آیوش کی وزارت نے ملک بھر میں اپنی کونسلوں اور اداروں کے ساتھ مل کر ’سوچھتا ہی سیوا‘ مہم کے تحت ملک گیر  سطح پر  502 سرگرمیاں شروع کیں۔ 15 روزہ مہم 17 ستمبر 2024 کو شروع کی گئی تھی جو یکم اکتوبر 2024 تک جاری رہے گی۔ مہم کو تین اہم ستون 'سوچھتا میں جن بھاگیداری، - پہلا ستون 'سوچھتا میں جن بھاگیداری،' ’سمپورن سوچھتا‘ ، 'صفائی متر سرکشا  شیویر'کی بنیاد پر ڈیزائن کیا گیا ہے۔’سوچھتا میں جن بھاگیداری‘ کے تحت، وزارت نے اب تک کل 227 سرگرمیاں شروع کی ہیں، جن میں عوامی شرکت، بیداری بڑھانے اور صفائی کو مشترکہ ذمہ داری بنانے پر زور دیا گیا ہے۔ دوسرے ڈومین کے تحت 'سمپورن سوچھتا' نے کامیابی سے 90 سرگرمیاں انجام دی ہیں جن کا مقصد نظر انداز کیے گئے علاقوں میں صفائی کے مسائل کو حل کرنا ہے۔ تیسرے ستون، 'صفائی متر سرکشا  شیویر' کے ساتھ، 185 سرگرمیاں جاری ہیں۔ یہ سرگرمیاں صفائی کے کارکنوں کے کام اور صحت کے حالات کو بہتر بنانے پر مرکوز ہیں۔

آیوش کے وزیر مملکت (آزادانہ چارج) جناب پرتاپراؤ جادھو نے کہا کہ "صفائی صرف ایک فرض نہیں ہے، بلکہ ہماری قوم کے لیے ایک عقیدت ہے۔ ہر شہری کے پاس ہر عمل میں صفائی کو اپناتے ہوئے ایک  زیادہ صحت مند اور زیادہ  مضبوط ہندوستان بنانے کی طاقت ہے۔ سووچھتا ہی سیوا مہم کے ساتھ آئیے ہم ہندوستان کو صاف ستھرا، ہرا بھرا اور آنے والی نسلوں کے لیے  زیادہ صحت مند بنانے کے لیے متحد ہوجائیں۔

آیوش کی وزارت اس مہم کے ساتھ کامیابی سے چل رہی ہے جس کی حمایت اور شروعات   ہاؤسنگ اور شہری امور کی وزارت اور وزارت جل شکتی نے  کی ہے جس کا مقصد ملک بھر میں صفائی ستھرائی کو بڑھانا ہے۔ مہم کا موضوع ، ’سوبھاو سوچھتا، سنسکار سوچھتا،‘ دونوں  رویے اور ثقافتی  تبدیلیوں کو فروغ دینے پر مرکوز ہے۔

مہم تین اہم ستونوں کے ارد گرد مبنی  ہے، جن میں سے ہر ایک کو زیادہ سے زیادہ عوامی شمولیت کو فروغ دینے اور اجتماعی کارروائی کے ذریعے بامعنی اثر ڈالنے کے لیے ڈیزائن کیا گیا ہے۔ پہلا ستون، 'سوچھتا میں جن بھاگیداری'، عوام کی شرکت اور بیداری بڑھانے پر زور دیتا ہے اور  صفائی کو ایک مشترکہ ذمہ داری بناتا ہے۔ وزارت نے اپنے مقاصد کی تکمیل کے لیے اس ستون کے تحت 227 سرگرمیاں انجام دی  ہیں۔ سوچھ بھارت مشن کے آغاز کے بعد سے، اس کی کامیابی اجتماعی ذمہ داری سے چلتی ہے، جس میں ہر شہری ایک اہم کردار ادا کر رہا ہے۔

دوسرا ستون، 'سمپورن  سوچھتا'، سمپورن سوچھتا پہل کے تحت صفائی مہموں پر توجہ مرکوز کرتا ہے۔ اس کا مقصد نظرانداز شدہ یا چیلنجنگ مقامات کو، جنہیں اکثر سیاہ دھبوں کے نام سے جانا جاتا ہے، کو صاف اور صحت مند جگہوں میں تبدیل کرنا ہے۔ صفائی کی باقاعدگی سے کوششوں کے دوران ان علاقوں کا انتظام کرنا عموماً مشکل ہوتا ہے، جس سے صحت اور ماحولیاتی خطرات لاحق ہوتے ہیں۔ مہم نے ان مسائل سے نمٹنے کے لیے 90 سرگرمیاں کامیابی سے مکمل کی ہیں۔

یہ مہم بلدیاتی اداروں کی حوصلہ افزائی کرتی ہے، خاص طور پر گاؤوں   میں، میگا کلین لینس ڈرائیوز کے ذریعے ان سیاہ مقامات کی نشاندہی اور ان سے نمٹنے کے لیے، شہریوں اور شراکت دار تنظیموں دونوں کو متحرک کرتی ہے۔

تیسرا ستون، 'صفائی متر سرکشا  شیویر'، صفائی کے کارکنوں کی صحت، حفاظت اور تندرستی  کو ترجیح دیتا ہے، جنہیں  عام طور پر صفائی متر  کہا جاتا ہے۔ ان کی کوششوں کی حمایت کے لیے، ان کے کام کے حالات کو بہتر بنانے کے لیے 185 سرگرمیاں مکمل کی گئی ہیں۔ احتیاطی صحت کی جانچ کے اقدام کے تحت، صحت کے کیمپوں کا انعقاد کیا جائے گا تاکہ اس بات کو یقینی بنایا جا سکے کہ صفائی متر  اور ان کے اہل خانہ کو صحت کی  نگہداشت کی ضروری خدمات تک رسائی حاصل ہو۔

’سوچھتا ہی سیوا‘ مہم فی الحال جاری ہے اور یہ 1 اکتوبر 2024 تک چلے گی۔ آیوش کی وزارت تمام شہریوں کو ملک بھر میں صفائی اور حفظان صحت کے کلچر کو فروغ دیتے ہوئے اس اہم اقدام میں بڑھ چڑھ کر حصہ لینے کی دعوت دیتی ہے۔

*****

(ش ح ۔ا ک۔ر ب)

U.No.380