শ্রী সতিশ কুমারনা ঙসি রেলৱে বোর্দ (রেলৱে মন্ত্রালয়)কী চেয়রমেন অমসুং চিফ একজিক্যুতিব ওফিসর (সি.ই.ও.) ওইনা থৌ পুখ্রে। কেবিনেতকী এপোইন্তমেন্ত কমিতীনা মাংজৌননা শ্রী সতিশ কুমারবু রেলৱে বোর্দকী চেয়রমেন অমসুং সি.ই.ও. ওইনা এপোইন্ত তৌবদা অয়াবা পীখি।

ইন্দিয়ন রেলৱে সর্বিস ওফ মেকানিকেল ইঞ্জিনীয়র (আই.আর.এস.এম.ই.)গী ১৯৮৬ বেচকী শক্নাইরবা ওফিসর অমা ওইরিবা শ্রী সতিশ কুমারনা মহাক্কী চহি ৩৪ হেনবগী মশক নাইরবা কেরিয়রগী মতমদা ইন্দিয়ন রেলৱেদা মরুওইবা থৌদাং লৌখি। ২০২২গী নবেম্বর ৮দা মহাক্না নোর্থ সেন্ত্রেল রেলৱে, প্রয়াগরাজগী জেনরেল মেনজর ওইনা চার্জ লৌদুনা মহাক্কী পব্লিক সর্বিসকী খোংচৎতা অতোপ্পা মাইলস্তোন অমা  মার্ক তৌখি। মহাক্না মশক নাইরবা জয়পুরগী মালভিয়া নেস্নেল ইন্সতিত্যুত ওফ তেক্নোলোজী (এম.এন.আই.তি.)দগী মেকানিকেল ইঞ্জিনীয়রিংদা বি.তেক দিগ্রী ফংখি, অমসুং মখা তারকপদা ইন্দিরা গান্ধি নেস্নেল ওপন য়ুনিবর্সিতী (ইগনৌ)দগী ওপরেসন মেনেজমেন্ত অমসুং সাইবর লোদা পোস্ত গ্রেজুয়েত দিপ্লোমা ফংখি।

ইন্দিয়ন রেলৱেদা শ্রী সতিশ কুমারগী কেরিয়র ১৯৮৮গী মার্চ থাদা হৌখি, অমসুং মদুগী মতুং তারকপদা, তোঙান তোঙানবা জোনশিং অমসুং দিবিজনশিংদা তোঙান তোঙানবা মরুওইবা থৌদাংশিং লৌদুনা রেলৱে সিস্তেমদা ইনোবেসন, ইফিসেন্সী অমসুং সেফতী ইমপ্রুবমেন্তশিং পুরকখি। মহাক্কী হৌরকপা পোস্তিংশিংদা সেন্ত্রেল রেলৱেগী ঝানসি দিবিজন অমসুং বরানাসিগী দিজল লোকোমোতিব ৱার্কস (দি.এল.দবল্যু.) য়াওরি। মদুগী মতুং মহাক্না নোর্থ ইস্তর্ন রেলৱে, গোরখপুর অমসুং পতিয়ালা লোকোমোতিব ৱার্কসতা মথৌ তৌখি।

শ্রী কুমারগী কেরিয়রদা শিংথানিংঙাই ওইবা এস্পেক্ত অমদি তোতেল ক্ৱালিতী মেনেজমেন্ত (তি.ক্যু.এম.)দা মহাক্কী কমিতমেন্তনি। ১৯৯৬দা মহাক য়ুনাইতেদ নেসনস দেবেলপমেন্ত প্রোগ্রাম (য়ু.এন.দি.পি.)গী মখাদা তি.ক্যু.এম.দা অখন্নবা ত্রেনিং ফংখি।

শ্রী সতিশ কুমারগী মশক নাইবা কন্ত্রিব্যুসন অমদি ফোগ সেফ দিবাইসতা মহাক্না তৌখিবা থবক্নি, লৈচিল থাবা মতমদা সেফ ত্রেন ওপরেসনশিং ঙমহনলিবা ইনোবেসন অমনি। দিবাইস অসি ইন্দিয়ন রেলৱেগীদমক মরুওইবা খুৎলাই অমা ওইরক্তুনা ইথম থা মতমদা উবগী চাং হন্থবগা মরী লৈনবা রিস্কশিং হন্থহল্লে।

২০১৭কী এপ্রিলদগী ২০১৯গী এপ্রিল ফাওবা শ্রী কুমার নোর্দন রেলৱেদা লখনৌ দিবিজনগী দিবিজনেল রেলৱে মেনেজর (দি.আর.এম.) ওইনা থৌ পুখি। দি.আর.এম. ওইনা মহাক্না থৌ পুরিঙৈদা ইনফ্রাস্ত্রকচরেল দেবেলপমেন্ত কয়া অমা পায়খৎতুনা রেলৱে নেতৱার্ক মপাঙ্গল কনখৎহনখি। মহাক্কী শিংথানিংঙাই ওইরবা এচিবমেন্তশিংগী মনুংদা অমদি ২০১৯দা কুম্ভ মেলা মায় পাক্না হেন্দল তৌখিবদুনি।

নোর্থ সেন্ত্রেল রেলৱেগী জেনরেল মেনেজর ওইনা মহাকপু এপোইন্ত তৌদ্রিঙৈ মমাংদা শ্রী কুমার নোর্থ ৱেস্তর্ন রেলৱে, জয়পুরদা সেনিয়র দিপুতী জেনরেল মেনেজর অমসুং চিফ ভিজিলেন্স ওফিসর ওইনা মথৌ তৌখি। থৌদাং অসিদা মহাক্না ভেজিলেন্স ওপরেসনশিং য়েংশিনবা, ত্রান্সপরেন্সী লৈহনবা অমসুং রেলৱে ওপরেসনশিংগী ইন্তেগ্রিতী মেন্তেন তৌবগী থৌদাং লৌখি।

****