NITI আয়োগকী মেম্বর, প্রোফেসর রামেশ চান্দগা লোইননা লৌউ-শিংউ অমসুং লৌমীশিংগী বাইফ-থৌরাংগী মন্ত্রালয় (MoA&FW), ICAR ইনস্তিত্যুতশিং, অমসুং ইন্দস্ত্রী প্লেয়রশিংদগী সেনিয়র ওফিয়েলশিংনা শরুক য়াদুনা ঙরাং ভাইস- চেয়রমেন, শ্রী সুমন বেরীনা “পাথৱেজ এন্দ স্ত্রেতেজীজ ফোর এসেলরেতিং গ্রোথ ইন এদিবল ওইলস তুৱার্দস দ গোল ওফ আত্মানির্ভর্তা” হায়না মিংথোনবা রিপোর্ত অমা ফোংখ্রে। রিপোর্ত অদু NITI আয়োগকী সেনিয়র এদভাইজর (এগ্রিকলচর), দা. নীলম পাতেলনা উৎখি।

রিপোর্ত অদুনা হৌখিবা দেকেদ কয়া অসিদা লৈবাক অসিদা অচা থাও শিজিন্নবগী চাং পর কেপিতাদা য়াম্না থাজদবা মওংদা হেনগৎলকখি, চহি অমদা 19.7 kg য়ৌখি। দিমান্দগী চাং হেনগৎলকপা অসিনা লমদম অসিনা পুথোক্লিবা পোত্থোক্তগী কা হেন্না হেনগৎখি, মসিনা মরম ওইরগা লমদম অসিগী তঙাইফদনা মথৌ তারিবশিং অমসুং ইন্দস্ত্রীশিংগী মথৌ তারিবশিং অদুবু পীবা ঙম্নবা মপান লমদগী পুশিল্লকপদা য়াম্না চাউনা মপাল তাংখি। 2022-23দা, লমদম অসিগী পোত্থোক্না লৈবাক অসিগী মথৌ তারিবশিং অদুগী 40-45% খক্তমক পীবা ঙম্বা ওইবনা, ভারতনা অচা থাও মিলিয়ন তন (MT) 16.5 ইমপোর্ত তৌরকখি। মসিগী ফিভম অসিনা অচা থাওগী মতাংদা ইশাগী কোন্ননবা পুথোকপা হায়রিবা লৈবাক অসিগী পান্দম অদু য়াম্না চাউবা শিংনবা অমা ওইরি।

রিপোর্ত অদুনা লৈবাক অসিগী অচা থাওগী সেক্তরদা লৈরিবা ফিভম অমসুং তুংদা ওইরক্কদবা ফিভম অদুবু য়েংশিল্লি। মসিনা দিমান্দ-সপ্লাই গেপ অসিবু লৈহন্দনবা অমসুং লৈবাক অসিগী কোনগদবা মশাগী মতিক চানা পুথোকপা ঙম্নবা অনৌবা খোংথাংশিং লৌখৎনবগী মতাংদা অহেনবা মিৎয়েং থমদুনা হৌজিক লৈরিবা শিংনবশিং অসিবু কোকহন্নবা য়াম্না কুপথনা নৈনরবা রোদমেপ অমা উৎলি। বিজনেস-এস-য়ুজ্ৱল (BAU)গী মখাদা, লৈবাক অসিগী অচা থাওগী সপ্লাই অসি 2030 ফাওবদা 16 MT অমসুং 2047 ফাওবদা 26.7 MT দা হেনগৎলগনি হায়না প্রোজেক্ত তৌরি।

রিপোর্ত অসিনা তুংলমচত্তা অচা থাওগী তঙাইফদবশিং লাকপশিং অদুবু মাইকৈ কয়া অমদা খঙবা ঙম্নবা দিমান্দ ফোরকাস্তিংগীদমক্তা অখন্নবা খোংথাং অহুমদা য়াম্না মুন্না খন্নখি মদুদি: (i) কঞ্জমসন বেহেবিয়রদা মতম খরগী ওবা স্তেতিক পেতর্ন লৌদুনা, পোপুলেশন প্রোজেক্সনশিং অমসুং পর কেপিতা কঞ্জমসন দেতাগী বেসলাইন শিজিন্নবা ‘স্তেতিক/হাউসহোল্দ এপ্রোচ’ (ii) ICMR-নেস্নেল ইনস্তইত্যুত ওফ ন্যুত্রিশন (ICMR-NIN)না লেপ্পা রিকমেন্দ তৌরবা হেল্থী ইনতেক লেভেলশিংদা য়ুমফম ওইবা ‘নোর্মেতিব এপ্রোচ’; অমসুং (iii) ‘বেহেবিয়রিস্তক এপ্রোচ’, মসিনা ইনকমগী থাক হেনগৎলকপা অমসুং মমলদা অনেম-অৱাংগি অহোংবা নাইবনা মরম ওইরগা লাইফস্তাইলদা অমসুং চাকচা-য়ুথক্কী মওংদা ‘অহোংবা লাকপনা মরম ওইরগা ফুদ কঞ্জমসনগী পেতর্নদা বেহেবিয়রেল শিফ লাকপ য়াবগী ওইথোকপা অদুবু য়েংলগা সিনারিয়ো অনিগী মখাদা: সিনারিয়ো I, মসিদা কঞ্জমসন তৌবা অসি পর কেপিতাদা 25.3 kgদা লেপহনবা (চাউখৎপা লৈবাকশিং চাংচত্তা), দিমান্দ-সপ্লাই গেপ অসি 2030 ফাওবদা 22.3 MT ওইবা অমসুং 2047 ফাওবদা 15.20 MT ওইরকপা য়াই। সিনারিয়ো II, কঞ্জমসনগী থাক খরা হেন্না ৱাংনা পর কেপিতাদা 40.3 kg ওইহনবা (USAগা মান্নরপ তৌনা), গেপ অসি হেন্না লৈরক্তুনা 2030 ফাওবদা 29.5 MT অমসুং 2047 ফাওবদা 40 MT ওইবা।  In the BAUগী ফিভমদা, লৈবাক্কী অচাথাওগী দিমান্দ অসি 2028 ফাওবদা সিনারিয়ো-I য়ৌরগনি অমসুং 2038 ফাওবদা সিনারিয়ো-II য়ৌরগনি, মসিদা হাই-ইনকম গ্রোথকী ফিভমদা, চহিগী চাউরাক্না 8% গ্রোথ লৈবা, লৈবাক অসিগী অচাথাওগী দিমান্দ অসি BAUগী ফিভমগা চাংদম্নবদা চহি অহুম ঙনখৎনা, য়াম্না ঙন্না 2025 ফাওবদা সিনারিয়ো-I ওইরকপা অমসুং  BAUগী ফিভম অদুদা ওইরকপা য়াই হায়না খল্লম্বা অদুদগী চহি তরেত ঙনখৎনা 2031 ফাওবদা সিনারিয়ো-II ওইরকপা য়াই, ইকোনোমিক গ্রোথ য়াংখৎলকপনা মরম ওইরগা হেন্না দিমান্দ হেনগৎকপা অদুবু মসিনা ময়েক শেংনা উৎলি।

‘স্তেতিক/আউসহোল্দ এপ্রোচ’তা য়ুমফম ওইরগা, প্রজেক্সন অসিনা মথংশিৎনা 2030 অমসুং 2047 ফাওবদা 14.1 MT অমসুং 5.9 MTগী অপিকপা দিমান্দ-সপ্লাই গেপ লৈগনি হায়না উৎলি। তৌইগুম্বশুং ICMR-NIN না রিকমেন্ত তৌবা পর কেপিতা কঞ্জমসন অদুগী মতুং ইল্লবদি, লৈবাক অসিনা মথংশিৎনা 2030 অমসুং 2047 ফাওবদা 0.13 MT অমসুং 9.35 MTগী সরপ্লস লৈগনি হায়না প্রোজেক্ত তৌরি।

সেক্তর অসিদা সেল্ফ-সফিসিয়েন্সী ফংনবা, রিপোর্ত অসিনা লৈরিবা গেপশিং অসিবু হন্থহন্নবা অমসুং তুং-কোইনা সস্তেনেবিলিতী লৈহন্নবা স্ত্রেতেজিক ইন্তর্ভেন্সন কয়া অমা সজেস্ত তৌরকখি। পুখৎলকখিবা স্ত্রেতেজী অদু মরু ওইবা ৱাফম অহুমদা য়ুমফম ওই: (i) ক্রোপ রিতেন্সন অমসুং দাইভর্সিফিকেশন, (ii) হোরাইজোন্তেল এক্সপান্সন অমসুং (iii) ভর্তিকেল এক্সপান্সন। ‘হোরাইজোন্তেল এক্সপান্সন স্ত্রেতেজী’না অচাথাও শুংবা মহৈ-মরোংশিং থানবা অখন্নবা মফমশিং স্ত্রেতিজিকেল ওইবা মওংদা হেনগৎহন্নবা পান্দম থম্লি। মসিগী স্ত্রেতেজী অসিনা অকন্নবা ওইলসীদশিংগীদমক্তা থানবা লম হেন্না পুরক্নবা হোৎনরি। সেল্ফ-সফিসিয়েন্সী ফংবা ঙম্নবগীদমক্তা ওইথোকপা য়াবা পাম্বৈশিং অদুগী মনুংদা হাই-য়ীল্দিং ওইলসীদ ক্রোপশিংগীদমক্তা ফৌ থাদবা লমশিং শিজিন্নবা অমসুং মতিক চাবা রিজনশিংদা ক্রোপ রিতেন্সন অমসুং দাইভর্সিফিকেশন নিংনা তৌবগা লোইননা পাম থাদুনা য়াম্না মতিকচাবা ৱেস্তলেন্দশিং অদুবু অওনবা অমা পুরক্নবা শিজিন্নবা। ‘ভর্তিকেল এক্সপান্সন স্ত্রেতেজী’না হৌজিক হৌজিক লৈরিবা ওইলসীদ কল্তিভেশনগী য়ীল্দ হেনগৎহনবদা অহেনবা মিৎয়েং থম্মি। হায়রিবা অসি অফবা ফার্মিং প্রক্তিসশিং, হেন্না অফবা মখলগী মরুশিং অমসুং এদভান্স ওইরবা প্রোদক্সন তেক্নোলোজিশিং শিজিন্নদুনা ফংবা ঙমগনি।

মখাতরকপদা, রিপোর্ত অদুদা পনখিবা ‘স্তেত-ৱাইস ক্বাদ্রেন্ত এপ্রোচ’ অসিনা অচাথাওগী মতাংদা “আত্মানির্ভর্তা” ফংবা ঙম্নবগী য়াম্না মরুোইবা খুৎলাই অমা পীরি। রিপোর্ত অসিনা লৈবাক অসিদা থারিবা অচাথাও শুংনবগী মহৈ-মরোংশিংগীদমক্তা ক্বাদ্রেন্ত মরি [হায়বদি, (i) হাই এরিয়া-হাই য়ীল্দ (HA-HY), (iii.) হাই এরিয়া-লো য়ীল্দ (HA-LY), (iii) লো এরিয়া-হাই য়ীল্দ (LAHY), অমসুং (iv) লো এরিয়া-লো য়ীল্দ (LA-LY)]  শিজিন্নদুনা স্তেত ক্লস্তরশিং মশক খঙদোকই। হাই কল্তিভেশন এরিয়া অমসুং য়ীল্দ (HA-HY) লৈবা স্তেত ক্লস্তরশিংনা এফিসিয়েন্সী হেনগৎহনবদা মিৎয়েং থম্বা অমসুং মখোক থোংবা গ্লোবল প্রোদ্যুসরশিংদগী খ্বাইদগী ফবা প্রক্তিসশিং শিজিন্নবা।  অদুগা মসিগী ওন্নবদা, হাই এরিয়া-লো য়ীল্দ (HA-LY) লৈবা স্তেতশিংনা ভর্তিকেল এক্সপান্সন্দা (হাববদি, য়ীল্দ হেনগৎহনবা)দা পান্দম থম্বা ইন্তর্ভেন্সন মথৌ তাই। লো এরিয়া-হাই য়ীল্দ (LAHY) স্তেতশিংদি হোরাইজোন্তেল এক্সপান্সন্দা মিৎয়েং থমগদবনি, মসিনা এফিসিয়েন্সী লৈহনবগা লোইননা কল্তিভেশন হেনগৎহল্লগনি। অরোইবদা, লো এরিয়া-লো য়ীল্দ (LA-LY) লৈবা মফমশিংদা হোরাইজোন্তেল অমসুং ভর্তিকেল এক্সপান্সন অনিমক্তা মিংৎয়েং থম্বা তঙাইফদে। মসিগী ক্লস্তরশিং অসিবু স্ত্রেতেজিকেল ওইবা মওংদা তার্গেত তৌদুনা অমসুং মসিগীদমক্তা ওইবা ইন্তর্ভেন্সনশিং থবক ওইনা পাইখত্তুনা, লৈবাক অসিনা প্রোদক্সন পোতেন্সিয়েল হেনগৎহনবা ঙমগনি অমসুং কঞ্জমসন হেনগৎলকপনা মরম ওইরগা ইকুই-কুইদবা মতমদা ওইরকপা য়াবা শিংনবশিং অদুবু মাইপাক্না কোকহনবা ঙমগনি। 

মসিগী রিপোর্ত অসিদা রিকমেন্ত তৌখিবা স্ত্রেতেজিক ইন্তর্ভেন্সনশিং অদুনা ইমপোর্তকী মপাল তাংবা হন্থহনবদা য়াম্না ঈচং থৌবা লম্বি অমগী মাইকৈ তম্না লমজিংলগনি। রিপোর্ত অসিনা তাক্লি মদুদি স্ত্রেতেজিক ইন্তরভেন্সনশিং অসিবু থবক ওইনা পাইখৎপদা লৈবাক অসিগী অচাথাওগী পোত্থোক অদু 43.5 MT ফাওবা হেনগৎহনবা ঙমগনি। অসিগুম্না য়াম্না হেনগৎলকপা অসিনা লৈরিবা গেপ অদুবু লৈহন্দবদা নত্তনা লৈবাক অসিবু অচাথাওগী মতাংদা সেল্ফ-সফিসিয়েন্সীগী মাইকৈ তম্না চংশিনহল্লগনি। রিপোর্ত অসিনা হায়রি:

• স্ত্রেতিজিকেল ওইবা মওংদা ওইলসীদ ক্রোপশিংবু রিতেন তৌবা অমসুং দিআভর্সিফাই তৌবা অমসুং সিরিয়েল কল্তিভেশন মাংহনখ্রবা লমশিংদা অখন্নবা মিৎয়েং থম্বনা রাজ্য মাপলদা লৈবাক অসিগী অচাথাওগী পোত্থোক্তা 20% ফাওবা হেনগৎহল্লগনি, মসিনা ওইলসীদ প্রোদক্সনদা 7.36 MT হেনগৎহল্লগনি অমসুং ইমপোর্ত্তা 2.1 MT ফাওবা হন্থহল্লগনি।
• লৈবাক অসিগী ফৌ থাদবা মফমশিংদা ওইলসীদ কল্তিভেশন তৌবদা হোরাইজোন্তেল এক্সপান্সনগীদমক্তা য়াম্না চাউনা খুদোংচাবা ওইগনি।  রাজ্য তরাদা ফৌ থাদবা মফমশিং অদু শরুক অহুম থোকপগী অমদা ওইলসীদ কল্তিভেশনগীদমক্তা শিজিন্নবনা ওইলসীদকী প্রোদক্সনদা 3.12 MT  হেনগৎহনগনি অমসুং ইমপোর্তকী মপাল তাংবা অদুবু 1.03 MT ফাওবা হন্থহল্লগনি।
• অফবা তেক্নোলোজিশিং অমসুং য়াম্না ফবা মেনেজমেন্ত প্রক্তিসশিং পাক-শন্না শিজিন্নদুনা কেস্তরদা 12% ওইবা অদুদগী নুমিৎলৈদা 96% ওইরিবা অসিদা লৈরিবা য়ীল্দগী গেপ অসিবু কোকহনবা, হায়বদি ভর্তিকেল এক্সপান্সন তৌবনা লৈবাক অসিগী দোমেস্তিক ওইলসীদ প্রোদক্সনদা 17.4 MT ফাওবা হেনগৎলকপা ঙমগনি। মসিনা অচাথাওগী ইমপোর্তশিংদা 3.7 MT ফাওবা হন্থহল্লগনি। 
• পামগী থাও খক্তনা অখন্ননা চাউথোকপা মতমদা অচাথাও 34.4 MT পুথোকপা ঙমগনি, মসিনা হৌজিক লৈরিবা দিমান্দ-সপ্লাই গেপ অসিবু য়াম্না হন্থহল্লগনি। জিলা 284দা ICAR-IIOPR না মশক খঙদোক্লবা শিজিন্নদনা লৈরিবা অদুদা অহেনবা মিৎয়েং চংগদবনি, হায়রিবা অসিদা লৈবাক অসিদা পাম থাওগী কল্তিভেশনগী অহেনবা লম 2.43 Mha লৈরি। মখা তারকপদা ICAR-IIOPR না মশক খঙদোক্লবা জিলাশিং (হায়বদি 6.18 Mha)দা লৈরিবা য়াম্না মতিক চারবা লমহাংগী লমশিং অদুগী শরুক অহুম থোকপগি অনিবু নিংথিনা য়াম্না ফগদবা মওংদা শিজিন্নবা মতমদা হোরাইজোন্তেল এক্সপান্সনদা য়াম্না চাউনা হেনগৎলকপগী খুদোংচাবা লৈগনি।  
• রাইস ব্রাননা অচাথাও 1.9 MT পুথোকপা ঙমগনি হায়না এস্তিমেত তৌরি, মসিদা 0.85 MTদি হৌজিক হৌজিক্কী ওইনদি শীজিন্নদ্রি। অসিগা চপ মান্ননা, কোতনসীদনা অহেনবা অচাথাও 1.4 MT পুথোকপা ঙমগনি, মসিনা লৈবাক অসিগী অচাথাওগী দিমান্দ-সপ্লাইগী গেপ নত্রগা ইমপোর্তকী মপাল তাংবা অদু 9.7% হন্থহল্লগনি।
• পুল্লপকী ওইনা প্রোপোস তৌখিবা স্ত্রেতেজিক ইন্তরভেন্সনশিং অসিনা মথংশিৎনা 2030 অমসুং 2047 ফাওবদা 36.2 MT অমসুং 70.2 MTগী অচাথাওগী সপ্লাইশিং ফংবা ঙমগনি হায়বদু ওইথোকপা য়াই। প্রোপোস তৌখিবা স্ত্রেতেজিক ইন্তরভেন্সনশিং অদুগা হৌজিক হৌজিক লৈরিবা পোত্থোক্কী চাং অদুগা পুনশিন্নবা মতমদা অচাথাওগী পোত্থোক্কী চাংদা হেনগৎলক্কদবা চাং অদু খ্বাইদগী হেন্না দিমান্দ ৱাংবা সিনারিয়ো (হায়বদি বেহেবিয়রিস্তিক এপ্রোচ সিনারিয়ো-II) নত্তনা সিনারিয়ো খুদিংমক্তা হন্দক্কী গ্রোথ ত্রেন্দ (CAGR of 3%) অসিগী মতুং ইন্না সেল্ফ-সফিসিয়েন্ত ওইবা ঙমগনি হায়না আশা তৌরি। সিনারিয়ো অসিগী মতুং ইন্না 2030 গী তার্গেত অদুবু প্রোজেক্ত তৌখিবা দিমান্দ অদু ফংবা ঙম্নবা, 2021-2030 গীদমক্তা 5.2%গী  CAGR  মথৌ তাগনি, হন্দক্তা শাহৌ লাকখিবা ফিভম অদুদগী 2.2%  হেনগৎলকপা অদুবু উৎলি।  

মসিগী মথক্তা, রিপোর্ত অসিনা ক্বালিতী য়াম্না ৱাংবা মরু শিজিন্নবা খক্তনা পোত্থোক্তা য়াম্না হেনগৎহল্লকপা ঙমগনি (15-20%) ফাওবা হেনগৎহল্লক্কনি অমসুং হায়রিবা অসি অতোপ্পা এগ্রিকলচরগী ওইবা ইনপুতশিং নিংথিনা মনেজমেন্ত তৌবগা পুনশিল্লকপা মতমদা হেন্না ৱাংনা পোত্থোক (45%) ফাওবা হেনগৎলকপগী ওইথোকপা লৈ হায়না উৎলদুনা   মরু শিজিন্নবা ওপ্তিমাইজ তৌবা অমসুং প্রোসেসিং তৌবগী কেপেবিলিতীশিং ওপ্তিমাইজ তৌবা অসিনা অচাথাও সেল্ফ সফিসিয়েন্ত ওইনা পুথোক্নবগীদমক্তা য়াম্না মরু ওই। তৌইগুম্বশুং, হৌজিক লৈরিবা সীদ রিপ্লেসমেন্ত রেসিও (SRR) অসি থম্লিবা 80-85%গী তার্গেত অদু য়ৌবা ঙমদে, লৈবাক হৱাইদগী 25% অমসুং হঙ্গাম য়েলাদগী 62% ওইবা অসিনা অপুনবগী পোত্থোক্তা অপনবা অমা ওই। রিপোর্ত অসিনা হৌজিক হৌজিক লৈরিবা মিলশিংবু মোদর্নাইজ তৌবা অমসুং প্রোসেসিং ইনফ্রাস্ত্রকচরদা স্ত্রেতিজিকেল ওইবা ম্ংদা ইনভেস্ত তৌবনা এফিসিয়েন্সী হেনগৎহনগনি অমসুং মাংবগী চাং হন্থগনি মরমদি লৈবাক অসিগী অচা থাওগী সেক্তর অসি অহেনবা কেপাসিতী য়াম্না লৈবা স্মোল স্কেল, তেক্নোলোজী নেম্বা প্লান্তশিংনা নম্না ওই, মসিদা মশাগী অচাথাও শুংবগী কেপাসিতী 30% খক্তমক শিজিন্নৈ।

অচা থাওদা মশাগী ওক্নবা পুথোকপা পুথোকপা হায়বসি লৈবাক অসিগী খ্বাইদগী হেন্না মরু ওইবা অমা ওইবনা, মসিগী লম্বি অসিবু মাইপাক্না চৎপা ঙম্নবা রিপোর্ত অসিনা থাও মরু থাবা মরু ওইবা রাজ্য তরেত (রাজস্থান, মহারাস্ত্র, মধ্য প্রদেশ, উত্তর প্রদেশ, অন্ধ্র প্রদেশ অমসুং কর্নাতকা)দগী লৌমী 1,261দা তৌখিবা মরু ওইবা ফীল্দ সর্ভেদগী খঙলকখিবা অদুদা য়ুমফম ওইরগা শেমখিবা রিপোর্ত অসিনা রিকমেন্দেশনশিং অমসুং করম্না মাং লোমদা খোং থাংগদগে হায়বদু উৎখি। রিপোর্ত অসিনা অচা থাও মরুশিংগী এরিয়া রিতেন্সনদা অহেনবা মিৎয়েং থম্বা, সীদ ত্রেসেবিলিতী অমসুং ক্বালিতী এসুরেন্স, হেন্না ফগৎলবা অমসুং এদভান্স ওইরবা প্রোদক্সন তেক্নোলোজীশিং শিজিন্নবা, প্রোসেসিং অমসুং রিফাইনিংগী খুত্থাংদা ভেল্যু এদিশন তৌবা, ইফেক্তিব মার্কেতিং অমসুং য়াম্না চাউবা মার্কেত লিঙ্কেজ, পব্লিক-প্রাইভেত পার্তনরশিপপু থৌগৎপা, চাং মান্ননা শাহৌ পুরক্নবগীদমক্তা দাইনামিক ওইবা ত্রেদ পোলিসী, অচা থাওশিংগী মতাংদা নেস্নেল মিসনগী স্কোপ চাউথোকহনবা, রিকমেন্দ তৌরবা দাইতরী গাইদলাইনশিংগী মতাংদা পব্লিক এৱেবরনেস হেনগৎহনবা, ফুদ ইন্দস্ত্রীদালমদম অসিদা পুথোকচবা থাও মরুশিং শিজিন্নবা ইন্সেন্তিভাইজ তৌবা অমসুং থৌগৎপা হায়নচিংবশিং অসি য়াওনা অচা থাওশিং ইশাগী কোন্ননা পুথোকপা ঙমজনবা রিকমেন্দেশন কয়া অমগা লোইননা লোইশিনখি। রিপোর্ত অসিনা মখাতানা মরু ওইনা উৎখি মদুদি থাও মরুগী পোত্থোক্তা খেৎনবা লৈরিবশিং অদুবু কোকহনবা হায়বসি লৈরিবা রিজনেল গেপশিং অদুবু কোকহন্নবা দেতাদা মপুং ওইবা খোংথাং অমসুং য়াম্না লিংবা সিস্তেম অমা তঙাইফদনা মথৌ তাই অমসুং রিসর্চ অমসুং দেবেলপমেন্তদা ইনভেস্তমেন্ত তৌবা হায়বসি নেস্নেল ফুদ সেক্যুরিতী অমসুং ইকোনোমিক স্তেবিলিতী লৈনা অচাথাওগী সেক্তরদা “আত্মানির্ভর্তা” লৈহন্নবা অচাথাওগী সেক্তরদা অওনবা অমা পুরক্নবগীদমক্তা য়াম্না মরু ওই।  

রিপোর্ত অসি মখাগী সাইত অসিদা য়েংবা য়াগনি

https://www.niti.gov.in/sites/default/files/2024-08/Pathways_and_Strategy_for_Accelerating_Growth_in_Edible_Oil_towards_Goal_of_Atmanirbharta_August%2028_Final_compressed.pdf

***