প্রধান মন্ত্রী, শ্রী নরেন্দ্র মোদীনা রাস্ত্রপতি জোসেফ আর বাইদন জুনিয়রনা য়ুম্বু ওইদুনা দেলাৱেয়রগী ৱিলমিংতনগী ক্বাদ লুচিংবশিংগী মীফমগী নাকন্দা পাঙথোকপা ক্বাদ কেন্সর মুনশোত্তা শরুক য়াখ্রে।

থৌরম অদুদা ৱা ঙাংলদুনা প্রধান মন্ত্রীনা রাস্ত্রপতি বাইদনগী সর্ভিকেল কেন্সর থিংবা, খংদোকপা অমসুং লাইয়েংবদা পান্দম থম্বা থৌরাং অসিগীদমক শিংথাখি। মহাক্না হায়খি মদুদি থৌরম অসিনা মমল হোংবা, লাইনা ফংবা অমসুং মগুন লৈবা হিদাক লাংথক কয়া ইন্দো-পেসিফিক লৈবাকশিংদা ফংহল্লগনি। মহাক্না হায়খি মদুদি ভারতনা লৈবাক অসিদা মাস সর্ভিকেল কেন্সর স্ক্রীনিং প্রোগ্রাম অমা পাঙথোকখি। ভারতকী হকশেলগী সেক্যুরিতীগী থৌরাংগী মতাংদা ফোংদোক্লদুনা মহাক্না পনখি মদুদি লৈবাক অসিনা সর্ভিকেল কেন্সরগী তিকা অমা পুথোকখ্রে অমসুং লাইন অসিগী ওইনা এ.আই.দা য়ুম্ফম ওইবা লাইয়েং পথাপ অমদা পায়খৎলি।

ভারতনা কেন্সর মুনশোত থৌরমদা শরুক তম্বা ওইনা ভারতকী মালেম অমা হকশেল অমগী মঙলানগী শরুক অমা ওইনা প্রধান মন্ত্রীনা ইন্দো পেসিফিক রিজনদা কেন্সর তেস্তিং, স্ক্রীনিং, অমসুং দাইএগ্নোস্তিক্সকী ওইনা য়ু.এস. $৭.৫ মিলিয়নগী শেন্থং অমা লাউথোকখি। প্রধান মন্ত্রীনা অমুকসু লাউথোকখি মদুদি ভারতনা ইন্দো পেসিফিক্তা কেন্সর থিংনবা রেদিওথেরাপীগী লাইয়ং অমসুং কেপাসিতী শাগৎনবা মতেং পীগনি হায়খি। মহাক্না মসিমসু পনখি মদুদি ইন্দো-পেসিফিক লৈবাকশিংনা ভারত্তগী গাভি অমসুং ক্বাদ প্রোগ্রামশিংগী মখাদা তিকা দোজ মিলিয়ন ৪০ হেবগী সপ্লাইদগী কান্নবা ফংগনি। প্রধান মন্ত্রীনা পনখি মদুদি ক্বাদনা থবক পায়খৎলকপা মতমদা, মসি লৈবাকশিং খক্তগী নত্তনা মীয়ামগীনি অমসুং মসিনা মীওইবদা মীৎয়েং থম্বা অশেংবা মশকনি।

ভারতনা ইন্দো-পেসিফিক লমদমদা লৈবা লৈবাকশিংদা করিগুম্বা মখোয়না পাম্লবদি কেন্সর স্ক্রীনিং, কেয়র অমসুং কোন্তিনমদা দিজিতেল হেল্থতা দব্ল্যু.ঐচ.ও.গী গ্লোবেল ইনিসিএতিবতা পীরিবা য়ু.এস. $১০ মিলিয়নদগী মতেং পাংগনি।

কেন্সর মুনশোত থৌরাংগী খুত্থাংদা ক্বাদ লুচিংবশিংনা সর্ভিকেল কেন্সর কেয়র অমসুং লাইয়েংগী ইকোসিস্তেমদা ইন্দো পেসিফিক লৈবাকশিংদা মতেং পাংনবা পুন্না হোৎনমিন্নদুনা অহাংবা মেনশিনগনি। জোইন্ত কেন্সর ফেক্ত শিত অমসু থৌরম অদুদা ফোংখি।

***