লেবর অমসুং ইম্প্লোইমেন্ত মন্ত্রালয়
লেবর এন্দ এমপ্লোইমেন্ত মন্ত্রালয়না হাউজিং স্কিমগী মখাদা মার্জিনেলাইজ ৱর্করশিং য়াওহন্নবা ৱাফম থমখ্রে
প্রধান মন্ত্রী অৱাস য়োজনাগী মখাদা শিন্মীশিং য়াওহন্বনা খুন্নাইগী ৱায়েল ফংহনগনি অমসুং ইজ ওফ লিভিং হেনগৎহনগনি
Posted On:
03 SEP 2024 1:09PM by PIB Imphal
লৈবাক শিন্বা থুংনা মার্জিনেলাইজ তৌরবা শিন্মীশিংগী য়াইফনবা মশক থোকপা খোঙথাঙ অমা ওইনা, লেবর অমসুং এমপ্লোইমেন্ত মন্ত্রালয়না প্রধান মন্ত্রী অৱাস য়োজনা (PMAY)গী কান্নবশিং খুদোংচাবা নীংথিনা ফংদ্রবা শিন্মীশিংগী মফমদা য়ৌহন্নবা খোঙথাঙ অমা পায়খৎখ্রে। লেবর অমসুং এমপ্লোইমেন্ত মন্ত্রালয়না স্তেত লৈঙাক পুম্নমক্কী মফমদা চে থাদুনা মাইগ্রেন ৱর্করশিং, বিল্দিং ৱর্করশিং, বীরি ৱর্করশিং, সিনে ৱর্করশিং, নন-কোল মাইন ৱর্করশিং, কন্ত্রেক্ত লেবররশিং, অমসুং অনওর্গনাইজ ৱর্করশিংবু হাউজিং স্কিমগী মখাদা য়াওহন্নবা ৱাফম থমখ্রে।
ফিরেপ অসি কেন্দ্রগী মন্ত্রী মন্দলনা ইলিজিবল ওইবা বেনিফিসরীশিংদা অহেন্বা য়ুম করোর ২ ফংহন্নবা পান্দমদা PMAY, FY ২০২৪-২৫ দগী ২০২৮-২৯ ফাওবা চহি মঙা অমগা শাংদোক্নবা অয়াবা পীখিবা মতুংদা লৌরকপনি। থৌরাং অসিনা খুদোংচাবা শেন্মিৎলোন ফত্তবা শিন্মীশিংগী য়ুম-কৈগী মথৌ তাবশিং শকখঙলি।
হায়রিবা শিন্মীশিং অসি খুন্নাইগী খুদোংচাবা নীংথিনা ফংদ্রবা সেক্সনশিংনি অমসুং মখোয়বু PMAY গী মখাদা কোনশিন্বা হায়বসি খুন্নাইগী ৱায়েল ফংহন্বতা নত্তনা মখোয়গী পুন্সি মহিং ফগৎহন্নবগী মথৌ তাবা খোঙথাঙ অমনি হায়না মন্ত্রালয়না ফোঙদোক্লি।
শিন্মীশিংগী য়াইফনবগী মপুং ফানা মথৌ তৌরবা MIS পোর্তেল
মসিগী মথক্তা, বিল্দিং এন্দ কন্সত্রক্সন এন্দ মাইগ্রেন্ত ৱর্করশিংগীদমক ওগস্ত ২১, ২০২৪দা হাংদোকখিবা মেনেজমেন্ত ইনফোর্মেসন সিস্তেম (MIS) পোর্তেল হৌজিক মপুং ফানা মথৌ তৌবা হৌরে হায়না মন্ত্রালয়না লাউথোকখি।
পোর্তেল অসি ইন্স্যুরেন্স, হকশেলগী কান্নবা, অমসুং হাউজিং স্কিম্নচিংবা তোঙান তোঙানবা কেন্দ্র অমসুং স্তেতকী সোসিএল সিক্যুরিতী স্কিমশিংগী মখাদা ফন্দ শীজিন্নবা অমসুং শিন্মীশিং কোনশিন্বগী ইনফোর্মেসন য়াওনা দেতা খোমজিন্নবা অমসুং নৈননবা শেম্বনি।
সেন্ত্রেলাইজ দেতা মেনেজমেন্ত সিস্তেম অসিনা স্তেত লৈঙাক অমসুং য়ুনিয়ন তেরিতরীশিংগী মফমদা মরম খঙনা ফিরেপ লৌবা অমসুং খুদোংচাবা নীংথিনা ফংদ্রবা শিন্মীশিং অসিগী মথৌ তাবশিং ফংহন্নবা শেম শারবা মতিং লৈবা য়াইফ-থৌরাংশিং পায়খৎপা ঙমহনগনি।
শিন্মীশিংগী ফীভম ফগৎহন্নবগী পুন্না হোৎনমিন্নবা
খুদোংচাবা নীংথিনা ফংদ্রবা শিন্মীশিং অসিগী ফীভম ফগৎহন্নবগীদমক পুন্না হোৎনমিন্নবগী মরুওইবা ৱাফমশিং থম্লদুনা, তোঙান তোঙানবা স্তেতশিংদা লৈরিবা ৱেলফ্যার কম্মিস্নরশিংদা হায়রিবা থৌরাংশিং অসি মায় পাক্না পায়খৎনবগীদমক লোকেল ওথোরিতীশিংগা নক্ননা থবক তৌমিন্ননবা মন্ত্রালয়না পাউতাক পীরি।
থৌরাংশিং অসিগী ফোলো-অপকী থবকশিং ওগস্ত ২৯ অমসুং ওক্তোবর ৪, ২০২৪গী মরক্তা লেবর অমসুং এমপ্লোইমেন্ত মন্ত্রালয়না স্তেত অমসুং UT শিংগা পাঙথোক্কদৌরিবা রিজনেল মীফম পরিংদা পায়খৎলি।
খোঙথাঙ অসিনা শিন্মী মিলিয়ন কয়াগী মফমদা মখোয়না ফংফম থোকপা হাউজিং অমসুং সোসিএল সিক্যুরিতীগী কান্নবশিং ফংহন্দুনা মখোয়গী পুন্সি মহিং মশক থোক্না ফগৎহনগনি হায়না পারি।
******
(Release ID: 2051396)
Visitor Counter : 59