জল শক্তি মন্ত্রালয়
ভারতকী রাস্ত্রপতীনা ভারত মন্দপম, নই দিল্লীদা সেপ্তেম্বর ১৭, ২০২৪দা ৮শুবা ইন্দিয়া ৱাতর ৱীক (IWW) হৌদোক্কনি
থীম – ‘পার্ত্নরসিপ্স এন্দ কোওপরেসন ফোর ইনক্লুজিব ৱাতর দিভেলপমেন্ত এন্দ মেনেজমেন্ত’
ৱাতর, সেনিতেসন এন্দ হায়জীন (WASH)কী মরমদা ৱাখল লৌশিং তাথোক তাশিন তৌননবা অমসুং ক্রোস-লর্নিং তৌনবা মালেমগী ফম্পাক অমা ওইরিবা ইন্তরনেস্নেল WASH কন্ফরেন্সসু IWW-2024 মনুংদা পাঙথোক্কনি
Posted On:
16 SEP 2024 4:05PM by PIB Imphal
ভারতকী রাস্ত্রপতী শ্রীমতী দ্রৌপদী মুরমুনা সেপ্তেম্বর ১৭, ২০২৪দা নই দিল্লীদা, জল শক্তিগী কেন্দ্র মন্ত্রী, শ্রী সি.আর. পাতিল অমসং রাজ্য মন্ত্রী, শ্রী রাজ ভুসন চৌধরীনা শরুক য়াদুনা ৮শুবা ইন্দিয়া ৱাতর ৱীক ২০২৪ হৌদোক্কনি। জল শক্তি মন্ত্রালয়না পাঙথোক্কদৌরিবা মালেমগী ওইবা থৌরম অসি ভারত মন্দপম, নই দিল্লীদা সেপ্তেম্বর ১৭-২০, ২০২৪ ফাওবা চত্থগনি।
থৌরম অসিদা, তোঙান তোঙানবা একাদমিক ইন্সতিত্যুসনশিংদগী খঙ-হৈরবা ফেকলতীশিং, নন-গভর্নমেন্তেল ওর্গনাইজেসন অমসুং সিভিল সোসাইতীশিংগী মীহুৎশিংগী মথক্তা তোঙান তোঙানবা লৈবাকশিংদগী ৱাতর রিসোর্সেসকী লমদা লৈরিবা অখঙ অহৈশিং, লোয়ননা কেন্দ্র অমসুং স্তেত লৈঙাক্কী মন্ত্রীশিং অমসুং মকোক থোংবা ওফিসরশিং য়াওনা মশক নাইরবা মীথুংশিংনা শরুক য়াগদৌরি।
কর্তেন রেজর প্রেস কন্ফরেন্সতা মীদিয়াগী মফমদা ৱা ঙাংলদুনা, সেক্রেতরী (জল শক্তি), শ্রীমতী দেবশ্রী মুখর্জীনা ৮শুবা ইন্দিয়া ৱাতর ৱীক, ২০২৪গী থীম অসি “পার্ত্নরসিপ এন্দ কোওপরেসন ফোর ইনক্লুজিব ৱাতর দিভেলপমেন্ত এন্দ মেনেজমেন্ত’ ওইগনি হায়খি। ঐখোয়গী থীম অসিনা তুং কোইগদবা ৱাতর মেনেজমেন্ত ফংবা ঙম্নবগীদমক সেক্তর অমসুং থাক খুদিং খুৎশম্ননা চৎমিন্নবা মথৌ তাই হায়রিবা কক্নিংঙাই য়াওদ্রবা অচুম্বা ৱাফম অসি তাক্লি হায়না মহাক্না মখা তাখি।
ইন্দিয়া ৱাতর ৱীক অসি মীয়ামদা পাক শন্না খঙহন্নবা, ফংলিবা ঈশিং য়োকশিন্নবা, মাঙহন্দনবা অমসুং মওং মরিল নাইনা শীজিন্ননবা মরুওইবা লাল্লোংশিং পায়খৎপদা ঙাক্লৌ ফংনবা পান্দমদা সেমিনার, একজিবিসন অমসুং অতৈ সেসনশিংগী খুত্থাঙদা মরুওইবা স্তেকহোল্দরশিংগা লোয়ননা চাং নাইনা অমসুং মওং মরিল নাইনা খন্ন-নৈননবা অমসুং ৱারী শাননবা পান্দম অমগা লোয়ননা ভারত লৈঙাক্কী জল শক্তি মন্ত্রালয়না অনৌবা ৱাখল্লোন অমা ওইনা হৌদোকখিবনি।
৮শুবা ইন্দিয়া ৱাতর ৱীক ২০২৪ অসিদা, মথক্তা পল্লিবা সেসনশিং অসিগী মথক্তা, কলচরেল প্রোগ্রাম অমসুং স্তদী তুর য়াওহন্দুনা নেতৱর্কিং, ৱাখল লৌশিং তাথোক তাশিন তৌনবা অমসুং ইনোভেসনশিং উত্থোক্নবা তাঞ্জা নীংথিনা পীগনি। থৌরম অসিনা হৌজিক লৈরিবা পাম্বৈশিং অসিগী ৱাংমদা খন্দুনা ২১শুবা চহিচাগী ৱাতর মেনেজমেন্তকী অরুবা ৱাফমশিংগী পাম্বৈ পুরকপা ঙমগদবা অনৌবা থৌরাংশিং পুথোক্নবা পান্দম থম্লি।
মখাদা পীরিবশিং অসিনা থৌরম অসিগী মরুওইবা ৱাফমশিং ওইগনি:
- হৌদোকপগী সেসন অমসুং মিনিস্ত্রিএল প্লেনরী মনুংদা লৈঙাক্কী লুচিংবশিংনা ঈশিং সেক্তরগী লমদা মখোয়গী মঙলান অমসুং মীৎয়েঙশিং থমগনি;
- গ্লোবেল ৱাতর লীদর্স’ প্লেনরী মনুংদা ঈশিংগী সেক্তরগী মালেমগী অখঙ অহৈশিংনা ঈশিং সেক্তরগী লমদা মখোয়গী মনুং হুৎপা মীৎয়েঙ অমসুং ৱাখল পোকহনগদবা ৱাখল্লোনশিং পাউদমগনি;
- ৱাতর লীদর্স’ ফোরম অসিনা মরুওইবা থীমেতিক সেক্তর পুম্নমক কোনশিন্দুনা পব্লিক, প্রাইভেত অমসুং নন-গভর্নমেন্ত সেক্তরদগী অখঙ অহৈশিং পুনগনি;
- কন্ত্রী ফোরম অসিদা থৌরমগী নাকোইননা দেনমার্ক, ইজ্রেল, ওস্ত্রেলিয়া, সিঙ্গাপুর অসিনচিংবা লৈবাকশিং পুনগনি;
- প্রাক্তিস্নরশিংগী ফোরম অসিদা লৈঙাক্কী, লনাইগী অমসুং নন-গভর্নমেন্তকী অখঙ অহৈশিংনা ঈশিং সেক্তরগী প্রোগ্রাম অমসুং থৌরাংশিং পায়খৎপদা মখোয়না থেংনরকপা ৱাফমশিং পুথোক্তুনা খ্বায়দগী ফবা থবক থৌওংশিং উত্থোক্কনি;
- ৱাতর কনভেন্সন মনুংদা তোঙান তোঙানবা থীমশিংদা চা পাথোক্কনি;
- স্তার্তঅপ ফোরম মনুংদা স্তার্তঅপশিংনা ঈশিং সেক্তরদা লৈরিবা মখোয়গী ৱাখল্লোনশিং পুথোক্নবা তাঞ্জা অমা ফংগনি;
- একজিবিসন অসিনা স্ক্বার মিতর ৪,৮০০ পাক চাউনা কোনশিন্দুনা – ওস্ত্রেলিয়া, বঙ্গলাদেশ, কেনাদা, কোলোম্বিয়া, UK, USA, অফ্রিকান লৈবাকশিং য়াওনা লৈবাক কয়াদগী হায়-তেক সোলুসন অমসুং তেক্নোলোজীশিং উৎকনি।
- ভেলেদিক্তরী সেসন অসিদা IWW গী মরুওইবা মীৎয়েঙ অমসুং মহৈশিং নৈনগনি।
- পেরেলেল ওইবা থৌরম অমসুং কন্ফরেন্স সেসনশিংদা মালেম পুম্বদগী মীথুং ৫০০০+না শরুক য়াগনি।
মখা তানা, IWW-2024 মনুংদা দিপার্তমেন্ত ওফ দ্রিঙ্কিং ৱাতর এন্দ সেনিতেসন (DDWS), জল শক্তি মন্ত্রালয়না ইন্তরনেসস্নেল WASH কন্ফরেন্স পাঙথোক্কনি। থৌরম অসিনা ৱাতর, সেনিতেসন এন্দ হায়জীন (WASH)কী মরমদা ৱাখল লৌশিং তাথোক তাশিন তৌননবা অমসুং ক্রোস-লর্নিং তৌনবা মালেমগী ফম্পাক অমা পীগনি।
শিনমিন্নরিবা খোঙবুশিং
IWW - 2024 অসি নোদেল মন্ত্রালয়/দিপার্তমেন্ত মমিং ওইনা – দিপার্তমেন্ত ওফ দ্রিঙ্কিং ৱাতর এন্দ সেনিতেসন, এনভাইরনমেন্ত, ফোরেস্ত অমসুং ক্লাইমেৎ চেঞ্জ মন্ত্রালয়, পৱার মন্ত্রালয়, লৌউ-শিংউ অমসুং লৌমীশিংগী য়াইফ-থৌরাং মন্ত্রালয়, আর্থ আইন্স মন্ত্রালয়, হাউজিং অমসুং অর্বান এফ্যার্স মন্ত্রালয়, খুঙ্গং চাউখৎ থৌরাং মন্ত্রালয়, মরী লৈনবা স্তেত লৈঙাক্কী দিপার্তমেন্তশিং, মরী লৈনবা অখঙ অহৈ লূপশিং, মরুওইবা মালেমগী লূপশিং, প্রাইভেত অমসুং পপব্লিক বিজিনেস গ্রুপ অসিনচিংবশিংগা লোয়ননা শিনমিন্নবনি।
IWW – 2024 অসিনা ইন্তরনেস্নেল কম্মিসন ওন ইরিগেসন এন্দ দ্রেনেজ (ICID), ৱর্ল্দ বেঙ্ক, এসিয়ন দিভেলপমেন্ত বেঙ্ক (ADB), ইন্দিয়া ৱাতর ফাউন্দেসন (IWF), ৱর্ল্দ ৱাতর কাউন্সিল (WWC), ইন্তরনেস্নেল ৱাতর মেনেজমেন্ত ইন্সতিত্যুৎ (IWMI), ASSOCHAM, ইন্দিয়ন চেম্বর ওফ কম্মর্স (ICC) অসিনচিংবা ঈশিং সেক্তরদা ইচঙ থৌনা শরুক য়ারিবা মরুওইবা লুপ খরসু শরুক য়ানবা পাউজেল পীখি। হায়রিবা লূপশিং অসিনা ৱাখল লৌশিংগী খোঙবু ওইনা লৈরিবা ৱাফমশিং খঙদোকপা অমদি হৌজিক লৈরিবা হীরমশিংদা মীৎয়েঙ চঙনবা অমসুং খন্ননবা অচৌবা এক্সপরতিজ পুরক্কনি।
IWW-2024গী মিনত-তু-মিনত থৌরমশিং
*****
(Release ID: 2055392)
Visitor Counter : 56