কেন্দ্রগী এনভাইরোন্মেন্ত, ফোরেস্ত অমসুং ক্লাইমেত চেঞ্জ মন্ত্রী শ্রী ভুপেন্দর য়াদবনা ইন্দিয়ন ইন্সতিত্যুত ওব তেক্নোলোজী, দিল্লীদা জুলাই ২৯, ২০২৪দা অকোইবদা অকাইবা পীদবা পুন্সি মহিংগা মরী লৈননা হিংবগী মওং হোংদোক্নবগী পোত্থোক অমসুং সর্ভিসশিংগা মরী লৈনবা ৱাখল্লোনশিং কৌনবা  আইদিয়াস4লাইফ পোর্তেল হাংদোকখি।

য়ুনিসেফ য়ুৱাগা খুৎশম্নদুনা শেমখিবা 'Ideas4Life.nic.in' হায়বা পোর্তেল অসিনা শরুক য়ারিবশিংদা মখোয়গী ওইবা ৱাখল্লোন অমসুং অনৌবা থবকশিং থাজিনবা য়াহল্লি। মিসন লাইফকী থিম তরেতকী মখাদা খনগৎলবা আইদিয়াশিং অসিবু শকখঙবীদুনা লনাই নৎত্রগা ইন্সতিত্যুসনগী ওইনা চাওনা মনা পীগনি।

মখা তানা, আই.আই.তি. বোম্বেদা অনৌবা অকোইবগী ফিভম কন্নবগী ইনোৎ হাপ্নবগী পান্দমদা রাজ্যগী এনভাইরোনমেন্ত দিপার্ত্মেন্ত, মহারাস্ত্রা সরকারগা খুৎশম্নদুনা ওগস্ত ৩১, ২২৪দা থৌরম অমা পাঙথোকখি। মসিদা কেন্দ্রগী মন্ত্রী ভুপেন্দর য়াদবনা Ideas4LiFE কী আইদিয়া থাজিনবগী মতম সেপ্তেম্বর ১৫ দগী ওক্তোবর ১৫, ২০২৪ ফাওবা শাংদোকখি।

মরুওইবা এজুকেসনেল বোদীশিং হায়বদি য়ুনিভর্সিতী গ্রান্ত কম্মিসন (য়ু.জি.সি.) অমসুং ওল ইন্দিয়া কাউন্সিল ফোর তেক্নিকেল এজুকেসন (এ.আই.সি.তি.ই.)গা খুৎশম্নদুনা থৌরাং অসিবু একাদেমিক ইন্সতিত্যুসনশিংদা চৎনহন্নবা, মহৈরোইশিং, ফেকলতী অমসুং রিসর্চরশিংদা পুক্নিং থৌগৎতুনা তুং কোইনা চৎনবা য়াবা পুন্সি মহিং অমগী ৱাখল্লোন শাগৎমিন্ননবা হোৎনরি।

UGC, AICTE, IIT অমসুং লৈবাক অসিদা লৈরিবা তোঙান-তোঙানবা ইন্সতিত্যুসনশিংনা আইদিয়া4লাইফ আইদিয়াথোন মহৈরোইশিং, রিসর্চরশিং অমসুং একাদেমিক কম্ম্যুনিতীদা শৌগৎনবা মরুওইবা থৌদাং লৌরি। মখোয়না ইন্নোভেতিব ওইবা, মীয়ামগী ওইবা অমসুং অকোইবদা অকাইবা লৈতবা ৱাখল্লোন অমসুং তেক্নোলোজীশিং পুখৎনবা পুক্নিং থৌগৎলি। আইদিয়াথোন অসিদা মিসন লাইফকা তুননা চৎপা থিম তরেত য়াওরিঃ ঈশিং কনবা, এনর্জী মাঙহন্দবা, অরেম্বা হন্থহনবা, ই ৱেস্ত মেনেজমেন্ত, অমুক শীজিন্নরগা লোইবা চেরংশিং হন্থহনবা, তুং কোইনা চৎপা য়াবা চীঞ্জাক্কী মওং লৌবা, অমসুং মশা মউ ফবা পুন্সি মহিং অমা শেমগৎপনি।

মন্ত্রালয় অসিনা ideas4LiFE থৌরাং অসিবু #Ideas4LiFE কী সোসিএল মীদিয়া আউৎরিচকী খুত্থাংদা শন্দোক্লি। হৌজিক ফাওবদা ideas4LiFE পোর্তেলদা মিং ৩৩০০ চনখ্রে অমসুং আইদিয়া ১০০০ হেন্না ফংখ্রে। #Ideas4LiFEকী সোসিএল মীদিয়া আউৎরিচনা ইম্প্রেসন ৪৬.৫ অমসুং রিচ মিলিয়ন ১৩.৫ ফংলি।

কেম্পেন অসিনা য়ৌবগী চাং অসি য়ু.জি.সি/এ.আই.সি.তি.ই./এজুকেসন দিপার্ত্মেন্ত/রাজ্য সরকার অসিনচিংবশিংগা উনদুনা শন্দোক্নবা হোৎনরি। অনৌবা আইদিয়াশিং অসি জুরি অমনা য়েংশিন্দুনা মায় পাকপশিং লাউথোক্কনি। হায়রিবা আইদিয়াশিং অসি মনা পীদুনা শকখঙবীবদা নত্তনা জাতিগী অনৌবা ৱাখল্লোনগী পুক্কৈদা থমগনি। মসিবু হেন্না শেমগৎকনি, চাউথোকহনগনি, অমসুং তোঙান-তোঙানবা স্তেকহোল্দরশিংনা লৈঙাক্কী বোদীশিং অমসুং প্রাইবেত এন্তাইতীশিং য়াওনা চলাইহনগনি।

***