ਭਾਰਤ ਸਰਕਾਰ ਦਾ ਘੱਟ ਗਿਣਤੀ ਮਾਮਲਿਆਂ ਬਾਰੇ ਮੰਤਰਾਲਾ ਅਤੇ ਅੰਤਰਰਾਸ਼ਟਰੀ ਬੁੱਧ ਕਨਫੈਡਰੇਸ਼ਨ ਸਾਂਝੇ ਤੌਰ 'ਤੇ 14 ਸਤੰਬਰ 2024 ਨੂੰ ਨਹਿਰੂ ਵਿਗਿਆਨ ਕੇਂਦਰ, ਵਰਲੀ, ਮੁੰਬਈ ਵਿਖੇ "ਭਵਿੱਖ ਦੀ ਗਲੋਬਲ ਲੀਡਰਸ਼ਿਪ ਦਾ ਮਾਰਗਦਰਸ਼ਨ ਕਰਨ ਲਈ ਬੁੱਧ ਦੇ ਮੱਧਯਮ ਮਾਰਗ" 'ਤੇ ਇੱਕ ਰੋਜ਼ਾ ਸੰਮੇਲਨ ਦਾ ਆਯੋਜਨ ਕਰ ਰਹੇ ਹਨ। ਇਸ ਸਮਾਗਮ ਵਿੱਚ ਕੇਂਦਰੀ ਘੱਟ ਗਿਣਤੀ ਮਾਮਲਿਆਂ ਦੇ ਮੰਤਰੀ ਸ਼੍ਰੀ ਕਿਰਨ ਰਿਜਿਜੂ ਮੁੱਖ ਮਹਿਮਾਨ ਹੋਣਗੇ। 

ਸਮਾਗਮ ਦਾ ਉਦੇਸ਼ ਦਾਰਸ਼ਨਿਕ, ਅਕਾਦਮਿਕ, ਸੱਭਿਆਚਾਰਕ ਅਤੇ ਰਾਸ਼ਟਰੀ ਵਿਭਿੰਨਤਾਵਾਂ ਵਿੱਚ ਧੰਮ ਦੇ ਅਨੁਯਾਈਆਂ ਲਈ ਵਿਸ਼ਵਵਿਆਪੀ ਕਦਰਾਂ-ਕੀਮਤਾਂ ਦੇ ਪ੍ਰਸਾਰ ਅਤੇ ਅੰਦਰੂਨੀਕਰਨ ਦੇ ਤਰੀਕਿਆਂ 'ਤੇ ਵਿਚਾਰ ਕਰਨਾ; ਵਿਸ਼ਵ ਦੇ ਭਵਿੱਖ ਲਈ ਇੱਕ ਟਿਕਾਊ ਮਾਡਲ ਪੇਸ਼ ਕਰਨ ਲਈ ਇੱਕ ਵਿਅਕਤੀ ਦੇ ਅੰਦਰ ਅਤੇ ਵਿਸ਼ਵ ਪੱਧਰ 'ਤੇ ਮੌਜੂਦਾ ਚੁਣੌਤੀਆਂ ਨੂੰ ਹੱਲ ਕਰਨ ਲਈ ਮਿਲ ਕੇ ਕੰਮ ਕਰਨਾ ਹੈ। ਕਾਨਫਰੰਸ ਬਾਬਾ ਸਾਹਿਬ ਭੀਮ ਰਾਓ ਅੰਬੇਡਕਰ ਦੀ ਵਿਰਾਸਤ ਦਾ ਵੀ ਸਨਮਾਨ ਕਰੇਗੀ, ਜਿਨ੍ਹਾਂ ਦਾ ਆਧੁਨਿਕ ਬੁੱਧ ਧਰਮ ਲਈ ਯੋਗਦਾਨ ਲਾਜ਼ਮੀ ਹੈ।

ਕਾਨਫਰੰਸ ਵਿੱਚ ਤਿੰਨ ਸੈਸ਼ਨ ਸ਼ਾਮਲ ਹੋਣਗੇ, ਅਰਥਾਤ "ਆਧੁਨਿਕ ਸਮੇਂ ਵਿੱਚ ਬੁੱਧ ਧੰਮ ਦੀ ਭੂਮਿਕਾ ਅਤੇ ਪ੍ਰਸੰਗਿਕਤਾ", "ਮਾਈਂਡਫੁੱਲ ਤਕਨੀਕਾਂ ਦੀ ਮਹੱਤਤਾ", ਅਤੇ "ਬੁੱਧ ਧੰਮ ਦੀ ਨਵੇਂ ਯੁੱਗ ਦੀ ਅਗਵਾਈ ਅਤੇ ਲਾਗੂਕਰਨ"। ਸਮੂਹਿਕ ਤੌਰ 'ਤੇ, ਇਹ ਪੈਨਲ ਬੁੱਧ ਦੀਆਂ ਸਿੱਖਿਆਵਾਂ ਅਤੇ ਧੰਮ ਦੇ ਸਿਧਾਂਤਾਂ ਦੀ ਰੋਸ਼ਨੀ ਵਿੱਚ ਵਿਸ਼ਵਵਿਆਪੀ ਭਾਈਚਾਰਾ, ਸਥਿਰਤਾ ਅਤੇ ਸਮੁੱਚੀ ਨਿੱਜੀ ਭਲਾਈ ਦੇ ਟੀਚੇ ਲਈ ਵਿਹਾਰਕ ਹੱਲਾਂ 'ਤੇ ਵਿਚਾਰ-ਵਟਾਂਦਰਾ ਕਰਨਗੇ।

************

ਐੱਸਐੱਸ/ਕੇਸੀ