ভারতকী উদ্যোগ চাউখৎনবগী শিংথানিঙাই ওইবা মাইপাকপা অমা ওইনা, ঙসি প্রধান মন্ত্রী শ্রী নরেন্দ্র মোদীনা বিদকিন ইন্দস্ত্রিএল এরিয়া মীয়ামদা কৎথোকখ্রে। থৌরম অদু প্রধান মন্ত্রী ভর্চুএল ওইনা শরুক য়াখি অমসুং পুনেদা পাংথোকপা মপুং ওইবা থৌরমদা মহারাস্ত্রাগী রাজ্যপাল শ্রী সি.পি রাধাকৃষ্ণন, মহারাস্ত্রাগী চীফ মিনিস্তর শ্রী একনাথা সিন্দে অমসুং অতোপ্পা শক্নাইরবশিং শরুক য়াখি। থৌরম অদু ঔরিক হোলদগী ৱেবকাস্ত তৌখি, মফম অদুদা মহারাস্ত্রা সরকারগী হাওসিং অমসুং ও.বি.সি ৱেলফিয়ারগী মিনিস্তর শ্রী অতুল সাবে অমসুং রাজ্য সভাগী এম.পি দোক্তর ভাগৱাত করার অমসুং অতোপ্পা মীওই কয়া শরুক য়াখি।

বিদকিন ইন্দস্ত্রিল এরিয়া অসি মহারাস্ত্রাগী ছত্রপতি শম্বাজিনগরদগী খাদা কিমি ২০ রোম থাপ্না, ভারত সরকারগী নেসনেল ইন্দস্ত্রিএল কোরিদোর দিবলপমেন্ত প্রোগ্রামগী মখাদা একর ৭.৮৫৫ পাক-চাউবা লম অমদা শেমগৎপানি। দিল্লি মুম্বাই ইন্দস্ত্রিএল কোরিদোরগী মখাদা শেমগৎপা প্রোজেক অসিনা মরাথৱারা লমদমদা অচৌবা শেন-থুমগী মফম অমা ওইরগনি।

প্রোজেক অসিগী মরুওইবা শক্তমশিং :

মরুওইবা মফম : বিদকিন ইন্দস্ত্রিল এরিয়া অসি অফবা লম্বী-থোংগা শম্নরি, এন.ঐচ-৭৫২ইগী নাকলদা লৈরি অমসুং নাগপুর মুম্বাই শম্নরিবা সামরুদ্ধি মহামার্গতগী কিমি ৩৫ খক থাপ্পী।  ঔরাঙ্গাবাদ রেলৱে স্তেসন(কিমি ২০), ঔরাঙ্গাবাদ এয়রপোর্ত(কিমি ৩০) অমসুং জলনা দ্রাই পোর্ত কিমি (৬৫) থাপ্পী অমসুং এরিয়া অসি পি.এম গাতিশক্তিগী পান্দম মখাদা মল্তি-মোদাল কন্নেক্তিবিতি লৈহন্নবা দিজাইন তৌরে।

তাঙ্কক নাইনা শেমগৎপা: প্রোজেক অসি তাঙ্কক অহুম থোক্না লুপা করোর ৬,৪১৪গী অপুনবা শেনফম অমগা লোয়ননা শেমগৎনবা ভারত সরকারনা অয়াবা পীরে। ফেজ এ, লম একর ২,৫১১ কোশিন্দুনা লুপা করোর ২,৪২৭ থাদুনা শেমগৎকনি। প্রোজেক অসি পায়খৎনবগীদমক মহারাস্ত্রা ইন্দস্ত্রিএল দিবলপমেন্ত কোর্পোরেসন অমসুং নেসনেল ইন্দস্ত্রিএল কোরিদোর দিবলপমেন্ত এন্দ ইমপ্লিমেন্তেসন ত্রস্তকী মরক্তা ৫১:৪৯গী স্পিসিএল পর্পজ ভেহিকল অমা, মহারাস্ত্রা ইন্দস্ত্রিএল তাউন্সিপ লিমিতেদ শেম্লে।

থৌরাং তৌদুনা লৈরবা ইনফ্রাস্ত্রকচর: বিদকিন ইন্দস্ত্রিল এরিয়া অসি হৌজিক পাক্লবা লম্বীশিং, অফবা ঈশিং অমসুং মৈ ফংহল্লে অমসুং অৱাংবা থাক্কী সিৱেজ অমসুং অমোৎপা ঈশিং শেংদোক্নবা প্লান্তশিং লৈরে। হায়রিবা মরুওইবা ইনফ্রাস্ত্রকচরশিং অসি ইন্দস্ত্রিএল অমসুং মিক্স-য়ুজ প্লোতশিংগীদমক থৌরাং তৌদুনা লৈরে।

শেন থাদবা অমসুং শেন-থুমগী কান্নবশিং

মরুওইবা কম্পেনিশিং হায়বদি এথর ইনর্জি (একর ১০০), লুব্রিজোল (একর ১২০), তোয়োতা-কিলোস্কার (একর ৮৫০গী এম.ও.য়ু) অমসুং জে.এস.দব্লিউ গ্রিন মোবিলিতি (একর ৫০০) না বিদকিনদা য়াম্লবা শেনফমশিং থাদরে। হায়রিবা প্রোজেক মরি অসিদা থবক ৩০,০০০ ফংহনবগা পান্দম থম্বগা লোয়ননা লুপা করোর ৫৬,২০০গী অপুনবা শেনফম থাদগনি।

শাবা হেক হৌখিবদগী, ইন্দস্ত্রিএল অমসুং মিক্স-অপ জোনশিংদা অপুনবা একর ১,৮২২(প্লোত ৩৮) য়েন্থোকখ্রে। বিদকিন ইন্দস্ত্রিল এরিয়া অসিনা হৈথোই-শিংথোইবা মীওইশিং পুক্নিং চিংশিন্দুনা অমসুং য়াংনা উদ্যোগ চাউখৎলক্তুনা লমদম অসিগী শেন-থুম চাউখৎহনবদা অচৌবা কান্নবা অমা পীরগনি।

উদ্যোগকী থবক হেন্না মশক থোকহন্নবা মাইকৈদা থাংজিনবা খোঙথাং অমা

বিদকিন ইন্দস্ত্রিল এরিয়া লৈবাক মীয়ামদা কৎথোকপা অসি ভারত মালেমগী মেনুফেকচরিং পৱারহাওস অমা ওইনবা খোঙচৎকী অচৌবা খোঙকাপ অমনি। মেক ইন ইন্দিয়া অমসুং মেক ফোর ৱার্ল্দকী ভারতকী পান্দম ফংনবা বিদকিন ইন্দস্ত্রিল এরিয়া প্রোজেক অসি পায়খৎপনি অমসুং মসিনা লমদম অসিগী উদ্যোগ চাউখৎপা, শেন-থুম চাউখৎপা অমসুং তুংকোইনা চাউখৎপা হেন্না য়াংখৎহনগনি।

প্রধান মন্ত্রীনা হায়খি বিদকিন ইন্দস্ত্রিল এরিয়া অসি উদ্যোগকী মশক থোকপা থবক, থবক ফংবা, মপান্দা থাদোকপা হেনগৎহনবা অমসুং লমদম অসি হিরম খুদিংমক্তা চাউখৎপদা অচৌবা মৈরা অমা ওইরগনি।

****