ইজ ওফ দুইং বিজনেস য়োকখৎনবা অমসুং হেন্না ইনক্লুসিব ওইবা ইকোনোমী অমা শেম্নবা সরকার লৌরিবা ফিরেপ অদুগা মরি লৈননা, গোবর্নমেন্ত ই-মার্কেতপ্লেস (GeM)না হন্দক্তা প্লেতফোর্ম অসিদা ত্রানঞ্জেক্সন তৌরিবা সেলরশিং/সর্বিস প্রোভাইদরশিংদা হান্না থম্লম্বা ত্রাঞ্জেক্সন চার্জশিংদা য়াম্না চাউনা হন্রগনি হায়না লাউথোকখ্রে। মসিগী শিংথানিংঙাই ওইবা খোংথাং অসি সরকারগী নুমিৎ ১০০নিগী অনৌবা থৌরাংগী শরুক অমনি। মসিগী মতুং ইন্না, GeMনা ২০২৪গী ওগস্ত ৯দগী চৎনবা হৌনবা পোর্তল অসিগী অনৌবআ পোলিসী অমা ওইনা লাউথোকখ্রে।

পোলিসী অসিগী মতুং ইন্না:

হান্না লুপা লাখ ৫ ফাওবদা পীরম্বা খুদোংচাবা অদুগী মহুত্তা হৌজিক্তি লুপা লাখ ১০ ফাওবগী ওর্দর পুম্নমক্তা ত্রাঞ্জেক্স চার্জ অমত্তা লৈররোই।

লুপা লাখ ১০দগীনা লুপা করোর ১০ ফাওবদা হান্না মমাংদা লৈরম্বা ০.৪৫%গী চার্জ অদুগা চাংদম্নবদা হৌজিক্তি অপুনবা ওর্দর অদুগী ০.৩০% খক্তমক ত্রাঞ্জেক্স চার্জ ওইনা লৌরগনি।

হান্নগী লুপা লাখ ৭৩.৫দা অকক্নবা থম্লম্বা ত্রাঞ্জেক্সন চার্জ অদুদগী য়াম্না চাউনা হান্থদুনা লুপা করোর ১০গী মথক্কী ওর্দরশিংদা লুপা লাখ ৩গী ফ্লেত ফী থিরগনি।

GeMদা ত্রাঞ্জেক্সনশিংগী ৯৭% রোমদি ত্রাঞ্জেক্সন চার্জ অমত্তা লৈররোই, অদুগা মখাতাবা লুপা লাখ ১০গী মথক্কী ওর্দরশিংদা নোমিনেল ফী @০.৩০% ওইগনি অদুগা ওর্দরগী চাউবগী মখা পোন্দনআ খ্বাইদগী য়াম্লবদা লুপা লাখ ৩ ফাওবা খক্তা ওইগনি। মসিগী খোংথাং অসি GeMদা ইজ ওফ দুইং বিজনেসকী মতাংদা য়াম্না শিংথানিংঙাই ওইবা অহোংবা অমনি অমসুং ত্রাঞ্জেক্সনগ কোস্ত হন্থহন্নবগী সরকারগী ফিরেপ অদুগশু মরি লৈনৈ। অমুক্তদা, GeMনা মখোয়গী ত্রাঞ্জেক্সন ফী অদু চাউরাক্না ৩৩%দগী ৯৬% ফাওবা হন্থহনখ্রে, মসিনা GeM সেলরশিং/সর্বিস প্রোভাইদরশিংবু হেন্না কমপিতিতিব ওইহনবদা য়াম্না কান্নগনি।

খ্বাইদগী অনৌবা ত্রাঞ্জেক্সন ফী অসিনা পব্লিক প্রোক্যোরমেন্ত সিস্তেমদা অচান-মীরান খাইদনা পুম্নমক্তা ফংহন্নবগী পান্দম থম্লি। মসিনা মরু ওইনা য়াম্না চাউবা ফাইনান্সিয়েল অমসুং ওপরেস্নেল বেরিয়রশিং অদুবু শেন্নবদা য়াম্না তোইনা শিংনবশিং মায়োক্নরিবা MSEশিংদা খুদোংচানবগী পান্দম থম্লি। ত্রাঞ্জেক্সন চার্জশিং য়াম্না চাউনা হন্থহন্দুনা, GeMনা চপ মান্নবা প্লেয়িং ফীল্দ অমা পুরকপা পাম্লি, মসিনা অপিকপা বিজনেসশিংগিদমক্তা পব্লিক প্রোক্যোরমেন্ততা ভেল্যু লৈহনবা অমসুং ইনোভেশন পুরক্নবগী খুওদংচাবা পীরি।

FY ২০২৪-২৫ অসি সর্বিস সেক্তরগী ওইনা য়াম্না চাউবা অহোংবা অমনি, মসিদা সর্বিস সেক্তরনা খোংজেংল খঙচোং চোংদুনা প্রোদক্ত GMVবু য়াম্না হেন্না মাংজিল থাদুনা চৎলে। ২০২৪গী ওগস্ত ৩১ ফাওবদা লুপা করোর লাখ ১.৩৯গী সর্বিস GMVনা চপ মান্নবা মতমদা চাউরাক্না লুপা করোর লাখ ২.১৫গী অপুনবা মর্চেন্দাইজ ভেল্যুগী ৬৫% ওইখি। ভেল্যু য়াম্না ৱাংবা সর্বিস বিদ কয়া অমা প্লেতফোর্ম অসিদা পীখ্রে।

সর্বিস প্রোক্যোরমেন্ততা হেনগৎলকপা অসি প্লেতফোর্ম অসিদা য়াওরিবা সর্বিস কেতেগোরী ৩২৫+কী চাউরবা ইনভেন্তরী অদুনা সপোর্ত তৌই। মসিগী য়ুজর ফ্রেনলী ওইবা ইন্তরফেস অসিগা লোইননা, GeMনা গোবর্নমেন্ত বাযরশিংগীদমক্তা ইভাল্যুৱেত তৌবদা, খনবদা অমসুং সর্বিস প্রোভাইদরশিংগী তঙাইফদবশিং অদুগী মতুং ইন্না মখোয়গা থবক তৌবদা হেন্না লাইহল্লে। প্লেতফোর্ম অসিগী ত্রান্সপরেন্ত ওইবা ই-বিদদিং প্রোসেসশিং অদুনা ফেয়র কমপিতিশন লৈহল্লি, লোইন-লোইননা গোবর্নমেন্ত বায়রশিংবু মখোয়গী অকক্নবা তঙাইফদবশিং অদুগীদমক্তা খ্বাইদগী হেন্না চুনবা পার্তনরশিং থিবা ঙমহল্লি।

GeMগী মতাংদা:

গোবর্নমেন্ত ই-মার্কেতপ্লেস অসি কেন্ত্র মন্ত্রালয়শিং, রাজ্যগী দিপার্তমেন্তশিং, পব্লিক সেক্তর এন্তরপ্রাইজশিং, ওতোনোমস বোদীশিং, পঞ্চায়তশিং, মল্তি অমসুং সিঙ্গল স্তেত কোওপরেতিবনচিংবশিংনা গুদস অমসুং সর্বিসশিংগী এন্দ-তু-এন্দ প্রোক্যোরমেন্তপু ফেসিলিতেত তৌরিবা য়ুনিফাইদ দিজিতেল প্লেতফোর্ম অমনি। ঐখোয়গী প্রধান মন্ত্রীনা ‘মিনিম গোবর্নমেন্ত, মেক্সিমম গোবর্নেন্স’ ফংবা ঙম্নবা দিজিতেল প্লেতফোর্মশিংগী শক্তি শিজিন্নবা ঙম্নবা কন্না হোৎনখিবশিং অদুনা ২০১৬দা GeM অসি হৌদোরকখি। ওনলাইন পোর্তল অসি এফিসিয়েন্সী লৈতবা অমসুং কোরপ্সন্না থল্লবা হান্নগী অরিবা মেন্যুৱল পব্লিক প্রোক্যোরমেন্ত প্রোসেসশিং অদুবু মুত্থৎনবগী পান্দমদা হৌদোকখিবনি।

GeMনা ওনলাইন প্লেতফোর্ম অমগী খুত্থাংদা পান-ইন্দিয়া সেলরশিং অমসুং সর্বিস প্রোভাইদরশিদগী প্রোদক্তশিং অমসুং সর্বিসশিং হকথেংননা লৈনবগীদমক্তা সরকারগী বায়রশিংগীদমক্তা পেপরলেস, কেশলেস অমসুং কন্তেক্লেস ইকোসিস্তেম অমা পীরি। GeMনা প্রোক্যোরমন্ত প্রোসেস লোইনমক মসিগী মনুং চলহল্লি, বায়রশিংনা ভেন্দর রেজিস্ত্রেশন অমসুং আইতেম সেলেক্সনদগী হৌরগা গুদসশিং ফংবা অমসুং পেমেন্তশিং মতম চানা ফংহনবদা মতেং পাংলি। GeM অসি পব্লিক প্রোক্যোরমেন্ত সিস্তেমশিংবু হেন্না মপাঙ্গল কনখৎহন্নবা অমসুং ময়ামদগী থোইদোক্না শোত্থরবা অমসুং লোইন-লোইননা জাতি অসিগীদমক্তা তুংকোইনগী ওইবা অহোংবা অমা পুরক্নবগী স্ত্রতেজিক ওইবা পান্দম অমগা লোইননা শেমখিবা দিজিতেল প্লেতফোর্ম অমগা লোইননা পুরকপা এজিলিতী অমসুং স্পীদ অদুবু শিজিন্নবগী ৱাখল্লোন অমগা লোইননা শেমখিবনি।  

***