নহারোল অমসুং শান্ন-খোৎনবগী মন্ত্রালয়
দা. মন্সুখ মান্দৱিয়ানা পারা-বেদমিন্তন কন্তিঞ্জেন্তপু থাগৎপা ফোংদোকখ্রে; এথলেতশিংবু মখোয়গী থোইদো-হেন্দোকপা পর্ফোর্মেন্সকীদমক্তা থাগৎখ্রে
ভারতনা ২০২৪গী সেপ্তেম্বর ৩ ফাওবদা মেদল ২০ ফংবগা লোইননা তোক্যো পেরালীম্পিক্স মেদল তেলী হেনখ্রে
ভারতনা মেদল মঙা ফংদুনা পেরা-বেদমিন্তনদা হৌজিক ফাওবগী ওইনা খ্বাইদগী হেন্না ফজবা পর্ফোর্মেন্স উৎখ্রে
Posted On:
04 SEP 2024 5:03PM by PIB Imphal
কেন্দ্রগী য়ুথ এফিয়র্স অমসুং স্পোর্তস অমসুং লেবর অমসুং এমপ্লোইমেন্ত মন্ত্রী, দা. মন্সুখ মান্দৱিয়ানা ঙসি নই দিল্লীদা ভারতকী পেরা-বেদমিন্তন কন্তিঞ্জেন্তনা ভারত্তা হল্লকপদা মখোয়বু থাগৎপা ফোংদোকখ্রে। ভারতনা পেরিস ২০২৪দা পেরা বেদমিন্তনদা হৌজিক ফাওবগী খ্বাইদগীহেন্না ফজবা পর্ফোর্মেন্স উত্তুনা পুন্না মেদল ৫ লৌখি (গোল্দ ১, সিলভর, ২, অমসুং ব্রোঞ্জ ২)।
এথলেতশিং অদুদা ৱা ঙাংলদুনা, দা. মান্দৱিয়ানা মখোয়গী মাইপাকপা অদুদা য়াম্না চাউথোকচবা ফাওই হায়না ফোংদোক্লদুনা মহাক্না অসুম্না হায়রকখি, “নখোয়না নখোয়গী ময়ামদগী থোইদোক-হেন্দোকপা পর্ফোর্মেন্স উত্তুনা জাতি অসিবু চাউথোকচবা ফাওহল্লে। নখোয়গী কত্থোকপা অমসুং থৌনআ অদুনা ভারতকী স্পোর্তসকীদমক্তা অনৌবা থাক অমা থমখ্রে।”
মেদলশিং ফংবা ঙমহৌদ্রবা এথলেতশিংদা, দা. মান্দৱিয়ানা পুক্নিং থৌগৎ ৱাহৈ কয়া হায়খি, মহাক্না হায়খি মদুদি, “ঐখোয়না মেদলশিং ফংহৌদবা লৈতে, ঐখোয়না মমল নাইদ্রবা এক্সপরিয়েন্স ফংখি। ঐহাক্না থাজৈ মদুদি তুংদা লাক্কদবা পারালীমপইক্সতা, ঐখোয়গী মেদল মশিং অসি অমুক্কশু হেনগৎলক্কনি, অমসুং নখোয় খুদিংমক্না মাইপাক্কনি।”
ইন্তর্নেস্নেল স্পোর্তিং ইভেন্তশিংদা ভারতনা খুমাং চাউশিল্লিবা অদু য়েংলগা, দা. মান্দৱিয়ানা লৈবাক অসি হৌখিবা দেকেদ অসিদা ওলিমপিক্স অমসুং পেরালিম্পিক্স অনিমক্তা লৈবাক অসিগী ফগৎলক্লিবা পর্ফোর্মেন্স অসিগী মতাংদা হায়খি। “হৌখিবা চহি ১০ অসিদা, ঐখোয়না ঐখোয়গী পর্ফোর্মেন্স অসি লেপ্তনা ফগৎলক্লি, মালেমগী থাক্তা ঐখোয়গী থৌনা অদুবু উৎলি,” হায়না মহাক্না পনখি।
কেন্দ্রগী মন্ত্রীনা পেরা-এথলেতশিংবু হেন্না ফবা ফেসিলিতীশিং, ত্রেনিং অমসুং খ্বাইদগী অৱাংবা থাক্তা ময়ামদগী মীথোই-মীহেনবা ওইবদা মতেং পাংনবা খুদোংচাবশিং পীদুনা মতেং পাংনবা সরকার অসিনা লৌরিবা ফিরেপ অদুগী মতাংদা মখাতানা পল্লকখি। মহাক্না কন্তিঞ্জেন্ত অদুদা লেপ্তনা মতেং পাংগনি হায়না থাজবা পীখি অমসুং তুংদা লাক্কদবা কমপিতিশনশিংদা হেন্না ৱাংবা থাক অমগী পান্দম থম্নবা মখোয়বু পুক্নিং থৌগৎখি।
মেল ফংখিবা মখোয় মঙা অদুদা য়াওরিবশিং অদুদি নিতেশ কুমার (গোল্দ), সুহাস LY (সিলভর), থুলাসিমতি মুরুগেসন (সিলভর), নিত্যা স্রে (ব্রোঞ্জ) অমসুং মনিশা রামাদাস (ব্রোঞ্জ)।
ভারতনা ২০২৪গী সেপ্তেম্বর ০৩দা ইভেন্তশিং লোইরকপদা পুন্না মেদল ২০ ফংদুনা তোক্যো পেরালিমপিক্সতা ফংখিবা মেদল ১৯ অদু হেনখি।
পেরা-এথলেতশিং অদুনা মখোয়গী এক্সপরিয়েন্সশিং অদুবু শিয়র তৌখি অমসুং মখোয়বু মরু ওইনা তার্গেত ওলিম্পিক পোদিয়ম স্কীম (TOPS)কী মখাদা সপোর্ত তৌবীবগীদমক্তা সরকারবু থাগৎপা ফোংদোকখি। মখোয়না মখোয়গী মশা-মশাগী স্পোর্তসতা ময়ামদগী মীথোইবা ঙম্নবা মথৌ তাবা ফেসিলিতীশিং অমসুং রিসোর্সশিং পীবীবগীদমক্তা স্কীমঅসিবু ক্রেদিৎ পীখি।
পেরিস পেরালিমপিক্স সাইকল অসিদা ভারত সরকারনা গেমস অসিদা শরুক য়াখিবা পেরা শত্তলর ১৩গীদমক্তা ফোরেন এক্সপোজর ত্রিপ ১৯গী খুদোংচাবা পীখি।
******
(Release ID: 2051951)
Visitor Counter : 37