কম্মর্স অমসুং ইন্দস্ত্রীগী কেন্দ্র মন্ত্রী, শ্রী পিয়ুশ গোয়লনা ইনভেস্ত ইন্দিয়া, NICDC, ECGCগী মীহুৎ ত্রেদ অমসুং তুরিজমগা মরী লৈনবা অতোপ্পা ওফইসিএল কয়াগা লোয়ননা CIIনা মীহুৎ শিনবা প্রাইভেত সেক্তর কয়াগা লোয়ননা ঙসি ওস্ত্রেলিয়াগী সিদনীদা ত্রেদ প্রোমোসনগী ওফিস অমা হাংদোক্লগনি হায়না লাউথোকখ্রে। ওস্ত্রেলিয়াগী ত্রেদ অমসুং তুরিজম মন্ত্রী, ঐচ.ই. দোন ফেরেলগা লোয়ননা এদেলাইদতা পাংথোকখিবা অপুনবা প্রেস কনফরেন্স অমদা ৱা ঙাঙবদা, শ্রী গোয়লনা ওফিস অসিনা নাকল অনিমক্কী ইনভেস্তর অমসুং ব্যুজিনেসমেনশিংগী মরক্তা থোং অমগুম্না মথৌ তৌগনি হায়খি। থৌওং অসিগী মিৎয়েংদি ত্রেদ, ইনভেস্তমেন্ত, তুরিজম অমসুং তেক্নোলোজীগী পার্ত্নরশিপ পাকথোক চাউথোকহনবনি হায়না মন্ত্রী গোয়লনা হায়খি।

মন্ত্রী গোয়লনা হায়খি মদুদি ভারতনা ঙসি মেক ইন ইন্দিয়াগী চহী 10 মপুং ফাবগী নুংঙাইবা ফোংদোক্লি। প্রোগ্রাম অসিনা মেন্যুফেকচরিং সেক্তরগী শিংনবশিং কোকহন্নবা অপুনবা এপ্রোচ অমা পীরি হায়না মহাক্না হায়খি। মসিনা ইনফ্রাস্ত্রকচরগীদমক 'প্লগ এন্দ প্লে'গী খুদোংচাবা লৈহনবা, অয়াবা পীনবগীদমক সিঙ্গল ৱিন্দো সিস্তেম লৈহনবা, কমপ্লাইএন্সকী পোৎলুম হন্থহনবা, আইনশিং দিক্রিমিনেলাইজ তৌবা, অনৌবা সেক্তরশিংদা FDI হাংদোকপা অমসুং স্তার্তঅপ ইকোসীস্তেম্বু পুক্নিং থৌগৎপগী থৌওং পাংথোক্তুনা ভারত্তা মেন্যুফেকচরিংগী পুক্নিং চীংশিন্নবা মখল য়াম্বা খোঙথাং কয়া পায়খৎপগী মশক তাক্লি।

তেক্নোলোজী, খুদোংচাবশিং একচেঞ্জ তৌনবা অমসুং বিজিনেসশিং অমগা অমগা থবক তৌমিন্ননবা পুক্নিং থৌগৎনবা ভারতকী মেক ইন ইন্দিয়া প্রোগ্রাম অমসুং ওস্ত্রেলিয়াগী মেক ইন ওস্ত্রেলিয়া প্রোগ্রামগী মরক্তা চাউরবা ওইথোকপা কয়া লৈ হায়না মন্ত্রী গোয়লনা ফোংদোকখি। মন্ত্রীনা মখা তাখি মদুদি এজুকেসন, স্কিল দিবেলপমেন্ত, ইনভেস্তমেন্ত, তুরিজম, ক্রিতিকেল মিনরেলস, সস্তেনেবিলিতীগীদমক গ্রীন ইকোসিস্তেমদা মতেং পীনবা হেনগৎলকপা অসি পার্তনরশিপ অসিনা মরুওইবা পোতেন্সিএল লৈবা লমশিংনি।

মহাক্কী ওস্ত্রেলিয়া খোংচৎকী মতাংদা পল্লদুনা মন্ত্রী গোয়লনা হায়খি মদুদি CII অমসুং FICCI অনিমক্কী লুচিংবশিংনা ওস্ত্রেলিয়াদা অহানবা ওইনা শরুক য়াখি। মসিনা পার্তনরশিপ অসিগী মরুওইবা অদু তাক্লি। মহাক্না মখা তাখি মদুদি লৈবাক অনিগী মরক্তা মমাংদা অমুক্তা ওইখিদ্রিবা মরী অসি 2022গী মেদগী সেনিয়র লুচিংবশিংগী মীফম 9 পাংথোকখিবা অসিনা লুচিংবশিংগী মরক্তা লৈনরিবা অচেৎপা মরী অদু উৎলি।

মন্ত্রী গোয়লনা মখা তাখি মদুদি ভারত অমসুং ওস্ত্রেলিয়ানা কমপ্রেহেন্সিব ইকোনোমিক কোওপরেসন এগ্রীমেন্ত (CECA)গী খুত্থাংদা ইকোনোমিক-কোওপরেসন অমসুং ত্রেদ এগ্রীমেন্ত (ECTA) মপাঙ্গল কনখৎহন্নবা হোৎনরি। মহাক্না হায়খি ECTA এগ্রীমেন্তনা নাকল অনিমক্তা কৈথেলগী খুদোংচাবশিং ফংহনখ্রে অমসুং পোৎলমশিং ললোন-ইতিক তৌবদা চাউনা হেনগৎহনখ্রে।

ওস্ত্রেলিয়ানা হেন্না চাউবা ত্রেদ, তেক্নোলোজী এক্সচেঞ্জ তৌবা, সস্তেনেবিলিতীগী চপ মান্নবা পান্দম থমদুনা অমসুং হাই-তেক সর্ভিস অমদি ইনভেস্তমেন্তকী খুদোংচাবা কয়া পীদুনা ভারতকী চাউখৎ লমজেল অসিদা য়ারিবা থৌদাংবু শ্রী গোয়লনা শকখঙখি। “ভারতনা D মরিগী খুদোংচাবা পীরি। মখোয়শিং অদুদি – দেমোক্রেসী, দেমোগ্রাফিক দিবিদেন্দ, দিমান্দ অমসুং দিসাইসিব লীদর্শিপ অসিনি। হায়রিবশিং অসি লৈবাক অসিবু শেমদোকপা অমসুং মথৌ নীংথিনা পাংথোকহনবা পাম্লিবা প্রধান মন্ত্রীগী লুচিং মখাদা পীরি”, হায়না মন্ত্রীনা মখা তাখি।

***