কঞ্জ্যুমর এফিয়র্স, ফুদ প্রোসেসিং অমসুং পাব্লিক দিস্ত্রিব্যুসন মন্ত্রালয়
সেন্ত্রেল কঞ্জ্যুমর প্রোতেক্সন ওথোরিতী (CCPA)না UPSC সিভিল সর্ভিস একজাম 2022গী ফলগী মতাংদা অরানবা ৱাফম শীজিন্নদুনা এদভর্তাইজ তৌবগীদমক সঙ্কর IAS একাদেমীদা লুপা লাখ 5গী পেনালতী থীহনখ্রে
CCPAনা শঙ্কর IAS একাদেমীদা খুদক্তা অরানবা এদভর্তিসমেন্ত তৌবা লেপ্নবা ওদর ইস্যু তৌখ্রে
Posted On:
01 SEP 2024 12:22PM by PIB Imphal
সেন্ত্রেল কঞ্জ্যুমর প্রোতেক্সন ওথোরিতী (CCPA) না UPSC সিভিল সর্বিস একজামিন্স 2022গী মতাংদা অরানবা এদভর্তিসমেন্ত তৌবগী মতাংদা শঙ্কর IAS একাদেমীগী মায়োক্তা ওর্দর অমা থোকখ্রে। CCPA অসি চীফ কম্মিস্নর, শ্রীমতী নিধি খারে, অমসুং কম্মিস্নর, শ্রী অনুপম মিশ্রানা লুচিংলি।
CCPAনা শঙ্কর IASএকাদেমীদা অরানবা এদভর্তিসমেন্তকীদমক লুপা লাখ 5গী পেনাল্তী থীহনখ্রে। ক্লাস অমা ওইনা কঞ্জ্যুমরশিংগী হকশিং ঙাক্নবা অমসুং প্রমোৎ তৌনবা অমসুং কঞ্জ্যুমর প্রোতেক্সন এক্ত, 2019গী প্রোভিজনশিং থুগাইরিবা গুদস নৎত্রগা সর্বিসশিংগী অরানবা নৎত্রগা লান্না লমজিংবা এদভর্তিসমেন্ত অমত্তা তৌদনবা ৱারেপ অসি লৌখিবনি।
এক্ত অসিগী সেক্সন 18না CCPAদা এক্ত অসিগী প্রোভিজনশিং নৎত্রগা মসিগী মখাদা শেম্বা রুলশিং নৎত্রগা রিগুলেসনশিংগা চুনদবা পোৎলম গুদস নৎত্রগা সর্ভিস অমহেক্তগী মতাংদা অরানবা নৎত্রগা লান্না লমজিংগদবা এদভর্তিসমেন্ত অমত্তা তৌহন্দনবা শক্তি পীরি।
শঙ্কর IAS একাদেমীনা মগী এদভর্তিসমেন্তদা UPSC সিভিল সর্বিস একজাম 2022 গী মতাংদা মখাগী ৱাফমশিং অসি থমখি:
- “ওল ইন্দিয়া লেবেলদা 933গী মনুংদা 336 সেলেক্সন ফংবা”
- “তোপ 100দা কেন্দিদেৎ 40”
- “তামিল নাদুদগী কেন্দিদেৎ 42না ক্লিয়র তৌখি, মসিগী মনুংদা 37না শঙ্কর IAS একাদেমীদা তমখি”
- “ভারতকী খ্বাইদগী ফবা IAS একাদেমী”
CCPAনা খঙখি মদুদি শঙ্কর IAS একাদেমীনা তোঙান তোঙানবা মখলগী কোর্সশিংগী এদভর্তাইজ তৌখি অদুবু মথক্তা পনখিবা UPSC সিভিল সর্ভিস একজামিনেসনগী ফলশিংদা মায় পাকখিবা কেন্দিদেৎশিংনা খনখিবা কোর্সকী ই-পাউ অদু এদভর্তিসমেন্ত অদুদা লোৎখি। ইন্সতিত্যুৎ অসিনা মায়পাক্লপা কেন্দিদেৎ খুদিংমক্না ইন্সতিত্যুৎ অসিনা মসিগী ৱেবসাইত্তা এদভর্স তৌরিবা শেল পীবা কোর্সশিং অসি খনখি হায়না কঞ্জ্যুমরশিংনা লান্ননা থাজবা পোকহনখি। অতোপ্পা ৱাহৈদা হায়রবদা, হায়রিবা থৌওং অসিনা কোচিং ইন্সতিত্যুৎশিংনা ফোংবা শেল পীবা কোর্সশিং অসি কঞ্জ্যুমরশিংনা লৈহন্নবা পুক্নিং থৌগৎলি।
শঙ্কর IAS একাদেমীনা মসিগী পাউখুমদা UPSC CSE 2022দা সেলেক্সন 336অমসুং মসিগী মথক্তা তৌখি হায়না হায়বগী মায়োক্তা মায় পাক্লবা কেন্দিদেৎ 333 খক্তগী অকুপ্পা মরোল পীখি। ক্লেম তৌখিবা মহৈরোয় 336গী মনুংদা 221না ফ্রী ইন্তর্ভ্যু গাইদেন্স প্রোগ্রাম, 71না মেনস তেস্ত সিরিজ, 35না প্রিলিমস তেস্ত সিরিজ, 12না জেনরেল স্তদিজ প্রিলিমস কম মেন্স, 4না প্রিলিম্স তেস্ত সিরিজ অমসুং অতোপ্পা মেন কোর্স (ওপ্সনেল অমসুং/নত্ত্রগা জি.এস.) তমখি। মসিগী ৱাফম অসি মখোয়গী এদভর্তিসমেন্তদা ফোঙদোকখিদে, মসিনা মরম ওইদুনা কঞ্জ্যুমরশিংবু লান্না লমজিংখি। অরানবা অমসুং লান্না লমজিংবা অসিগুম্বা মরুওইবা ৱাফম অসিবু লোৎশিন্দুনা থমদুনা অসিগুম্বা এদভর্তিসমেন্ত অসিনা UPSCগী এস্পিরেন্ত ওইরিবা কঞ্জুমরশিংদা শঙ্কর IAS একাদেমীনা কেন্দিদেৎশিং মায়পাকহনবদা লৌরিবা থৌদাং অদু খঙহন্দনা অচৌবা শাফু অমা পীরি। অসুম্না, এদভর্তিসমেন্ত অসিনা কঞ্জ্যুমরবু অরানবা ত্রেদ প্রেক্তিস তৌবগী থৌওংদগী ঙাকথোক্নবা পাউ পীনবগী হক অদু থুগাইখি।
CCPAনা উবা ফংখি মদুদি কেন্দিদেৎশিংনা শঙ্কর IAS একাদেমীদগী প্রিলিমিনরী কোর্স য়াওখিবা থৌদোক 18দা, কোর্স হৌবগী তাং অদু রিসিপ্ততা 09.10.2022 হায়না পল্লি অদুবু UPSC CSE, 2022 গী এগজামগী প্রিলিমিনরী অসি 2022গী জুন 5দা পাংথোকখ্রে অমসুং ফল অসি 2022গী জুন 22দা লাউথোকখ্রে। মসিনা তাকপদি হায়রিবা কেন্দিদেৎশিং অসিনা মথংগী UPSE CSE প্রিলিমিনরী এগজাম, 2023গীদমক প্রিলিমিনরী কোর্স য়াওখি হায়বনি। শঙ্কর IASনা মসিগী কেন্দিদেৎশিং অসি UPSC CSE 2022গী মখোয়গী অপুনবা সেলেক্সন লিস্ততা হাপচিনখি।
CCPA গী চীফ কম্মিস্নর শ্রী নিধি খারেনা হায়খি মদুদি ন্যুজ রিপোর্তশিংগী মতুং ইন্না চহি খুদিংগী কেন্দিদেৎ লাখ 10 হেনবনা UPSE সিভিল সর্বিসেস একজামিনেসনগীদমক এপ্লাই তৌরি। শঙ্কর IAS একাদেমীগী এদভর্তিসমেন্ত অসি কঞ্জুমরশিংগী কাংলুপ অমবু, হায়বদি UPSC এস্পিরেন্তশিংদা তার্গেৎ তৌরি। মরম অসিনা অসিগুম্বা এদভর্তিসমেন্তশিংদা মরুওইবা ইনফোর্মেসনশিং অসি ময়েক শেংনা, মশক থোক্না অমসুং কঞ্জ্যুমরশিংনা খঙহৌদবা য়াদবা মওংদা ফোংদোক্তুনা অচুম্বা অমসুং মরিক চুম্বা ৱাফমশিং য়াওগদবনি।
কঞ্জ্যুমর প্রোতেক্সন এক্ত, 2019গী সেক্সন-2(28)(iv)না খঙনা মরুওইবা পাউশিং লোৎশিনবগা মরী লৈননা লান্না লমজিং-লমতাকপা এদভর্তিসমেন্তগী মতাংদা ৱাফম থম্মি। মায় পাক্লবা কেন্দিদেৎশিংনা খনখিবা কোর্সকী মতাংদা ইনফোর্মেসন অসি কঞ্জ্যুমরশিংনা খঙমিন্নবা য়াম্না মরু ওই। মসিনা মখোয়না করম্বা কোর্স অমসুং কোচিং ইন্সতিত্যুৎতা চংগদগে হায়বদু লেপচবা মতমদা মখোয়না ইনফোর্ম দিসিজন লৌবগী খুদোংচাবা পীগনি।
কোচিং ইন্সতিত্যুৎশিংনা UPSC সিভিল সর্বিসেস একজামিনেসনগী রিজল্তশিং লাউথোক্লবা মতুং ঙাইহাক্কী মনুংদা পাউচেশিংদা এদভর্তিসমেন্তশিংনা থলহল্লি। হায়রিবা এদভর্তিসমেন্তশিং অসিদা মায় পাক্লবা কেন্দিদেৎশিংগী মিং অমসুং ফোতোশিং অদু ময়েক শেংনা উৎলি। CCPAনা কোচিং ইন্সতিত্যুৎ কয়ামরুমদা লান্না লমজিংবা এদভর্তিসমেন্তকীদমক নোতিসশিং থোকখ্রে। মদুদা CCPAনা উবা ফংখি মদুদি কোচিং ইন্সতিত্যুৎশিংনা মায় পাক্লবা কেন্দিদেৎশিং অদু কোচিং ইন্সতিত্যুৎশিংগী ফুল-তাইম ক্লাসরুমগী মহৈরোইশিংনি হায়না লান্না তাক্নবগীদমক্তা মখোয়গী এদভর্তিসমন্তশিংদা মায় পাক্লবা কেন্দিদেৎশিংগী মমিং অমসুং ফোতোশিং অদু ময়েক শেংনা শীজিন্নৈ। তোঙান তোঙানবা কোচিং ইন্সতিত্যুৎশিংগী সবমিসনশিং নৈনরবা মতুংদা, CCPAনা মায় পাক্লবা কেন্দিদেৎ অয়াম্বনা কোচিং ইন্সতিত্যুৎশিংনা পীরিবা ইন্তর্ভ্যু গাইদেন্স প্রোগ্রামশিং নৎত্রগা ফ্রী-ওফ-কোস্ত প্রোগ্রামশিংদা শরুক য়াখি হায়বা খঙখি।
CCPA না উবা ফংখি মদুদি চপ মান্নবা মায় পাক্লবা কেন্দিদেৎশিং অসি কোচিং ইন্সতিত্যুৎ কয়ানা অসিগুম্বা কেন্দিদেৎশিংনা খনখিবা কোর্সশিং অমসুং কোর্স অদুগী অশাংবা অদু ফোঙদোক্তনা তুংগী এস্পিরেন্তশিং (কঞ্জ্যুমরশিং)বু লান্না লমজিংনবা ক্লেম তৌখি।
*******
(Release ID: 2050656)
Visitor Counter : 68