Ka dei ka sngi kaba hynniew jong ka SHS 2024 campaign, hapoh ka phang "Swabhav Swachhata Sanskaar Swachhata," bad la da poi sha uwei na ki mawmer! Ha tang hynniew sngi hadien ba la sdang ia kane ka kam, 25% ki Cleanliness Target Unit (CTU) ba la thew ki dei kiba la pynkylla sha ki jaka ba khuid bad ba itynnad. Palat 5 lak tylli ki CTU – ki jaka ba dum, ba jynjar bad ba shah ieh bein – ki dei kiba la thmu ban pynlong ia ki jingpynkhuid ha kylleng ka ri. Kane ka sienjam ka dei kawei na ki rishot jong ka prokram ba ar taiew naduh ka 17 tarik u Nailur haduh ka 2 tarik u Risaw, 2024 haba ka Swachh Bharat Mission Urban (SBM-U) ka dap shiphew snem ka jingkhuid.

Na ka bynta ka SHS 2024, dang pynlong 1lak ki prokram ha kylleng ka ri hapoh ki lai tylli ki rishot jong ka Swachhata Lakshit Ekayi (CTU), Swachhata Mein Jan Bhaagidaari bad SafaiMitra Suraksha Shivir, ha kaba la iashim bynta palat 3 klur ngut ki briew jong ka ri. Haduh mynta ki jingpynkhuid ha ki CTU ki dang iaid shakhmat ha palat 4 lak ki jaka ha kylleng ka ri kaba pyni ia ka jingiashim bynta kaba iar ha ki jylla. Palat 1 lak kine ki jaka ki dei kiba la pynkylla. Ka Uttar Pradesh ka dei kaba hakhmat duh, ha kaba ka la lah ban pynkhuid bad pynkylla palat 45,000 tylli ki CTU. Ka Tamil Nadu ka wan ba ar ha kaba la pynbeit ia 28,000 tylli ki unit, katba ka Bihar ka la pyndep ia ki kam ha 19,000 tylli ki jaka, palat 18,000 tylli ki CTU ki dei kiba la pynkylla ha Rajasthan katba ka Andhra Pradesh ka la dep pynkylla jan 17,000 tylli ki jaka.

Kum shi bynta ka Ek Ped Maa Ke Naam campaign, palat 1 million tylli ki dieng ki dei kiba la dep thung haduh mynta. Ha kane ka taiew ba la dep, palat 7,000 tylli ki surok ki dei kiba la dep pynkhuid bad la pynlong palat 50,000 tylli ki prokram deiriti jong ki thain.

Ki don katto katne ki tnad Sorkar Pdeng kiba iashim bynta ha ka Swachhata Hi Seva lyngba ki jingpyhuid ha ki CTU, bad ki prokram thung dieng, ki cyclothon, plogathon, bad ki prokram pyni deiriti. Bun ki Myntri Rangbah ki la ialam lynti ha kane ka kam da kaba sdang ia ki jingpynkhuid ha ki CTU, jingplie paidbah ia ki SafaiMitra Shivir, ka jingai shramdaan, katba kane ka kam ka dang iaid ha kylleng ka ri. Ki Myntri Sorkar Pdeng ruh ki la iashim bynta ha ki kam kum ki jingbam smai, ki prokram thung dieng bad kiwei kiwei ki sienjam ha kylleng ka ri.

Ha ka jingpynskhem biang ia ka jingkut jingmut ban don ka jingkhuid ha baroh ki bynta jong ka jingim, ki bor pyniaid ia ki jaka sor, ki gram panchayat, kynhun niam, NGO, CPSU, ki tnad sorkar pdeng bad ki sorkar jylla ki la iatylli lang ha ki kam na ka bynta ka Swachhata Hi Seva 2024. Lyngba ka jingiar ka kam bad ka jingiashim bynta ha kylleng ka ri, ki dak ki shin kiba paw kilong kiba shai. Kane ka jingiatreilang ka pynkhlain ia kane ka kam bad ka rah shakhmat ruh ia ka thong jong ka Swachh Bharat Mission Urban, kaba thmu ban don ki nongbah kiba lait na ki jaboh jabain.

*****