ইন্তরনেস্নেল বুদধিস্ত কাউন্সিল (IBC) অমসুং ভিবেকানন্দা ইন্তরনেস্নেল ফাউন্দেশন (VIF)না “মাইন্দফুল কম্যুনিকেশন ফোর কনফ্লিক এভোইদেন্স এন্দ সস্তেনেবল দেবেলপমেন্ত” হায়রিবা থীম অসিদা অনিশুবা ইন্তরনেস্নেল বুদধিস্ত মীদিয়া কোনক্লেব শিল্লগনি। শ্রী বাইচুং ভুতিয়া, ভারতকী ফুতবোল তীমগী হান্নগি কেপ্তেননা গেস্ত ওফ ওনর ওইরগনি। মসিগী তোপ-তোপ্পা থৌরম অসি নই দিল্লীগী VIFতা ২০২৪গী সেপ্তেম্বর ১১দা পাংথোক্লগনি। VIFগী চিয়রমেন, শ্রী গুরুমুরতীনা থৌরম অদুদা কীনোত এদ্রেস পীরগনি। থৌরম অদুদা লৈবাক ১৮দগী মীদিয়াগী মীহুৎশিংনা শরুক য়ারগনি।

অনিশুবা ইন্তরনেস্নেল বুদধিস্ত মীদিয়া কোনক্লেব অসিগী মরু ওইবা পান্দমদি মালেম অসিদা থেংনরিবা অৱাবশিং অদুবু কোকহন্নবা বুদধিস্তকী ৱাখল্লোনশিং অদুবু মোদর্ন মীদিয়া প্রক্তিসশিংদা করম্না লৌশিনবা য়াবগে হায়বগী মতাংদা অমসুং মীদিয়া ইনস্তিত্যুশনশিংদা থাজবা হেনগৎহনবা হায়বসিদা মরু ওইবা মিৎয়েং থমগনি। কোনক্লেব অসিনা এথিকেল ওইবা জর্নেলিজমবু য়োকখৎনবা, মাইন্দফুল কম্যুনিকেশনবু প্রোমোত তৌনবা অমসুং এসিয়া শিনথুংনা বুদধিস্ত মীদিয়া প্রোফেস্নেলশিংগী নেতৱার্ক থম্নবা পান্দম থম্লি

অহানবা কোনক্লেব অদুদা তোঙান-তোঙানবা লৈবাক ১২দগী বুদধিস্ত জর্নেলিস্তশিং অমসুং মীদিয়া পার্সোনেলিতীশিং য়াওনা দেলিগেত ১৫০ রোম পুনখি অমসুং মীদিয়া প্রক্তিসশিংদা বুদধিস্ত প্রিন্সিপলশিং হাপচিন্দুনা তুং ইন্দুনা চৎনবগী য়াম্না লিংবা ফাউন্দেশন অমা শেম্লমখি। 

***