7শুবা রাস্ত্রীয় পোশন মাহ 2024গী লোইশিনবগী থৌরম হয়েং সেপ্তেম্বর 30, 2024দা রাঞ্চিগী শৌর্য় সভাগরদা ঝারখন্দগী রাজ্যপাল, শ্রী সন্তোশ গেংৱর; নুপী অমসুং অঙাংগী চাউখৎ-থৌরাংগী কেন্দ্র মন্ত্রী, শ্রীমতি অন্নপুর্ন দেভী; ঝারখন্দ সরকারগী WCD&SS, গী মন্ত্রী শ্রীমতি বেবি দেভী; ভারত সরকারগী ঙাকশেলগী রাজ্য মন্ত্রী, শ্রী সঞ্জয় সেথ; নুপী অমসুং অঙাংগী চাউখৎ-থৌরাং মন্ত্রালয়গী সেক্রেতরী; অমসুং ভারত সরকার অমদি ঝারখন্দ সরকারগী নুপী অমসুং অঙাংগী চাউখৎ-থৌরাং মন্ত্রালয়গী  মকোক থোংবা ওফিসরশিং য়াওদুনা পাংথোক্কনি।

7শুবা রাস্ত্রীয় পোশন মাহ (সেপ্তেম্বর 1-30, 2024) অসিদা এনিমিয়া, গ্রোথ মোনিতরিং, কম্প্লিমেন্তরী ফিদিং, অমসুং পোশন ভী পরাই ভী, অমসুং হেন্না ফবা গভর্নান্সকীদমক তেক্নোলোজীদা মীৎয়েং থমখি। থা অমা চুপ্না চত্থরকপা কেম্পেন অসিনা "এক পের মা কে নাম" ইনিসিএতিবকী খুত্থাংদা "এনভাইর্নমেন্তেল সস্তেনেবিলিতী"দা মরুওইবা পীখি। মসিদা অঙ্গনৱাদি সেন্তর পুম্নমক্তা প্লান্তেসন পুক্নিং থৌগৎখি। ঙসি ফাওবদা পোশান মাহ অসিদা রাজ্যশিং/UTশিংনা চাউরাক্না করোর 12গী থবক থৌরমশিং পাংথোকখ্রে।

2018দা লৈবাক অসিগী অহানবা ন্যুত্রিসন-সেন্ত্রিক জন আন্দোলান হৌখিবা মতমদগী মন্ত্রালয়শিং/ দিপার্তমেন্তশিংগা পুনশিন্নবা অসি জন আন্দোলানগী মরুওইবা থৌদাং অমা ওইদুনা লাক্লি, মসিনা ভাবোক মখল কয়াদা মরুওইনা গ্রাসরুত্তা য়ৌহনবদা মতেং পাংলি।

সক্ষম অঙ্গনৱাদিশিং মপাঙ্গল কনখৎহল্লগনি, অপগ্রেদ তৌগনি অমসুং মশা-মউ ফগৎহন্নবা অঙ্গনৱাদিশিং শেমগৎকনি। সক্ষম অঙ্গনৱাদি সেন্তর অমগী অখন্নবা মগুন খরদি- LED স্ক্রীনশিং য়াওনা ইনফ্রাস্ত্রকচর ফগৎলকপা, থক্নবা ঈশিং পুরিফিকেসন তৌনবা ৱাতর ফিল্ত্রেসন সিস্তেম; আর্ল্লি চাইল্দহুদ কেয়র এন্দ এজুকেসন (ECCE) গী পোৎলমশিং, BALA (বিল্দিং এস এ লর্নিং এদ) পেন্তিংশিং; অমসুং পোশন বাতিকানা মখল কয়াগী চিঞ্জাক্কী পাম্বীশিং অমসুং হর্বশিং ফংহল্লি। পোশন মাহ লোইশিনবগী থৌরম অসিদা ভারত শিনবা থুংনা লৈরিবা সক্ষম অঙ্গনৱাদি সেন্তর লিশিং 11 হেন্না ভর্চ্যুএল ওইনা শঙ্গাগনি।

থৌরম মফম অসিদা মিসন পোশন 2.0গী মওং-মতৌশিং উৎলিবা একজিবিসন অমা ঝারখন্দগী রাজ্য সরকারনা শিনগনি।

পোশন মাহ 2024গী অরোইবা থৌরম অসিনা মশা-মউ ফবা অমসুং মচি ওইবা চিঞ্জাক চাবা ভারত অমগী মায়কৈদা অপুনবা খোঙথাংশিং অসি উৎলি। মসিনা শরুক য়ারিবা রাজ্য পুম্নমক্কী থৱায় য়াওবা অদু খঙবতা নত্তনা স্তেকহোল্দরশিংগা পুন্না থবক তৌমিন্নবগী মরুওইবা থৌদাং অদুসু খঙহল্লি। স্তেকহোল্দরশিংনা মখা তানা জন অন্দোলনগী খুত্থাংদা গ্রাসরুত মুভমেন্তশিং মপাঙ্গল কনখৎহন্দুনা সক্ষম অঙ্গনৱাদি সেন্তরশিংগী খুত্থাংদা কান্নবা ফংলবশিং অমসুং কম্ম্যুনিতীশিং শরুক য়াবা হেনগৎহল্লগনি। থৌরম অসি ৱেবলিঙ্ক অসিগী খুত্থাংদা ভারত পুম্বদা ৱেবকাস্ত তৌগনি: https://webcast.gov.in/mwcd/

*****