రాష్ట్రపతి సచివాలయం
గాంధీ జయంతిని పురస్కరించుకుని రాష్ట్రపతి శుభాకాంక్షలు
నాడు పోస్టు చేయడమైనది:
01 OCT 2024 7:30PM by PIB Hyderabad
భారత రాష్ట్రపతి శ్రీమతి ద్రౌపది ముర్ము గాంధీ జయంతి సందర్భంగా తన సందేశాన్ని ఇచ్చారు. రాష్ట్రపతి సందేశం ఇలా ఉంది:-
“జాతిపిత మహాత్మాగాంధీ 155వ జయంతిని పురస్కరించుకొని ప్రజలందరి తరఫున ఆయనకు నివాళులర్పిస్తున్నాను.
సత్యాన్ని, అహింసను అమితంగా ఆరాధించే బాపూజీ జీవితం యావత్ మానవాళికి ఒక విశిష్ట సందేశం. శాంతి, సహకార మార్గాన్ని అనుసరించాలని ఆయన మమ్మల్ని ప్రేరేపించారు. అంటరానితనం, నిరక్షరాస్యత, పారిశుద్ధ్య లోపం, ఇతర సామాజిక రుగ్మతల నిర్మూలనకు గాంధీజీ ఉద్యమాలు చేపట్టారు. మహిళా సాధికారత కోసం అలుపెరగని పోరాటం చేశారు.
గాంధీజీ నిత్య నైతిక సూత్రాలకు ప్రతీకగా నిలిచారు. నైతిక విలువల ఆధారిత నడవడికను అనుసరించాలని తెలిపారు. అత్యంత బలహీనులను బలోపేతం చేయటంపై ఆయన పోరాటం కేంద్రీకృతమైంది. ప్రపంచంలోని ఎందరో మహానుభావులను ఆయన ఆలోచనలు ప్రభావితం చేశాయి. వారు గాంధీజీ ఆశయాలను తమ పద్ధతుల్లోకి స్వీకరించారు.
సత్యం, అహింస, ప్రేమ, స్వచ్ఛత వంటి విలువలను అలవర్చుకుంటామని.. గాంధీజీ కలలుగన్న భారతావని కోసం దేశం, సమాజ అభివృద్ధికి నిరంతరం కృషి చేస్తామని ఈ సందర్భంగా సంకల్పం తీసుకుందాం”
****
(రిలీజ్ ఐడి: 2060994)
సందర్శకుల సూచీ సంఖ్య : : 103