சர்வதேச நிதிச் சேவை மையங்களுக்குள் (ஐஎஃப்எஸ்சி) சர்வதேச பங்குச் சந்தைகளில் பட்டியலிட விரும்பும் இந்திய நிறுவனங்களுக்கான பட்டியலிடல் தேவைகளை எளிதாக்கும் வகையில், நிதி அமைச்சகத்தின் பொருளாதார விவகாரங்கள் துறை, பத்திர ஒப்பந்தங்கள் ஒழுங்குமுறை விதிகள் (எஸ்சிஆர்ஆர்), 1956-ல் திருத்தம் செய்துள்ளது.

அந்நியச் செலாவணி மேலாண்மை (கடன் அல்லாத கருவிகள்), 2019 மற்றும் நிறுவனங்கள் (அனுமதிக்கப்பட்ட அதிகார வரம்புகளில் மூலதனப் பங்குகளை பட்டியலிடுதல்) விதிகள், 2024 ஆகியவற்றின் கீழ் 'சர்வதேச பரிமாற்றத் திட்டத்தில், இந்தியாவில் இணைக்கப்பட்ட நிறுவனங்களின் மூலதனப் பங்குகளின் நேரடி பட்டியல்' ஆகியவை பொது இந்திய நிறுவனங்கள் தங்கள் பங்குகளை அனுமதிக்கப்பட்ட சர்வதேச பங்குச் சந்தைகளில் வெளியிடவும், பட்டியலிடவும் உதவும் ஒரு விரிவான ஒழுங்குமுறை கட்டமைப்பை வழங்குகின்றன.

இதை மேலும் எளிதாக்க, புதிய விதிகள் பின்வருமாறு குறிப்பிடுகின்றன

குறைந்தபட்ச பொது சலுகை ஐஎஃப்எஸ்சி-களில் சர்வதேச பரிமாற்றங்களில் மட்டுமே பட்டியலிட விரும்பும் பொது இந்திய நிறுவனங்களுக்கு, சலுகை ஆவணத்தின்படி, பொதுமக்களுக்கு குறைந்தபட்ச சலுகை மற்றும் ஒதுக்கீடு வழங்கலுக்கு பிந்தைய மூலதனத்தில் குறைந்தது 10% ஆக இருக்க வேண்டும்.

தொடர்ச்சியான பட்டியல் தேவைகள் எஸ்சிஆர்ஆர்-ன் விதிகள் 19 (2) (b) மற்றும் 19A-ன் கீழ் கோடிட்டுக் காட்டப்பட்டுள்ளபடி, அத்தகைய நிறுவனங்களுக்கான தொடர்ச்சியான பட்டியல் தேவை 10% ஆக நிர்ணயிக்கப்பட்டுள்ளது.

இந்த வரம்புகளைக் குறைப்பதன் மூலம், சூரிய உதயம் மற்றும் தொழில்நுட்பத் துறைகளில் உள்ள இந்திய ஸ்டார்ட்-அப்கள் மற்றும் நிறுவனங்களுக்கு உலகளாவிய மூலதனத்தை எளிதாக அணுக எஸ்சிஆர்ஆர்-யில் திருத்தங்கள் உதவுகின்றன. இது குறிப்பாக உலகளவில் செல்லும் இந்திய நிறுவனங்களுக்கும், பிற சந்தைகளில் தங்கள் இருப்பை விரிவுபடுத்துவதற்கான வாய்ப்புகளைப் பார்ப்பதற்கும் பயனளிக்கும்.

சர்வதேச நிதிச் சேவை மையங்களில் சுறுசுறுப்பான, உலகத்தரம் வாய்ந்த ஒழுங்குமுறை மற்றும் வர்த்தகச் சூழலை உருவாக்கி, அதன் மூலம் உலக நிதி அமைப்பில் இந்தியாவின் நிலையை வலுப்படுத்த அரசு உறுதிபூண்டுள்ளது என்பதை இந்த முயற்சி எடுத்துக் காட்டுகிறது.

----

(Release ID 2049633)

MM/KPG/KR