সোসিএল জস্তিস অমসুং এম্পাৱরমেন্ত (M/o SJE) না লেপ্পা লৈতনা ভারতকী অহল ওইরবা মীয়ামগী নুংঙাই য়াইফনবগীদমক হোৎনদুনা লাক্লি। কেন্দ্রগী সোসিএল জস্তিস অমসুং এম্পাৱরমেন্ত মন্ত্রী, সা. ভিরেন্দ্র কুমারনা হয়েং নৈ দিল্লীদা পালন ওইনা পাঙথোক্কদবা ইন্তর্নেসনেল দে ওব ওল্দর পার্সন্স – ২০২৪গী অথোইবা মীথুংলেন ওইনা শরুক য়াগনি। রাজ্যগী মন্ত্রী শ্রী বি এল ভর্মসু ইকাইখুম্নবা মীথুংলেন ওইনা থৌরম অসিদা শরুক য়াগনি।

ফিরেপ অসিগা লোইননা, ইন্তর্নেসনেল দে ওব ওলদর পার্সন্স ২০২৪ অসি ওক্তোবর ১দা থা চুপ্না অহল ওইরবশিংগী নুংঙাই য়াইফনবা অমসুং মখোয়না খুনাইদা তম্লিবা শরুকশিংবু ইকাইখুম্ননবগী থবক থৌরম কয়া পায়খৎপগা লোইননা পালন তৌগনি। মসিগী পান্দমদি মীয়াম, সিভিল সোসাইতী, অমসুং লৈঙাক্কী বোদীশিংদগী থৱাই য়াওনা শরুক য়ানবগীদমক মীয়াম ভাপ তাহনবনি। মসিনা জেনরেসনশিংগী মরক্তা মরী চেৎপা, অহল ওইরবশিংনা তৌবীরমশিং শকখঙবীবা অমসুং নুংঙাই য়াইফনবগী ভাপ তাহন্নবগীদমক হোৎনবনি।

ভারত অসি মেদ্রিদ স্পেনগী ২শুবা য়ু এন জেনরেল এসেম্বলী ওন এজিংগী পোলিতিকেল দিক্লারেসন অমসুং মেদ্রিদ ইন্তর্নেসনেল প্লান ওব এক্সন ওন এজিং (২০২২) গী খুৎয়েক পীনরিবা লৈবাক অমনি। য়ূ.এন জেনরেল এসেম্বলীনা ওক্তোবর ১বু ইন্তর্নেসনেল দে ওব ওল্দর পার্সন্স হায়না ওক্তোবর ১৪, ১৯৯০দা হৌদোকখি। জেনরেল এসেম্বলী অসিনা ইন্তর্নেসনেল প্লান ওন এজিং ১৯৮২দা য়ুম্ফম ওইবা য়ু.এন. প্রিন্সিপলস লৌখৎখি। নিয়ম মরি অদুদি ইন্দিপেন্দেন্স, পার্তিসিপেসন, কেয়র, শেল্ফ-ফুলফিল্মেন্ত অমসুং দিগনিতীনি। য়ু.এন. দিকেত ২০২১-৩০ অসিসু হেল্থী এজিংগী দিকেত হায়না লাউথোকখি অমসুং SDG গোল ওব গুদ হেল্থ এন্দ ৱেল বিংগা তুননা চৎলি। ভারতনা নেসনেল পোলিসী ওন ওল্দর পার্সন্স (NPOP) ১৯৯৯দা মেদ্রিদ প্লানগী মমাংদা শেমখি।

MoSJE না ওক্তোবর ২০২৪দা লৌখৎখিবা মরুওইবা থবকশিং: 

১. ওক্তোবর ২০২৪গী থৌরমশিং:

ক। মরুইওবা থৌরমঃ নৈ দিল্লীদা এজুকেসন ইন্সতিত্যুসন অমদা HMSJE য়াওনা ৱাশক লৌবগী থৌরম পাঙথোক্কনি অমসুং অহল ওইরবা মীওইশিংদা এদ অমসুং এসিস্তিব দিভাইসশিং য়েন্থোকপা তোঙান-তোঙানবা থৌরমশিং পাঙথোক্কনি।

খ। রাস্ত্রিয়া ভায়োশ্রী কেম্পঃ ভারতকী তোঙান-তোঙানবা মফম ৫১দা HMSJE য়াওনা কেম্প কয়া পাঙথোক্কনি। হায়রিবা কেম্পশিং অসিনা অহল ওইরবা মীওইশিংদা চত্থোক চতশিন নুংঙাইনবা অমসুং মপুং ওইবা নুংঙাইবদা মতেং ওইগদবা দিভাইসশিং য়েন্থোকপদা মীৎয়েং থমগনি।

২. ইন্তর-মিনিস্ত্রী কোলাবোরেসনঃ M/o SJE না নুপী অমসুং অঙাং য়াইফ থৌরাং, এজুকেসন, খুঙ্গং চাউখৎ থৌরাং, তুরিজম, গৃহ, আয়ুশ মন্ত্রালয়শিংদা ইদুনা অহল ওইরবা মীওইশিংগী য়াইফ থৌরাংগী থবক থৌরমশিং পায়খৎপীনবা আপিল তৌখি। হায়রিবসিদা খুঙ্গংগী মফমশিংদা শেল্ফ হেল্প গ্রুপশিং য়াওনা, মরুওইনা ইন্তরজেনরেসনেল বোন্দিং অমসুং ফেমিলি ভেল্যু য়াওবা প্রোগ্রামশিং য়াওরি।

৩. তোল্ক সেরীজঃ ৱারী ৱাতাইগী পরিং অসি নেসনেল ইন্সতিত্যুত ওব সোসিএল দিফেন্স (NISD) না ওক্তোবর ১৬দা অহলশিংগী হক, য়াইফ থৌরাং অমসুং মশা মউ ফবগী মতাংগা মরী লৈননা পাঙথোক্কনি।

৪. রিজনেল রিসোর্স ত্রেনিং সেন্তরশিংগী প্রোগ্রাম/থৌরমঃ RRTC শিংনা মন্ত্রালয় অসিগী সেনিয়র সিতিজেন দিভিজনগী মখাদা ৱাল্কাথোন, তোল্ক সেরিজ, নহাশিংগী রেলি, য়ুনিভর্সিতী/কোলেজ/ইন্সিতিত্যুসনশিংদা ৱাশক লৌবা, সেন্সিতাইজেসন, কম্পিতিসন, বেন্নর, মেলা অমসুং স্পোর্ত/কলচরেলগী থৌরমশিং, শৈ/ৱারী পাবা, তাইম বেঙ্ক কন্সেপ্ত পীবা, IDOP অমসুং হকশেল কেম্পশিং পালন তৌবগী থৌরম পাঙথোক্কনি অমসুং MoSJE দগী ফন্দ ফংলিবা NGOশিং অমসুং ওল্দ এজ হোম চলাইরিবশিংনা নাৎকী প্রোগ্রামশিং, ফোল্ক আর্ত উৎপা, অহল অমসুং নহাগী মরক্তা ৱারী ৱাতাই শানবগী থৌরমশিং পাঙথোক্কনি।

৫. মাই গোব ক্বিজ অমসুং প্লেজ কেম্পেনঃ

ক। মাইগোব ফম্বাক্তা লৈবাক শীনবা থুংবদা সেনিয়র সিতিজেনগী হক অমসুং য়াইফ থৌরাংগী স্কিমশিংগী ক্বিজ হৌদোকখ্রে। ক্বিজ অসিনা চহি কাংলুপ খুদিংদা মরুওইনা নহাশিংদা অহল ওইরবশিংবু ইকাইখুম্নবা অমসুং লুনা চান্না থম্বীবগী মরুওইবগী মতাংদা ভাপ তাহনগনি।

খ। মাইগোবতা অখন্নবা ৱাশকনা মীয়াম্বু মখোয়গী লমদমদুদা লৈরিবা অহলশিংবু ইকাইখুম্নবীবা, নুংঙাই য়াইফনা থম্বীবগী মতাংদা খঙহনগনি।

৬. সেনিয়র সিতিজেন ৱেলফিয়র পোর্তেল হৌদোকপাঃ সেনিয়র সিতিজেন ৱেলফিয়র পোর্তেল অমা অথুবদা হৌদোক্লগনি। হায়রিবা পোর্তেল অসিনা অহলশিংগী ওইবা স্কিম, পোলিসী অমসুং ৱেলফিয়রগী থৌরাংশিংগী মতাংদা ঈ পাউ শন্দোক্কনি।

৭. মেগা কলচরেল ইভেন্তঃ 'সেলেব্রেতিং গ্রেস্ফুল এজিং: লাইফ বিগিন্স এৎ ৬০' হায়বা মিং অসিদা ওক্তোবর ২৪ দা পাঙথোক্কদবা নাতকী শোকাস অসিনা চহি ৭০ শুরবা আর্তিস্তশিংদগী নুংঙাইনা চহি য়াম্লকপা, গুরু শিশ্য পরম্পরা, ইন্তরজেসনেল সোলিদারিতী, ভারতকী মহৌশাগী চৎনবীগী মওংদা লুনা চান্না তৌবীবা অমসুং ইকাইখুম্নবা উৎপা পারোর্মেন্স পীগনি।

৮. গ্রান্দ ফিনালেঃ থা অমা চুপ্না পাঙথোক্কদবা পালন অসিদা গ্রান্দ ফিনালে অমা লৈগনি, মসি নৈ দিল্লীদা পাঙথোক্কনি।

***************