নোভেসন কেপাবিলিতীশিং শেমগৎতুনা ভারতনা প্রদক্তিবিতী গ্রোথ ঙাক্না থম্নবগী পাম্বৈশিং য়েংশিনবা; ফাইনান্সিএল সিস্তেমবু হেন্না রেসিলেন্ত ওইহন্নবা অমসুং ইফিসেন্ত ওইহন্নবা দরকার ওইবা রিফোর্মশিং নৈনবা; সস্তেনেবল দিবেলপমেন্তগী পান্দমশিং ফংনবা মথৌ তাবা তুংকোইগদবা রিফোর্মশং মশক খঙদোকপা; অমসুং ক্লাইমেৎ চেঞ্জ মেনজে তৌনবা শীংনা খন্নবা অমসুং রিন্যুএবল ইনর্জীদা ইনর্জী ত্রাঞ্জিসন তৌবা ঙমহনবা হায়বা কয়া অমা  য়াওরি।

কনক্লেব অসিনা গ্লোবেল সাউথকী লৈবাকশিংগী মরক্তা থোং শেম্বা লৈবাক অমা ওইনা ভারতকী হেনগৎলক্লিবা থৌদাং অদু উৎকনি। ইনক্লুসিব গ্রোথ, রেস্পোন্সিবল ওইনা দিজিতেল তেক্নোলোজী শীজিন্নবা অমসুং গ্লোবেল সাউথকী শরুক্কী ভোইস্তা মীৎয়েং থম্বা অসিনা 2047 ফাওবদা চাউখৎলবা লৈবাক অমা ওইবগী ভারতকী পান্দম অদু মপাঙ্গল কনখৎহল্লি। মসিনা 'ইন্দিয়ন ইরা' হায়না ময়াম অমনা কৌরিবা অসিগী খুদম ওইগনি। কনক্লেব অসিদা খন্ন-নৈনবশিং অসিনা লাক্কদৌরিবা IMF অমসুং ৱর্ল্দ বেঙ্ককী চহিগী ওইবা মীফমশিং, COP 29 অমসুং ব্রাজিলগী G20 লুচিংবশিংগী দিক্লারেসনগী হৌরকফম ওইগনি।

****