প্রধান মন্ত্রী, শ্রী নরেন্দ্র মোদীনা ঙসি মহারাস্ত্রগী ৱর্ধাদা নেস্নেল পি.এম. বিশ্বকর্মা প্রোগ্রামদা ৱা ঙাংখ্রে। প্রধান মন্ত্রীনা "আচার্য চানক্য স্কিল দিবেলপমেন্ত" স্কিম অমসুং "পুন্যাশ্লোক অহিল্যাদেবী হোলকর ৱুমেন স্তার্তঅপ স্কিম" হৌদোকখি। মহাক্না পি.এম. বিশ্বকর্মাগী কান্নবা ফংলবা মীওইশিংদা সর্তিফিকেৎশিং অমসুং লোনশিং পীখি। মহাক্না পি.এম. বিশ্বকর্মাগী মখাদা খুমাং চাউশিনবগী চহি অমা মপুং ফাবগী কত্থোকপা কোম্মেমোরেতিব স্তাম্প অমসু ফোংখি। শ্রী মোদীনা মহারাস্ত্রগী অমরাবতীদা পি.এম. মেগা ইন্তিগ্রেতেদ তেক্সতাইল রিজন এন্দ এপরেল (পি.এম. মিত্রা) পার্ক্কী উরেপ উয়ুং তমখি। প্রধান মন্ত্রীনা থৌরম অদুদা ‌উৎখিবা একজিবিসন অদু য়েংখি।

মীয়াম তিনখিবা অদুদা ৱা ঙাংলদুনা প্রধান মন্ত্রীনা নুমিৎ নিনিগী মমাংদা পাংথোকখিবা বিশ্বকর্মা পূজাগী থৌরমশিং নীংশিংখি। মহাক্না হায়খি মদুদি ঙসি ৱর্ধাদা পি.এম. বিশ্বকর্মা স্কিমগী চহি অমা মায় পাক্না মপুং ফারকপগী থৌরম পাংথোক্লি। মহাক্না হায়খি মদুদি ঙসিগী নুমিৎ অসি অখন্নবা নুমিৎনি মরমদি মহাত্মা গান্ধীনা ঙসিগী নুমিৎ অসিদা ইং 1932দা শোক্না শম্নবা য়াদবগী মায়োক্তা কেম্পেন হৌদোকখি। ঙসি পি.এম. বিশ্বকর্মাগী চহি অমা মপুং ফারকপা অমসুং ৱর্ধাগী লম, শ্রী বিনোভা ভাবেগী সাধানাস্তলী অমসুং মহাত্মা গান্ধীগী কর্মভূমিদগী থৌরমশিং পাংথোকপা অসিনা মসিগী থৌরম অসি ভিক্সিৎ ভারতকী ৱারেপ অসিদা অনৌবা ইনর্জী পুরক্নবা এচিবমেন্ত অমসুং ইন্সপিরেসন পুনশিন্নবগী থৌরম অমা ওইহল্লি হায়না মহাক্না ফোংদোকখি। মহাক্না হায়খি মদুদি পি.এম. বিশ্বকর্মা য়োজনাগী খুত্থাংদা, সরকারনা স্কিল দিবেলপমেন্ত অমসুং 'শ্রম তু সমৃদ্ধি' (কন্না হোৎনদুনা চাউখৎহনবা) গী খুত্থাংদা হেন্না ফবা তুংলমচৎ অমা শেম্নবা ৱারেপ লৌরে অমসুং মহাত্মা গান্ধীগী ৱাখল্লোনশিং অসি মঙফাওনবা ঙমহন্নবা মেদিয়ম অমা ওইগনি। প্রধান মন্ত্রীনা পি.এম. বিশ্বকর্মা য়োজনাগা মরী লৈনবা মীওই খুদিংমকপু থৌরম অসিদা থাগৎপা ফোংদোকখি।

ঙসি পি.এম. মিত্র পার্ক্কী উরেপ উয়ুং তমখ্রে হায়না প্রধান মন্ত্রীনা ফোংদোকখি। মহাক্না হায়খি মদুদি ঙসিদি ভারতনা মহাক্কী তেক্সতাইল ইন্দস্ত্রীবু মালেমগী কৈথেলশিংগী মকোক্তা পুখৎনবা হোৎনরি। মহাক্না মখা তাখি মদুদি ভারতকী তেক্সতাইল ইন্দস্ত্রীগী চহি চা কয়াগী মমাংদগী লৈরক্লবা মমিং অমসুং শক্তাক অদু অমুক হন্না শেমগৎনবা ভারতনা পান্দম থম্লি। অমরাৱতীদা পি.এম. মিত্র পার্ক লিংখৎপা অসি মসিগী মাইকৈ অসিদা অতোপ্পা অচৌবা খোঙথাং অমনি হায়না শ্রী মোদীনা ফোংদোকখি। মহাক্না অমরাৱতীগী মীয়াম্বু মসিগী মায়পাকপগীদমক থাগৎপা ফোংদোকখি।

প্রধান মন্ত্রীনা হায়খি মদুদি পি.এম. বিশ্বকর্মা য়োজনাগী অহানবা চহিগী কুমওনগীদমক মহারাস্ত্রগী ৱর্ধা খনখি মরমদি মসি সরকারগী অতোপ্পা প্রোগ্রাম অমা খক্তা নত্তে অদুবু মসি ভারতপু চাউখৎলবা লৈবাক অমা ওইহন্নবা রোদমেপ অমা ওইনা চহি কয়াগী মমাংগী ত্রেদিস্নেল স্কিলশিং শীজিন্নবা স্কিম অমনি। ঐখোয়গী চহি কয়াগী মমাংদগী চৎনরক্লবা ত্রেদিস্নেল স্কিলশিং অসিনা ভারতকী চাউখৎপগী চাউথোকচনীংঙাই ওইবা তাঙ্কক কয়াগী য়ুম্ফম ওইরি হায়না পল্লদুনা মহাক্না হায়খি মদুদি ঐখোয়গী আর্ত, ইঞ্জিনীয়রিং, সাইন্স অমসুং মেত্তল্লর্জী অসি মালেম পুম্বদা লম্বা লৈতে। শ্রী মোদীনা হায়খি, "ঐখোয় অসি মালেমগী খ্বাইদগী চাউবা তেক্সতাইল পুথোকপা লৈবাক ওইরি।" প্রধান মন্ত্রীনা মখা তাখি, "মতমদুদা দিজাইন তৌখিবা পোত্তরী অমসুং শাখিবা বিল্দিংদিংগী লম্বা লৈতে।" উ-শুবা, য়োৎ শুবা, সন শাবা, চুফ শাবা, স্কল্পতর, মুজি, উ শুবা-চেক শুবা অমসুং অসিগুম্বা শিনফম কয়ানা ভারতকী চাউখৎপগী য়ুম্ফম ওইরম্মি অমসুং মসিগী লৌশিং অমসুং সাইন্স অসি য়ুমথোং খুদিংদা শন্দোক্লম্মি হায়না শ্রী মোদীনা হায়খি। ব্রিতিশশিংনা লমদমসিগী হৈশিংবশিং মুত্থৎনবা থৌরাং কয়া পায়খৎলম্মি হায়না পল্লদুনা শ্রী মোদীনা হায়খি মদুদি ৱর্ধাগী লমদম অসিদগী গান্ধীজীনা খুঙ্গংগী ইন্দস্ত্রীদা পুক্নিং থৌগৎখি। লৈবাক অসিনা নীংতম্বা ফংলবা মতুংদা লাকখিবা সরকারশিংনা মসিগী স্কিল অসিবু ইকায় খুম্নবা উৎখিদবদা মহাক্না নুংঙাইতবা ফোংদোকখি। হান্নগী সরকারশিংনা ক্রাফ অমসুং স্কিলশিংবু ইকাই খুম্নদবনা বিশ্বকর্মা কম্ম্যুনিতীবু লেপ্পা লৈতনা চৈথেং ওঈখি হায়না পল্লদুনা মহাক্না হায়খি মদুদি মসিগী মহৈ ওইনা ভারতনা প্রোগ্রেস অমসুং মোদর্নিতীগী রেসতা মনিং হনবা হৌরকখি।

হৌজিক লৈরিবা সরকার অসিনা নীংতম্বা ফংলবা চহি 70গী মতুংদা ত্রেদিস্নেল স্কিলশিংদা অনৌবা ইনর্জী পুরক্নবা ৱারেপ লৌখিবগী মতাংদা পল্লদুনা প্রধান মন্ত্রীনা হায়খি মদুদি "সম্মন, সমর্থ্যা, সমৃদ্ধি" (মিংচৎ, তৌবা ঙম্বা অমসুং চাউখৎপা) অসিনা পি.এম. বিশ্বকর্মা য়োজনাগী ৱাখল্লোনগী মমি তারি। প্রধান মন্ত্রীনা হায়খি ঐখোয়গী পান্দমদি ত্রেদিস্নেল ক্রাফশিংবু ইকাই খুম্নবা, আর্তিসানশিংবু মপাঙ্গল কনখৎহনবা অমসুং বিশ্বকর্মাশিং চাউখৎহনবনি।

প্রধান মন্ত্রীনা পি.এম. বিশ্বকর্মাবু মায় পাকহন্নবা তোঙান তোঙানবা দিপার্তমেন্তশিংগী পাক চাউবা অমসুং মমাংদা অমুক্তা ওইখিদ্রিবা মওংদা তেংবাং পীনবগী মতাংদা পনখি। জিলা 700 হেনবা, গ্রাম পঞ্চায়ৎ লাখ 2.5, অর্বান লোকেল য়ুনিৎ 5000না স্কিম অসি মপাঙ্গল কনখৎহন্নবা হোৎনরি হায়না প্রধান মন্ত্রীনা ফোংদোকখি। হৌখিবা চহি অমদা, তোঙান তোঙানবা ত্রেদিস্নেল স্কিল 18 লৈবা মীওই লাখ 20 হেন্না পি.এম. বিশ্বকর্মা য়োজনাগা শম্নখ্রে হায়না শ্রী মোদীনা মখা তাখি। মোদর্ন মেছিনরীশিং অমসুং দিজিতেল তুলশিং পুথোক্তুনা আর্তিসান অমসুং ক্রাফমেন লাখ 8 হেনবদা স্কিল ত্রেনিং অমসুং অপগ্রেদেসন ফংহনখ্রে। মহারাস্ত্র খক্তদা মীওই 60,000 হেনবনা স্কিল ত্রেনিং ফংখ্রে। প্রধান মন্ত্রী মোদীনা হায়খি মদুদি বিশ্বকর্মা 6 লাখ হেনবদা প্রদক্তিবিতী অমসুং ক্বালিতী হেনগৎহনবদা মতেং পাংনবা মোদর্ন ইক্বিপমেন্তশিং, লুপা 15,000গী ই-ৱাউচর অমসুং মখোয়গী বিজিনেস পাকথোক চাউথোকহন্নবা গরেন্তী য়াওদনা লুপা লাখ 3 ফাওবগী লোনশিং ফংহনখ্রে। চহি অমগী মনুংদা বিশ্বকর্মাশিংদা লুপা করোর 1400গী শেনফম পীখিবা অসিদা প্রধান মন্ত্রীনা নুংঙাইবা ফোংদোকখি।

ত্রেদিস্নেল স্কিলশিংগী মায়কৈদা SC, ST অমসুং OBC কম্ম্যুনিতীশিংনা শরুক তম্লিবা অদু পল্লদুনা, প্রধান মন্ত্রীনা মমাংগী সরকারশিংগী মতমদা মখোয়না থেংনখিবা খুদোংচাদবা অদুগীদমক নুংঙাইতবা ফোংদোকখি অমসুং হায়খি মদুদি হৌজিক লৈরিবা সরকার অসিনা এন্তি বেকৱার্দ মেন্তেলিতীগী সিস্তেম অসি লোইশিনখ্রে। মহাক্না মমাং চহিগী স্তেতিস্তিক্সকী মতাংদা পনখি অমসুং হায়খি মদুদি SC, ST অমসুং OBC কম্ম্যুনিতীশিংনা বিশ্বকর্মা য়োজনাগী খ্বাইদগী হেন্না কান্নবা ফংলি। বিশ্বকর্মা কম্ম্যুনিতীগী মীওইশিং অসি খক্তগী আর্তিসানশিং ওইবতা নত্তনা ওন্তপ্রিনোরশিং অমসুং বিজিনেস ওনরশিং ওইরক্নবা মহাক্কী অপাম্বা ফোংদোক্লদুনা, প্রধান মন্ত্রীনা বিশ্বকর্মাশিংনা পায়খৎলিবা থবকশিংদা MSMEগী থাক পীবগী মতাংদা পনখি। মহাক্না ৱান দিস্ত্রিক্ত ৱান প্রদক্ত অমসুং একতা মোল্ গুম্বা খোঙথাংশিংগী মতাংদা পনখি। মফম অসিদা ত্রেদিস্নেল প্রদক্তশিং কৈথেলদা পুথোক্তুনা বিশ্বকর্মা অসি অচৌবা কম্পনীশিংগী সপ্লাই চেনগী শরুক অমা ওইহন্নবা হোৎনরি।

পি.এম. মোদীনা ONDC অমসুং GEM গী মতাংদা পনখি। মখোয় অসি আর্তিসানশিং অমসুং ক্রাফমেনশিংগী মখোয়গী বিজিনেসশিং পাকথোক চাউথোকহন্নবা মেদিয়ম অমা ওইরে। শেন্মিৎলোনগী খুমাং চাউশিল্লকপদা মাঙজিল থানা চংশিল্লিবা খুন্নাইগী কাংলুপ অসিনা হৌজিক মালেমগী খ্বাইদগী চাউবা অহুমশুবা ইকনোমী অসিদা মরুওইবা থৌদাং অমা লৌরগনি হায়না মহাক্না ফোংদোকখি। মহাক্না হায়খি, "স্কিল ইন্দিয়া মিসন্না মসিবু হেন্না মপাঙ্গল কনখৎহল্লি।" স্কিল দিবেলপমেন্ত প্রোগ্রামগী মখাদা, শ্রী মোদীনা হায়খি মদুদি লৈবাক অসিগী নহা করোর কয়াদা ঙসিগী মথৌ তাবশিংগী মতুং ইন্না ত্রেনিং ফংহনখ্রে। ভারতকী স্কিলশিং অসি স্কিল ইন্দিয়াগুম্বা প্রোগ্রামশিংগা লোয়ননা মালেম শীনবা থুংনা শকখঙনরি হায়না পল্লদুনা শ্রী মোদীনা চাউথোকচবা ফোংদোক্লদুনা হায় মদুদি ভারতনা চহি অসিগী অঙনবা শরুক্তা ফ্রান্সতা পাংথোকখিবা মালেমগী স্কিলশিংগী অচৌবা থৌরম অমদা মনা কয়া ফংখি।

“তেক্সতাইল ইন্দস্ত্রী অসি মহারাস্ত্রদা চাউরবা ইন্দস্ত্রীগী ওইথোকপা য়াবা লৈবা অমা ওইরি,” হায়না প্রধান মন্ত্রীনা ফোংদোকখি। শ্রী মোদীনা হায়খি মদুদি বিদর্ভাগী মফম অসি ক্বালিতী লৈবা লংজম পুথোকপগী অচৌবা মফম অমা ওইরম্মি, অদুম ওইনমক মতুংদা লাকপা সরকারশিংনা লৌমীশিংগী মিংদা রাজনিতী অমসুং শেঞ্জা-থুমজা তৌবগী থৌওংনা মরম ওইদুনা কুতনগী লৌমীশিংবু অৱাবা মায়োক্নহনখি। শ্রী মোদীনা হায়খি মদুদি 2014দা দেবেন্দ্র ফাদনবিস সরকার শেমখিবা মতমদা সমস্যা অসি কোকহন্নবা থবকশিং য়াম্না থুনা চত্থখি। মহাক্না মখা তাখি মদুদি অমরাৱতীগী নন্দগাওন খন্দেশ্বরদা তেক্সতাইল পার্ক অমা শাখি, মফম অদুদা ইন্দস্ত্রী অমত্তনা শেন থাদনবগীদমক শেম শাখিদে, অদুম ওইনমক, ঙসি মসি মহারাস্ত্রগী অচৌবা ইন্দস্ত্রীএল সেন্তর অমা ওইনা মায় পাক্না চাউখৎলক্লি।

পি.এম. মিত্র পার্কতা থবক পায়খৎলিবা খোঙজেল অদু পল্লদুনা শ্রী মোদীনা হায়খি মদুদি দবল ইঞ্জিন সরকারগী থৌনা অদু উৎলি। “ভারত শিনবা থুংনা পি.এম. মিত্র পার্ক 7 লিংখৎলগনি” হায়না শ্রী মোদীনা ফোংদোকখি। মহাক্না হায়খি মদুদি ফার্ম তু ফাইবর, ফাইবর তু ফেব্রিক, ফেব্রিক তু ফেসন, ফেসন তু ফোরেনগী মপুং ফাবা সাইকল অমা য়াওরি হায়রি ক্বালিতী লৈয়া ফেব্রিক অসি বিদর্ভাগী লংজমদগী শেমগনি অমসুং ফেব্রিক অসিদগী শাবা ফিরোল অসি মপান লৈবাকশিংদা এক্সপোর্ত তৌগনি। মহাক্না মখা তানা হায়খি মদুদি মসিনা লৌমীশিংগী অমাংবা হন্থহল্লগনি অমসুং ভেল্যু ‌এদিসন লৈবনা মরম ওইদুনা মখোয়না মখোয়গী মহৈ-মরোংশিংগীদমক অফবা মমল ফংবা ঙম্লগনি। পি.এম. মিত্র পার্ক খক্তদগী লুপা করোর 8-10গী ইনভেস্তমেন্ত লাকপা য়াবগী ওইথোকপা লৈ হায়না পল্লদুনা শ্রী মোদীনা হায়খি মদুদি মসিনা অতোপ্পা ইন্দস্ত্রীশিংবু পুক্নিং থৌগৎপগা লোয়ননা বিদর্ভা অমসুং মহারাস্ত্রদা নহারোল লাখ অমা হেন্না থবক ফংহনবদা মতেং পাংগনি। মহাক্না মখা তাখি মদুদি অনৌবা সপ্লাই চেনশিং শেম্লগনি মসিনা লৈবাক অসিগী এক্সপোর্ত্তা মতেং পাংগনি অমসুং মসিনা ইনকম হেনগৎহনগনি। শ্রী মোদীনা হায়খি মদুদি মহারাস্ত্র অসি ইন্দস্ত্রীগী খুমাং চাউশিল্লকপগীদমক দরকার ওইরিবা মোদর্ন ইনফ্রাস্ত্রকচর অমসুং কন্নেক্তিবিতীগীদমক শেম-শারি। মহাক্না মখা তাখি মদুদি মসিদা অনৌবা হাইৱেজ, এক্সপ্রেসৱেজ, সমরুদ্ধি মহামার্গ অমসুং ঈশিং অমসুং এয়র কন্নেক্তিবিতী পাকথোক চাউথোকহনবগা লোয়ননা য়াওরি। শ্রী মোদীনা হায়খি, "মহারাস্ত্রনা অনৌবা ইন্দস্ত্রীএল রিভোলুসন অমগীদমক শেম-শারি।"

মহারাস্ত্রগী মখল কয়াগী চাউখৎ থৌরাংগী থৌদাং লৌরিবা মহারাস্ত্রগী লৌমীশিংগী থৌদাং অদু শকখঙলদুনা মহাক্না হায়খি মদুদি লৈবাক অসিগী য়াইফ-থৌরাং অসি লৌমীশিংগী নুংঙাই-য়াইফবগা নক্না মরী লৈনৈ। মহাক্না মখা তাখি মদুদি দবল ইঞ্জিন লৈঙাক অসিনা লৌমীশিংগী শেন্থোক হেনগৎহন্নবা পুন্না থবক তৌমিন্ননবা ৱাশক্লি। শ্রী মোদীনা পি.এম.-কিসান সম্মান নিধি স্কিমগী মখাদা লৌখৎলিবা মরুওইবা খোঙথাংশিং অদু পনখি। মসিদা কেন্দ্র সরকারনা লৌমীশিংদা চহিগী ওইনা লুপা 6000 পীরি অমসুং মহারাস্ত্র সরকারনা চপ মান্নবা শেনফম অদু হাপচিল্লি। মসিনা লৌমীশিংগী ইনকম অসি চহিগী ওইনা লুপা 12,000 হেনগৎহল্লি। প্রধান মন্ত্রীনা লৌমীশিংদা লুপা 1 খক্তদা ক্রোপ ইন্সুরেন্স ফংহন্নবা অমসুং ইলেক্ত্রিসিতী বিলশিং কোকপীবগী খোঙথাংশিংগী মতাংদসু পনখি। লমদম অসিগী ইরিগেসনগী শীংনবশিংদা পুক্নিং চিংশিল্লদুনা, প্রধান মন্ত্রী মোদীনা হায়খি মদুদি রাজ্য অসিদা হৌজিক লৈরিবা সরকার অসিগী মমাংগী মতমগী মতমদা হৌদোকখিবা থবকশিং অদু মতুংদা পায়রকপা সরকারনা অথিংবা পীখি। ঙসি প্রধান মন্ত্রীনা হায়খি মদুদি হৌজিক লৈরিবা রাজ্য সরকারনা প্রোজেক্তশিং অসি অমুক হন্না হৌদোক্লে অমসুং খোঙজেল য়াংখৎহল্লে। মহাক্না নৌনা অয়াবা পীরবা লুপা করোর 85,000গী ভান-গঙ্গা অমসুং নাল-গঙ্গা তুরেলশিং শম্নহন্নবা প্রোজেক্তকী মতাংদা পনখি। মসিগী পান্দমদি নাগপুর, ৱর্ধা, অমরাৱতী, য়াৱাতমল, অকোলা অমসুং বুলধনা জিলাশিংগী লম একর লাখ 10দা ইরিগেসন পীবনি।

প্রধান মন্ত্রীনা হায়খি, "ঐখোয়গী সরকারনা মহারাস্ত্রদা লৈরিবা লৌমীশিংগী দিমান্দশিং অসি কোকহন্নবা অচেৎপা ৱাফম থম্লি।" লমদম অসিদা লৈবা ইচিল-ইনাও লৌমীশিংদা খুদক্তা মতেং পাংনবা পান্দম থমদুনা তিলহৌগী এক্সপোর্ত তেক্স অসি চাদা 40দগী চাদা 20দা হন্থহনখিবগী ৱাফম মহাক্না পনখি। শ্রী মোদীনা লৈবাক অসিগী লৌমীশিংবু ইম্পোর্ত তৌরিবা অচাথাওশিং অসিগী ইম্পেক্তগী ঙাকথোক্নবা লৌখৎলিবা খোঙথাংশিংগী মতাংদসু পনখি। মহাক্না হায়খি, "ঐখোয়না অচা থাওশিং ইম্পোর্ত তৌবদা 20%গী তেক্স লৌরি অমসুং রিফাইন তৌরবা সোয়াবিন, সনফ্লাৱর, অমসুং পামগী থাওদা কাস্তম দ্যুতী 12.5%দগী 32.5%দা হেনগৎহল্লে," খোঙথাং অসিনা মহারাস্ত্র শিনবা থুংনা লৈরিবা সোয়াবিন লৌমীশিংদা মরু ওইনা কান্নবা পীরগনি হায়না মখা তাখি। মহাক্না থাজবা থমখি মদুদি হোৎনরিবশিং অসিনা অথুবা মতমদা লৌউ-শিংউগী সেক্তরদা অফবা মহৈ অমা পুরক্লগনি। প্রধান মন্ত্রী মোদীনা অরানবা ৱাশকশিং শকপগী মায়োক্তা চেকশিন ৱা থমখি অমসুং তেলঙ্গনাগী লৌমীশিংনা ঙসি ফাওবা লোন ৱেভরশিংগীদমক চৈথেং নংলিবা অদু পনখি। মহাক্না মহারাস্ত্রগী লৌমীশিংদা চেকশিন্না লৈনবা অমসুং নমথাকশিংনা লান্না লমজিংবা তৌদনবা হায়খি।

প্রধান মন্ত্রী মোদীনা খুন্নাইদা খেন্নবা লৈহন্নবা হোৎনরিবা অমসুং মপানগী লমশিংদা ভারতকী চৎনবী অমসুং কলচরবু ইকায় খুম্নদ্রিবা মীওইশিংদগী চেকশিন্নবা হায়খি। মহাক্না নিংশিংখি মদুদি লোকমান্য তিলক্কী লুচিং মখাদা গনেশ উৎসব অসি ভারতকী নীংতম লানগী মতমদা অমত্তা ওইবগী কুহ্মৈ অমা ওইখি, মসিদা খুন্নাই অমসুং কাংলুপ খুদিংমক্কী মীওইশিংনা পুনশিন্দুনা কুহ্মৈ পাংথোকখি। মহাক্না প্রজাশিংদা চৎনবী অমসুং খুমাং চাউশিনবা অমসুং ইকায় খুম্নবা অমসুং চাউখৎপগী এজেন্দাগীদমক লেপ্নবা তকশিনখি। ঐখোয় পুন্না হোৎনমিন্নদুনা মহারাস্ত্রগী শক্তম ঙাক্কনি অমসুং মাগী ইকাই খুম্নবা হেনগৎহল্লগনি। ঐখোয়না মহারাস্ত্রগী মঙলানশিং মপুং ফাহনগনি," হায়না ফোংদোক্লদুনা শ্রী মোদীনা ৱারোল পীবা লোইশিনখি।

মহারাস্ত্রগী রাজ্যপাল, শ্রী সি.পি. রাধাকৃষ্ণন, মহারাস্ত্রগী মুখ্য মন্ত্রী, শ্রী একনাথ শিন্দে, কেন্দ্রগী মিদিয়ম, স্মোল অমসুং মাইক্রো ইন্তর্প্রাইজ মন্ত্রী, শ্রী জিতন রাম মঞ্জি, কেন্দ্রগী স্কিল দিবেলপমেন্ত অমসুং ওন্তপ্রিনোরশিপকী রাজ্য মন্ত্রী, শ্রী জয়ন্ত চৌধরী অমসুং মহারাস্ত্রগী উপ মুখ্য মন্ত্রীশিং, শ্রী দেবেন্দ্র ফদনাভিস অমসুং শ্রী অজিৎ পৱারসু থৌরম অদুদা শরুক য়াখি।

বেকগ্রাউন্দ

থৌরম মনুংদা, প্রধান মন্ত্রীনা পি.এম বিশ্বকর্মা বেনিফিসরিশিংদা শক্তাকচেশিং অমসুং লোনশিং য়েন্থোকখ্রে। স্কিম অসিগী মখাদা খুৎহৈবশিংদা মতেং পাংবগী খুদম ওইনা, ত্রেদ 18গী মখাদা বেনিফিসরি 18 দা পি.এম বিশ্বকর্মাগী মখাদা প্রধান মন্ত্রীনা শেন্থং য়েন্থোকখ্রে। মখোয়গী থবক অমসুং মখোয়না খুন্নাইগীদমক পাংথোক্লিবা থবকশিং ইকায়খুম্নবা উৎপা ওইনা, পি.এম বিশ্বকর্মাগী মখাদা চহি অমা মাইপাক্না থবক তৌরকপগী শরুক অমা ওইনা কম্মেমোরেতিব স্তাম্প অমা প্রধান মন্ত্রীনা ফোংখ্রে।

প্রধান মন্ত্রীনা মহারাস্ত্রাগী অমরাৱতিদা পি.এম মেগা ইন্তেগ্রেতেদ তেক্সতাইল রিজন্স এন্দ এপরেল (পি এম মিত্রা) পার্ক শানবা উরেপ-উয়ুং তমখ্রে। একর 1000গী পার্ক অসি মহারাস্ত্রা ইন্দস্ত্রিএল দিবলপমেন্ত কোর্পোরেসন(MIDC)না স্তেৎ ইমপ্লিমেন্তেসন এজেন্সি ওইনা শেমগৎকনি। তেক্সতাইল উদ্যোগকীদমক পি.এম মিত্রা পার্ক 7 শেমগৎনবা ভারত সরকারনা অয়াবা পীরে। পি.এম মিত্রা পার্কশিং অসি তেক্সতাইল মেনুফেকচরিং অমসুং মপান্দা থাদোকপদা ভারত মালেমগী মফম অমা ওইহন্নবা মঙলান মঙফাওন্নবা মাইকৈদা থাংজিনবা অচৌবা খোঙথাং অমনি। ফোরেন দাইরেক্ত ইনভেস্তমেন্ত(FDI) য়াওনা য়াম্লবা শেনফমশিং থাদনিংনবা অমসুং হিরম অসিদা অনৌবা থবক পায়খৎপা অমসুং থবক ফংহনবা পুক্নিং থৌগৎনবা মালেম থাক্কী ইন্দস্ত্রিএল ইনফ্রাস্ত্রকচর শেমগৎপদা মসিনা মতেং পাংগনি।

প্রধান মন্ত্রীনা মহারাস্ত্রা সরকারগী “আচার্য় চানক্যা স্কিল দিবলপমেন্ত সেন্তর” স্কিম হৌদোকখ্রে। নহারোলশিং মশা মরোমদোম লেপচবা ঙম্নবা অমসুং থবক ফংনবগী তোঙান-তোঙানবা খুদোংচাবশিং ফংনবা, চহি 15 দগী চহি 45 ফাওবগী মনুংদা লৈবা নহারোলশিং ত্রেনিং পীনবা রাজ্য শীনবা থুংবগী মমিং লৈরবা কলেজশিংদা স্কিল দিবলপমেন্ত ত্রেনিং সেন্তরশিং লিংখৎকনি। চহি অমদা রাজ্য অসিগী নহারোল 1,50,000 রোম লেম্না স্কিল দিবলপমেন্ত ত্রেনিং পীগনি।

প্রধান মন্ত্রীনা পুন্যাস্লোক অহিল্যবাই হোলকার ৱুমেন স্তার্দ-অপ স্কিম হৌদোকখ্রে। স্কিম অসিগী মখাদা, মহারাস্ত্রাদা নুপীশিংনা লুচিংবা স্তার্দ-অপশিংদা মতেং পাংগনি। লুপা লাখ 25 ফাওবগী মতেং পীগনি। স্কিম অসিগী মখাদা অপুনবা খুদোংচাবশিংগী চাদা 25 সরকারনা মশক খঙদোক্লবা শেন-থুমগী ফিবম ফত্তবা অমসুং চাউখৎত্রিবা কাংলুপকী নুপীশিংগী খাক্তুনা থমগনি। মসিনা নুপীশিংনা লুচিংবা ওইবা স্তার্দ-অপশিং মশা-মরোমদোম লেপচবা ঙমগনি অমসুং মনিংতমগনি।

Addressing the National PM Vishwakarma programme in Wardha. The initiative has positively impacted countless artisans, preserving their skills and fostering economic growth.https://t.co/Bo9hW4K7YM

— Narendra Modi (@narendramodi) September 20, 2024

विश्वकर्मा योजना के जरिए श्रम से समृद्धि का, कौशल से बेहतर कल का संकल्प... pic.twitter.com/mlGKtj92qS

— PMO India (@PMOIndia) September 20, 2024

आज का भारत अपनी टेक्सटाइल इंडस्ट्री को वैश्विक बाज़ार में टॉप पर ले जाने के लिए काम कर रहा है: PM @narendramodi pic.twitter.com/i95wbq7Ril

— PMO India (@PMOIndia) September 20, 2024

विश्वकर्मा योजना भारत के हजारों वर्ष पुराने कौशल को विकसित भारत के लिए इस्तेमाल करने का एक रोडमैप है। pic.twitter.com/VmaGXE1EvA

— PMO India (@PMOIndia) September 20, 2024

विश्वकर्मा योजना की मूल भावना है- सम्मान, सामर्थ्य और समृद्धि! pic.twitter.com/vWhroRAL6T

— PMO India (@PMOIndia) September 20, 2024

देश भर में 7 पीएम मित्र पार्क... pic.twitter.com/jNYSIXtUOu

— PMO India (@PMOIndia) September 20, 2024

*****