চহি খুদিংগী ওক্তোবর 2দা পাংথোকপা ইন্তর্নেস্নেল দে ওফ নন-ভাইওলেন্সনা মালেমগী ওইনা শান্তি অমসুং নন-ভাইওলেন্সকী লমজিং মৈরা মহাত্মা গান্ধীগী মপোক কুমওন পাংথোকই। 2007দা য়ুনাইতেদ নেসন্সনা লাউথোকখিবা নুমিৎ অসিনা খুন্নাইবু শেমগৎপদা নন-ভাইওলেন্সকী পাঙ্গল অদু নিংশিংহল্লি।

নন-ভাইলেন্সকী গান্ধীগী লেগেসী

মহাত্মা গান্ধীগী ফিলোসোফি, সত্যাগ্রহ অমসুং অহিংসাগী মায়োক্তা লান্থেংনবগী ৱাখল্লোন অসি অনৌবা পুৱারীদা অহোংবা পুরক্নবা খ্বাইদগী শক্তি লৈবা ফোর্সশিংগী মনুংদা অমা ওইরি। মহাক্না ব্রিতিশ লৈঙাক্কী মায়োক্তা শান্তি ওইনা খোঙজং চংশিনখিবা, মরুওইনা 1930দা দান্দি মার্চতা পাঙথোকখিবা খোঙজং অসিনা মীওৎ-মীনৈ থেংননবা অহিংসাগী শক্তি  অদুদা মহাক্কী থাজবা অদু উৎখি। মহাত্মা গান্ধীগীদমক্তদি, অহিংসা অসি রাজনিতীগী খুৎলাই অমা খক্তা নত্তে, শান্তি অসি শান্তিগী ওইবা পাম্বৈশিং শীজিন্নরগা ফংগনি হায়বা থাজবদা য়ুম্ফম ওইবা পুন্সি মহিং অমনি।

মহাত্মা গান্ধীনা হায়রম্মি, "অহিংসা হায়বসি মীওইবা খুন্নাইগী খ্বাইদগী চাউবা শক্তিনি। মসিনা খ্বাইদগী শক্তি লৈরবা লান্মীশিংদগী হেন্না শক্তি লৈ।" মার্তিন লুথর কিং জুনিয়রনা য়ুনাইতেদ স্তেৎসতা সিবিল রাইৎসকীদমক লান্থেংনবদগীনা নেলসন মন্দেলানা খা অফ্রিকাদা এপার্থেদকী মায়োক্তা লান্থেংনবা ফাওবা মসিগী থাজবা অসিনা মালেম শিনবা থুংনা লৈরিবা লান্মীশিংবু ইথিল পীরি। মহাক্কী ৱাখল্লোনশিংনা মীশিং য়াম্লবা লুচিংবশিং অমসুং খোঙজংশিংদা ইথিল পীখি, মসিনা রেজিস্তেন্স অমসুং রিফোর্মগী শক্তি লৈরবা খুৎলাই অমা ওইনা অহিংসাগী য়ুনিভর্সেল আপিল অদু ময়েক শেংহনখি।

ঙসিগী মালেমদা মহাত্মা গান্ধীগী মরু ওইবা

রাজনিতীগী, খুন্নাইগী অমসুং অকোয়বগী ফিভমগী শীংনবশিংনা মশক তাক্লিবা মতম অসিদা, মহাত্মা গান্ধীগী অহিংসাগী কাংলোনশিং অসি য়াম্না মরু ওই। তেরোরিজম, কনফ্লিক্ত, ক্লাইমেৎ চেঞ্জ, অমসুং হেনগৎলক্লিবা ইনইক্বলিতীনা শান্তি ওইবা সোলুসনশিং তঙাইফদনা মথৌ তাবা অদু পুক্নিং চিংশিল্লি। মীওইবা খুন্নাইগী মপুং ওইবা অফবা ওইবগী মতাংদা গান্ধীগী থাজবা অসিনা খেন্নবা লৈহন্দনবা অমসুং লাইনা-লাইচৎ অমসুং লায়রবা য়াওনা হৌজিক মতমগী অৱাবা কয়া কোকহন্নবা রোদমেপ অমা পীরি।

মহাক্কী ফিলোসোফীনা ঐখোয়দা নিংশিংহল্লি মদুদি শান্তি হায়বসি দিস্তেন্ত আইদিয়া অমখক্তমক নত্তে অদুবু মসি ফংলবা পান্দম অমনি! মহাক্কী পাউতাকশিংনা মতম চুপ্পগী ওইবা আশা অমসুং পুনশিন্নবগী পাউজেল অমা পীরি।

মহাত্মা গান্ধীগী ৱাখল্লোন অসি রাজনিতীগী ৱাংমদা সস্তেনেবিলিতীগী হীরমশিং কোনশিল্লি। মহাক্কী মমিং চৎলবা ৱাহৈ, "মীপুম খুদিংমক্কী মথৌ তাবশিংগীদমক মতীক চানা লৈ, অদুবু মীপুম খুদিংমক্কী খলক-মীহৌবগীদমক্তা নত্তে।" অসিনা অহিংসা অমসুং রিসোর্সশিংবু থৌদাং লৈবা মওংদা শীজিন্নবগী মরক্তা লৈনবা মরী অদু ময়েক শেংহল্লি। ঙসিগী ফীভম অসিদা, মহাক্কী অচম্বা, কঞ্জার্বেসন, অমসুং মশা মথন্তা থাজবগী মগুনশিং অসি স্বচ্ছ ভারত অভিয়ান (ক্লিন ইন্দিয়া কেম্পেন) গুম্বা ভারতকী থৌরাংশিংদা উবা ফংলি। মসিনা স্বচ্ছতা অমসুং অকোইবগী ফিভম লেংদনা লৈহনবদা মতেং পাংলি।

নন-ভাইলেন্সকী গ্লোবেল কম্মেমোরেসন: গান্ধীগী লেগেসীবু ইকাই খুম্নবা উৎপা

ইন্তর্নেস্নেল দে ওফ নন-ভাইওলেন্স অসি মহাত্মা গান্ধীগী শান্তি অমসুং নন-ভাইওলেন্সকী মতম চুপ্পগী ওইবা ফিলোসোফী অদু মালেম পুম্বদা নীংশিংহল্লি। মহাক্কী মপোক কুমওন্দা পাংথোকপা, নুমিৎ অসিনা মহাক্না মহাক্কী পুন্সি চুপ্পদা শৌগৎখিবা নন-ভাইলেন্ত রেজিসতেন্সকী ৱাখল্লোনশিংবু ইকায় খুম্নবা উৎলি।

মসিগী মথক্তা, ভারত্তা পাংথোকপা ইকাই খুম্ননীংঙাই ওইরবা G20 সম্মিৎ 2023দা প্রধান মন্ত্রী নরেন্দ্র মোদী য়াওনা মালেমগী লুচিংবশিংনা রাজঘাত্তা মহাত্মা গান্ধীদা ইকায় খুম্নবা উৎখি। মহাত্মা গান্ধীগী অচুম্বা অমসুং অহিংসাগী মতম চানা চৎনগদবা ৱাখল্লোনশিংনা হেন্না ইনক্লুসিব, চান্নবা অমসুং শান্তি লৈবা তুংলমচৎ অমা ফংনবগী মায়কৈদা হোৎনরিবশিং অসিদা লমজিং-লমতাকপীরি হায়না প্রধান মন্ত্রী শ্রী নরেন্দ্র মোদীনা অকনবা ৱাফম থমখি।

2022দা, UNESCOগী মহাত্মা গান্ধী ইন্সতিত্যুৎ ওফ এজুকেসন ফোর পিস এন্দ সস্তেনেবল দিবেলপমেন্ত (MGIEP) না ন্যু য়োর্কতা লৈবা য়ুনাইতেদ নেসন্সকী হেদক্বার্তরদা মসিগী নুমিৎ অসিবু নীংশিংনবা মরুওইবা থৌরম অমা পাংথোকখি। মহাত্মা গান্ধীগী লাইফ-সাইজ হোলোগ্রাম অমনা শান্তি অমসুং তুং কোইনা চৎনবা য়াবা খুন্নাই অমা শেমগৎনবগী খুৎলাই অমা ওইনা এজুকেসনগী মতাংদা পেনেল দিস্কসন অদু লুচিংখি। ঐচ.ই এম্বেসেদর রুচিরা কমবোজ অমসুং বর্নিস এ. কিং, মার্তিন লুথর কিং জুনিয়রগী মচানুপীগুম্বা মরুওইবা মীওইশিং হৌজিক্কী মতমগী শীংনবশিং থেংনবদা গান্ধীগী ৱাখল্লোনশিং অসি মতৌ করম্না য়াম্না মরু ওইবগে হায়বগী মতাংদা মখোয়গী মীৎয়েংশিং অদু শেয়র তৌখি।

গান্ধীগী লেগেসী পালন তৌরি

মহাত্মা গান্ধীগী পাউতাকশিংনা ভারতকী খুন্নাইগী অমসুং রাজনিতীগী ফ্রেমৱার্কদা য়াম্না চাউনা ইথিল পীরি। তোঙান তোঙানবা সরকারগী দিপার্তমেন্তশিং অমসুং ইন্সতিত্যুসনশিংনা মহাক্কী ৱাখল্লোনশিংবু অখন্ননা ঙাক্না চৎলি অমসুং প্রমোৎ তৌরি। মসিনা মশা-মউ ফবা, মশা-মরোমদোম লেপচবা, অমসুং শান্তি লৈবা খুন্নাই অমগীদমক গান্ধীগী ভিজন অসি মোদর্ন গবর্নান্স অমসুং মীয়ামগী পুন্সিদা য়াওহন্নবা হোৎনরি।

2014দা হৌদোকখিবা স্বচ্ছ ভারত অভিয়ান (ক্লিন ইন্দিয়া মিসন) অসি মহাত্মা গান্ধীগী ফিলোসোফীগী মওং মতৌ উৎলি। মহাত্মা গান্ধীগী ফিলোসোফীনা স্বচ্ছতা অসি লৈবাক শেমগৎপদা য়াম্না মরু ওই। ক্লিনর অমসুং হেল্থিয়র ভারত অমা শেমগৎনবা পান্দম থম্লিবা কেম্পেন অসিনা গান্ধীগী থাজবা অদুগা চপ মান্নৈ মদুদি "ক্লিনলিনেস ইস নেক্স তু গোদলিনেস" মসিনা নাগরিকশিংবু মখোয়গী অকোয়বগী ফিভম ঙাক-শেন্দুনা থম্নবগীদমক পুন্না থৌদাং লৌনবা পুক্নিং থৌগৎলি, মসিনা ইন্দিভিজুএল অমসুং কম্ম্যুনিতি অনিমক্তা শরুক য়াবা হেনগৎহল্লি।

স্বচ্ছতা হী সেবা (SHG) 2024 কেম্পেন অসি 'স্বচ্ছতা স্বচ্ছতা, সংস্কার স্বচ্ছতা'গী থিমগা লোয়ননা সেপ্তেম্বর 17দগী ওক্তোবর 1 ফাওবা পাংথোকখি। কেম্পেন অসি ওক্তোবর ২দা স্বচ্ছ ভারত মিসনগী 10শুবা মপোক কুমওন্দা গান্ধী জয়ন্তীগা লোয়ননা লোইশিনখি। SHS কেম্পেন অসিনা ভারত শীনবা থুংনা শেংদোকপা অমসুং সেনিতেসন লৈহন্নবগীদমক লমচৎ-শাজৎ হোংদোকপা অমসুং কম্ম্যুনিতী শরুক য়াবা হেনগৎহনবদা মীৎয়েং থমখি।

সেপ্তেম্বর 11, 2024দা, কেন্দ্রগী কলচর অমসুং তুরিজম মন্ত্রী, শ্রী গজেন্দ্র সিংহ শেখাৱতনা দিল্লীগী রাজঘাততা লৈবা গান্ধী দর্শনদা মহাত্মা গান্ধীদা কত্থোকপা অখন্নবা রেলৱে কোচ অমা শঙ্গাখি। রেলৱে মন্ত্রালয়না খুদোল ওইনা পীরবা অখন্নবা একজিবিৎ অসি মহাত্মা গান্ধীগী মতমদগী ওইবা নীংথিনা নৌহৌনা শেমগৎলবা রেলৱে কোচ অমনি। মসিনা লৈবাক অসিবু অমত্তা ওইনা পুনশিনবদা অমসুং অচুম্বা অমসুং থোং মান্নবগীদমক এদভোকেৎ তৌবদা মরুওইবা থৌদাং লৌখিবা আইকোনিক ত্রেনগী খোঙচৎশিং অদুগী খুদম ওইরি।

হৌদোকপগী থৌরম অদুদা শ্রী শেকৱাতনা হায়খি মদুদি রেল কোচ অসি মহাত্মা গান্ধীগী পুন্সিদা অহোংবা পুরকপা থৌদোক অমগা হকথেংননা মরী লৈনৈ অমসুং মহাক্কী ৱাখল্লোন অদু থবক ওইনা পাংথোক্নবগীদমক্তা নৌনা শেমদোকখ্রে। একজিবিৎ অসিনা গান্ধীগী খোঙচৎশিং অমসুং অতোপ্পা পেসেঞ্জরশিংগা ৱারী শানবগী মওং উৎলিবা মীতমশিংগা লোয়ননা মপুং ফানা চঙশিনবা য়াবা এক্সপিরিএন্স অমা পীরি। গান্ধী দর্শনদা লাকপা মীওইশিংনা হৌজিক্তি গান্ধীগী অহিংসা অমসুং খুন্নাইগী অচুম্বা ফিলোসোফী শেমগৎপদা মরু ওইবা থৌদাং লৌখিবা মহাক্কী খোঙচৎশিং অদুগী মতাংদা খঙবা ঙম্লগনি।

মসিগী মরু ওইবা মীকুপ অসি মহাত্মা গান্ধীগী লেংদ্রবা লেগেসী অমসুং ভারতকী নীংতম্বা অমসুং অপুনবগী শক্তমগীদমক লেংদ্রবা ফিরেপ অদুদা পীবা মতিক চারবা ইকাই খুম্নবা অমা ওইরি।

খাদী: মশা-মরোমদোম লেপচবা অমসুং সস্তেনেবিলিতীগী খুদম অমা

মহাত্মা গান্ধীনা মশা-মরোমদোম লেপচবা অমসুং সস্তেনেবিলিতীগীদমক ৱা ঙাংখিবা অদু হৌজিকসু খাদীগী প্রোমোসনগী খুত্থাংদা শন্দোরক্লি। খাদী অসি খুৎনা শাজবা ফেব্রিক্নি অমসুং মসিনা লায়রবা অমসুং শেন্মিৎলোনগী ওইবা মনিংতম্বা উৎলি। খাদী এন্দ ভিলেজ ইন্দস্ত্রীজ কম্মিসন (KVIC) না চহি খুদিংগী গান্ধীগী মপোক কুমওন পাংথোক্তুনা খাদি অমসুং খুঙ্গংগী এম্পাৱরমেন্ত প্রমোৎ তৌই। 2023গী গান্ধী জয়ন্তীদা, ন্যু দিল্লীগী কোন্নোত প্লেসতা লৈবা খাদি ভবনদা খাদি পোত্থোকশিং লুপা  করোর 1.52 য়োনদুনা অনৌবা রেকোর্দ অমা থমখি। মসিনা মশা-মরোমদোম লেপচবা ঙম্বগী খুদম অসিবু মতেং পাংনবগীদমক্তা মীয়ামগী অচেৎপা ফিরেপ অদু উৎলি।

দিজিতেল কম্মেমোরেসন

2019দা, প্রেস ইনফোর্মেসন ব্যুরো (PIB) না মহাত্মা গান্ধীগী 150শুবা মপোক কুমওনগীদমক অখন্নবা মাইক্রোসাইত,#Gandhi150 হৌদোকখি। সাইত অসিদা ইনফোর্মেসন অমসুং ব্রোদকাস্তিং মন্ত্রালয়গী ফিল্ম আর্কাইবকী অঙকপা ভিদিও ক্লিপশিং য়াওরি। মসিদা গান্ধীগী পুন্সিগী মরুওইবা তাঙ্ককশিং হায়বদি মহাক্কী খোঙচৎশিং, অহিংসাগী মতাংদা ৱা ঙাংখিবশিং অমসুং মীয়ামগা ৱারী শানবশিং উৎলি। দিজিতেল ইনিসিএতিব অসিনা মীয়ামগী পুক্নিং চিংশিনখি, অমসুং ইমপ্রেসন মিল্লিয়ন 3.6 হেনবা ফংখি অমসুং অনৌবা জেনরেসনশিংদা গান্ধীগী পাউজেল প্রমোৎ তৌখি।

ৱারোইশিন

ইন্তর্নেস্নেল দে ওফ নন-ভাইওলেন্স অসি মহাত্মা গান্ধীগী তম্বীরম্বা অদুগী মতম চুপ্পগী ওইবা মরী লৈনবগী শক্তি লৈরবা নীংশিং থৌরম অমনি। স্ত্রেতেজি অমা ওইনা খক নত্তনা পুন্সি মহিং অমা ওইনা নন-ভাইওলেন্স ঙাক্না চৎতুনা ঐখোয়না তুংগী মীরোলগীদমক হেন্না চান্নবা অমসুং তুং কোইনা চৎকদবা মালেম অমা শেম্বা ঙমগনি। এজুকেসন, এৱেরনেস, অমসুং মালেমগী ওইবা শীংনবশিংদা হিংসা য়াওদনা ৱারোইশিন পুরক্নবা প্রোমোসনগী থোংদা ঐখোয়না মহাত্মা গান্ধীগী লেগেসী অমসুং মীওইবা জাতিদা মহাক্না পীখিবা অচৌবা থৌদাংশিংবু ইকায় খুম্নবা উৎলি। মহাক্কী মমল নাইদ্রবা পাউজেল - শান্তি অসি হিংসা য়াওদনা ফংলবা য়াই হায়বগী পাউজেল অসিনা মালেম শীনবা থুংনা মীওই মিলিয়ন কয়াদা ইথিল পীরি।

রিফরেন্সশিং:-

https://pib.gov.in/PressReleseDetailm.aspx?PRID=1962995&reg=3&lang=1

https://pib.gov.in/PressReleaseIframePage.aspx?PRID=1962824

https://static.pib.gov.in/WriteReadData/gandhiji150/Webinar/9.pdf

https://pib.gov.in/PressReleaseIframePage.aspx?PRID=1864568

https://www.un.org/en/observances/non-violence-day

https://pminewyork.gov.in/IDNonViolence

https://x.com/narendramodi/status/1700737664302145794/photo/1

https://pib.gov.in/PressReleasePage.aspx?PRID=1964308

https://pib.gov.in/PressReleasePage.aspx?PRID=2060008

https://pib.gov.in/PressReleasePage.aspx?PRID=2050197

https://pib.gov.in/PressReleseDetail.aspx?PRID=2053764&reg=3&lang=1

PDFতা দাউনলোদ তৌবীয়ু

***