حکومت کےگرو انڈیا 20247   وژن کے مطابق، ہنر مندی کی ترقی اور صنعت کاری کی وزارت (ایم ایس ڈی ای ) نے سویگی کے ساتھ مفاہمت نامے (ایم او یو ) پر دستخط کیے ہیں اور سویگی کے فوڈ ڈیلیوری اور کامرس کے فوری نیٹ ورک کے اندر مہارت اور روزگار کے مواقع کی ایک سیریز پیش کرتے ہوئے ‘سویگی اسکلز’ کے نام سے ایک پہل شروع کی۔ اس اقدام سے لوگوں کو ریستوراں کے آپریشنز اور ریٹیل مینجمنٹ کے مختلف پہلوؤں میں روزگار، انٹرن شپ اور تربیت کے مواقع فراہم ہوں گے۔ ‘سویگی اسکلز’ پہل کے تحت، سویگی پارٹنر پلیٹ فارم کو اسکل انڈیا ڈیجیٹل ہب ( ایس آئی ڈی ایچ) کے ساتھ مربوط کیا جائے گا، جو سویگی میں کام کرنے والی افرادی قوت کے لیے آن لائن اسکل ڈیولپمنٹ کورسز، سرٹیفیکیشنز اور ٹریننگ ماڈیولز کو قابل رسائی بنائے گا۔ اس شراکت داری سے سوئگی سے وابستہ 2.4 لاکھ ڈیلیوری پارٹنرز اور ریسٹورنٹ پارٹنرز کے ملازمین کو فائدہ پہنچے گا۔

اس پہل اور شراکت داری کے آغاز پر بات کرتے ہوئے، وزیر مملکت (آزادانہ چارج) برائے اسکل ڈیولپمنٹ اور انٹرپرینیورشپ ،جناب جینت چودھری نے کہا، ‘‘بھارت کے لیے گروو انڈیا @2047 کے وژن کو پورا کرنے میں لاجسٹک سیکٹر کلیدی کردار ادا کرے گا۔ اس حقیقت کو ذہن میں رکھتے ہوئے، ہماری حکومت نے ہندوستان میں نیشنل لاجسٹک پالیسی شروع کی ہے۔ ہم اس شعبے میں ترقی کے لیے ایک قابل عمل ماحولیاتی نظام بھی تشکیل دے رہے ہیں جہاں مہارت اور تعلیم ساتھ ساتھ کام کریں گے۔ آج کی شراکت داری ظاہر کرتی ہے کہ کس طرح پبلک پرائیویٹ پارٹنرشپ اس شعبے کو تیز کر سکتی ہے اور افرادی قوت کے لیے نئی راہیں ہموار کر سکتی ہے۔ اس شعبے میں وسیع مواقع دستیاب ہیں اور ہم چاہتے ہیں کہ مزید کارپوریٹ ہمارے ساتھ شامل ہوں۔

 ہنرمندی کی ترقی اور صنعت کاری کی وزارت میں سکریٹری جناب اتل کمار تیواری نے کہا، ‘‘یہ شراکت داری دو سطحوں پر تبدیلی لائے گی۔ یہ ہمارے وزیر اعظم کے وژن کے مطابق ہنر کی تعمیر، افرادی قوت کو اپ اسکلنگ اور ری اسکلنگ کے مواقع پیدا کر کے ریٹیل اور سپلائی چین سے متعلقہ لاجسٹک سیکٹر کی اقتصادی شراکت میں اضافہ کرے گا۔ ‘سویگی اسکلز’ پہل کے تحت اسکل انڈیا ڈیجیٹل ہب ( ایس آئی ڈی ایچ) کے ساتھ مربوط، سویگی پارٹنر پلیٹ فارم اس کے ایکو سسٹم کو مہارت سے متعلق قرضوں، کورسز، کریڈٹس اور سرٹیفیکیشن تک رسائی کے قابل بنائے گا، اس پلیٹ فارم کے ذریعے لوگوں کو اپنی صلاحیتوں کو اپ گریڈ کرنے کے قابل بنائے گا اس کے علاوہ  معاش کے مواقع بڑھانے کے لیے بااختیار بنایا جا سکتا ہے۔’’

اس افتتاحی پروگرام میں ایم ایس ڈی ای کی جوائنٹ سکریٹری محترمہ سونل مشرا اور وزارت کے دیگر سینئر افسران بھی موجود تھے۔

سویگی ایک سرکردہ گھریلو اور صارفین کا برانڈ ہے، جو تقریباً 700 شہروں میں کام کرتا ہے۔ سویگی فوڈ کے ساتھ فوڈ ڈیلیوری اور سویگی انسٹا مارٹ کے ساتھ فوری تجارت میں رہنما کے طور پر، اس کے پاس ڈیلیوری ایگزیکٹوز اور ریستوراں کے شراکت داروں کا ایک وسیع نیٹ ورک ہے۔

سویگی اسکلز پہل کے تحت، سویگی پارٹنر پلیٹ فارم کو اسکل انڈیا ڈیجیٹل ہب ( ایس آئی ڈی ایچ) کے ساتھ ضم کیا جائے گا تاکہ سویگی ایکو سسٹم میں سرٹیفیکیشن کورسز اور تربیتی ماڈیول فراہم کیے جا سکیں۔ یہ ڈیلیوری پارٹنرز اور ریسٹورنٹ پارٹنر ملازمین کو بہتر روزگار کے لیے آن لائن مہارت کی ترقی کے کورسز، سرٹیفیکیشنز اور تربیتی ماڈیولز تک آسانی سے رسائی کے قابل بنائے گا۔

اس کے علاوہ، سویگی ایم ایس ڈی ای اسکیموں اور پروگراموں کے تحت تربیت یافتہ نوجوانوں کو ملازمت کے مختلف کرداروں میں اپنے ماحولیاتی نظام میں شامل کرے گا۔ یہی نہیں، نوجوانوں کو انٹرن شپ کے مواقع فراہم کرنے کا بھی منصوبہ ہے، جنہیں بعد میں سویگی کے تیز رفتار کامرس آپریشنز میں شامل کیا جا سکتا ہے۔

اس شراکت داری پر دستخط کرنے کے موقع پر، سی ای او، سویگی فوڈ مارکٹ پلیس  ،جناب  روہت کپور نے کہا، ‘‘ہم اپنے پارٹنرز کی ایپس میں ایم ایس ڈی ای کے اسکل انڈیا ڈیجیٹل ہب ( ایس آئی ڈی ایچ) کے ساتھ ضم کرنے کا ارادہ رکھتے ہیں، جس سے تقریباً 2.4 لاکھ ڈیلیوری پارٹنرز اور ملازمین کو قابل بنایا جائے گا۔ ہمارے 2 لاکھ ریسٹورنٹ پارٹنرز میں سے آن لائن اسکل ڈویلپمنٹ کورسز، آف لائن سرٹیفیکیشنز اور ٹریننگ ماڈیولز تک آسانی سے رسائی حاصل کر سکیں گے۔ دوسرا، وہ نوجوان جنہوں نے ایم ایس ڈی ای  کے پروگرام کے تحت ریٹیل اور لاجسٹکس کے انتظام اور فوڈ اینڈ بیوریجز (ایف اینڈ بی  )یعنی اشیائے خوردونوش کے کاروبار کے آپریشنل پہلوؤں کے لیے تربیت حاصل کی ہے، انہیں سویگی  کے ریستورانوں کے ایکو سسٹم اور ریٹیل بیک اینڈ آپریشنز میں ضم کر دیا جائے گا، جہاں مناسب ہو گا وہ مواقع حاصل کر سکیں گے۔ ’’

انہوں نے کہا، ‘‘ سویگی انسٹامارٹ کے آپریشنل ہونے سے، ہم ملک بھر میں 3,000 لوگوں کو بھرتی کرنے کے قابل ہو جائیں گے۔ ہم سینئر سطح پر اپنے تیز رفتار کامرس آپریشنز میں ایم ایس ڈی ای کے ذریعے تربیت یافتہ 200 افراد کو تربیت اور انٹرن شپ فراہم کرنے کا بھی منصوبہ رکھتے ہیں۔ آخر میں، سویگی ہمارے ایمپلائی رضاکار پروگرام کے تحت مصنوعی ذہانت (اے آئی)، مارکیٹنگ، ریٹیل، کوئیک کامرس، لاجسٹکس وغیرہ جیسے ابھرتے ہوئے پہلوؤں سے متعلق تربیتی ماڈیولز بنانے کے لیے اندرون ملک مہارت فراہم کر سکے گی۔

************

ش ح۔ا  م  ۔ م  ص ۔

 (U: 10661)