নেস্নেল হ্যুমেন রাইতস কমিসন (NHRC), ইন্দিয়ানা ঙসি মখোয়গী প্রেমাইসেসতা ‘চাক্নি-ফিনিবা থিংনবা অমসুং চাক্নি-ফিনিবগী থবক তৌরিবা মীওইশিংগী রিহেবিলিতেশনগী’ মতাংদা ওপন আউস দিস্কসন অমা শিনখ্রে। মসিগী থৌবু ওইনা, NHRC, ইন্দিয়াগী এক্তিং চিয়রপর্সন, শ্রীমতি বিজয়া ভারতি সায়ানিনা হায়খি মদুদি শেন্মিৎলোন অসুক য়াংনা চাউখৎলবা অমসুং কেন্দ্র অমসুং রাজ্য সরকার অনিমক্না অনৌবা থৌরাং অমসুং য়াইফ-থৌরাং কয়া অমা লৌখৎলবা ফাওবদা, মখাতানা লেপ্পা লৈতনা বিখা নিবগী চৎনবী অসিনা লৈবাক অসিদা সোসিয়ো-ইকোনোমিক্কী ওইবা খেৎনবা অমা য়াম্না চাউনা লৈরে হায়না উৎলি হায়খি। 2011 সেন্সসকী মতুং ইন্না, ভারত্তা ময়ুম-মকৈ লৈতবা অমসুং চাক্নিবা লিশিং 413 হেন্না লৈখি। মসিদা হিংনবগীদমক্তা নিবা তারবা নুপী, অঙাং, ত্রান্সজেন্দর অমসুং অ্ল ওইরবা কয়া অমা য়াওরি। 

মহাক্না হায়খি মদুদি, মতেং পীবা অমসুং লৌবা হায়বসি নোল্লুকপা হায়রিবা স্পিরিৎচুৱল ওইবা চৎনবীশিং অসিগী শরুক অমা ওইরম্মি অদুবু হৌজিক্কী মতম অসিদদি হান্নগী ওইরম্বা ৱাহন্থোক অদুদগী কত্থোকপা হায়বা অসি য়াওদ্রে অমসুং লাইর-অনংনা মরম ওইরগা নত্রগা শেল তালহন্নবগীদমক্তা অঙাংশিং য়াওনা মীশিংগী ত্রাফিক্কিং তৌবগুম্বা অরানবা থবকশিং তোনবগী লম্বি অমা ওইরে। মসিদা নত্তনা খুনাই অসিনা য়েংশিনবীদবদগী, মীয়ামগা মীমান্নদ্রবা মীওইশিংদি হিংনবা অমসুং নোংম-নোংমগী লেন্নবগীদমক্তা আতোপ্পশিংদা মীপাল তাংবা নত্তনা করিগুম্বা পাম্বৈ অমত্তা লৈরমদে।

শ্রীমতি বিজয়া ভারতি সায়ানিনা হায়খি মদুদি কমিসন অসিনা হায়রিবা মীওইশিং অসিগী মীওইবা অমা ওইবগী হকপু ঙাক-শেন্দুনা থম্নবা, মখোয়বু ইকাইখুম্নদুনা অমসুং অচান-মীরান খাইদনা তৌবীনবা অচেৎপা ফিরেপ অমা লেপ্লি। মসিগী মতাংদা, মহাক্না সপোর্ত ফোর মার্জিনেলাইজদ ইন্দিভিজুৱলা ফোর লাইবলিহুদ এন্দ এন্তরপ্রাইজ (SMILE)-B স্কীম অসিগী মরু ওইবগী মতাংদা পনখি, মসিনা বিখা নিবগী থবক তৌরিবা মীওইশিংগী রিহেবিলিতেশনগী মতাংদা অখন্না মিৎয়েং থম্লি।

NHRC, ইন্দিয়াগী জেনরেল সেক্রেতরী, শ্রী ভারত লালনা হায়খি মদুদি হন্দক্তআ কমিসন অসিনা কেন্দ্র অমসুং রাজ্য সরকারশিংদা অমসুং UT এদমিনিস্ত্রেশনশিংদা বিখা নিবগী তঙাইফদবা লৈরিবা অসিবু মুত্থৎনবা অমসুং মসিগী থবক অসি তৌরিবা মীওইশিং অসিগী হিংবগী পুনশি মহিং ফগৎহন্নবগী পান্দমদা স্ত্রেতেজীশিং পুথোক্নবা এদভাইজরী অমা থোকখ্রে। মহাক্না হায়খি মদুদি সরকারশিংনা, মরুওইনা হন্দক্কী চহিশিং অসিদা নাগ্রিকশিংগীদক্তা মখোয়গী হিংবগী পুনশি মহিং লেপ্তনা ফগৎহন্নবা খোংফম চেৎনা ফিরেপ কয়া অমা লৌরি। মখোয়না তঙাইফদবা সর্বিসশিং খুদম ওইনা ঈশিং, আউসিং অমসুং ইলেক্ত্রিসিতীবু মীপুম খুদিংমক্না ফংহন্নবা থবকশিং পাইখৎপদা অখন্নবা মিৎয়েং থমখি। মহাক্না হায়খি মদুদি করিগুম্বা লৈবাক অসিদা লৈরিবা মীওইং করোর 80না চানবা হৱাই-চেংৱাই লেম্না ফংবা ঙম্লবদি, বিখা নিংরিবা মীওওই লাখ 4রোমগী রিহেবিলিতেশন তৌবা হায়বসি অরুবা থবক ওইফম থোক্তে।

শ্রী লালনা হায়খি মদুদি করিগুম্বা সিভিল সোসাইতী ওর্গনাইজেশনশিং য়াওনা তোঙান-তোঙানবা স্তেকহোল্দরশিংনা পুন্না থবক তৌরবদি, মখোয়বু রিহেবিলিতেত তৌবা হায়বসি য়াম্না লুবা থবক ওইফম থোক্তে। মখোয়দা আধার কার্দ পীদুনা মখোয়না চানবা হৱাই-চেংৱাইশিং, হাউসিং, ইলেক্ত্রিসিতি কনেক্সনশিং, তোইলেতশিং অমসুং থোংননবা গ্যাস লৌবশু য়াগনি।

মমাংদা, ওপন দিস্কসন অদুগী মতাংদা চাউরাকপা অমা পীরদুনা, জোইন্ত সেক্রেতরী, শ্রী দিবেন্দ্র কুমার নিমনা হৌজিক হৌজিক লৈরিবা আইনশিং অমসুং খোংথাংশিং অদুবু অমুক হন্না য়েংশিনবগী তঙাইফদবা লৈ হায়ানা য়াম্না মরু ওইনা পনখি, মহাক্না ভারতকী সংবিধানগী প্রিন্সিপলশিং অমসুং হন্দক্তা কোর্তনা তাখিবা রাইশিং অদুগা মরি লৈননা হান্না পাইখৎলম্লিবা থবক মচা-মশুশিং অদুদগী হোংদোরক্তুনা রিহেবিলিতেশন মিৎয়েং থম্নবা হায়খি। মসিগী অহোংবা অসিনা বিখা নিবগী ৱাফম অসিগী য়াম্না ফবা অমসুং থৌজাল হৈবা পাম্বৈশিংগী লম্বি অমা পীরি।

সোসাইতী ফোর প্রোমোশন ওফ য়ুথ এন্দ মাসেসকী দাইরেক্তর, শ্রী রাজেশ কুমারনা হায়খি মদুদি মহাক্কী ওর্গনাইজেশন অসিনা মখোয়গী শেলতর ওমশিংদা লৈরিবশিং অদুগীদমক্তা চাদা 100 ময়া নক্না আধার কার্দ এনরোলমেন্ত তৌবা ঙমখ্রে। বেগ্গরস কোর্পোরেশন প্রিআভেত লিমিতেদগী দাইরেক্তর, শ্রী চন্দ্র মিশ্রানা মহাক্কী কমপনীদা বিখা নিবশিংবু স্তেকহোল্দরশিং ওইনা শরুক য়াহন্দুনা মখোয়বু এন্ত্রপ্রেনরশিং ওইনা করম্না ওইহনখিবগে হায়সিগী মতাংদা শিয়র তৌরকখি।

অতোপ্পা পার্তিসিপেন্তশিং অদুগী মনুংদা NHRCগী রেজিস্ত্রার (লো), শ্রী জোগিন্দর সিং, সোসিয়েল জস্তইস এন্দ এমপাৱরমেন্ত মন্ত্রালয়গী মীহুৎ, বিহার সরকার, রাজস্থান সরকার, দিল্লীগী NCT সরকার, NGOশিং, একাদেমিয়া, অমসুং শক্নাইরবা সবজেক্ত-মেতর এক্সপর্তশিং য়াওখি।

মীফম অদুদগী ফংলকপা মরুওইবা পাউতাকশিং অদুদা য়াওরিবশিং অদুদি:

• চাক্নি-ফিনিবা খ্বাইদগী হেন্না চত্থবা মফমশিং অদুবু মশক খঙদোকপা অমসুং মেপ তৌবা, অমসুং কমপ্রেহেন্সিব ওইবা দেতাবেস অমা শেম্নবা চাক্নিবশিং অদুগী সর্ভে অমা পাংথোকপা;

• রাজ্য সরকারশিংনা চাক্নিবশিং পুম্নমক্তা আধার কার্দশিং পীবা, মসিনা মখোয়বু সোসিয়েল সেক্যুরিতী স্কীমশিং অমসুং কান্নবশিং লৌবদা মতেং পাংগনি;

• চাক্নি-ফিনিবা হায়বা অসিবু অরানবা থবক ওইনা ওইহনদবা, মরমদি অপিকপা পাম্বৈ মচা-মশুশিং অমসুং রিহেবিলিতেশনগী পাইখৎলিবা থবকশিং অসিগা ফজনা পুনশিনবা ঙম্লোই; 

• চাক্নিবশিং অসি চপ মান্নবা মখল অমত্তগী ওইবা কাংলুপ নত্তে; মরম অদুনা, মীপুম অমমমগী তঙাইফদনা মথৌ তাবশিং অদুগী মতুং ইন্না মখোয়গা চুনগদবা মওংদা মখোয়গী থৌরাংশিং অদু শেমগদবনি।
 

*****