প্রধান মন্ত্রী শ্রী নরেন্দ্র মোদীনা ভিদিও কনফরেন্সকী খুৎথাংদা সেপ্তেম্বর ২৯,২০২৪গী নুমিৎয়ুংবা মতুং পুং ১২:৩০ রোম তাবদা মহারাস্ত্রাদা লুপা করোর ১১,২০০ হেনবগী তোঙান-তোঙানবা প্রোজেকশিং উরেপ-উয়ুং তমগনি, শঙ্গাগনি অমসুং মীয়ামদা কৎথোক্কনি।

প্রধান মন্ত্রীনা পুনে মেত্রো রেল প্রোজেক(ফেজ-১) লোইশিল্লকপা ওইনা দিস্ত্রিক কোর্ততগী শ্বারগেত ফাওবগী পুনে মেত্রো সেক্সন শঙ্গাগনি। দিস্ত্রিক কোর্ততগী শ্বারগেত ফাওবগী লৈনুংগী শরুক অসি লুপা করোর ১,৮১০ রোম চঙনা শেমগৎপনি।

মখা তানা, লুপা করোর ২,৯৫৫ রোম চঙনা পুনে মেত্রো ফেজ-১গী শ্বারগেত-কাতরাজ এক্সতেন্সনগী প্রধান মন্ত্রীনা উরেপ-উয়ুং তমগনি। খা-থংবা মাইকৈদা শেম্লিবা রুত অসি চাউরাক্না কিমি ৫.৪৬ রোম লৈনুংদা ওইগনি অমসুং মসিদা স্তেসন অহুম হায়বদি মার্কেত য়ার্দ, পাদ্মবতি অমসুং কাতরাজ লৈগনি।

মহারাস্ত্রাগী ছত্রপতি শম্বাজিনগরদগী খাদা কিমি ২০ রোম থাপ্না, ভারত সরকারগী নেসনেল ইন্দস্ত্রিএল কোরিদোর দিবলপমেন্ত প্রোগ্রামগী মখাদা একর ৭.৮৫৫ পাক-চাউবা লম অমদা শেমগৎপা বিদকিন ইন্দস্ত্রিল এরিয়া প্রধান মন্ত্রীনা লৈবাক মীয়ামদা কৎথোক্কনি। দিল্লি মুম্বাই ইন্দস্ত্রিএল কোরিদোরগী মখাদা শেমগৎপা প্রোজেক অসিনা মরাথৱারা লমদমদা অচৌবা শেন-থুমগী মফম অমা ওইরগনি। তাঙ্কক অহুম থোক্নবা শেমগৎনবা অপুনবা শেনফম লুপা করোর ৬,৪০০ হেনবগী প্রোজেক অসি ভারত সরকারনা অয়াবা পীখ্রে।

প্রধান মন্ত্রীনা সোলাপুর এয়রপোর্ত শঙ্গাগনি অমসুং মসিনা সোলাপুরদা লমকোয়বা মীওইশিং ললোনবশিং অমসুং শেন থাদবা মীওইশিং চৎথোক-চৎশিনগী খুদোংচাবা হেন্না ফগৎহল্লগনি। সোলারপুগী হৌজিক লৈরিবা তর্মিনেল অসি অমুক হন্না শেমগৎপদগী চহি অমদা পেসেঞ্জর লাখ ৪.১ রোম চৎথো-চৎশিন তৌবা ঙমহল্লগনি।

ভিদেৱারাদা ক্রান্তিজয়তি সাবিত্রিবাই ফুলেগী অহানবা নুপীমচাশিংগী স্কুলগী মেমোরিএল শানবা প্রধান মন্ত্রীনা উরেপ-উয়ুং তমগনি।

*****