প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা ঝারখন্দগী তাতানগরদা লুপা করোর 660 হেনবগী রেলৱে প্রোজেক্তশিং উরেপ-উয়ুং তমখ্রে অমসুং জাতিদা কত্থোকখ্রে
কন্নেক্তিবিতী হেনগৎহন্নবা ভন্দে ভারত ত্রেন তরুক লমথাখ্রে
প্রধান মন্ত্রী আৱাস য়োজনা-গ্রামিন (PMAY-G)গী বেনিফিসরী 32,000দা সেঙ্কসন লেত্তরশিং য়েন্থোকখ্রে অসুং লুপা করোর 32গী তেংবাংগী অহানবা ইন্সতোলমেন্ত কাইথখ্রে
বেনিফিসরী 46,000গী গৃহ প্রভেশকী থৌরমদা শরুক য়াখ্রে
“ঝারখন্দদা ভারতকী খ্বাইদগী চাউখৎপা রাজ্য ওইনবগী পোতেন্সিএল লৈ, ঐখোয়গী সরকারনা চাউখৎপা ঝারখন্দ অমসুং চাউখৎপা ভারত ওইহন্নবা ফিরেপ লৌখি”
“‘সবকা সাথ, সবকা বিকাস’কী মন্ত্রনা লৈবাক্কী ৱাখল্লোন অমসুং মরু ওইবশিং হোংলকখি”
“নোংপোক থংবা ভারতকী রেল কন্নেক্তিবিতী পাকথোক-চাউথোকহনবনা অপুনবা লমদমগী শেন্মিৎলোনদা শাহৌ পীগনি”
“পি.এম. জনমন য়োজনা অসি লৈবাক শিনবা থুংবদা লৈরিবা ত্রাইবেল ইচিল-ইনাওশিংগীদমক পায়খৎলি”
Posted On:
15 SEP 2024 12:33PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী থোংদা ঝারখন্দগী তাতানগরদা লুপা করোর 660 হেনবগী তোঙান তোঙানবা রেলৱে প্রোজেক্তশিংগী উরেপ উয়ুং তমখ্রে অমসুং জাতিদা কত্থোকখ্রে। প্রধান মন্ত্রীনা প্রধান মন্ত্রী আৱাস য়োজনা-গ্রামিন (PMAY-G) গী বেনিফিসরী লিশিং 32দা সেঙ্কসন লেত্তরশিংসু য়েন্থোকখি। ঙসি অঙনবদা শ্রী মোদীনা তাতানগর জঙ্কসন রেলৱে স্তেসনদা ভিদিও কনফরেন্সিংগী খুত্থাংদা ভন্দে ভারত ত্রেন তরুক লমথাখি।
প্রধান মন্ত্রীনা মহাক্কী ৱারোল হৌরকপদা বাবা বৈদ্যনাথ, বাবা বসুকিনাথ অমসুং ভগৱান বীরসা মুন্দাগী লমদমদা ইকায় খুম্নবা উৎখি। মহাক্না ঝারখন্দদা মহৌশাবু থৌনিনবা কৎথোক্লিবা কর্মা পর্বগী য়াইফরবা থৌরম অদু পনখি অমসুং মহাক্না ঙসি রাঞ্চী এয়রপোর্ত্তা মহাকপু তরাম্না ওকপীদুনা মফম অদুদা নুপী অমনা কর্মা পর্বগী খুদম অমা পীখিবা অদু পনখি। মহাক্না হায়খি মদুদি নুপীশিংনা মখোয়গী মপুং-মৌপাশিংগীদমক কর্মা পর্বগী শরুক অমা ওইনা নুংঙাইরবা পুন্সি অমগীদমক থৌনিজরি। মহাক্না য়াইফরবা থৌরম অসিদা মহাক্কী য়াইফ পাউজেল পীখি। মহাক্না হায়খি মদুদি ঝারখন্দনা ঙসি অনৌবা ভন্দে ভারত ত্রেন তরুক, লুপা করোর 600 হেনবগী দিবেলপমেন্ত প্রোজেক্তশিং অমসুং পি.এম. আৱাস য়োজনাগী মখাদা রাজ্য অসিগী মীয়ামগীদমক পক্কা য়ুমশিং ফংহনখ্রে। শ্রী মোদীনা ঝারখন্দগী মীয়াম্বু ঙসিগী প্রোজেক্তশিং অসিগীদমক অমসুং ঙসি ভন্দে ভারত কন্নেক্তিবিতী ফংলবা অতোপ্পা রাজ্যশিংদা থাগৎপা ফোংদোকখি।
মোদর্ন দিবেলপমেন্ত অসি রাজ্য অমসুং সহর খরা খক্তদা য়ুম্ফম ওইরম্বা অদুগা ঝারখন্দগুম্বা রাজ্যশিং অসি নাথৈদুনা থমখিবা মতম অদু নীংশিংলদুনা, প্রধান মন্ত্রীনা হায়খি মদুদি 'সবকা সাথ সবকা বিকাস'গী মন্ত্রনা লৈবাক অসিগী ৱাখল্লোন অমসুং মরুওইবশিং অদু হোংদোক্লে। প্রধান মন্ত্রীনা হায়খি, "জাতি অসিগী মরুওইবশিং অসি মাগী লাইরবশিং, ত্রাইবেলশিং, দলিতশিং, শোত্থরবা, নুপীশিং, নহাশিং অমসুং লৌমীশিংনি।"
প্রধান মন্ত্রীনা হায়খি মদুদি ঙসি সহর অমসুং রাজ্য খুদিংমক্না কন্নেক্তিবিতী হেনগৎহন্নবা ভন্দে ভারত ত্রেন অমা পাম্লি। নুমিৎ খরনিগী মমাংদা ভারতকী অৱাং অমসুং খাগী রাজ্যশিংদা অনৌবা ভন্দে ভারত ত্রেন অহুম লমথাখিবা অদু মহাক্না নীংশিংখি। ঙসি অনৌবা ভন্দে ভারত ত্রেন তরুক ফ্লেগ ওফ তৌখিবা অদু মহাক্না পনখি। নোংপোক থংবা ভারত্তা রেল কনেক্তিবিতী পাকথোক চাউথোকহনবনা লমদম অসিগী শেন্মিৎলোনবু মপাঙ্গল কনখৎহল্লগনি অমসুং ললোন-ইতিক, প্রোফেস্নেলশিং অমসুং মহৈরোয়শিংদা চাউনা কান্নবা ফংহল্লগনি হায়না প্রধান মন্ত্রী মোদীনা ফোংদোকখি। অনৌবা ভন্দে ভারত ত্রেন তরুক্না কলচরেল এক্তিবিতীশিংদা পুক্নিং থৌগৎলকপগী মতাংদা পল্লদুনা প্রধান মন্ত্রীনা হায়খি মদুদি ভারত অমসুং মালেমগী মফম কয়াদগী কাশীদা লাকপা লাই খুরুম্বা মীওই কয়া অমা বারানসী-দেওঘর ভন্দে ভারতকী হৌদোকপগা লোয়ননা দেওঘরদা লৈবা বাবা বৈদ্যানাথকী মফমদা চৎপগী খুদোংচাবা ফংলগনি। মহাক্না হায়খি মদুদি মসিনা লমদম অসিদা তুরিজম হেনগৎহনগনি অমসুং তাতানগরগী ইন্দস্ত্রীএল দিবেলপমেন্তসু পুক্নিং থৌগৎলগনি। মসিনা নহারোলশিংগীদমক অনৌবা থবক ফংবগী খুদোংচাবা লৈহল্লগনি। শ্রী মোদীনা হায়খি, "মোদর্ন রেলৱে ইনফ্রাস্ত্রকচর অসি খোঙজেল য়াংনা চাউখৎহনবা তঙাইফদবা অমনি।" মহাক্না দেওঘর দিস্ত্রিক্তকী মধুপুর বাই পাস লাইনগী উরেপ উয়ুং তমখিবগী মতাংদা পনখি, মসিনা হাওরা-দিল্লী মেনলাইনদা ত্রেনশিং লেপহন্দনবা অমসুং গিরিদিহ অমসুং জেসিদিহগী মরক্তা চৎথোক-চৎশিন তৌবগী মতম হন্থহনবদা মতেং পাংগনি। মহাক্না হজারিবাগ জিলাদা লৈবা হজারিবাগ তাউন কোচিং দিপোসু পনখি, মসিনা স্তেসন অসিদা কোচিং স্তোকশিংন লৈহন্নবা মতেং পাংগনি। মহাক্না হায়খি মদুদি কুরকুরা-কানারোয়ান লাইন অনি থোক্না শাবা অসিনা ঝারখন্দদা রেলগী কন্নেক্তিবিতী হেনগৎহল্লগনি অমসুং স্তীল ইন্দস্ত্রীগা মরী হেন্না চেৎশিলহল্লগনি।
প্রধান মন্ত্রীনা হায়খি মদুদি কেন্দ্রনা ঝারখন্দদা ইনভেস্তমেন্ত হেনগৎহনখ্রে অমসুং মসিগী অপুনবা খুমাং চাউশিনবা অমসুং চাউখৎপা ফংহন্নবা চাউখৎ-থৌরাংগী থবকশিংদা খোঙজেল য়াংখৎহনখ্রে। শ্রী মোদীনা মখা তাখি মদুদি চহি অসিগী বজেৎতা রাজ্য অসিগী রেলৱে ইনফ্রাস্ত্রকচর মপাঙ্গল কনখৎহন্নবা ঝারখন্দদা লুপা করোর 7,000 হেন্না পীখি। মসি চহি 10গী মমাংগী বজেৎগা চাংদম্নবদা শরুক 16 হেনবনি। মহাক্না রেলৱেজকী বজেৎ হেনগৎহনবগী কান্নবশিংগী মতাংদা মীয়ামদা পনখি। অনৌবা লাইনশিং শেমগৎপা, লাইনশিং ইলেক্ত্রিফিকেসন তৌবা, লাইনশিং দবল তৌবা নৎত্রগা স্তেসনশিংদা অনৌবা ইনফ্রাস্ত্রকচর শেমগৎপা, থবকশিং অসি য়াম্না থুনা চত্থরি। শ্রী মোদীনা ঝারখন্দবু রেলৱে লাইন 100% ইলেক্ত্রিফাই তৌরবা রাজ্যশিংগী মনুংদা অমা ওইবগীদমক থাগৎপা ফোংদোকখি। অমৃত ভারত রেলৱে স্তেসন স্কিমগী মখাদা ঝারখন্দদা রেলৱে স্তেসন 50 হেন্না নৌহৌননা শেমগৎলি হায়না শ্রী মোদীনা ফোংদোকখি।
প্রধান মন্ত্রীনা হায়খি মদুদি প্রধান মন্ত্রী আৱাস য়োজনা-গ্রামিন (PMAY-G)গী অহানবা ইন্সতোলমেন্ত ঙসি পীথখ্রে। মসিনা বেনিফিসরী লিশিং কয়াদা পক্কা য়ুম ফংহল্লগনি। মহাক্না মখা তাখি মদুদি PMAY-Gগা লোয়ননা তোইলেত, থক্নবা ঈশিং, ইলেক্ত্রিসিতী, গ্যাস কন্নেক্সনগী অতোপ্পা খুদোংচাবশিংসু ফংহনখি। শ্রী মোদীনা হায়খি মদুদি ইমুং অমগী মশাগী য়ুম লৈরকপা মতমদা, মখোয়গী মশাগী থাজবা হেনগৎলকই। মহাক্না মখা তানা হায়খি মদুদি মখোয়গী হৌজিক্কী পুন্সিদা স্তেবিলিতী অমা পুরকপগা লোয়ননা, মখোয়না মখোয়গী অফবা তুংলমচৎকীদমক্তা খল্লকপা হৌরকই। শ্রী মোদীনা হায়খি পি.এম. আৱাস য়োজনাগী খুত্থাংদা পক্কা য়ুমশিংগা লোয়ননা ঝারখন্দগী মীয়ামগীদমক খুঙ্গং অমসুং সহরশিংদা থবক লিশিং কয়া শেমগৎলি।
প্রধান মন্ত্রীনা হায়খি মদুদি লৈবাক অসিগী লাইরবা, দলিত, শোত্থরবা অমসুং ত্রাইবেল ইমুংশিংবু মপাঙ্গল কনখৎহন্নবা 2014দগী হৌদুনা মরুওইবা খোঙথাং কয়া অমা লৌখৎখ্রে। মহাক্না ঝারখন্দ য়াওনা লৈবাক শিনবা থুংনা ত্রাইবেল কম্ম্যুনিতীগীদমক পি.এম. জনমন য়োজনা পায়খৎলিবা অদুগী মতাংদা পনখি। স্কিম অসিগী খুত্থাংদা, কা হেন্না শোত্থরবা ত্রাইবশিং অদু য়ৌহন্নবা হোৎনরি হায়না শ্রী মোদীনা হায়খি অমসুং ওফিসিএলশিংনা মখোয় মশানা য়ুম, লম্বী, মৈ, ঈশিং অমসুং মহৈ-মশিং ফংহন্নবা অসিগুম্বা ইমুংশিংদা য়ৌহল্লি। মহাক্না হায়খি মদুদি অসিগুম্বা থবকশিং অসি চাউখৎলবা ঝারখন্দ অমগীদমক সরকারনা লৌরিবা ৱারেপশিংগী শরুক অমনি। ৱারোল লোইশিল্লকপদা, প্রধান মন্ত্রীনা থাজবা থমখি মদুদি ৱারেপশিং অসি তশেংনা মপুং ফাহনগনি অমসুং ঝারখন্দগী মীয়ামগী য়াইফ-পাউজেলগা লোয়ননা মখোয়গী মঙলানশিং অদু মংফাওনগনি। মহাক্না ঝারখন্দগী মীয়ামদা থৌরম মফমদা চৎপদা নুংজু-নুংশাগী ফীভম ফত্তবনা মরম ওইদুনা হেলিকোপ্তরগী খোঙচৎতা অপনবা ওইখিবা অমসুং ভিদিও কনফরেন্সিংগী খুত্থাংদা ঙসিগী প্রোজেক্তশিং শঙ্গাবা অমসুং উরেপ-উয়ুং তমখিবা অসিদা মহাক্না থম্মোয় শেংনা নুংঙাইতবা ফোংদোকখি।
ঝারখন্দগী রাজ্যপাল শ্রী সন্তোশ গাংৱার অমসুং কেন্দ্রগী লৌউ-শিংউ অমসুং লৌমীশিংগী য়াইফ-থৌরাংগী মন্ত্রী শ্রী শিবরাজ সিংহ চৌহানসু থৌরম অদুদা শরুক য়াখি।
বেকগ্রাউন্দ
প্রধান মন্ত্রীনা লুপা করোর 660 হেনবগী তোঙান তোঙানবা রেলৱে প্রোজেক্তশিংগী উরেপ উয়ুং তমখি অমসুং জাতদা কত্থোকখি। প্রোজেক্তশিং অসিগী মনুংদা দেওঘর দিস্ত্রিক্তকী মধুপুর বাই পাস লাইন অমসুং ঝারখন্দগী হাজারিবাগ দিস্ত্রিক্তকী হাজারিবাগ টাউন কোচিং দেপোগী উরেপ উয়ুং তম্বগী থবক য়াওরি। লোইশিনরবা মতুংদা মধুপুর বাইপাস লাইন অসিনা হাওরা-দিল্লী মেনলাইনদা ত্রেনশিং অপনবা লৈতনা চৎপদা মতেং পাংগনি অমসুং গিরিদিহ অমসুং জেসিদিহগী মরক্তা চৎপগী মতম হন্থহনবদা মতেং পাংগনি অমসুং হজারিবাগ তাউন কোচিং দিপোনা স্তেসন অসিদা কোচিং স্তোকশিং লৈহন্নবা মতেং পাংগনি।
প্রধান মন্ত্রীনা কুরকুরা-কানরোবনগী শরুক অনি ওইহনবা, বোন্দামুন্দা-রাঞ্চিগী সিঙ্গল লাইন সেক্সনগী শরুক অমা অমসুং রাঞ্চি, মুরি অমসুং চন্দ্রপুরা স্তেসনগী খুত্থাংদা রাউরকেলা-গোমো রুতকী শরুক অমা জাতিদা কত্থোকখি। প্রোজেক্ত অসিনা গুদস অমসুং পেসেঞ্জর ত্রাফিক্কী মোবিলিতী হেনগৎহনবদা য়াম্না মতেং পাংগনি। মসিগী মথক্তা, মীয়ামগীদমক সেফতী হেনগৎহন্নবা রোদ আন্দর ব্রিজ (RUB) 04সু জাতিদা কত্থোকখি।
হাউসিং ফোর ওল ফংহন্নবগী মহাক্কী ফিরেপ অদুগী মতুং ইন্না প্রধান মন্ত্রীনা ঝারখন্দগী প্রধান মন্ত্রী আৱাস য়োজনা-গ্রামিন (PMAY-G) গী বেনিফিসরী 32,000দা সেঙ্কসন লেত্তরশিং য়েন্থোকখি। মহাক্না বেনিফিসরীশিংদা অহানবা ইন্সতোলমেন্তকী মতেং পীখি। প্রধান মন্ত্রীনা বেনিফিসরী 46,000গী গৃহ প্রভেশ থৌরমদসু শরুক য়াখি।
*****
(Release ID: 2055202)
Visitor Counter : 4