ঙসি প্রধান মন্ত্রী শ্রী নরেন্দ্র মোদীনা লুচিংদুনা ৭, লোক কলয়ান মার্গতা লৈবা মহাক্কী য়ুমদা সেমিকন্দক্তর ইজুক্যুতিপশিংগী মীফম পাংথোকখ্রে। প্রধান মন্ত্রীনা সেমিকন্দক্তর সেক্তরগা মরী লৈনবা তোঙান-তোঙানবা হিরমশিং খন্নখ্রে। কমদৌনা সেক্তর অসিনা মখা তানা ঐখোয়গী গ্রহ অসিগী চাউখৎপগী খোঙজেল য়াংখৎহনগনি হায়বগী মতাংদা শ্রী মোদীনা ৱা ঙাংখ্রে। ভারত খ্বাইদগী চাউবা শেন থাদফম অমা ওইনা শেমগৎনবা লৈবাক অসিদা পুরক্লিবা অওনবশিংগী মতাংদা মহাক্না পাউদমখি।

সেমিকন্দক্তর সেক্তর চাউনবা ভারতনা পায়খৎলিবা থবকশিং সি.ই.ওশিংনা থাগৎপা ফোঙদোকখি অমসুং অপুনবা সেমিকন্দক্তর সেক্তরগী লুচিংবশিং মফম অমদা পুনবা ঙসিগী মীফম অসি মমাঙদা অমুক্তা পাংথোকখিদ্রি হায়না মখোয়না ফোঙদোকখ্রে।

মাইক্রোনগী সি.ই.ও সঞ্জয় মেহরোত্রানা হায়খি মদুদি ভারত্তা সেমিকন্দক্তরশিং চাউখৎনবা অমসুং মশাগী ওক্নবা পুথোকচনবা প্রধান মন্ত্রী মোদীগী পান্দম অসি থাগৎনিঙাইনি অমসুং ভারত্তা সেমিকন্দক্তর পুথোক্নবা মতেং পীনবা প্রধান মন্ত্রীনা মোদীনা হৌদোক্লিবা থৌশিল অসি য়াম্না অফবনি। মসি সেমিকন্দক্তরগী খুদোংচাবশিং হেনগৎহন্নবা ভারতকী সেমিকন্দক্তর মিসনগী চপ চারবা মতমনি, মরমদি এ.আই চাউখৎলক্কনি, খুদোংচাবশিং হেনগৎলক্কনি অমসুং খ্বাইদগী ফবা মতম লাক্লগনি হায়না ঐনা চেৎনা থাজৈ।

সেমিগী সি.ই.ও, অজিৎ মনোচানা হায়খি প্রধান মন্ত্রীগী লুচিংবা অসিগী লাম্বা অমতা লৈতে অমসুং মসি অখন্নবনি। মসি ভারত খক্তগী পুক্নিং থৌগৎপা খক নত্তনা মালেম শীনবা থুংবগীনি। মোদীগী লুচিংবা অসি অশুক্কী মতিক ফজরে মদুদি মীফম অসিদা ঐগা লোয়ননা মালেম শীনবা থুংনা শরুক য়ারে।

এন.এক্স.পিগী সি.ই.ও কুর্ত সিভরসনা হায়খি ভারতকী সেমিকন্দক্তর ইন্দস্ত্রি চাউখৎনবা দরকার ওইবশিংগীদমক প্রধান মন্ত্রী মোদীগী পান্দম, থবক ফজনা পাংথোকপা অমসুং তুংগী অশানবা মীৎয়েং অসি অঙকপনি অমসুং অপেনব পোক্লে। প্রধান মন্ত্রী অমা ওইনা সেমিকন্দক্তর ইন্দস্ত্রিগী মরমদা অসুক্কী মতিক কুপ্না খঙবা মালেমগী লুচিংবা অমা মহাক্না উনখিদ্রি।

তি.ই.পি.এলগী সি.ই.ও, রন্ধির থাকুরনা হায়খি প্রধান মন্ত্রীগী পান্দমদা অমসুং ঐখোয়গী লৈবাক্কী তুংগী দিজিতেল ইনফ্রাস্ত্রকচরগীদমক কমদৌনা মহাক্না য়েংলিবগে হায়বসিদা সেমিকন্দক্তর অসি তশেংনা অঙকপনি। বিকসিত ভারত্তা সেমিকন্দক্তরশিংনা মরুওইবা থৌদাং অমা লৌগনি।

জেকোবসকী সি.ই.ও, বোব প্রাগাদানা হায়খি ভারত মালেমগী থাক্তা পুখৎনবা প্রধান মন্ত্রীনা পায়খৎলিবা থবক অসি ভারত খক্তগী নত্তনা মালেমগী দরকার ওইবশিংগীনি। মেনুফেকচরিংগী অনৌবা ময়োল চোংলক্নবা ভারতনা মাঙজিল থারি অমসুং মসি থবক ওইনা পাংথোক্কদবনি। মথং চহি ১০ দা, ভারত মালেমগী থাক্তা লুচিংবা অমা ওইগনি হায়না ঐনা থাজৈ।

রেনেসাসকী সি.ই.ও, হিদেতোসি সিবাতানা হায়খি, মদুদি প্রধান মন্ত্রীগী পাউজেল অসি মতম পুম্নমক্তা চম্মী অমসুং নাখৈ শেংই, মরম অদুনা মহাক্না করি পাম্লিবগে হায়বা ঐখোয় খঙলে। নাখৈ শেংনবা অসিনা মতম পুম্নমক্তা মতেং পাংই, থৌনা লৈহল্লি অমসুং চাউখৎপা য়াংহল্লি।

আই.এম.ই.সিগী সি.ই.ও, লুক ভেন দেন হোবনা হায়খি মদুদি প্রধান মন্ত্রীনা উৎখিবা লুচিংবগী গুন অসিদা মহাক অপেনবা পোক্লে। সেমিকন্দক্তর তেক্নোলোজিগী লমদা ভারত পৱারহাওস অমা ওইনা শেমগৎনবা প্রধান মন্ত্রীগী থবক অমসুং কৎথোকপা মহাক্না থাগৎপা ফোঙদোকখ্রে। মেনুফেকচরিংগী মথক্তা রিছার্স অমসুং দিবলপমেন্তগী প্রধান মন্ত্রীগী অশানবা মীৎয়েং মহাক্না অপেনবা ফোঙদোকখ্রে। ভারত রিছার্স অমসুং দিবলপমেন্তদা মপাঙ্গল কন্নবা অচেৎপা মরুপ অমা শেম্নবা হোৎনরিবা অসি মহাক্না পনখি।

তোৱারগী সি.ই.ও রুসেল সি ইল্লৱাঙ্গরনা হায়খি প্রধান মন্ত্রীগী পান্দম অমসুং পাংথোক্লিবা থবক অসি তশেংনা অচুম্বা অমসুং থাগৎফম থোকপা অমনি।

কেদেন্সকী সি.ই.ও  অনিরুধ দেবগান্না হায়খি হৌখিবা চহি খর অসিদা প্রধান মন্ত্রী মোদীগী লুচিংবগী থবক উবদা অপেনবা পোকই। সেমিকন্দক্তর অসি দিজিতেল ইন্দস্ত্রি খুদিংমক্কী তঙাইফদ্রবা তেক্নোলোজিনি। মোদী জিগী লুচিংবগা লোয়ননা, চহি অহুমগী মমাঙগা চাংদম্নবদা অচৌবা অহোংবা অমা লৈরে। মকোক্তগী হৌনা মসিদা শরুক য়াবা অসি লাইবক ফবনি অমসুং চহি খুদিং ফজনা চাউখৎলকপা উবদা তশেংনা হরাওই।

সিনোপসিসকী প্রসিদেন্ত অমসুং সি.ই.ও, সাসিনে ঘাজিনা হায়খি দিজাইন্দগী হৌরগা মেনুফেকচরিং ফাওবদা কমদৌনা অমসুং কদাইদা শেন থাদগনি হায়বগী নাখৈ শেংবা লাল্লোংগা লোয়ননা, হৌখিবা চহি অনি, অহুম অসিদা সেক্তর অসিদা থৱায় য়াওবা অমসুং মীৎয়েং চঙবা উরে। হৌজিক মহাক্না উরিবা, থৱায় য়াওরিবা অসি লৈবাক অসিগী অমসুং মালেমগী শীজিন্ননবা পোৎথোকশিং পুথোক্নবা ইঞ্জিনিয়ারিং সেন্তর অমদা চৎপনি।

প্রো: অরোগ্যাশ্বামী পাউলরাজ, ইমিরিতস স্তেনফোর্দ য়ুনিভর্সিতিনা হায়খি সেমিকন্দক্তর ইন্দস্ত্রিদা ভারতনা অচৌবা খোঙথাং অমা থাংজিল্লে। থৌনা কয়া লৈরে, চাউখৎপা কয়া লৈরে অমসুং মসি প্রধান মন্ত্রীগী পান্দম তশেংনা ইকায়খুম্নবনি অমসুং মসি থবক ওইনা পাংথোক্লে।

সি.জি পৱারগী চিয়ারমেন, ভেল্লায়ান সুভাইয়ানা হায়খি মদুদি মসি সেমিকন্দক্তর ইন্দস্ত্রিগী তশেংনা অফবা মতম অমনি অমসুং মসি হৌবতা ঙাইরি। ভারত অমুক্তা ওইখিদ্রিবা থাক অমদা য়ৌরক্কনি অমসুং উদ্যোগ-সরকার পুন্না থবক তৌমিন্ননবগী কৈদৌঙৈদা থাক অমা উরিবা অসি থাগৎনিঙাইনি।

য়ু.সি.এস.দিগী চান্সেল্লর, প্রোফেসার প্রদিপ খোসলানা হায়খি সেমিকন্দক্তর মিসনদা প্রধান মন্ত্রীনা অঙকপা পান্দম অমা থম্লে। লৈবাক অসিগী লৈবাক ঙাকপগী পুৱারিদা সেমিকন্দক্তরশিংগী মতাংদা অচুম্বা থৌশিল অমা শেম্নবা থৌনা লৈবা উখিদ্রি অমসুং প্রধান মন্ত্রীগী পান্দম অসিদা মহাক অসুক্কী মতিক হরাওই অমসুং মহাক ঐখোয় শোইদনা মাইপাকহনগনি হায়বা ঐনা থাজৈ।

****