কেন্দ্রগী য়ুম্লৈ-কৈরৈ অমসুং কোওপরেশন মন্ত্রালয়, শ্রী অমিত শাহনা প্রধান মন্ত্রী, শ্রী নরেন্দ্র মোদীগী অহুমশুবা তার্মগী অহানবা নুমিৎ ১০০দা পুরকখিবা মরু ওইবা অনৌবা থৌরাংশিং, ফিরেপশিং অমসুং মাইপাকপশিং অদুগী মতাংদা ঙসি নই দিল্লীদা পাংথোকখিবা প্রেস কনফরেন্স অমদা ৱা ঙাংখ্রে। থৌরম অসিদা, শ্রী অমিত শাহনা প্রধান মন্ত্রী, শ্রী নরেন্দ্র মোদীগি লুচিং মখাদা হৌখিবা নুমিৎ ১০০ অসিদা ফংখিবা শিংথানিংঙাই ওইবা মাইপাকপশিং অদুবু উৎপা, ‘পেবিং দ পাথ তু বিক্সিত ভারত’ হায়বা অখন্নবা বুকলেত, অমসুং ফ্লাইয়র নিপাল ফোংখ্রে। কেন্দ্রগী ইনফোর্মেশন অমসুং ব্রোদকাস্তিং, রেলৱেজ অমসুং ইলেক্ত্রোনিক্স অমসুং ইনফোর্মেশন তেক্নোলোজী, শ্রী আশ্বিনি বৈস্নৱশু থৌরম অদুদা শরুক য়াখি।

মীদিয়াগী মীওইশিংদা ৱাং ঙাংলদুনা, কেন্দ্রগী য়ুম্লৈ-কৈরৈ অমসুং কোওপরেশন মন্ত্রীনা ঙসি প্রধান মন্ত্রী, শ্রী নরেন্দ্র মোদীবু মহাক্কী মপোক নুমিত্তা য়াইফ-পাউজেল পীখি। মহাক্না হায়খি মদুদি মোদী জী অসি লাইরবা ইমুং অমদগী হৌরকখি, মহাক্না মালেম অসিগী খ্বাইদগী চাউবা গনতন্ত্র চৎপা লৈবাক অমগী প্রধান মন্ত্রী ওইরকখি, মোদী জীবু তোঙান-তোঙানবা লৈবাক ১৫না মখোয়গী খ্বাইদগী ৱাংবা এৱার্দশিং পীদুনা ইখাইখুম্নবীরকখি, মসিনা প্রধান মন্ত্রীগী মিংচৎ পুরকপদা নত্তনা ভারত পুম্বগীশু মিংচৎ হেন্না পুরকখি। শ্রী শাহনা হায়খি মদুদি লৈবাক অসিগী মী করোর ১৪০না প্রধান মন্ত্রী মোদীগী পুনশি নুংশাংনবগীদমক্তা শেম্বীবা মপুদা থৌনিজরি।

শ্রী অমিত শাহনা পনখি মদুদি চহি ১০ চুপ্না ভারতকী চাউখৎ-থৌরাং, সেক্যুরতী অমসুং লাইরবশিংগী য়াইফ-থৌরাংগীদমক্তা কত্থোক্লবা সরকার অমা চলাইরবা মতুংদা, লৈবাক অসিগী মীয়াম্না ২০২৪গী লোক সভা ইলেক্সনদা অহুম্লকশুবা ওইনা সরকার শেম্নবগী য়াথং অদুবু পীনবীরে। মহাক্না হায়খি মদুদি চহি ৬০গী মতুংদা অহানবা ওইনা লুচিংবা অমনা অহুম্লকশুবা ওইনা প্রধান মন্ত্রী ওইদুনা লুচিংলি। চহি ৬০ অসিদা অহানবা ওইনা লৈবাক অসিদা পোলিতিকেল স্তেবিলিতী লেবা ঙম্লে অমসুং লৈবাক অসিনা মশাগী পোলিসীশিং অদু লেপ্তনা পাইখৎপা ঙম্লে। মহাক্না হায়খি মদুদি পোলিসীশিং অসিনা থম্লিবা থাজবা অদু মাংহন্দনা চহি ১০গী চুপ্না খোংজেল হোংদনা অমসুং শোইহন্দনা থবক-থৌরমশিং পাইখত্তুনা ১১শুবা চহি চংশিল্লকপা হায়বসি য়াম্না লুবা থবক অমনি অমসুং য়াম্না শিংথানিংঙাই ওইবা মাইপাকপা অমনি।  

কেন্দ্রগী য়ুম্লৈ-কৈরৈ মন্ত্রীনা হায়খি মদুদি প্রধান মন্ত্রী, শ্রী নরেন্দ্র মোদীগী লুচিং মখাদা সরকার অসিনা হৌখিবা চহি ১০ অসিদা লৈবাক অসিগী এক্সতর্নেল, ইন্তর্নেল সেক্যুরিতী অমসুং দিফেন্স সিস্তেমবু হেন্না মপাঙ্গল কনখৎহন্দুনা অসোই-অঙাম য়াওদবা ভারত অমা শেম্বদা য়াম্না চাউনা মাইপাকপা পুরকখ্রে। মহাক্না হায়খি মদুদি পি.এম. মোদীনা ঐখোয়গী লিরবা এজুকেস্নেল ভেল্যুশিং হাপচিন্দুনা, লোলশিংবু ইকাইখুম্নবীদুনা অমসুং মোদর্ন এজুকেশন হাপচিন্দুনা এজুকেশনদা য়াম্না চাউনা অহোংবা অমা পুরক্নবগী অমসুং অনৌবা এজুকেশন পুরক্নবগী থবক তৌখি। মহাক্না হায়খি মদুদি ঙসি ভারতনা মালেম অসিদা প্রোদক্সন এক্তিবিতীশিংগীদমক্তা খ্বাইদগী হেন্না পাম্নবা মফম অমা ওইরে। শ্রী শাহনা হায়খি মদুদি মালেম অসিগী লৈবাক কয়া অমনা ঐখোয়গী দিজিতেল ইন্দিয়া স্কীম অসিবু খঙবা, এক্সেপ তৌবা অমসুং মসিবু মখোয়গী চাউখৎ-থৌরাংগী য়ুমফম ওইহনবা পাম্লি। মহাক্না হায়খি মদুদি ঐখোয়না ইকোনোমীগী পেরামিতর ১৩মক্তা দিসিপ্লিন অমসুং প্রোগ্রেস পুরকখ্রে। মহাক্না হায়খি মদুদি ঙসি মালেম পুম্বনা স্পেসকী লমদা ভারতকী মশেক –মঙাল লৈরবআ তুংলমচৎ অদু উখ্রে। য়ুম্লৈ-কৈরৈ মন্ত্রীনা হায়খি মদুদি নিংখা তম্লবা মতুং অহানবা ওইনা, হৌখিবা চহি ১০ অসিদা য়াম্না চাউবা ফোরেন পোলিসী অমা থম্লে।

শ্রী অমিত শাহনা হায়খি মদুদি মোদী সরকারনা হৌখিবা চহি ১০ অসিদা, প্রধান মন্ত্রী, মোদীনা লৈবাক অসিগী লাইরবা মী করোর ৬০দায়ুমশিং, তোইলেতশিং, গ্যাস কনেক্সনশিং, থক্নবা ঈশিং, ইলেক্ত্রিসিতী, থা খুদিংগী চেং-হৱাই কে.জি. ৫ অমসুং লুপা লাখ ৫ ফাওবগী ওইবা হকশেলগী খুদোংচাবশিং পীখ্রে। মহাক্না হায়খি মদুদি ঐখোয়না মথংগী চহি ৫ অসিদা লৈবাক অসিদা মশাগী ময়ুম-মকৈ লৈজদবা মী অমত্তা লৈহন্দনবগী পান্দম থম্লি। শ্রী শাহনা হায়খি মদুদি মোদী সরকার অসিনা নহাশিংগীদমক্তা খুদোংচাবা কয়া অমা পীখ্রে অমসুং ঙসিদি ভারতকী নহাশিংনা মালেম অসিগী নহাশিংগা থেংগাইনবা ঙম্লগনি।

কেন্দ্রগী য়ুম্লৈ-কৈরৈ মন্ত্রীনা হায়খি মদুদি ঐখোয়গী লৌমীশিংগী চাউখৎ-থৌরাং অমসুং নুংঙাই-য়াইফবগী য়েংলগা স্কীম কয়া অমা পুরকখ্রে। মহাক্না হায়খি মদুদি স্কীমশিং অসিগী খত্থাংদা, লৈবাক অসিগী ফুদ রিজার্বশিং অদু লেমপানা কোন্নবা ঙম্বগী থাক ফাওবা য়ৌরক্লগনি অমসুং ইশানা ইরোমদোম লেপচবা ঙম্লদুনা,  ঐখোয়না এক্সপোর্ত তৌবা ঙম্লগনি, অসুম্না লৌমীশিংদা নুংঙাই-য়াইফবা পুরক্লগনি।

শ্রী অমিত শাহনা হায়খি মদুদি মোদী ৩.০গী নুমিৎ ১০০ অসিনা ‘চাউখৎপা ভারত’ অমা শেম্নবগী য়ুমফম থোনগদৌরিবনি। মসিগী নুমিঃৎ ১০০ অসি সেক্সন খুদিংমক মসিদা শরুক য়াহন্দুনা চাউখৎ-থৌরাংগী  অমসুং লাইরবশিংগী য়াইফ-থৌরাংগী কোওর্দিনেশন নিংথিনা লৈখি। মহাক্না হায়খি মদুদি মোদী ৩.০গী অহানবা নুমিৎ ১০০ অসিদা লুপা করোর লাখ ১৫গী প্রোজেক্তশিং হৌখ্রে। প্রধান মন্ত্রী, শ্রী নরেন্দ্র মোদীগী লুচিং মখাদা, সরকার অসিনা হৌখিবা চহি ১০ অসিদা পোলিসীশিং পাইখৎপগী মাইকৈ, খোংজেল অমসুং এক্যুরেসী অদু ঙাক্না চৎখি। মহাক্না হায়খি মদুদি মোদী সরকার অসিনা সেক্যুরিতী, চাউখৎ-থৌরাং অমসুং লাইরবশিংগী য়াইফ-থৌরাংগী মাইকৈদা অচেৎপা ফিরেপকা লোইনা লেপ্তনা থবক তৌখিগনি।

শ্রী অমিত শাহনা হায়খি মদুদি নুমিৎ ১০০নিবু য়ুম্বি ১৪দা খাইদোকখ্রে। ইনফ্রাস্ত্রকচর প্রোজেক্তশিংগী মখাদা লুপা করোর লাখ ৩ রোমগী ওইবা প্রোজেক্তশিং নুমিৎ ১০০দা হৌখ্রে। মহারাস্ত্রগী ৱাধৱনদা লুপা করোর লিশিং ৭৬ চংনা অচৌবা পোর্ত অমা শারগনি, মসিনা হেক অহৌবা নুমিৎ অদুদগী মালেম অসিগী মকোক্তা লৈবা পোর্ত ১০গী মনুং চল্লগনি। লম্বি-থোং নিংথিজনা য়ৌদবা খুঙ্গং লিশিং ২৫বু কনেক্ত তৌগদবা লুপা করোর লিশিং ৪৯গী স্কীম হৌদোকখ্রে। ভারতকী মরু ওইবা রুতশিংবু লুপা করোর ৫০,৬০০ চংনা চাউথোক্নবা ৱারেপ লৌখ্রে। বরানসিগী লাল বহাদুর শাস্ত্রি ইন্তর্নেস্নেল এয়রপোর্ত, ৱেস্ত বেঙ্গলগী বাগদোগ্রা, বিহারগী বিহতা অপগ্রেদ তৌদুনা অমসুং আগত্তি অমসুং মিনিকোইদা এয়রস্ত্রিপশিং শেমদুনা তুরিজম য়োকখৎনবা থবক কয়া অমা তৌখ্রে। বেঙ্গলুরু মেত্রো ফেজ-৩, পুনে মেত্রো, থানে ইন্তেগ্রেল রিং মেত্রো অমসুং অতোপ্পা মেত্রো রেল প্রোজেক্ত কয়া অমশু নুমিৎ ১০০ অসিদা খুমাং চাউশিনখ্রে।

শ্রী অমিত শাহনা হায়খি মদুদি প্রধান মন্ত্রী কিসান সম্মান নিধি য়োজনা গী ১৭শুবা ইনস্তোলমেন্তকী মখাদা লৌমী করোর ৯.৫০দা লুপা করোর ২০,০০০ য়েন্থোকখ্রে। হৌজিক ফাওবদা, পুন্না লৌমী করোর ১২গা লাখ ৩৩দা করোর লাখ ৩ য়েন্থোকখ্রে। খারিফ ক্রোপশিংগী মিনিমম সপোর্ত প্রাইস (MSP)শু হেনগৎখ্রে অমসুং হান্নগী সরকারগা চাংদমম্নবদা নরেন্দ্র মোদী সরকারনা MSPদা মহৈ-মরোংশিং শরুক কয়া অমা হেন্না লৈখি, মসিনা তাকপদি মোদী সরকার অসিনা লৌমীশিংগী কান্ননবা থবক তৌরি হায়বনি।

কো্পরেতিব সুগর মিলশিংগী ইথানোল পুথোকপা য়ুনিৎশিং অদু চুজাক্তগী ইথানোল পুথোক্নবা মল্তি-ফীদ ইথানোল য়ুনিৎশিংদা ওইনা ওন্থোকখ্রে। মসিনা চু খক্তা নত্তনা চুজাক্তগীশু ইথানোল পুথোকপা ঙমহল্লগনি। ঐখোয়না তিলহৌ অমসুং বাসমতি চেংগী মিনিমম এক্সপোর্ত প্রাইস (MEP) লৌথোকখ্রে। তিলহৌদা এক্সপোর্ত দ্যুতী অদু ৪০% ওইরম্বদগী ২০%দা হন্থহনখ্রে।

কেন্দ্রগী য়ুম্লৈ-কৈরৈ মন্ত্রীনা হায়খি মদুদি নুমিৎ ১০০নি অসিদা, মিদল ক্লাসতা রীফ কয়া অমশু পীখ্রে। তেক্স রিলীফকী মখাদা, লুপা লাখ ৭ ফাওবগী ইনকমদা ইনকম তেক্স অমত্তা লৈররোই। ৱান রেঙ্ক ৱান পেন্সন (OROP)কী অহুমশুবা ভর্জন ইমপ্লিমেন্ত তৌখ্রে অমসুং প্রধান মন্ত্রী আৱাস য়োজনাগী মখাদা য়ুম করোর ৩ সেঙ্কসন তৌখ্রে। অর্বান হাউসিং স্কীমগী মখাদা য়ুম করোর অমা অমসুং রুরল হাউসিং স্কীমগী মখাদা য়ুম করোর ২ সেঙ্কসন তৌখ্রে।

২০২৪ ফাওবদা, প্রধান মন্ত্রী সুর্য়া ঘর ফ্রী ইলেক্ত্রিসিতী স্কীম গী মখাদা য়ুমথোং লাখ ২.৫ হেনবদা সোলার ইনর্জী য়ৌহনখ্রে। মসিগী তোপ-তোপ্পা স্কীম অসিগী খুত্থাংদা, মিদল ক্লাসকী ইমুংশিংগী ইলেক্ত্রিসিতী বিল হন্থহনবদা নত্তনা সোলার ইনর্জী শিজিন্নবগী তার্গেত অদুবু য়ৌহনবদশু শরুক য়ারি। ঐখোয়না এনভাইরনমেন্ত ফ্রেনলী সিস্তেম অমা শেম্নবা লুপা করোর ৩৪০০ রোমগী তেংবাং পীদুনা পি.এম. ই-বস সর্বিসশিংগী অয়াবা পীখ্রে। শ্রী অমিত শাহনা হায়খি মদুদি স্তার্তঅপশিংদা শেলগী তেংবাং পীনবা অমসুং ইনোভেশন প্রোমোত তৌনবা, স্তার্তঅপ ৩১%দা অৱাবা পোৎলুম অমা ওইরম্বা এঞ্জেল তেক্স অদুশু মুত্থৎখ্রে।

নেস্নেল ইন্দস্ত্রিয়েল কোরিদোর দেবেলপমেন্ত প্রোগ্রামগী মখাদা, ইন্দস্ত্রিয়েল জোন ১২ শেম্লগনি, হায়রিবা অসি মরু ওইবা নেস্নেল হাইৱেশিংগশু শম্নহল্লগনি।

খ্বাইদগী মরু ওইবা ৱারেপশিংদি মিদল ক্লাসকীদমক্তা লৌখি। মুদ্র লোনগী লিনিৎ অদু লুপা লাখ ১০ ওইরম্বদগী লাখ ২০দা হেনগৎহনখ্রে, অমসুং অরিবা লোনশিং মাইপাক্না শিংগৎখিবশিংনা মসিদগী কান্নবা ফংগনি। MSMEশিংগীদমক্তা ক্রেদিৎ গেরেন্তী স্কীম হৌদোকখ্রে, মসিগী মখাদা অপিকপা ত্রেদরশিং অমসুং অপিকপা এন্ত্রপ্রেনরশিংনা গেরেন্তী য়াওদনা লোনশিং লৌবা য়ারগনি।

কেন্দ্রগী য়ুম্লৈ-কৈরৈ অমসুং কোওপরেশন মন্ত্রীনা হায়খি মদুদি এমপাৱর তৌরবা নহাশিংনা লৈবাক অমগী চাউখৎনবগী খ্বাইদগী তঙাইফদনা খ্বাইদগী হেন্না মথৌ তাই। ঐখোয়না লুপা করোর লাখ ২গী পি.এম. পেকেজ লাউথোকখ্রে, মসিগী মখাদা লাক্কদবা চহি ৫ অসিদা নহা করোর ৪গা লাখ ১০দা কান্নবা পীরগনি। ঐখোয়গী সরকার অসিনা অচৌবা কমপনীশিংদা নহা করোর অমা ইন্তর্নশিপকী খুদোংচাবশিং, এলোৱেন্সশিং অমসুং অমুক্তংগী ওইবা মতেং পীনবা লেপখ্রে। কেন্দ্র সরকারগী থবক্কী এপোইন্তমেন্ত লিশিং কয়া অমা থোকখ্রে।

শ্রী শাহনা হায়খি মদুদি কেপিতল এক্সপেন্দিচরবু লুপা করোর লাখ ১১গা লিশিং ১১দা হেনগৎলকপা হায়বসিমক্তা য়াম্না চাউনা মাইপাকপা অমনি। মসিনা নহা কয়া অমা থবক্কী অনৌবা খুদোংচাবশিং লৈহল্লগনি অমসুং ঐখোয়গী ইনফ্রাস্ত্কচরশু হেন্না ফগৎহল্লগনি। PLI স্কীম অমসুং ইন্দস্ত্রিয়েল জোন ১২গী দেবেলপমেন্ত তৌবনশু নহাশিংগীদমক্তআ থবক পীরগনি। স্তার্তঅপশিং অমসুং MSMEশিংগীদমক্তা পীখিবা ফাইনান্সিয়েল ইন্সেন্তিবশিং অদুনশু নহাশিংগীদমক্তা য়াম্না কান্নহল্লগনি।

শ্রী অমিত শাহনা হায়খি মদুদি নুমিৎ ১০০গী মনুংদা দীনদয়াল অন্ত্যোদয়া য়োজনাগী মখাদা, নুপী করোর ১০ হেন্না খোমজিন্দুনা সেল্ফ-হেল্প গ্রুপ লাখ ৯০ হেন্না শেমখ্রে অমসুং লাখপতি দিদি য়োজনাগী মখাদা, অনৌবা লাখপতি দিদি লাখ ১১দা সর্তিফিকেতশিং পীখ্রে। মহাক্না হায়খি মদুদি, লাখপতি দিদি করোর অমা হেন্না চহি অমদা লাখ অমা তাল্লি। নুপীশিং অসিগীদমক্তদি লুপা লাখ অমগী শেনফম হায়বসি মঙগুম্বনি অদুবু ঙসিদি মখোয়গী পুনশি অদু ইজৎ লৈনা হিংলে। 

শ্রী শাহনা হায়খি মদুদি পর্য়াতন দিদি অসি পর্য়াতন মিত্রা অমসুং দ্রোন দিদি খুত্থাংদা গাইদ ওইনা থবক তৌনবা সেল্ফ-হেল্প গ্রুপশিংগা লিঙ্ক তৌখ্রে। মসিগা লোইননা, নহাশিংবু তুরিজমগা কনেক্ত তৌনবা থবকশিংশু পাইখৎখ্রে।

কেন্দ্রগী য়ুম্লৈ-কৈরৈ অমসুং কোওপরেশন মন্ত্রীনা হায়খি মদুদি প্রধান মন্ত্রী জনজাতিয়া উন্নত গ্রাম অভিয়ানগী মখাদা ত্রাইবলগী খুঙ্গং ৬৩,০০০বু মপুং ফানা শেমগৎলগনি। মসিনা ত্রাইবল করোর ৫গী ইকোনোমিক কন্দিশন ফগৎহল্লগনি। স্কীম অসিগী মখাদা, খুঙ্গংশিং অদু মরু ওইবা মথৌতাবশিং অমসুং তঙাইফদনা চংবা পোৎলমশিং মতিক চানা ফংহল্লগনি। নুমিৎ ১০০সিদা সেদ্যুল কাস্তকী ময়ামগা মীমান্নদ্রবশিংদা অনৌবা ইদেন্তিতী কার্দ লাখ ৩ পীরগনি।

য়ুম্লৈ-কৈরৈ মন্ত্রীনা হায়খি মদুদি একলৱ্য মোদেল রেসিদেন্সিয়েল স্কুল (EMRS) অসি অনৌবা দাইমেন্সনগা লোইননা অমুক হন্না ইন্ত্রোদ্যুস তৌরগনি। শ্রী শাহনা হায়খি মদুদি Waqf এমেন্দমেন্ত বিল-২০২৪না Waqf প্রোপর্তীশিংগী মেনেজমেন্ত, প্রোতেক্সন অমসুং লান্ন শিজিন্নবদগী থিংনবগী থবক তৌই অমসুং লাক্কদবা মতমশিংদা পা্রলিয়ামনেন্তা ইন্ত্রোদ্যুস তৌরগনি। শ্রী অমিত শাহনা হায়খি মদুদি অয়ুশমান ভারত য়োজনা অসি প্রধান মন্ত্রীগী য়াম্না চাউরবা প্রোগ্রাম অমনি অমসুং মসিগী স্কীম অসিনামী করোর কয়া অমগী পুনশি লাইহল্লি। মসিগী মখাদা, নরেন্দ্র মোদী সরকারনা লুপা লাখ ৫ ফাওবগী লাইয়েংবগী শেল পুথোক্লি। মহাক্না হায়খি মদুদি ঐখোয়গী পার্তীগী মেনিফেস্তোদা তৌখিবা ৱাশক অদুগী মতুং ইন্না, চহি ৭০ শুরবা অমসুং হেল্লবশিংদা লুপা লাখ ৫ ফাওবগী ফ্রী হেল্থ কোভরেজ পীরগনি। চহি ৭০গী মধক্তা লৈবা লাইরবা মীওইশিংদা মশাগী কার্দ অদুগী মথক্তা অহেনবা লুপা লাখ ৫গী কোভরেজ অমশু পীরগনি, মসিনা মখোয়গী কোভরেজ অদু লুপা লাখ ১০দা হেনগৎলগনি। য়ুম্লৈ-কৈরৈ মন্ত্রীনা হায়খি মদুদি চাউরাক্না ইমুং করোর ৪.৫দগী সেনিয়র সিতিজন করোর ৬রোম্না কান্নবা ফংলগনি অমসুং মসিদা ইনকম লিমিৎ লৈতে।

কেন্দ্রগী য়ুম্লৈ-কৈরৈ মন্ত্রীনা হায়কি মদুদি অনৌবা মেদিকেল সীত ৭৫,০০০ হাপচিল্লকপনা, ঐখোয়না মেদিকেল এজুকেশনগীদমক্তা মপান লৈবাক্কী মপাল তাংবা অদু লেপ্নবগী মাইকৈদা চংশিল্লক্লি। মহাক্না হায়খি মদুদি চহি ৩গী তার্গেত অমা মসিগীদমক্তা থমখ্রে। শ্রী শাহনা হায়খি মদুদি অহানবা স্পেস দে অদু ওগস্ত ২৩দা পাংথোকখ্রে, মসিগী মখাদা স্পেসকী লমদা ইনখৎলক্লিবা নহাশিং অমসুং নহাশিংদা পুক্নিং থৌগৎনবা অমসুং থৱায় য়াওবা পোকহন্নবা স্কীম কয়া অমা হৌদোকখ্রে। দিজাস্তর মেনেজমেন্তকীদমক্তা নেস্নেল দেতাবেস অমসুং খুঙ্গংগী লমশিংগী রেকোর্দ থম্নবা পঞ্চায়ত পোর্তল অমা হৌদোকখ্রে হায়না মহাক্না মখা তারকখি।  গুজরাতকী সানন্দদা সেমিকন্দক্তর য়ুনিৎ অমা লিংখৎখ্রে অমসুং লাক্কদবা চহি ১০ অসিদা ভারতনা সেমিকন্দক্তরগী লমদা য়াম্না চাউবা প্লেয়র অমা ওইরগনি।

য়ুম্লৈ-কৈরৈ মন্ত্রীনা অনৌবা আইন অহুম- ভার্তিয়া ন্যায়া সনহিতা (BNS), ভার্তিয়া নাগ্রিক সুরক্সা সনহিতা (BNSS) অমসুং ভার্তিয়া সাক্স্যা অধিনিয়ম (BSA)- অসি ব্রিতিশরশিংনা শেম্লম্বা চহি ১৫০ হেন্না লিরবা ক্রিমিনেল লোশিং অদুগী মহুৎ শিন্দুনা ২০২৪গী জুলাই ১দা ইমপ্লিমেন্ত তৌখ্রে হায়না হায়খি। মসিগী অনৌবা আইনশিং অসিনা লাক্কদবা মতমশিংদা মিয়ামদা ক্রিমিনেল জস্তিস ফংহনবদা নত্তনা জস্তিস ফংহনবদা হেন্না লাইহল্লগনি অমসুং মতম চানা জস্তিস পীবশু হৌরগনি। মসিগী আইনশিং অসিনা চহি ৩দা মপুং ফানা ইমপ্লিমেন্ত তৌরবা মতুংদা, ভারতকী ক্রিমিনেল জস্তিস সিস্তেম অসিনা মালেম অসিগী খ্বাইদগী নৌবা ওইরগনি হায়না মহাক্না থাজবা ফোংদোরকখি।

শ্রী অমিত শাহনা হায়খি মদুদি জুন ২৫বু সমৱিধান হত্যা দিৱস ওইনা পালন তৌনবা লেপ্তুনা, লৈবাক অসিনা ইমর্জেন্সীগী অমম্বা মতম অদুবু অমুক হন্না মায়োক্নদনবা তুংগী মিরোলশিংদা মসিগী মতাংদা খঙহন্নবা হোৎনরিবনি। মহাক্না হায়খি মদুদি ঙসি মালেম অসিনা আশা অমগা লোইননা প্রধান মন্ত্রীনা রসিয়া অমসুং উক্রেনগী মরু ওইবা খোংচৎশিং অদুগীদমক্তা ঙাইদুনা লৈরি। খ্বাইদগী অহানবা ওইনা, UNESCO ৱার্ল্দ হেরিতেজ কমিতীনা মখোয়গী মরু ওইবা মীফমশিং অদু ভারত্তা শিনখি অমসুং মসিনা লাক্কদবা মতমশিংদা ঐখোয়গী হেরিতেজ কয়া অমদা য়াম্না চাউনা কান্নবা পীরগনি। 

কেন্দ্রগী য়ুম্লৈ-কৈরৈ মন্ত্রীনা হায়খি মদুদি হন্দক্কী চহি অসিগী সেপ্তেম্বর ৪দা, চহি ৩৫ চুপ্না য়ানদনা লৈরক্লবা মতুংদা ত্রিপুরা NLFT অমসুং ATTFকী মরক্তা পীস এগ্রীমেন্ত অমা খুৎয়েক পীনখ্রে। লৈবাক অসিদা খ্বাদগী অহানবা ওইনা, লুপা করোর ৬৩৫০গী অনৌবা স্কীম অমা অর্বান ফ্লদ মেনেজমেন্তকীদমক্তা হৌদোখকখ্রে। নোর্থইস্ততা লুপা করোর ৪১০০ রোমগী ওইবা হাইদ্রো ইলেক্ত্রিক প্রোজেক্ত অয়াবা পীখ্রে। ২০২৪দা লোক সভাদা দিজাস্তর মেনেজমেন্ত বিল হৌদোকখ্রে। বিল অসিনা অর্বান ফন্দ মেনেজমেন্ত, ফায়র সর্বিসশিং, GLOF অমসুং অতোপ্পা দিজাস্তরশিং ঙাকথোকপদা মথৌ তাবা ফন্দশিং অদু পীরগনি। লুপা করোর ১২৫৫৪ অমা মসিগীদমক্তা কাইথোকখ্রে। শ্রী শাহনা লাদাখতা অনৌবা জিলা মঙা অমশু শেমখ্রে হায়না হায়খি। নার্কোতিক্স প্রিভেন্সন অমসুং ইনফোর্মেশনগীদমক্তা MANAS হেল্পলাইন হৌদোকখ্রে। মহাক্না হায়খি মদুদি মথংগী চহি ৫ অসিদা সাইবর কমান্দো ৫০০০ ত্রেন তৌরগনি অমসুং সাইবরক্রাইমগীদমক্তা সসপেক্ত রেজিস্ত্রীশু শেম্লি।

শ্রী অমিত শাহনা হায়খি মদুদি মোদী সরকারগী অহুমশুবা তার্মগী নুমিৎ অহানবা নুমিৎ ১০০ অসিদা ঐখোয়না অসুক য়াম্না তৌবা ঙমখ্রে। মহাক্না হায়খি মদুদি পোলিতিকেল পার্তী পুম্নমক্না ইলেক্সনগী চিন্দুনা লৈখ্রে, অদুবু প্রধান মন্ত্রী মোদীনা লৈবাক অসিগী চাউখৎ-থৌরাংদা অথিংবা-অ্রনবা লৈতনবা, ব্যুরোক্রেসীদা ইলেক্সনগী থা ৬কী মমাংদা পাইপলাইনদা লৈরিবা চাউখৎ-থৌরাংগী থবক-থৌরম পুম্বা অনৌবা অমহেক্তনা লাকপা মতমদা লোইশিন্দুনা থমগদবনি হায়খি। য়ুম্লৈ-কৈরৈ মন্ত্রীনা হায়খি মদুদি অসিগুম্বা ৱাখল্লোন অসিনা মরম ওইরগা নুমিৎ ১০০গী মনুংদা ঐখোয়না লুপা করোর লাখ কয়া কয়াগী চাউখৎ-থৌরাংগী থবক-থৌরমশিং য়াম্না মাইপাক্না পাংথোকপা ঙম্লিবনি। মহাক্না হায়খি মদুদি, মসিগী খুত্থাংদা লৈবাক অসিগী চাউখৎ-থৌরাংগী খোংজেলদা হেনগৎপদা নত্তনা লৈবাক অসি অসোই-অঙাম য়াওদনা অমসুং নুংঙাই-য়াইফনা লৈবা ঙমগনি অমসুং ঐখোয়না অনৌবআ এজুকেশন পোলিসী ইমপ্লিমেন্ত তৌদুনা এজুকেশনগী লমদশু মাংলোমদা খোং থাজিল্লি।

*****