Ka Tnat ka koit ka khiah jong ka Sorkar Pdeng

Dang peit bniah ia ka jingsuba ba don ka Mpox; La buh marwei ia u nongpang, yn donkam ban khuslai

Posted On: 08 SEP 2024 3:48PM by PIB Shillong

U nongpang ba dang samla, uba dang wan dang shen na ka ri kaba dang pur ka jingpang Mpox (monkeypox), u dei uba la suba ba don ia kane ka jingpang. La buh marwei ia une u nongpang ha ka hospital bad haduh mynta um don ha kano kano ka jingma.

Dang test ia ki nongmuna na une u nongpang ban pynthikna ka dei ne em ka jingpang Mpox. La peit ia kane ka kam katkum ki kyndon treikam ba la buh bad dang buddien ia ki briew ba u la iakynduh khnang ban sngewthuh na ei u ioh ia kane ka jingpang bad ruh ban tehlakam ia ka jingktah ha ka ri.

Ka jingiaid shakhmat ha kane ka kam ka iahap bad ka jingpeit ia ka jingma kumba la leh da ka NCDC bad ym donkam ban khuslai. Ka ri ka la khreh ban peit ia kane ka jingjia bad ka don lypa ki lad ki lynti ban pynduna ia ki jingma ha ka ri.

*****



(Release ID: 2052985) Visitor Counter : 19


Read this release in: English , Punjabi , Urdu , Hindi , Marathi , Bengali , Assamese , Gujarati , Tamil , Telugu , Malayalam