পাৱর মন্ত্রালয়
NHPC লিমিতেদ ‘নবরত্ন’ কম্পেনী স্তেতস ফংখ্রে
Posted On:
31 AUG 2024 12:50PM by PIB Imphal
ভারত লৈঙাক্না NHPC লিমিতেদতা লেমজনিংঙাই ওইরবা ‘নবরত্ন’ কম্পেনীগী স্তেতস পীখ্রে। দিপার্তমেন্ত ওফ পব্লিক এন্তরপ্রাইজ (শেলথুম মন্ত্রালয়)না ৩০.০৮.২০২৪দা থোকপা ওর্দরগী মতুং ইন্না, NHPC বু ‘নবরত্ন’ কম্পেনী ওইইনা লাউথোক্তুনা অহেন্বা ওপরেস্নেল অমসুং ফাইনেন্সিএল ওতোনোমী পীখ্রে।
শ্রী আর.কে. চৌধরী, CMD, NPHC না হায়খি, “মসি NHPC ইমুংগী ওইনা তশেংনা পুৱারী ওইরবা অমসুং ঐখোয়গী শিংথানিংঙাই ওইরবা শেলথুম অমসুং থবক তৌবগী লমদা ফংলিবা মায় পাকপবু শকখঙবগী মীৎকুপ অমনি।” মহাক্না NHPC ইমুংগী মহুৎ শিন্দুনা পৱার মন্ত্রালয়বু NHPC দা হন্বা লৈতনা চৈঙাক পীবিবগীদমক তৌবিমল খঙবা ফোঙদোকখি অমসুং হায়রিবা চৈঙাক অসিনা মরম ওইরগা ভারত লৈঙাক্না NHPC দা নবরত্ন স্তেতস পীরকপনি হায়না ফোঙদোকখি। “NHPC অসি ভারতকী মৈগী সেক্তরদা মরুওইবা শরুক অমা ওইদুনা লাক্লি অমসুং লৈবাকসিগী হায়দ্রোপৱারগী মতিং লোকশিন্বদা মরুওইবা থৌদাং অমা লৌদুনা লাক্লি। ঐখোয় নুংশিৎ অমসুং নুংশা মঙালগী ইনর্জীগী ওপসন্দসু খোঙ থাংজিল্লবা মপুং ফাবা গ্রীন পৱার কম্পেনী অমনি,” হায়না শ্রী চৌধরীনা হায়খি।
নবরত্ন স্তেতস পীরকপা অসিনা NHPC দা মরুওইবা খুদোংচাবা কয়া পুরক্লি। মসিনা হেন্না খোঙজেল য়াঙনা ফিরেপ লৌবা ঙমহন্দুনা থবক্কী ঙম চৎহল্লগনি অমসুং শিন্মীশিংগী মপাঙ্গল হাপ্লগনি। মসিনা অচৌবা CAPEX অমসুং ইনভেস্তমেন্তকী প্লানদা চৈঙাক পীগনি, গ্রোথ পুরক্কনি, মার্কেত রীচ পাকথোক চাউথোকহনগনি অমসুং তুংদা চাউনা কান্নরক্কনি। NHPC দা জোইন্ত ভেঞ্চরশিং অমসুং ওভীসীস ওফিসশিং লিংখৎনবা, অনৌবা কৈথেলশিংদা চঙশিন্নবা অমসুং লোকেল এক্সপরতিজশিং শীজিন্ননবা অহেন্বা মতিক লৈরগনি। মসিগী মথক্তা, মসিনা তেক্নোলোজিকেল এলাইন্সশিং মখা তানা শেমদুনা অমসুং মার্কেত পোজিস্নিং মপাঙ্গল কনখৎহন্দুনা ইনোভেসন পুরক্কনি। মসিনা মর্জর অমসুং একুইজিসনশিংদা মতেঙ ওইদুনা খুমাঙ চাওশিন্বা অমসুং অহেন্বা কৈথেলগী শেয়রসু পুরক্কনি।
হৌজিক্কী ওইনা, NHPC গী অপুন্বা ইন্সতোল্দ কেপাসিতী অসি ৭১৪৪.২০ MW নি অমসুং কম্পেনী অসি হৌজিক ১০৪৪২.৭০ MW কী প্রোজেক্তশিং শেমগৎ শাগৎপগী থবক্তা চঙশিল্লি। মসিদা ২০০০ MW সুবান্সিরি লৱর প্রোজেক্ত (অসাম/ অরুনাচল প্রদেশ) অমসুং ২৮৮০ MW দিবং মল্তি-পর্পজ (অরুনাচল প্রদেশ) য়াওরি। হৌজিক্কী ওইনা NHPC না শেমগৎ শাগৎপগী তোঙান তোঙান্বা থাক্তা লৈরিবা ৫০০০০ MW গী ওইগদবা প্রোজেক্তশিং পায়খৎলি। NHPC না ২০৩২ ফাওবদা ২৩০০০ MW অমসুং ২০৪৭ ফাওবদা ৫০০০০ MW গী ইন্সতোল্দ কেপাসিতী ফংবা ঙম্নবা খোঙজেল য়াঙনা চঙশিল্লি।
*****
(Release ID: 2050434)
Visitor Counter : 68