PHI- পব্লিক হেল্থ ইনিসিয়েতিব পাংথোক্লিবা রিসর্চরশিংনা মমিং লৈরবা ইন্দিয়ন জর্নেল ওফ ত্রেদিস্নেল নোলেজ (IJTK)দা হন্দক্তা ফোংখিবা মখোয়গী স্তদী অদুনা দ্রগনা ইনখৎলক্লিবা নুপীমচাশিংদা অনেমিয়া হন্থহল্লি হায়না ক্লেম তৌরি। মসিগী অনৌবা থৌরাং অসি অনেমিয়াগা মায়োক্ননবা ‘সিদধা’ দ্রগশিং মীয়ামদা শিজিন্নহন্নবা লৌখৎলকখিবা খোংথাংনি।

হায়রিবা রিসর্চরশিংগী কাংলুপ অদু লৈবাক অসিগী মমিং লৈরবা সিদধা ইনস্তিত্যুশনশিংদগীনি, অয়ুশ মন্ত্রালয়গী নেস্নেল ইনস্তিত্যুত ওফ সিদধা (NIS); তামিল নাদুগী জেভিয়র রিসর্চ ফাউন্দেশন; অমসুং তামিল নাদুগী ভেলুমাইলু সিদধা মেদিকেল কোলেজ য়াওরি।রিসর্চরশিং অদুনা ABMN (অন্নাপেতিসেন্তুরম, বাৱনা কাতুক্কে, মাতুলাই মানাপ্পাকু অমসুং নেল্লিকে লেকিয়ম), হায়রিবা সিদধা দ্রগকী কম্বিনেশন অসিনা অনেমিক ওইরবা ইনখৎলক্লিবা নুপীমচাশিংদা হাইমোগ্লোবিনগী থাক্কা লোইন-লোইননা PCV-পেকদ সেল ভোল্যুম, MCV- মীন কোরপুস্কুলর হাইমোগ্লোবিন অমসুং MCH-মীন কোর্পুস্কুলর হাইমোগ্লোবিনগী থাক হেনগৎহল্লগি।

স্তদী অদুনা নুপীমচা ২,৬৪৮তা ওবজার্ব তৌখি, মদুদা ২,৩০০না নুমিৎ ৪৫নিগী স্তেন্দার্দ প্রোগ্রাম মপুং ফানা লোইশিনখি। প্রোগ্রাম অদু হৌদ্রিঙৈদা, রিসর্চরশিং অদুনা পার্তিসিপেন্তশিং অদুবু কুন্তাইবরল কুরানমনা দিৱার্ম তৌথোকখি অমসুং নুমিৎ ৪৫নিগী ওইবা অন্নাপেতি সেন্তুরম, বাৱনা কাতুক্কে, মাতুলাই মানাপ্পাকু অমসুং নেল্লিকে লেকিয়ম (ABMN)গী লাইয়েং অসি ওবজার্ভেশনদা লৈরিবা পার্তিসিপেন্ত পুম্নক্তা চত্থখি।

স্তদী অদুনা ক্লিনিকেল ফীচরশিং খুদম ওইনা শ্বর ফুনবা, চোকথবা, কোক ঙাওবা, কোক চিকপা, এনোরেক্সিয়া অমসুং পালর হায়রিবশিং অসি ইনভেস্তিগেতরশিং অদুনা প্রোগ্রাম অদু লোইদ্রিঙৈদা অমসুং লোইরবা মতুংদা এভাল্যুৱেত তৌখি, মসিগা লোইন-লোইননা হাইমোগ্লোবিন অমসুং বায়োকেমিকেল এস্তিমেশনশীং অদুবুশু এভাল্যুৱেত তৌখি। WHOগী গাইদলাইনশিং ঙাক্না চত্তুনা, অনেমিয়াগী কত-ওফ পোইন্ত অদু ১১.৯ mg/dlদা থনখি, হাইমোগ্লোবিন লেভেলনা ৮.০ mg/dlগী মখাদা লৈবা অদুবুনা য়াম্না অরুবা ফিভম ওইনা লৌখি, ৮.০দগীনা ১০.৯ mg/dlগী মরক্তা লৈবা অদুবুনা মোদেরেত অমসুং ১১.০দগীনা ১১.৯ mg/dl মরক্তা লৈবা অদুবুনা মাইলদ ওইনা লৌখি।

মখা তারকপদা, স্তদী অদুনা ফোংদোক্লকখি মদুদি রেন্দম ওইনা চাউরাকপা ওইনা নুপীমচা ২৩৮ খনগত্তুনা  হাইমোগ্লোবিন, পেকদ সেল ভোল্যুম (PCV), মীন কোর্পুস্কুলর ভোল্যুম (MCV), মীন কোর্পুস্কুলার হাইমোগ্লোবিন (MCH), রেদ ব্লদ কোর্পুসল (RBC), প্লেতেলেতশিং, অপুনবা WBC, ন্যুত্রোফিলশিং, লূমফোসাইতশিং অমসুং এয়োসিনোপইলশিংগী লেবোরেতরী ইনভেস্তিগেশনশিং তৌখি। রিসর্চরশিং অদুনা অনেমিক ওইবা নুপীমচাশিং অদুদা ABMNনা অনেমিয়াগী ক্লিনেকেল ফীচরশিং খুদম ওইনা চোকথবা, শম কেনবা, কোক চিকপা, ইন্তরেস্ত য়াওদবা অমসুং থাগী খোংকাপ চাং নাইদবশিং অদু শিংথানিংঙাই ওইবা মওংদা হন্থহনখি অমসুং হাইমোগ্লোবিন অমসুং PCV, MCV অমসুং MCHতা শিংথংনিংঙাই ওইবা মওংদা ফগৎলকখিবা থেংনখি।

স্তদী অদুদা ফংলকখিবা ফলশিং অদুগী ইমপেক্ত অমসুং মরু ওইবা অদুগী মতাংদা ঙাংলদুনা, স্তদী অদুগী সেনিয়র ওথরশিংগী মনুংদা অমশু ওইরিবা, নেস্নেল ইনস্তিত্যুত ওফ সিদধাগী দাইরেক্তর,  দা. আর. মীনাকুমারিনা হায়খি, “সিদধা হিদাক্না অয়ুশ মন্ত্রালয়গী পব্লিক হেল্থ ইনিসিয়েতিবশিংদা য়াম্না মরু ওইবা থৌদাং অমা লৌই। ইনখৎলক্লিবা নুপীমচাশিংগী মরক্তা এৱেয়রনেস লৈহনবা, মখোয়দা পীখিবা চা-থকপগী মতাংদা পীখিবা পাউতাকশিং অমসুং প্রিভেন্তিব কিয়রশিং অমসুং অনেমিক ওইবা পেসেন্তশিংদা সিদধা দ্রগশিংগী খুত্থাংদা মখোয়দা পীখিবা থেরাপীগী ওইবা কান্নবশিং। মরম অদুনা আনেমিয়াগীদমক্তা সিদধা দ্রগশিং অসিনা তোঙান-তোঙানবা সেতিং কয়া অমদা মমল য়াম্না তাংদবা অমসুং য়াম্না লাইনা অনা-লাইয়েং ফংহন্দুনা মীয়ামগী হকশেলদা য়াম্না চা্না শরুক য়ারগনি”।

স্তদী অদুগী লিঙ্ক:

https://or.niscpr.res.in/index.php/IJTK/article/view/11826#:~:text=Marked%20reduction%20of%20various%20clinical,and%20mild%20anemic%20girls%2C%20respectively.

***