জাপানগী ফাইনান্স ফোর ইন্তরনেস্নেল এফ্যার্সকী ভাইস মিনিস্তর, মিস্তর অতসুতী মিমুরা, অমসুং ভারতকী শেলথুম মন্ত্রালয়গী দিপার্তমেন্ত ওফ ইকনমিক এফ্যার্সকী সেক্রতরী মিস্তর অজয় সেথনা সেপ্তেম্বর ২০২৪দা তোকিওদা ২শুবা ইন্দিয়া-জাপান ফাইনান্স দাইলোগ পাঙথোকখ্রে‍।

জাপানিজ দেলিগেসন্দা মিনিস্ত্রী ওফ ফাইনান্স এন্দ ফাইনেন্সিএল সর্ভিস এজেন্সীগী মীহুৎশিং য়াওখি‍। ভারতকী মায়কৈদগী, শেলথুম মন্ত্রালয়, রিজর্ব বেঙ্ক ওফ ইন্দিয়া, সিক্যুরিতিজ এন্দ এক্সচেঞ্জ বোর্দ ওফ ইন্দিয়া, পেন্সন ফন্দ রিগুলেতরী এন্দ দিভেলপমেন্ত ওথোরিতী, ইন্স্যুরেন্স রিগুলেতরী এন্দ দিভেলপমেন্ত ওথোরিতী ওফ ইন্দিয়া, অমসুং ইন্তরনেস্নেল ফাইনেন্সিএল সর্ভিসেস সেন্তর্স ওথোরিতীগী মীহুৎশিংনা খন্ন-নৈনবা অদুদা শরুক য়াখি‍।

শরুক য়াখিবশিংনা লৈবাক অনিমক্কী মেক্রোইকনমিক্সকী ফীভমদা মখোয়গী মীৎয়েঙশিং ফোঙদোক্নখি‍। মখোয়না থর্দ কন্ত্রীশিংদা তেংবাংবা, নাকল অনিগী তেংবাংনবা, অমসুং মালেমগী ৱাফমশিংগী মরমদসু খন্নখি‍। শরুক য়াখিবশিংনা লৈবাক অনিগী রিগুলেসন অমসুং সুপরভিজন, ফাইনেন্সিএল দিজিতেলাইজেসন, লোয়ননা অতোপ্পা খুজিল থৌরাংশিং য়াওনা শেলথুমগী সেক্তরগী ৱাফমশিংদা মখোয়গী মীৎয়েঙশিং থম্নখি‍। থৌরমদুদা ভারত্তা মখা তানা ইনভেস্তমেন্ত হেনগৎহন্নবগী মায়কৈদা তোঙান তোঙানবা শেলথুমগী রিগুলেতরীগী ৱাফমশিং খন্ননবা পাঙথোকপা সেসন অমদা জাপানগী ফাইনেন্সিএল সর্ভিস ইন্দস্ত্রীগী মীহুশিংনা শরুক য়াখি‍।

নাকল অনিমক্না শেলথুমগী তেংবাংনবগী থৌওং য়োকখৎনবা অমসুং নাকল অনিগী ওইবা মরী মপাঙ্গল কনখৎহন্নবা মখা তানা খন্ননবা য়ানখি অমসুং দাইলোগকী মথঙগী রাউন্দ নই দিল্লীদা পাঙথোক্নবা থৌরাং পায়খৎপসু য়ানখি‍।

****