وزارت داخلہ (ایم ایچ اے) کے تحت بیورو آف پولیس ریسرچ اینڈ ڈیولپمنٹ (بی پی آر اینڈ ڈی) نے آج نئی دہلی میں اپنے ہیڈ کوارٹر میں اپنا 54 واں یوم تاسیس منایا۔ مرکزی داخلہ سکریٹری جناب گووند موہن نے اس تقریب میں بطور مہمان خصوصی شرکت کی۔ ڈائریکٹر انٹیلی جنس بیورو، جناب تپن کمار ڈیکا، مرکزی پولیس تنظیموں (سی پی اوز) اور سنٹرل آرمڈ پولیس فورسز (سی اے پی ایف) کے ساتھ ساتھ ایم ایچ اے اور دیگر محکموں کے سینئر افسران بھی موجود تھے۔

اس موقع پر، مرکزی داخلہ سکریٹری جناب گووند موہن نے "نئے فوجداری قوانین - شہری مرکوز اصلاحات" کے موضوع پر ڈاکٹر آنندسوروپ گپتا میموریل لیکچر دیا۔ یادگاری لیکچر دیتے ہوئے، جناب موہن نے وزیر اعظم جناب نریندر مودی کی طرف سے دیے گئے 'پنچ پران' کو مدنظر رکھتے ہوئے، قانون نافذ کرنے والے اداروں کے لیےنوآبادیاتی نظام کے طوق کو توڑنے کےلئے عصری اور متعلقہ فقہ کی ضرورت پر زور دیا تاکہ جرائم کی ابھرتی ہوئی نوعیت سے نمٹا جاسکے۔ہوم سکریٹری نے کہا کہ مرکزی وزیر داخلہ اور امداد باہمی کےوزیرجناب امت شاہ کی رہنمائی میں لائے گئے نئے فوجداری قوانین متاثرین پر مرکوز ہیں اور ان قوانین کا مقصد سزا دینا نہیں انصاف دینا ہے۔

مرکزی داخلہ سکریٹری نے مختلف کلیدی خصوصیات اور قوانین کی نئی دفعات پر روشنی ڈالی، خاص طور پر شہری دوست اقدامات جیسے کہ زیروایف آئی آر اور ای ایف آئی آر، سزا کی ایک نئی شکل کے طور پر کمیونٹی سروس کا تعارف، پہلی بار مجرموں کے ساتھ زیادہ نرم سلوک۔ انہوں نے کہا کہ بہت سی نئی دفعات جیسے کہ منظم جرائم اور دہشت گردی کا تعارف؛ نئی سزاؤں کا تعارف؛ خواتین اور بچوں کے خلاف جرائم سے نمٹنے پر زور؛ شواہد اکٹھا کرنے اور پروسیسنگ کی طرف زیادہ سائنسی نقطہ نظر بھی متعارف کرایا گیا ہے۔ جناب موہن نے مزید کہا کہ فرانزک کا بہتر استعمال؛ تفتیشی عمل کی ڈیجیٹائزیشن میں اضافہ؛ انصاف کی فراہمی کے عمل کے لیے مقررہ ٹائم لائنز؛ اور شفافیت کے لیے مختلف طریقہ کار کو ہموار کرنا؛ نئے قوانین میں احتساب اور بروقت ازالہ کو بھی شامل کیا گیا ہے۔

جناب گووند موہن نے کہا کہ ہندوستان کو دنیا کی تیسری سب سے بڑی معیشت بننے کے لیے موثر پولیسنگ، موثر لا اینڈ آرڈر اور جرائم اور مجرموں کے خلاف موثر کارروائی ضروری ہے۔ انہوں نے کہا کہ پولیس کی جدید کاری اور اپ گریڈیشن میں بی پی آر اینڈ ڈی کا کردار انتہائی اہمیت کا حامل ہے۔

بیورو کو مبارکباد دیتے ہوئے، مرکزی داخلہ سکریٹری نے صرف مرکزی پولیس تنظیم کے طور پر اس کی اہمیت پر زور دیا جو تمام دیگر پولیس تنظیموں اور ریاستی/مرکز کے زیر انتظام علاقوں کی پولیس فورسز کو ہندوستانی پولیس کے تھنک ٹینک کے طور پر اپنے کردار کے ذریعے جوڑتا ہے، تحقیق کے ذریعے پولیسنگ میں عمدگی کو فروغ دینے کے لیے، جدید کاری، تربیت اور صلاحیت کی تعمیربھی اس میں شامل ہے۔ انہوں نے خاص طور پر نئے فوجداری قوانین کے نفاذ کے لیے بی پی آر اینڈ ڈی کی جانب سے تربیت اور تشہیر کے لیے کی جانے والی عظیم کوششوں کی تعریف کی، جس کے نتیجے میں فوجداری نظام انصاف کے دائرہ کار میں 9 لاکھ سے زیادہ اسٹیک ہولڈرز کو تربیت دی گئی ہے۔

اس موقع پر مرکزی داخلہ سکریٹری نے نئے فوجداری قوانین کے موضوع پر ہندوستانی پولیس جرنل، بی پی آر اینڈ ڈی کی فلیگ شپ اشاعت کا ایک خصوصی ایڈیشن جاری کیا۔ نئے قوانین پر دوردرشن کی طرف سے تیار کردہ ایک دستاویزی فلم بھی جنابگووند موہن نے جاری کی۔

اس تقریب میں، مرکزی داخلہ سکریٹری نے سال 2023 اور 2024 کے لیے صدارتی تمغہ برائے امتیازی خدمات (پی ایس ایم) اور صدارتی تمغہ برائے امتیازی خدمات (ایم ایس ایم) حاصل کرنے والوں کو بھی اعزاز سے نوازا۔

اس موقع پر ڈائریکٹر جنرل، بی پی آر اینڈ ڈی، جناب راجیو کمار شرما نے تنظیم کے لیے مسلسل تعاون اور رہنمائی کے لیے مرکزی وزیر داخلہ اور تعاون کے وزیر جناب امت شاہ کا شکریہ ادا کیا۔

نائب قومی سلامتی مشیر (این ایس اے) جناب پنکج کمار سنگھ؛ سی آر پی ایف، بی ایس ایف، آئی ٹی بی پی، این ڈی آر ایف، آر پی ایف، این ایچ آر سی، این ٹی آر او کے ڈائریکٹر جنرلز؛ ڈائریکٹر، این آئی اے؛ ڈائریکٹر، این سی آر بی ؛ دہلی پولیس کے کمشنر؛ ڈی جی (ایوارڈز) ایم ایچ اے؛ اس موقع پر بی پی آر اینڈ ڈی کے سابق ڈائریکٹر جنرلز سمیت دیگر بھی موجود تھے۔

************

ش ح ۔ ا  م    ۔  م  ص

 (U: 10290)