எதிர்கால தொற்றுநோய் ஆயத்த நிலை மற்றும் அவசரகால பதில் - நடவடிக்கைக்கான கட்டமைப்பு' என்ற தலைப்பிலான நிபுணர் குழு அறிக்கையை, நித்தி ஆயோக் இன்று வெளியிட்டது. அறிக்கையில் உள்ள நிபுணர் குழு, எந்தவொரு எதிர்கால பொது சுகாதார அவசரநிலை அல்லது தொற்றுநோயை எதிர்கொள்ளத் தயாராகவும், விரைவான நடவடிக்கை முறையைக் கொண்டிருக்கவும் நாட்டிற்கு ஒரு வரைபடத்தை வழங்கியுள்ளது.

கொவிட்-19 தொற்றுநோய், சந்தேகத்திற்கு இடமின்றி கடைசி தொற்றுநோய் அல்ல. கணிக்க முடியாத, மாறிவரும் கிரக சூழலியல் பருவநிலை மற்றும் மனித-விலங்கு-தாவர இயக்கவியல் ஆகியவற்றைக் கருத்தில் கொண்டு, மனித ஆரோக்கியத்திற்கு புதிய சாத்தியமான, பெரிய அளவிலான தொற்று அச்சுறுத்தல்கள் தவிர்க்க முடியாதவை. எதிர்கால பொது சுகாதார அச்சுறுத்தல்களில் 75% ஜூனோடிக் அச்சுறுத்தல்களாக இருக்கக்கூடும் என்று உலக சுகாதார அமைப்பு உலகை எச்சரித்துள்ளது (இது உருவாகும், மீண்டும் தோன்றும் மற்றும் புதிய நோய்க்கிருமிகள் காரணமாக இருக்கலாம்).

இதைக் கருத்தில் கொண்டு, எதிர்கால தொற்றுநோய்க்கான ஆயத்த நிலை மற்றும் அவசரகால பதிலுக்கான கட்டமைப்பைத் தயாரிக்க நித்தி ஆயோக் ஒரு நிபுணர் குழுவை அமைத்தது. தேசிய மற்றும் உலகளாவிய மட்டங்களில் COVID-19 எவ்வாறு நிர்வகிக்கப்பட்டது என்பதை ஆராய்வது, வெற்றிக் கதைகள் மற்றும் எதிர்கொள்ளும் சவால்களிலிருந்து முக்கிய கற்றல்களை எடுப்பது மற்றும் எந்தவொரு எதிர்கால பொது சுகாதார நெருக்கடியிலும் மிகவும் திறமையாகவும் திறம்படவும் நடவடிக்கை எங்களுக்கு உதவ வேண்டிய முக்கிய இடைவெளிகளை மதிப்பிடுவது ஆகியவை குழுவிற்கான குறிப்பு விதிமுறைகள்.

சார்ஸ்-கொவிட்-2க்கு  எதிராக, இந்தியா புதிய எதிர் நடவடிக்கைகளை உருவாக்க முயற்சிகளை மேற்கொண்டதுடன் அதன் ஆராய்ச்சி மற்றும் மேம்பாட்டு கட்டமைப்பை வலுப்படுத்தியது. தொழில்துறை மற்றும் ஆராய்ச்சியாளர்களுக்கு நிதியளிப்பதற்கான வழிமுறைகள், பகிரப்பட்ட வளங்களை நிறுவுதல்; தரவு, மாதிரிகள், ஒழுங்குமுறை பகிர்வுக்கான கொள்கை மற்றும் வழிகாட்டுதல்கள்; பொது-தனியார் கூட்டாண்மை மற்றும் உலகளாவிய ஒத்துழைப்பு. தொற்றுநோய்க்கான பதில் மற்றும் தடுப்பூசிக்கான டிஜிட்டல் கருவிகளிலும் இந்தியா முதலீடு செய்தது, இது 1.4 பில்லியனுக்கும் அதிகமான மக்கள்தொகையின் தரவை நிர்வகிக்க உதவியது.

கொவிட்-19-ன் அனுபவத்திலிருந்து கற்றுக்கொண்ட நிபுணர்கள், தொற்றுப் பரவி தொடங்கிய முதல் 100 நாட்களில் நடவடிக்கை எடுப்பது, திறமையான நிர்வாகத்திற்கு முக்கியமானது என்பதை உணர்ந்தனர். இந்த காலகட்டத்திற்குள் கிடைக்கக்கூடிய உத்திகள் மற்றும் எதிர் நடவடிக்கைகளுடன் தயாராக இருப்பது மிகவும் முக்கியமானது. இந்த அறிக்கை எந்தவொரு பரவல் அல்லது தொற்றுநோய்க்கும் 100 நாள் நடவடிக்கைகளுக்கான செயல் திட்டத்தை வழங்குகிறது. இது தயார்நிலை மற்றும் செயல்படுத்தலுக்கான விரிவான செயல் திட்டத்தை எடுத்துக்காட்டுகிறது. நன்கு வளர்ந்த கட்டமைப்பின் மூலம், பரவலை எவ்வாறு கண்காணிக்கலாம், சோதிக்கலாம், சிகிச்சையளிக்கலாம் மற்றும் நிர்வகிக்கலாம் என்பதற்கான படிகளைக் குறிக்கிறது. தற்போதுள்ள அனைத்து கூறுகளையும் ஒருங்கிணைத்து பலப்படுத்தும் ஒரு கட்டமைப்பை இது பரிந்துரைப்பதுடன், 100 நாள் நடவடிக்கையின் இலக்குகளை பூர்த்தி செய்யும் வெளியீடுகளை வழங்க தேவையான கூறுகளை உருவாக்குகிறது.

தொற்றுநோய் ஆயத்த நிலை மற்றும் அவசரகால பதிலளிப்பு கட்டமைப்பின் (பிபிஇஆர்) பரிந்துரைகள் நான்கு தூண்களில் உள்ளன:

எதிர்கால தொற்றுநோய் ஆயத்த நிலை மற்றும் அவசரகால பதிலுக்கான நடவடிக்கைக்கான முன்மொழியப்பட்ட கட்டமைப்பைத் தயாரிப்பது, 60-க்கும் மேற்பட்ட நிபுணர்கள் மற்றும் பங்குதாரர்களுடன் கலந்தாலோசிப்பது, இதுவரையிலான அனுபவத்தை பகுப்பாய்வு செய்வது, தேசிய மற்றும் உலகளாவிய வெற்றிக் கதைகளை ஆராய்வது மற்றும் கவனம் செலுத்த வேண்டிய முக்கிய இடைவெளிகளை அடையாளம் காண்பது ஆகியவை அடங்கும். பங்குதாரர் கூட்டங்கள் முக்கியமானவை மற்றும் அறிக்கையைத் தயாரிப்பதற்கான மதிப்புமிக்க நுண்ணறிவுகளை வழங்கின. இந்த ஆலோசனையில் பொது சுகாதாரம், தொற்றுநோயியல், நுண்ணுயிரியல், தொழில்துறை மற்றும் கல்வியாளர்கள், மத்திய,மாநில அளவிலான மூத்த அரசு அதிகாரிகள் அடங்குவர். இந்த நிபுணர்கள் உள்ளூர், தேசிய மற்றும் சர்வதேச மட்டங்களில் கொவிட்-19 நடவடிக்கையில் முன்னணியில் இருந்ததுடன், கோவிட் நடவடிக்கையின் கொள்கை, திட்டமிடல் மற்றும் செயல்படுத்தலில் முக்கியப் பங்கு வகித்தனர்.

அறிக்கையில் உள்ள நிபுணர் குழு, எந்தவொரு எதிர்கால பொது சுகாதார அவசரநிலை அல்லது தொற்றுநோய்க்கும் தயாராகவும், விரைவான பதிலளிப்பு முறையைக் கொண்டிருக்கவும், நாட்டிற்கு ஒரு செயல்திட்டத்தை வழங்கியுள்ளது. கோவிட்-19 தொற்றுநோய்களின் போது கற்றுக்கொண்ட படிப்பினைகள் மற்றும் எதிர்கொள்ளும் சவால்களை ஆராய்வதில் இருந்து எதிர்காலத்தில் பொது சுகாதார அவசரநிலைகளை ஆளுகை மற்றும் நிர்வகிப்பதற்கான பரிந்துரைகள் மற்றும் ஒரு செயல்திட்டம் வரை, இந்த அறிக்கை நாட்டின் தொற்றுநோய் தயார்நிலை மற்றும் தடுப்பு முயற்சிகளுக்கான தொடக்க புள்ளியாகும்.

***

MM/RS/DL