গৃহ মন্ত্রালয়গী মখাদা লৈবা ব্যুরো ওফ পুলিস রিছর্চ এন্দ দিভেলপলমেন্ত (BPR&D)গী ৫৪শুবা মপোক কুমওন থৌরম ঙসি নই দিল্লীদা লৈবা মাগী হেদক্বার্তর্সতা পাঙথোকখ্রে‍। কেন্দ্রগী হোক সেক্রেতরী, শ্রী গোবিন্দ মোহন্না থৌরম অদু অথোয়বা মীথুং ওইনা শরুক য়াখি‍। দাইরেক্তর, ইন্তলিজেন্স ব্যুরো, শ্রী তপন কুমার দেকা, সেন্ত্রেল পুলিস ওর্গনাইজেসনশিংগী (CPOs) অমসুং সেন্ত্রেল আর্ম্দ পুলিস ফোর্স (CAPFs)কী মকোকশিং, লোয়ননা MHA অমসুং অতৈ দিপার্তমেন্তশিংগী মকোক থোংবা ওফিসিএলশিংসু থৌরমদুদা শরুক য়াখি‍।

থৌরমদুদা, কেন্দ্রগী হোম সেক্রেতরী শ্রী গোবিন্দ মোহন্না “নিউ ক্রিমিনেল লোস – সিতিজন সেন্ত্রিক রিফোর্ম্স” হায়বা হীরমদা দোক্তর অনন্দস্বরুপ গুপ্তা মেমোরিএল লেকচর পীখি‍। মেমোরিএল লেকচর অদু পীরদুনা, শ্রী মোহন্না প্রধান মন্ত্রী শ্রী নরেন্দ্র মোদীনা পীখিবা “পঞ্চ প্রন” ঙাক্না, অমসুং ক্রাইমগী হোংলক্লিবা মওং মতৌশিং থেংননবগীদমক লোইলম লৈঙাক্কী য়োৎহ্লিং পোলাং থদৎনবা লো এনফোর্সমেন্ত এজেন্সীশিংগী কন্তেম্পররী অমসুং মরি লৈনবা জুরিসপ্রুদেন্সকী মথৌ তাবা ৱাফমশিং থমখি‍। কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত সাহগী লমজিং মখাদা পুরকখিবা অনৌবা ক্রিমিনেল লোশিং অসি ভিক্তিম সেন্ত্রিক ওই অমসুং লো অসিগী পান্দমদি চৈরাক পীবা নত্তে অচুম্বা ৱায়েল পীবনি হায়না হোম সেক্রেতরীনা হায়খি‍।

কেন্দ্রগী হোম সেক্রেতরীনা লোশিং অসিগী তোঙান তোঙানবা মরুওইবা ৱাফমশিং অমসুং অনৌবা প্রোভিজনশিং, মরুওইনা জিরো FIR, অমসুং e-FIR, কম্ম্যুনিতী সর্ভিসপু চৈরাক্কী অনৌবা মওং অমা ওইনা পুথোরকপা, অহান্বা ওইনা মরাল লঙশিল্লুরিবা মীওইশিংদা হন্থবা চৈরাক পীবা অসিনচিংবা সিতিজন ফ্রেন্দলী ওইবা থৌরাংশিংগা মরী লৈনবশিংগী মরমদা ফোঙদোকখি‍। ওর্গনাইজ ক্রাইম অমসুং তেরোরিজম হাপচিন্বা; অনৌবা চৈরাকশিং হাপচিন্বা; নুপী অমসুং অঙাংশিংগী মায়োক্তা চত্থবা মরালশিং লাকশিন্বদা মরুওইবা মীৎয়েঙ থম্বা; খুদম চাংদম খোমজিনবা অমসুং প্রোসেসিং তৌবগী মতাঙদা হেন্না সাইন্তিফিক ওইবা থৌওং শীজিন্নবা অসিনচিংবা অনৌবা প্রোভিজন কয়াসু হাপচিল্লে হায়না মহাক্না হায়খি‍। ফোরেন্সিক হেন্না শীজিন্নবা; ইনভেস্তিগেসনগী থৌওং দিজিতাইজ তৌবা; অচুম্বা ৱায়েল ফংহনবগী থৌওংগী মতম থাবা; অমসুং ত্রান্সপেরেন্সীগী তোঙান তোঙানবা থৌওংশিং মওং মরিল নাইহন্বা; একাউন্তেবিলিতী অমসুং মতম চানা ৱায়েল পীবা অসিনচিংবসসু অনৌবা লোশিং অসিদা হাপচিল্লে হায়না শ্রী মোহন্না মখা তাখি‍।

ভারতনা মালেমগী অহুমশুবা খ্বায়দগী চাউবা শেন্মিৎলোন ওইরক্নবগীদমক, ক্রাইম অমসুং ক্রিমিনেলশিংগী মায়োক্তা মতিং লৈবা পোলিসিং, লো অমসুং ওর্দর, অমদি মতিং লৈবা থবক পায়খৎপা মথৌ তাই হায়না শ্রী গোবিন্দ মোহন্না হায়খি‍। পুলিস মোদর্নাইজেসন অমসুং অপগ্রেদেসন্দা BPR&Dগী থৌদাং খ্বায়দগী হেন্না মরুওই হায়না মহাক্না ফোঙদোকখি‍।

ব্যুরোগী মফমদা নুংঙাইবা ফোঙদোক্লদুনা, কেন্দ্রগী হোম সেক্রেতরীনা, অতোপ্পা পুলিস ওর্গনাইজেসনশিং অমসুং স্তেত/য়ু.তি. পুলিস ফোর্সশিংগা শম্নরিবা অমত্তা ঙায়রবা সেন্ত্রেল পুলিস ওর্গনাইজেসন অমা ওইনা, রিছর্চ, মোদর্নাইজেসন, ত্রেনিং অমসুং কেপাসিতী বিল্দিংগী খুত্থাঙদা পোলিসিংদা অথোইবা থাক য়োকখৎনবগীদমক ইন্দিয়ন পুলিসকী থিঙ্ক তেঙ্ক ওইনা লৌরিবা শক্লোনগী মরুওইবা ৱাফমশিং থমখি‍। অনৌবা ক্রিমিনেল লোশিং চৎনহন্বদা BPR&D না ত্রেনিং অমসুং পব্লিসিতীগী লমদা পায়খৎখিবা থৌরাংশিং, মদুনা মরম ওইরগা ক্রিমিনেল জস্তিস সিস্তেমগী স্পেক্ত্রম পুম্বদা স্তেকহোল্দর লাখ ৯ হেন্বদা ত্রেনিং পীখিবগীদমক মহাক্না থাগৎখি‍।

অনৌবা ক্রিমিনেল লো হায়বা হীরমদা য়ুম্ফম ওইবা BPR&Dগী ফ্লেগসিপ চেফোঙ ওইরিবা, ইন্দিয়ন পুলিস জর্নেলগী স্পিসিএল ইদিসন অমসি থৌরম অদুদা কেন্দ্রগী হোম সেক্রতরীনা ফোঙখি‍। অনৌবা লোশিং অসিদা য়ুম্ফম ওইদুনা দুর্দরশন্না পুথোকপা দোকুমেন্তরী অমসু শ্রী গোবিন্দ মোহন্না ফোঙখি‍।

থৌরম অদুদা কেন্দ্রগী হোম সেক্রেতরীনা ইং ২০২৩ অমসুং ২০২৪গী প্রেসিদেন্তস মেদল ফোর দিস্তিঙ্গুইস্দ সর্ভিস (PSM) অমসুং প্রেসিদেন্তস মেদল ফোর মেরিতোরিয়স সর্ভিস (MSM) ফংলবা মীওইশিংবু ইকায় খুম্নখি‍।

থৌরমদুদা, দাইরেক্তর জেনেরেল, BPR&D, শ্রী রাজীব কুমার শর্মনা কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত সাহবু ওর্গনাইজেসন অসিদা মহাক্না লেপ্পা নাইদনা মতেঙ পীবিবা অমসুং লমজিবিবগীদমক থাগৎখি‍।

দিপুতী নেস্নেল সিক্যুরিতী এদভাইজর (NSA) শ্রী পঙ্কজ কুমার সিংহ; CRPF, BSF, ITBP, NDRF, RPF, NHRC, NTRO গী দাইরেক্তর জেনেরেলশিং; দাইরেক্তর, NIA; দাইরেক্তর, NCRB; দিল্লী পুলিসকী কম্মিস্নর; DG (এৱার্দ্স) MHA; BPR&Dগী হান্নগী দাইরেক্তর জেনেরেল, অমসুং অতৈ মীওইশিংসু থৌরমদুদা শরুক য়াখি‍।

*****