இந்தியாவின் பாரா விளையாட்டு வீரர்கள் உலக அரங்கில் நாட்டிற்கு பெருமை சேர்த்து வருகின்றனர். கலப்பு அணி காம்பவுண்ட் ஓபன் வில்வித்தை போட்டியில் ஷீத்தல் தேவியும், ராகேஷ் குமாரும்  வெண்கலப் பதக்கம் வென்றனர் . அவர்களின் வெற்றி பாரா-விளையாட்டில் இந்தியாவின் வளர்ந்து வரும் பாரம்பரியத்திற்கு மற்றொரு அத்தியாயத்தை சேர்க்கிறது!

ஷீத்தல் தேவியின் பயணம்

ஷீத்தல் தேவி, ஜனவரி 10, 2007 அன்று ஜம்மு & காஷ்மீரின் கிஷ்த்வாரில் பிறந்தார், தனது நம்பமுடியாத பயணத்தால் உலகை கவர்ந்தார். பிறவியிலேயே கைகளை இழந்திருந்தாலும்,  சாதனை படைக்க உடல் ஒரு தடையல்ல என்பதை அவர் நிரூபித்துள்ளார். அவரது ஆரம்பகால வாழ்க்கை சவால்கள் நிறைந்ததாக இருந்தது, ஆனால் 2019 இல் இந்திய ராணுவம் அவரை ஒரு ராணுவ முகாமில் கண்டுபிடித்தது, ஒரு முக்கிய  தருணமாக அமைந்தது. அவரது திறனை அங்கீகரித்து, அவருக்கு கல்வி ஆதரவு மற்றும் மருத்துவ பராமரிப்பு அவருக்கு வழங்கப்பட்டது.

புகழ்பெற்ற பயிற்சியாளர் குல்தீப் வேத்வானின் வழிகாட்டுதலின் கீழ், ஷீத்தல் ஒரு கடுமையான பயிற்சியைத் தொடங்கினார், அது அவரை உலகின் முன்னணி பாரா-வில்வித்தை வீரர்களில் ஒருவராக மாற்றியது. 2023 ஆசிய பாரா விளையாட்டுப் போட்டிகளில் தனிநபர் மற்றும் கலப்பு அணி நிகழ்வுகளில் தங்கப் பதக்கங்கள், 2023 உலக வில்வித்தை பாரா சாம்பியன்ஷிப்பில் வெள்ளிப் பதக்கம் மற்றும் ஆசிய பாரா சாம்பியன்ஷிப்பில் பல பாராட்டுகள்  என அவரது சாதனை பட்டியல் நீள்கிறது. ஷீத்தலின் கதை,  அவரது  தைரியம், விடாமுயற்சி மற்றும் திறன்களில் அசைக்க முடியாத நம்பிக்கை ஆகியவற்றின் உதாரணமாகும்.

 ராகேஷ் குமார்: துரதிர்ஷ்டத்திலிருந்து மேன்மை வரை

ஜம்மு & காஷ்மீரின் கத்ராவில் ஜனவரி 13, 1985 அன்று பிறந்த ராகேஷ் குமார், நெகிழ்வின் சக்திக்கு மற்றொரு சான்றாகும். 2010-ஆம் ஆண்டில் நடந்த ஒரு சோகமான விபத்தில் ராகேஷ் இடுப்புக்கு கீழே செயலிழந்து, சக்கர நாற்காலியின்  உதவியை நாடினார். அதைத் தொடர்ந்து வந்த ஆண்டுகள் விரக்தியால் நிரம்பியிருந்தன. இருப்பினும், 2017-ஆம் ஆண்டில் ஸ்ரீ மாதா வைஷ்ணோ தேவி சன்னதி வாரிய விளையாட்டு வளாகத்தில் வில்வித்தைக்கு அறிமுகப்படுத்தப்பட்டபோது அவரது வாழ்க்கை ஒரு புதிய திசையை எடுத்தது.

பயிற்சியாளர் குல்தீப் குமாரின் வழிகாட்டுதலுடன், ராகேஷ் வில்வித்தை மீதான ஒரு புதிய ஆர்வத்தைக் கண்டுபிடித்தார். நிதி கஷ்டங்கள் இருந்தபோதிலும், அவர் விளையாட்டிற்காக தன்னை அர்ப்பணித்தார், விரைவாக தரவரிசையில் உயர்ந்து இந்தியாவின் சிறந்த பாரா-வில்வித்தை வீரர்களில் ஒருவராக ஆனார். அவரது சாதனைகளில் 2023 உலக வில்வித்தை பாரா சாம்பியன்ஷிப் கலப்பு அணி போட்டியில் தங்கப் பதக்கம் மற்றும் 2023 ஆசிய பாரா விளையாட்டுகளில் நட்சத்திர செயல்திறன் ஆகியவை அடங்கும் .  ராகேஷின் கதை மகத்துவத்தை அடைவதற்கான  கடக்க முடியாத முரண்பாடுகளைக் கடக்கும் ஒன்றாகும்.

பாரிஸ் 2024 பாராலிம்பிக்

பாரிஸ் 2024 பாராலிம்பிக் ஷீத்தல் தேவி மற்றும் ராகேஷ் குமார் இருவரின் வாழ்க்கையில் ஒரு குறிப்பிடத்தக்க மைல்கல்லைக் குறித்தது. கலப்பு அணி காம்பவுண்ட் ஓபன் வில்வித்தை பிரிவில் போட்டியிட்ட இந்த இணை, உலகின் சிறந்த பாரா-வில்வித்தை வீரர்களிடமிருந்து கடுமையான போட்டியை எதிர்கொண்டது.

பாரிஸ் 2024 பாராலிம்பிக்கில் ஷீத்தல் தேவி மற்றும் ராகேஷ் குமார் ஆகியோரின் வெற்றி இந்திய அரசின் விரிவான ஆதரவு இல்லாமல் சாத்தியமில்லை.  இரண்டு விளையாட்டு வீரர்களும் இலக்கு ஒலிம்பிக் போடியம் திட்டத்தின் (டாப்ஸ்) கீழ் நிதி உதவியால் பயனடைந்தனர். பாரிஸ் 2024 பாராலிம்பிக்கில் இவர்கள் வெண்கலப் பதக்கம் வென்றது, இந்தியாவுக்கு கிடைத்த வெற்றி மட்டுமல்ல, நம்பிக்கை மற்றும் விடாமுயற்சியின் சக்திவாய்ந்த செய்தியுமாகும். அவர்களின் கதைகள் விளையாட்டு உலகைக் கடந்து, துன்பத்தை எதிர்கொள்ளும் எவருக்கும் உத்வேகத்தின் கலங்கரை விளக்கங்களாக செயல்படுகின்றன. அவர்களின் மரபு, தலைமுறை விளையாட்டு வீரர்களை பெரிய கனவு காணவும், சாத்தியமான எல்லைகளைத் தாண்டவும் தொடர்ந்து ஊக்குவிக்கும்.

BR/KR

***