نوجوانوں کے امور اور کھیل کود اور محنت وروزگار کے مرکزی وزیر ڈاکٹر من سکھ منڈاویا نے آج نئی دہلی میں کھیل کود کے قومی دن کے موقع پر ریٹائرڈ کھلاڑیوں کو بااختیار بنانے کے پروگرام آر ای ایس ای ٹی کا آغاز کیا۔

آر ای ایس ای ٹی پروگرام کے بارے میں ڈاکٹر منڈاویا نے کہا کہ آر ای ایس ای ٹی  پروگرام کا مقصد اپنے ریٹائرڈ کھلاڑیوں کو بااختیار بنانا ہے جنھوں نے ملک کے لئے کھیلوں میں حصہ لیا اور قوم کے لئے سرمایہ افتخار بنے۔ اس پروگرام کے تحت ریٹائرڈ کھلاڑیوں کو اپنی پیشہ ورانہ زندگی کے فروغ کے لئے مدد فراہم کی جائے گی اور انھیں ہنر مند بنا کر روزگار حاصل کرنے کے لئے زیادہ اہل بنایا جائے گا۔

انھوں نے کہا کہ آر ای ایس ای ٹی  پروگرام سے جنریشن کے فرق کو کم کیا جاسکے گا اور نئے ہنر سیکھ کر ایتھلیٹس کی نئی نسل کو فائدہ پہنچایا جائے گا۔

مرکزی وزیر نے تمام ریٹائرڈ کھلاڑیوں سے اپیل کی کہ وہ اس اقدام میں شامل ہونے کے لئے آگے آئیں اور ملک میں کھیل کود کے ایکو سسٹم میں عملی طور پر حصہ لیں۔ انھوں نے کہا کہ حکومت ہمارے کھلاڑیوں کو بااختیار بنانے کے لئے ہر ممکن طور پر مدد کرنے کے لئے تیار ہے۔

آر ای ایس ای ٹی پروگرام ہمارے ریٹائرڈ ایتھلٹس کی مہارت اور تجربے کے اعتراف اور اس سے فائدہ اٹھانے کی جناب ایک اہم قدم ہے۔

ایسے ایتھلٹس جنھوں نے عملی کھیل کود کیرئر سے سبکدوشی لی ہے اور ان کی عمر بیس سے پچاس سال کے درمیان ہے اور جو بین الاقوامی سطح پر مقابلہ جیت چکے ہیں یا بین الاقوامی مقابلوں میں حصہ لے چکے ہیں یا قومی سطح پر میڈل حاصل کرچکے ہیں۔ وہ آر ای ایس ای ٹی پروگرام کے تحت درخواست دے سکتے ہیں۔ یہ درخواستیں ایک مخصوص پورٹل کے ذریعہ طلب کی جائیں گی۔

ابتدائی طور پر یہ پروگرام دو سطح پر ہوگا اور تعلیمی استعداد کی بنیاد پر بارہویں کلاس یا اس سے زیادہ اور گیارہویں یا اس سے کم کے زمروں کے تحت ہوگا۔

آر ای ایس ای ٹی پروگرام کے اس اہم مرحلے میں لکشمی بائی نیشنل انسٹی ٹیوٹ آف فزیکل ایجوکیشن (LNIPE) اس پروگرام کے لاگو کرنے میں قائدانہ حیثیت کی حاصل ہوگی۔

یہ پروگرام ملے جلے انداز میں ہوگا جو ایک مخصوص پورٹل کے ذریعہ اور گراؤنڈ ٹریننگ اور انٹرن شپ پر مشتمل ہوگا۔

انٹرن شپ، اسپورٹس تنظیموں ، اسپورٹنگ مقابلوں، ٹریننگ کیمپوں اور لیگ میں مہیا کرائی جائے گی۔

رجسٹریشن کا عمل آج  https://lnipe.edu.in/resetprogram/ پورٹل پر شروع ہوگا۔ کورس کا آغاز شرکا کی جانچ کے بعد ہوگا۔

*****

U.No:10326

ش ح۔رف۔س ا